ಚೆನ್ನೈ: ಇಳಯದಳಪತಿ ವಿಜಯ್ ಕಾಲಿವುಡ್ನ ಪ್ರಮುಖ ನಟರಲ್ಲೊಬ್ಬರು. ಕೆಲವು ತಿಂಗಳ ಹಿಂದೆ ಬಿಡುಗಡೆಯಾಗಿ ಗಲ್ಲಾಪೆಟ್ಟಿಗೆಯಲ್ಲಿ ಧೂಳೆಬ್ಬಿಸಿದ “ಬಿಗಿಲ್” ಚಿತ್ರದ ನಿರ್ಮಾಪಕ ಎಜಿಎಸ್ ಎಂಟರ್ಟೈನ್ಮೆಂಟ್ ಆ್ಯಂಡ್ ಫೈನಾನ್ಶಿಯರ್ ಅಂಬು ಚೆಜಿಯನ್ ಕಚೇರಿ ಹಾಗೂ ನಿವಾಸದ ಮೇಲೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದರು. ಇದಕ್ಕೆ ಸಂಬಂಧಿಸಿದಂತೆ ಚೆನ್ನೈನಲ್ಲಿರುವ ವಿಜಯ್ ನಿವಾಸದ ಮೇಲೂ ದಾಳಿ ನಡೆದಿತ್ತು.
ಇತ್ತೀಚೆಗಷ್ಟೇ ಐಟಿ ಅಧಿಕಾರಿಗಳು ವಿಜಯ್ ಮನೆ ಮೇಲೆ ಮತ್ತೆ ದಾಳಿ ಶೋಧ ಕಾರ್ಯಾಚರಣೆಗೆ ತಿಲಾಂಜಲಿ ಹಾಡಿದ್ದರು. ವಿಜಯ್ ಅಕೌಂಟ್ಸ್ಗಳನ್ನು ಪರಿಶೀಲಿಸಿದ ಅಧಿಕಾರಿಗಳಿಗೆ ಹಿಂದಿನ “ಬಿಗಿಲ್” ಮತ್ತು ಮುಂದಿನ “ಮಾಸ್ಟರ್” ಚಿತ್ರಗಳ ಬಗ್ಗೆ ಸ್ಪೋಟಕ ಮಾಹಿತಿ ಬಹಿರಂಗವಾಗಿದೆ. ವಿಶೇಷವೆಂದರೆ ಎರಡು ಚಿತ್ರಗಳಿಗೆ ಪಡೆದಿರುವ ಸಂಭಾವನೆಗೆ ವಿಜಯ್ ತೆರಿಗೆ ಕೂಡ ಸಂದಾಯ ಮಾಡಿದ್ದಾರೆ. ಹೀಗಾಗಿ ಐಟಿ ಅಧಿಕಾರಿಗಳ ತನಿಖೆಯಿಂದ ವಿಜಯ್ಗೆ ದೊಡ್ಡ ರಿಲೀಫ್ ಸಿಕ್ಕಂತಾಗಿದೆ.
ಐಟಿ ಅಧಿಕಾರಿಯೊಬ್ಬರು ಮಾಧ್ಯಮಗಳಿಗೆ ನೀಡಿರುವ ಹೇಳಿಕೆ ಪ್ರಕಾರ ವಿಜಯ್ ಬಿಗಿಲ್ ಚಿತ್ರಕ್ಕೆ 50 ಕೋಟಿ ರೂ. ಮತ್ತು ಮುಂದಿನ ಮಾಸ್ಟರ್ ಚಿತ್ರಕ್ಕೆ ಬರೋಬ್ಬರಿ 80 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ.
ಮುಂದುವರಿದು ಮಾತನಾಡಿದ ಅಧಿಕಾರಿ ಸದ್ಯ ಶೋಧ ಕಾರ್ಯ ಮುಕ್ತಾಯವಾಗಿದೆ. ಮೂವರಿಗೆ ಸಂಬಂಧಿಸಿದ ದಾಖಲೆಗಳನ್ನು ಪರಿಶೀಲಿಸಲು ಆರಂಭಿಸಬೇಕಿದೆ. ಈ ಹಿಂದೆ ವಿಜಯ್ ಮತ್ತು ಅವರ ಕುಟುಂಬವರು ಹೂಡಿರುವ ಬಂಡವಾಳದ ಬಗ್ಗೆ ಸಂಶಯವಿದೆ ಎಂದು ತಿಳಿಸಿದ್ದಾರೆ.
ಕಳೆದ ಫೆಬ್ರವರಿಯಲ್ಲಿ ನಿರ್ಮಾಪಕ ಅಂಬು ಚೆಜಿಯನ್ ನಿವಾಸದಲ್ಲಿ ಬರೋಬ್ಬರಿ 77 ಕೋಟಿ ರೂ. ಅನ್ನು ಐಟಿ ಅಧಿಕಾರಿಗಳು ವಶಪಡಿಸಿಕೊಂಡಿದ್ದರು. ಬಿಗಿಲ್ ಬಾಕ್ಸ್ ಆಫೀಸ್ ಗಳಿಕೆಯ ಆಧಾರದ ಮೇಲೆ ದಾಳಿ ಮಾಡಲಾಗಿತ್ತು. ಬಿಗಿಲ್ 300 ಕೋಟಿ ರೂ. ಗುರಿಯನ್ನು ಮುಟ್ಟಿದೆ ಎಂದು ಎಲ್ಲೆಡೆ ಸುದ್ದಿಯಾಗಿತ್ತು. (ಏಜೆನ್ಸೀಸ್)
ನನ್ನ ಬರ್ತ್ಡೇಗೆ ಇದೇ ಗಿಫ್ಟ್ ಕೊಡಿ ಎಂದು ಅಭಿಮಾನಿಗಳಲ್ಲಿ ಕೇಳಿಕೊಂಡ ಅಪ್ಪು
ದಿಯಾ, ಲವ್ ಮಾಕ್ಟೇಲ್ ಅಮೇಜಾನ್ನಲ್ಲಿ: ಆನ್ಲೈನ್ನಲ್ಲಿ ಭರ್ಜರಿ ಮೆಚ್ಚುಗೆ