ಏಷ್ಯಾಡ್​ನಲ್ಲಿ ತೃತೀಯ ಲಿಂಗಿಯಿಂದ ಪದಕ ತಪ್ಪಿತು, 4ನೇ ಸ್ಥಾನಿ ಸ್ವಪ್ನಾ ಆರೋಪ!

ಹಾಂಗ್​ರೆೌ: ಏಷ್ಯನ್​ ಗೇಮ್ಸ್​ನಲ್ಲಿ ಮಹಿಳೆಯರ ಹೆಪ್ಟಾಥ್ಲಾನ್​ನಲ್ಲಿ 4ನೇ ಸ್ಥಾನಕ್ಕೆ ತೃಪ್ತಿಪಟ್ಟ ಭಾರತದ ಅಥ್ಲೀಟ್​ ಸ್ವಪ್ನಾ ಬರ್ಮನ್​, ಸ್ಪರ್ಧೆಯಲ್ಲಿ ಭಾಗವಹಿಸಿದ ತೃತೀಯ ಲಿಂಗಿಯಿಂದಾಗಿ ತನಗೆ ಕಂಚಿನ ಪದಕ ತಪ್ಪಿತು ಎಂದು ದೂರಿದ್ದಾರೆ. ಈ ಮೂಲಕ ಕಂಚು ವಿಜೇತ ದೇಶಬಾಂಧವೆ ಅಥ್ಲೀಟ್​ ನಂದಿನಿ ಅಗಸರ ವಿರುದ್ಧವೇ ಆರೋಪ ಮಾಡಿ ವಿವಾದ ಸೃಷ್ಟಿಸಿದ್ದಾರೆ.

ಸ್ವಪ್ನಾ 2018ರ ಏಷ್ಯಾಡ್​ನಲ್ಲಿ ಚಿನ್ನ ಗೆದ್ದಿದ್ದರು. "ಅಥ್ಲೆಟಿಕ್ಸ್​ ನಿಯಮ ಪ್ರಕಾರ ತೃತೀಯ ಲಿಂಗಿಗೆ ಮಹಿಳೆಯರ ವಿಭಾಗದಲ್ಲಿ ಭಾಗವಹಿಸಲು ಅವಕಾಶ ನೀಡಬಾರದಿತ್ತು' ಎಂದೂ "ಎಕ್ಸ್​'ನಲ್ಲಿ ಸೋಮವಾರ ಪೋಸ್ಟ್​ ಹಾಕಿದ ಸ್ವಪ್ನಾ, ಬಳಿಕ ಅದನ್ನು ಡಿಲೀಟ್​ ಮಾಡಿದರು. ಪ್ರತಿಯಾಗಿ 20 ವರ್ಷದ ನಂದಿನಿ ಕೂಡ ಸ್ವಪ್ನಾ ತನ್ನ ಆರೋಪಗಳಿಗೆ ಸಾಕ್ಷ್ಯ ನೀಡಲಿ ಎಂದಿದ್ದಾರೆ. ನಂದಿನಿಗೆ ಇದು ಚೊಚ್ಚಲ ಅಂತಾರಾಷ್ಟ್ರೀಯ ಪದಕವಾಗಿದೆ.

ಭಾರತೀಯ ಅಥ್ಲೆಟಿಕ್ಸ್​ ಒಕ್ಕೂಟ (ಎಎಫ್​ಐ) ಈ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದೆ. ಈ ವರ್ಷ ಮಾರ್ಚ್​ 31ರಿಂದ ಜಾರಿಗೆ ಬಂದಿರುವ ವಿಶ್ವ ಅಥ್ಲೆಟಿಕ್ಸ್​ ನಿಯಮ ಪ್ರಕಾರ, "ಪುರುಷ ಪ್ರೌಢಾವಸ್ಥೆ' ಕ್ರೀಡಾಪಟುಗಳು ಮಹಿಳೆಯರ ವಿಭಾಗದ ಸ್ಪರ್ಧೆಗಳಲ್ಲಿ ಭಾಗವಹಿಸುವಂತಿಲ್ಲ.

https://www.vijayavani.net/ish-sodhi-run-out-by-bangladesh-star-at-non-strikers-end-still-stays-on-not-out