ಬ್ರಿಸ್ಟಲ್: ಆರಂಭಿಕ ಆಟಗಾರ್ತಿಯರಾದ ಶೆಫಾಲಿ ವರ್ಮ (96ರನ್, 152 ಎಸೆತ, 13 ಬೌಂಡರಿ, 2 ಸಿಕ್ಸರ್) ಹಾಗೂ ಸ್ಮೃತಿ ಮಂದನಾ (78ರನ್, 155ಎಸೆತ, 14 ಬೌಂಡರಿ) ಜೋಡಿಯ ಉತ್ತಮ ಆರಂಭದ ನಡುವೆಯೂ ಭಾರತ ಮಹಿಳಾ ತಂಡ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಎದುರು ದಿಢೀರ್ ಕುಸಿತ ಕಂಡಿತು. ಕೌಂಟಿ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ 6 ವಿಕೆಟ್ಗೆ 269 ರನ್ಗಳಿಂದ 2ನೇ ದಿನದಾಟ ಆರಂಭಿಸಿದ ಇಂಗ್ಲೆಂಡ್ 9 ವಿಕೆಟ್ಗೆ 396 ರನ್ಗಳಿಸಿ ಮೊದಲ ಇನಿಂಗ್ಸ್ಗೆ ಡಿಕ್ಲೇರ್ ಘೋಷಿಸಿತು.
ಇದನ್ನೂ ಓದಿ: ಟೆಸ್ಟ್ ವಿಶ್ವಕಪ್ ಫೈನಲ್ಗೆ ಮುನ್ನಾದಿನವೇ ಆಡುವ 11ರ ಬಳಗ ಪ್ರಕಟಿಸಿದ ಟೀಮ್ ಇಂಡಿಯಾ
ಬಳಿಕ ಮೊದಲ ಸರದಿ ಬ್ಯಾಟಿಂಗ್ ಆರಂಭಿಸಿದ ಭಾರತಕ್ಕೆ ಸ್ಮೃತಿ ಮಂದನಾ -ಶೆಫಾಲಿ ವರ್ಮ ಜೋಡಿ ಉತ್ತಮ ಆರಂಭ ನೀಡಿತು. ಈ ಜೋಡಿ ಮುರಿಯದ ಮೊದಲ ವಿಕೆಟ್ಗೆ 167 ರನ್ ಪೇರಿಸಿತು. ಶೆಫಾಲಿ ಶತಕದಂಚಿನಲ್ಲಿ ಎಡವಿದರೆ, ಇದರ ಬೆನ್ನಲ್ಲೇ ಸ್ಮೃತಿ, ಶಿಖಾ ಪಾಂಡೆ (0), ಮಿಥಾಲಿ ರಾಜ್ (2) ಹಾಗೂ ಪೂನಂ ರಾವತ್ (2) ನಿರಾಸೆ ಅನುಭವಿಸಿದರು. ಕೇವಲ 4 ರನ್ಗಳ ಅಂತರದಲ್ಲಿ ಭಾರತ 4 ವಿಕೆಟ್ ಕೈಚೆಲ್ಲಿತು. ಮೊದಲ ದಿನದಾಟದ ಅಂತ್ಯಕ್ಕೆ 5 ವಿಕೆಟ್ಗೆ 187 ರನ್ ಪೇರಿಸಿದ್ದು, ಇನಿಂಗ್ಸ್ ಮುನ್ನಡೆ ಸಾಧಿಸಲು ಇನ್ನು 209 ರನ್ ಪೇರಿಸಬೇಕಿದೆ.
ಇಂಗ್ಲೆಂಡ್: 9 ವಿಕೆಟ್ಗೆ 396 ಡಿಕ್ಲೇರ್ (ಸೋಫಿಯಾ ಡಂಕ್ಲೆ 74*, ಅನ್ಯಾ ಶ್ರುಬ್ಸೊಲೆ 47, ಸ್ನೇಹಾ ರಾಣಾ 131ಕ್ಕೆ 4, ದೀಪ್ತಿ ಶರ್ಮ 65ಕ್ಕೆ 3), ಭಾರತ: 60 ಓವರ್ಗಳಲ್ಲಿ 5 ವಿಕೆಟ್ಗೆ 187 (ಶೆಫಾಲಿ 96, ಸ್ಮೃತಿ 78, ಹೀದರ್ ನೈಟ್ 1ಕ್ಕೆ 2, ಕೇಟ್ ಕ್ರಾಸ್ 40ಕ್ಕೆ 1).
England finish day two on top with five wickets in the final session despite solid fifties from Smriti Mandhana and Shafali Verma.
The visitors go to stumps on 187/5, trailing by 209.#ENGvIND | https://t.co/Vzg0fwYsnc pic.twitter.com/DZgtB9ujNH
— ICC (@ICC) June 17, 2021