ಇಸ್ಲಾಮಾಬಾದ್: ಪಾಕಿಸ್ತಾನ ಉಗ್ರರಿಗೆ ಸ್ವರ್ಗವಾಗಿದೆ ಎಂದು ಅಮೆರಿಕ ಘೋಷಿಸಿದ ಬೆನ್ನಲ್ಲೇ, ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಅದಕ್ಕೆ ಸಮ್ಮತಿ ಸೂಚಿಸುವಂತೆಯೇ ನಡೆದುಕೊಂಡಿದ್ದಾರೆ.
ಅಲ್ಕೈದಾ ಮುಖ್ಯಸ್ಥ, ಜಾಗತಿಕ ಉಗ್ರ ಒಸಮಾ ಬಿನ್ ಲಾಡೆನ್ನನ್ನು ಸಂಸತ್ ಕಲಾಪದಲ್ಲಿ ಹುತಾತ್ಮ ಎಂದು ಕರೆದಿದ್ದಾರೆ. ಭಯೋತ್ಪಾದನೆ ವಿರುದ್ಧ ಸಮರದಲ್ಲಿ ಪಾಕಿಸ್ತಾನ ಸಾವಿರಾರು ಜೀವಗಳನ್ನು ಕಳೆದುಕೊಂಡಿದೆ. ಹೀಗಿದ್ದರೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪಾಕಿಸ್ತಾನವನ್ನು ಹೀಗಳೆಯಲಾಗುತ್ತಿದೆ ಎಂದೂ ಇಮ್ರಾನ್ ಖಾನ್ ನೋವು ತೋಡಿಕೊಂಡಿದ್ದಾರೆ.
ಇದನ್ನೂ ಓದಿ: ಪರೀಕ್ಷೆ ಇರಲಿ; ಸಾರ್ವತ್ರಿಕ ಚುನಾವಣೆಯನ್ನೇ ನಡೆಸಲು ಮುಂದಾಗಿದೆ ಈ ದೇಶ
ಭಯೋತ್ಪಾದನೆ ವಿರುದ್ಧ ಸಮರದಲ್ಲಿ ನಾವು ಅಮೆರಿಕಕ್ಕೆ ನೆರವು ನೀಡಿದೆವು. ಅದರಿಂದಾಗಿಯೇ ಅವಮಾನ ಎದುರಿಸಬೇಕಾಯಿತು. ಅಫಘಾನಿಸ್ತಾನದಲ್ಲಿ ಅವರು ಯಶಸ್ವಿಯಾಗದಿದ್ದರೂ ಅದಕ್ಕೂ ಪಾಕಿಸ್ತಾನವನ್ನೇ ಹೊಣೆಯಾಗಿಸುತ್ತಾರೆ ಎಂದು ಇಮ್ರಾನ್ ಹೇಳಿದ್ದಾರೆ.
ಅಬೋಟಾಬಾದ್ನಲ್ಲಿ ಅಮೆರಿಕದವರು ಒಸಾಮಾ ಬಿನ್ ಲಾಡೆನ್ನನ್ನು ಹುತಾತ್ಮರಾಗಿಸಿದರು. ಆ ಬಳಿಕ ಏನಾಯ್ತು? ಇಡೀ ಜಗತ್ತೇ ನಮ್ಮನ್ನು ನಿಂದಿಸಿತು. ನಮ್ಮ ಅನುಮತಿ ಇಲ್ಲದೇ, ನಮ್ಮ ನೆಲಕ್ಕೆ ಬಂದು ಹತ್ಯೆಗೈದದ್ದು ಭಾರಿ ಅವಮಾನದ ಸಂಗತಿ ಎಂದು ಇಮ್ರಾನ್ ಉದಾಹರಣೆ ನೀಡಿದರು.
ಇನ್ನೊಂದು ನಿದರ್ಶನದಲ್ಲಿ, ಪಾಕ್ ನೆಲದಲ್ಲಿ ಡ್ರೋನ್ ದಾಳಿ ನಡೆಸಿ ಮತ್ತೆ ಅವಮಾನಿಸಿದರು ಎಂದು ಇಮ್ರಾನ್ ಹೇಳಿದರು. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ, ಪಾಕ್ನ ಪ್ರತಿಪಕ್ಷಗಳು ಹಾಗೂ ನೆಟ್ಟಿಗರು ಇಮ್ರಾನ್ ನಡೆಯನ್ನು ಖಂಡಿಸಿದ್ದಾರೆ.
ಇದನ್ನೂ ಓದಿ: ಭಾರತದ್ದೇ ದಿಗ್ವಿಜಯ; ಗಲ್ವಾನ್ನಿಂದ ಗೊಗ್ರಾವರೆಗೆ ವಾಸ್ತವ ಗಡಿರೇಖೆಯಿಂದ ಚೀನಿಯರನ್ನು ಹೊರಗಟ್ಟಿದ ಸೇನೆ
ಒಸಮಾ ಬಿನ್ ಲಾಡೆನ್ ಪ್ರಧಾನಿಗಳ ಪಾಲಿಗೆ ಹಿರೋ ಆಗಿರಬಹುದು. ಆದರೆ, ದೇಶಕ್ಕಲ್ಲ ಎಂದು ಟೀಕಿಸಿದ್ದಾರೆ. ಒಸಮಾನನ್ನು ಈ ಹಿಂದೆಯೂ ಇಮ್ರಾನ್ ಖಾನ್ ಶ್ಲಾಘಿಸಿದ್ದರು. ತಮ್ಮ ಹೇಳಿಕೆಗೆ ಇಮ್ರಾನ್ ಸ್ಪಷ್ಟನೆಯನ್ನೂ ನೀಡಿಲ್ಲ.
ಕರೊನಾದಷ್ಟೇ ಮಾರಕವಾಗಿದ್ದ ಈ ಕಾಯಿಲೆ ಕೊನೆಗೂ ತೊಲಗಿದೆ…!