ಬೆಂಗಳೂರು: ಬೆಂಗಳೂರು ಗ್ರಾಮಾಂತರ ಜಿಲ್ಲೆ ನೆಲಮಂಗಲದ ತುಮಕೂರು ಹೆದ್ದಾರಿ 48ರಲ್ಲಿ ಬೈಕ್ ಮತ್ತು ಫಾರ್ಚೂನರ್ ಕಾರಿನ ನಡುವೆ ಭೀಕರ ಅಪಘಾತ ಇಂದು ಸಂಭವಿಸಿದೆ.
ಘಟನೆಯಲ್ಲಿ ಬೈಕ್ ಸಂಪೂರ್ಣ ನಜ್ಜುಗುಜ್ಹಾಗಿದ್ದು ಸವಾರ ಗಾಯಗೊಂಡಿದ್ದಾರೆ. ನೆಲಮಂಗಲ ತಾಲ್ಲೂಕು ಷರಾಪುರಪಾಳ್ಯದ ಸಿದ್ದಪ್ಪ (55) ಗಂಭೀರ ಗಾಯಗೊಂಡ ಬೈಕ್ ಸವಾರ. ಅಪಘಾತದ ಬಳಿಕ ಫಾರ್ಚ್ಯೂನರ್ ಕಾರ್ ಚಾಲಕ ಪರಾರಿಯಾಗಿದ್ದಾನೆ.
ಅಪಘಾತಕ್ಕೀಡಾದ KA 24M 4365 ಈ ಫಾರ್ಚ್ಯೂನರ್ ಕಾರಿನಲ್ಲಿ ಹಗರಿಬೊಮ್ಮನಹಳ್ಳಿ ವಿಧಾನಸಭಾ ಕ್ಷೇತ್ರದ ಶಾಸಕ ಭೀಮಾ ನಾಯ್ಕ್ ಅವರಿಗೆ ಸಂಬಂಧಪಟ್ಟ KA29N1221 ವಾಹನದ ಪಾಸ್ ದೊರೆತಿದೆ. ಆದ್ರೆ ಈ ವಾಹನದಲ್ಲಿ ಸಿಕ್ಕ ಶಾಸಕರ ಪಾಸಿಗೂ ವಾಹನದ ಮಾಲೀಕನಿಗೂ ನಂಟೇನು, ಅವರ ಪಾಸ್ ಅಲ್ಲಿಗೆ ಏಕೆ ಬಂತು ಎಂಬುದು ಪ್ರಕರಣ ದಾಖಲಿಸಿಕೊಂಡ ನೆಲಮಂಗಲ ಸಂಚಾರಿ ಠಾಣಾ ಪೊಲೀಸರ ಪೂರ್ಣ ತನಿಖೆಯ ನಂತರವೇ ತಿಳಿಯಬೇಕಿದೆ.