ನವದೆಹಲಿ: ದೇಶಕ್ಕೆ ಕರೊನಾ ವೈರಾಣುಗಿಂತ ಜಮಾತಿಗಳು ಬಹುದೊಡ್ಡ ಅಪಾಯ ಎಂದು ತಾವು ಟ್ವೀಟ್ ಮಾಡಿದ ಕ್ರಮವನ್ನು ಮಹಿಳಾ ಕುಸ್ತಿಪಟು ಬಬಿತಾ ಪೊಗಾಟ್ ಸಮರ್ಥಿಸಿಕೊಂಡಿದ್ದಾರೆ.
ನಾನು ಯಾವುದೇ ತಪ್ಪು ಮಾಡಿಲ್ಲ, ನಾನು ಸತ್ಯವನ್ನೇ ಹೇಳಿದ್ದೇನೆ ಎಂದು ಹೇಳುವ ಮೂಲಕ ಮತೀಯ ಸೌಹಾರ್ದತೆ ಕದಡುವ ಟ್ವೀಟ್ ಮಾಡಿದ್ದರಿಂದ, ಬಬಿತಾ ಪೊಗಾಟ್ ಅವರ ಟ್ವಿಟರ್ ಖಾತೆ ರದ್ದುಗೊಳಿಸಬೇಕು ಎಂದು ಆಗ್ರಹಿಸುವವರಿಗೆ ತಿರುಗೇಟು ನೀಡಿದ್ದಾರೆ.
ಕರೊನಾ ವೈರಾಣು ದೇಶದ ನಂ.2ನೇ ಸಮಸ್ಯೆ. ಮೊದಲನೇ ಸಮಸ್ಯೆ ಅನಾಗರಿಕ ಜಮಾತಿಗಳು ಎಂದು ಬಬಿತಾ ಟ್ವೀಟ್ ಮಾಡಿದ್ದರು. ಅವರ ಈ ಟ್ವೀಟ್ ಭಾರಿ ಚರ್ಚೆಗಳನ್ನು ಹುಟ್ಟುಹಾಕಿತ್ತು. ಜತೆಗೆ ಕೆಲವರು ಟ್ವಿಟರ್ನಲ್ಲಿ ಬಬಿತಾ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದರು. ಅಲ್ಲದೆ, ಅವರ ಟ್ವಿಟರ್ ಖಾತೆ ರದ್ದುಗೊಳಿಸಲು ಆಗ್ರಹಿಸಿ #SuspendBabitaPhogat ಎಂಬ ಅಭಿಯಾನ ಆರಂಭಿಸಿದ್ದರು. ಇದು ಶುಕ್ರವಾರ ಬೆಳಗ್ಗೆಯಿಂದಲೂ ಭಾರಿ ಟ್ರೆಂಡ್ನಲ್ಲಿತ್ತು.
ಇದೀಗ ತಮ್ಮ ಟ್ವೀಟ್ ಅನ್ನು ಸಮರ್ಥಿಸಿಕೊಂಡು ಶುಕ್ರವಾರ ಮತ್ತೊಂದು ಟ್ವೀಟ್ ಮಾಡಿರುವ ಬಬಿತಾ ಪೊಗಾಟ್, ಟ್ವಿಟರ್ ಮತ್ತು ಫೇಸ್ಬುಕ್ನಲ್ಲಿ ಭಾರಿ ಬೆದರಿಕೆಗಳು ಬರುತ್ತಿವೆ ಎಂದು ಹೇಳಿದ್ದಾರೆ.
ನಾನು ಜಹೀರಾ ವಸೀಂ ಅಲ್ಲ, ನಿಮ್ಮ ಬೆದರಿಕೆ ಸಂದೇಶಗಳಿಗೆ ಅಂಜುವುದಿಲ್ಲ. ನಾನು ಬಬಿತಾ ಪೊಗಾಟ್. ನಾನು ಸದಾ ನನ್ನ ದೇಶಕ್ಕಾಗಿ ಹೋರಾಡುವುದನ್ನು ಮುಂದುವರಿಸುತ್ತೇನೆ ಎಂದು ತಮ್ಮ ಟ್ವಿಟರ್ ವಿಡಿಯೋ ಸಂದೇಶದಲ್ಲಿ ಅಬ್ಬರಿಸಿದ್ದಾರೆ.
ತಬ್ಲಿಘಿ ಜಮಾತ್ನ ಮಂದಿ ದೇಶಾದ್ಯಂತ ಕರೊನಾ ಸೋಂಕನ್ನು ಹಬ್ಬಿಸದಿರದಿದ್ದರೆ, ಈ ವೇಳೆಗಾಗಲೆ ಲಾಕ್ಡೌನ್ ತೆರವುಗೊಂಡು, ಜನರು ಎಂದಿನಂತೆ ಸಾಮಾನ್ಯವಾಗಿ ಜೀವನ ಸಾಗಿಸುತ್ತಿದ್ದರು. ನಾನು ಯಾವುದೇ ತಪ್ಪು ಹೇಳಿಕೆ ನೀಡಿಲ್ಲ. ನಾನು ಸತ್ಯವನ್ನೇ ಹೇಳಿದ್ದೇನೆ ಎಂದು ಹೇಳುವ ಮೂಲಕ ವಿಡಿಯೋ ಸಂದೇಶವನ್ನು ಮುಗಿಸಿದ್ದಾರೆ.
#SuspendBabitaPhogat ಅಭಿಯಾನಕ್ಕೆ ವಿರುದ್ಧವಾಗಿ #ISupportBabita ಎಂಬ ಅಭಿಯಾನವೂ ಆರಂಭವಾಗಿದ್ದು, ಇದು ಕೂಡ ಭಾರಿ ಟ್ರೆಂಡಿಂಗ್ನಲ್ಲಿದೆ.
ಗೀತಾ ಮತ್ತು ಬಬಿತಾ ಪೊಗಾಟ್ ಅವರ ಜೀವನಾಧಾರಿತವಾದ ದಂಗಲ್ ಸಿನಿಮಾದಲ್ಲಿ ಬಬಿತಾ ಅವರ ಅಕ್ಕ ಗೀತಾ ಪೊಗಾಟ್ ಅವರ ಪಾತ್ರದಲ್ಲಿ ಜಹೀರಾ ವಾಸೀಂ ಅವರು ಕಾಣಿಸಿಕೊಂಡಿದ್ದರು.
ಇಂಥವರೂ ಇರ್ತಾರೆ ನೋಡಿ! ವೈಜ್ಞಾನಿಕವಾಗಿ ವಿಲೇವಾರಿ ಮಾಡದೆ ಪಿಪಿಇ ಕಿಟ್ ರಸ್ತೆ ಬದಿ ಎಸೆದು ಹೋದ ಆಂಬುಲೆನ್ಸ್ ಚಾಲಕ