ಒಂದು ಹೆಣ್ಣು ಹುಲಿ ಮರವೊಂದನ್ನು ತುಂಬ ಆತ್ಮೀಯತೆಯಿಂದ ಅಪ್ಪಿಕೊಂಡಿರುವ ಫೋಟೋಕ್ಕೆ ವಿಶ್ವದ ಪ್ರತಿಷ್ಠಿತ ಛಾಯಾಗ್ರಹಣ ಪ್ರಶಸ್ತಿ ಲಭಿಸಿದೆ. ಈ ಫೋಟೋ ದೂರದ ಸೈಬೀರಿಯನ್ ಕಾಡಿನಲ್ಲಿ ಕ್ಲಿಕ್ಕಿಸಿದ್ದು.
ರಷ್ಯಾದ ಖ್ಯಾತ ಫೋಟೋಗ್ರಾಫರ್ ಸೆರ್ಗೆ ಗೋರ್ಷ್ಕೋವ್ ಎಂಬುವರು ಈ ಫೋಟೋ ತೆಗೆದಿದ್ದಾರೆ. ಹುಲಿ ಮರವನ್ನು ಬಿಗಿದಪ್ಪುವ ಕ್ಷಣದ ಫೋಟೋ ಕ್ಲಿಕ್ಕಿಸಲು 11 ತಿಂಗಳು ಶ್ರಮ ಪಟ್ಟಿದ್ದಾರೆ. ಹಿಡನ್ ಕ್ಯಾಮರಾಗಳನ್ನಿಟ್ಟು, ತಾಳ್ಮೆಯಿಂದ ಕಾದು ಅದ್ಭುತ ಫೋಟೋ ಕ್ಲಿಕ್ಕಿಸಿರುವ ಅವರೀಗ 2020ರ ಅತ್ಯುನ್ನತ ವೈಲ್ಡ್ಲೈಫ್ ಫೋಟೋಗ್ರಾಫರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಲಂಡನ್ನ ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂನಲ್ಲಿ ನಡೆದ ಸಮಾರಂಭದಲ್ಲಿ ಡಚೆಸ್ ಆಫ್ ಕೇಂಬ್ರಿಜ್ ಅವರಿಂದ ಗೋರ್ಷ್ಕೋವ್ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ.
ಹುಲಿಯ ಭಾವನಾತ್ಮಕ ಅಪ್ಪುಗೆಯ ಚಿತ್ರವನ್ನು ನಿರ್ಣಾಯಕ ಸಮಿತಿಯ ಅಧ್ಯಕ್ಷರಾದ ರೋಜ್ ಕಿಡ್ಮನ್ ಕಾಕ್ಸ್ ಅವರು, ಇದೊಂದು ಮಾಂತ್ರಿಕ ಕಾಡಿನಲ್ಲಿನ ನಿಕಟವಾದ ಕ್ಷಣವೊಂದರ ವಿಶಿಷ್ಟ ನೋಟ ಎಂದು ವರ್ಣಿಸಿದ್ದಾರೆ. ಇದೊಂದು ಫೋಟೋ ನೂರು ಕತೆ ಹೇಳುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. (ಏಜೆನ್ಸೀಸ್)
‘ಇಲ್ಲಿರುವ ತರುಣರು..ಸುಂದರ ಮಹಿಳೆಯರನ್ನು ಚುಂಬಿಸಬೇಕು ಎನ್ನಿಸುತ್ತಿದೆ’ ಎಂದ್ರು ಡೊನಾಲ್ಡ್ ಟ್ರಂಪ್