ನವದೆಹಲಿ: ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ(ಯುಎನ್ಎಸ್ಸಿ) ಖಾಯಂ ಸದಸ್ಯತ್ವಕ್ಕಾಗಿ ಬಹುಕಾಲದಿಂದ ಬೇಡಿಕೆ ಇಟ್ಟುಕೊಂಡು ಬಂದಿರುವ ಭಾರತದ ಪರ ರಷ್ಯಾ ವಿದೇಶಾಂಗ ಸಚಿವ ಲಾವ್ರೋವ್ ಬ್ಯಾಟ್ ಬೀಸಿದ್ದಾರೆ.
ಬುಧವಾರ ರಾಷ್ಟ್ರ ರಾಜಧಾನಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಲಾವ್ರೋವ್, ಭಾರತ ಖಂಡಿತವಾಗಿ ಭದ್ರತಾ ಮಂಡಳಿಯ ಖಾಯಂ ಸದಸ್ಯರಾಗಿರಬೇಕೆಂಬುದನ್ನು ನಾವು ನಂಬಿದ್ದೇವೆ ಎಂದಿದ್ದಾರೆ.
ಆರ್ಥಿಕ ಶಕ್ತಿಯ ಹೊಸ ಕೇಂದ್ರ, ಹಣಕಾಸು ಸುಸ್ಥಿತಿ ಮತ್ತು ರಾಜಕೀಯ ಪ್ರಭಾವವೆಂಬ ವಸ್ತುನಿಷ್ಠ ಪ್ರಕ್ರಿಯೆಗಳು ಜಾಗತಿಕ ಅಭಿವೃದ್ಧಿ ಟ್ರೆಂಡ್ನಲ್ಲಿ ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆದುಕೊಳ್ಳುತ್ತದೆ. ಅವುಗಳಲ್ಲಿ ಭಾರತವು ಒಂದಾಗಿದೆ ಎಂಬುದು ಸ್ಪಷ್ಟವಾಗಿದೆ ಎಂದು ತಿಳಿಸಿದರು.
ಇದೇ ವೇಳೆ ಭಾರತಕ್ಕೆ ಖಾಯಂ ಸದಸ್ಯತ್ವ ನೀಡಲು ಬೆಂಬಲ ನೀಡುವುದಾಗಿ ಲಾವ್ರೋವ್ ಘೋಷಿಸಿದರು. (ಏಜೆನ್ಸೀಸ್)