ಹೈದರಾಬಾದ್: ಕರೊನಾ ಲಾಕ್ಡೌನ್ನಿಂದಾಗಿ ಮಕ್ಕಳ ಶಿಕ್ಷಣದ ಮೇಲೆ ಕೂಡ ಪ್ರಭಾವ ಬಿದ್ದಿದೆ. ವಿದ್ಯಾರ್ಥಿಗಳ ಓದು-ಪಠ್ಯಕ್ರಮಗಳು ನಡೆಯುತ್ತಿಲ್ಲ. ಆದರೆ ಈ 51 ವರ್ಷದ ವ್ಯಕ್ತಿಯ ಪಾಲಿಗೆ ಲಾಕ್ಡೌನ್ ವರದಾನವಾಗಿದೆ.
ಕಳೆದ 33ವರ್ಷಗಳಿಂದಲೂ ಹತ್ತನೇ ಕ್ಲಾಸ್ ಪರೀಕ್ಷೆ ಬರೆಯುತ್ತ, ಫೇಲ್ ಆಗುತ್ತಿದ್ದ 51 ವರ್ಷದ ಹೈದರಾಬಾದ್ನ ಈ ಮೊಹಮ್ಮದ್ ನೂರುದ್ದೀನ್ ಅವರು ಈ ಬಾರಿ ಉತ್ತೀರ್ಣರಾಗಿದ್ದಾರೆ.
ಕಳೆದ 33 ವರ್ಷಗಳಿಂದಲೂ 10ನೇ ಕ್ಲಾಸ್ ಪರೀಕ್ಷೆ ಬರೆಯುತ್ತಿದ್ದೆ. ಆದರೆ ಉತ್ತೀರ್ಣನಾಗುತ್ತಿರಲಿಲ್ಲ. ಆದರೆ ಈ ಬಾರಿಯ ಪರೀಕ್ಷೆಯಲ್ಲಿ ಪಾಸಾಗಿದ್ದೇನೆ ಎಂದು ತಿಳಿಸಿದ್ದಾರೆ. ಆದರೆ ಇಲ್ಲಿ ಕೂಡ ಅವರು ನಿಜವಾಗಿಯೂ ಉತ್ತೀರ್ಣರಾಗಿದ್ದಾರೋ ಇಲ್ಲವೋ ಗೊತ್ತಿಲ್ಲ. ಕೊವಿಡ್-19ನಿಂದ ಶಿಕ್ಷಣ ವ್ಯವಸ್ಥೆ ಕೂಡ ಏರುಪೇರಾಗಿದೆ. ಹಾಗಾಗಿ ತೆಲಂಗಾಣ ಸರ್ಕಾರ ಯಾವ ಮಕ್ಕಳನ್ನೂ ಅನುತ್ತೀರ್ಣ ಮಾಡದೆ, ಸಾಮೂಹಿಕವಾಗಿ ಪಾಸ್ ಮಾಡಿದೆ. ಇದನ್ನೂ ಓದಿ: ರಾಮಮಂದಿರ ಭೂಮಿಪೂಜೆ ವೀಕ್ಷಿಸಲು ದೆಹಲಿಯಾದ್ಯಂತ ಎಲ್ಇಡಿ ಸ್ಕ್ರೀನ್ಗಳ ಅಳವಡಿಕೆಗೆ ಮುಂದಾದ ಬಿಜೆಪಿ
ನನಗೆ ಇಂಗ್ಲಿಷ್ ಸರಿಯಾಗಿ ಬರುವುದಿಲ್ಲ. ಆದರೆ ಕಲಿಸಲು ಯಾರೂ ಇರಲಿಲ್ಲ. ಟ್ಯೂಷನ್ಗೂ ಹೋದವನಲ್ಲ. ಆದರೆ ಈ ಬಾರಿ ನಾನು ನನ್ನ ಸಹೋದರ, ಸೋದರಿಯ ನೆರವಿನಿಂದ ಕೈಲಾದಷ್ಟು ಅಭ್ಯಾಸ ಮಾಡಿದ್ದೆ. ನಾನು ಸೆಕ್ಯೂರಿಟಿ ಗಾರ್ಡ್ ಜಾಬ್ಗಾಗಿ ಹಲವು ಕಡೆ ಅಪ್ಲೈ ಮಾಡಿದ್ದೆ. ಆದರೆ ಎಲ್ಲ ಕಡೆಗೂ 10ನೇ ಕ್ಲಾಸ್ ಉತ್ತೀರ್ಣ ಆಗಿರುವ ಅಂಕಪಟ್ಟಿ ಕೇಳುತ್ತಿದ್ದರು. ಆ ಕಾರಣಕ್ಕೇ ನಾನು 33 ವರ್ಷಗಳಿಂದಲೂ ಪರೀಕ್ಷೆ ಬರೆಯಲು ಪ್ರಯತ್ನಿಸಿದ್ದರು ಎಂದು ಮೊಹಮ್ಮದ್ ತಿಳಿಸಿದ್ದಾರೆ.
ಆದರೂ 1989ರಲ್ಲಿ ಒಂದು ಕಡೆ ಸೆಕ್ಯೂರಿಟಿ ಗಾರ್ಡ್ ಕೆಲಸ ಸಿಕ್ಕಿತು. ನನಗೆ 7000 ರೂ.ಸಂಬಳ ಬರುತ್ತದೆ. ನಾಲ್ವರು ಮಕ್ಕಳು ಇದ್ದಾರೆ. ಆದರೂ ಪರೀಕ್ಷೆ ಬರೆಯುವುದನ್ನು ಬಿಟ್ಟಿರಲಿಲ್ಲ ಎಂದು ತಿಳಿಸಿದರು.
ಇಷ್ಟಕ್ಕೇ ಮುಗಿಯುವುದಿಲ್ಲ. ನಾನು ನನ್ನ ವಿದ್ಯಾಭ್ಯಾಸವನ್ನು ಮುಂದುವರಿಸುತ್ತೇನೆ. ಗ್ರಾಜ್ಯುಯೇಶನ್ ಮಾಡುತ್ತೇನೆ. ಕಾರಣ ಶಿಕ್ಷಣವಂತರಿಗೆ ಎಲ್ಲ ಕಡೆಯೂ ಗೌರವ ಸಿಗುತ್ತದೆ ಎಂದಿದ್ದಾರೆ. (ಏಜೆನ್ಸೀಸ್)
ಪಂಜಾಬ್ನಲ್ಲಿ ಮಾರುಕಟ್ಟೆಗೆ ಬಂತು ಹೊಸ ಇಮ್ಯೂನಿಟಿ ಬೂಸ್ಟರ್ ಹಾಲು…!