ಬೆಂಗಳೂರು: ಕರೊನಾ ವೈರಸ್ ಭಾರತೀಯರಿಗೆ ಎಷ್ಟರ ಮಟ್ಟಿಗೆ ಸಮಸ್ಯೆಯಾಗಿ ಕಾಡುತ್ತಿದೆಯೋ ಅದಕ್ಕಿಂತ ದೊಡ್ಡ ಸಮಸ್ಯೆಯಾಗಿ ಕಾಡುತ್ತಿರುವುದು ಕರೊನಾ ಕಾಲರ್ ಟ್ಯೂನ್. ಅದರಿಂದ ತಪ್ಪಿಸಿಕೊಳ್ಳುವುದಕ್ಕೆ ಕಾಯುತ್ತಿರುವವರಿಗೆ ಇಲ್ಲಿದೆ ಒಂದು ಮಾರ್ಗ.
ಜಿಯೋ, ಏರ್ಟೆಲ್, ಬಿಎಸ್ಎನ್ಎಲ್ ಟೆಲಿಕಾಂ ಸಂಸ್ಥೆಗಳು ತಮ್ಮ ಗ್ರಾಹಕರ ಕಾಲರ್ ಟ್ಯೂನ್ನಲ್ಲಿ ಜನರಿಗೆ ಕರೊನಾ ಬಗ್ಗೆ ಮುನ್ನೆಚ್ಚರಿಕೆಯನ್ನು ನೀಡಲಾರಂಭಿಸಿವೆ. ಯಾರಿಗಾದರೂ ತುರ್ತಾಗಿ ಕರೆ ಮಾಡಬೇಕೆಂದರೆ ನೀವು ಈ ಕಾಲರ್ ಟ್ಯೂನ್ನಿಂದಾಗಿ ಎರಡು ನಿಮಿಷ ಕಾಯಲೇಬೇಕಾದ ಪರಿಸ್ಥಿತಿ ಉಂಟಾಗಿದೆ. ಈ ಕಾಲರ್ ಟ್ಯೂನ್ ಬಗ್ಗೆ ಅನೇಕ ಚರ್ಚೆಗಳು ನಡೆಯುತ್ತಿದ್ದು, ಇದೀಗ ಅದರಿಂದ ಪಾರಾಗುವುದಕ್ಕೂ ಒಂದು ಮಾರ್ಗವನ್ನು ಹುಡುಕಲಾಗಿದೆ.
ಯಾರಿಗಾದರೂ ಕರೆ ಮಾಡುವಾಗ ಕರೊನಾ ಕಾಲರ್ ಟ್ಯೂನ್ ಬರಲಾರಂಭಿಸಿದರೆ, ತಕ್ಷಣ ನಿಮ್ಮ ಮೊಬೈಲ್ನಲ್ಲಿ ಕೀಪ್ಯಾಡ್ ತೆರೆಯಿರಿ. ಕೀಪ್ಯಾಡ್ನಲ್ಲಿ 1ನ್ನು ಒತ್ತುವುದರಿಂದ ನಿಮ್ಮ ಕರೊನಾ ಕಾಲರ್ ಟ್ಯೂನ್ ಸ್ಕಿಪ್ ಆಗಿ ಕರೆ ಹೋಗುತ್ತದೆ. ಆದರೆ ಎಲ್ಲೋ ಕೆಲವರಿಗೆ ಈ ಸೌಲಭ್ಯ ಸಿಗುತ್ತಿಲ್ಲ ಎನ್ನುವ ದೂರುಗಳಿವೆ.
ಕರೊನಾ ಕಾಲರ್ ಟ್ಯೂನ್ ಕುರಿತಾಗಿ ಸಾಕಷ್ಟು ದೂರುಗಳು ಕೇಳಿಬರುತ್ತಿದ್ದು, ಕೆಲವು ಗ್ರಾಹಕರಿಗೆ ಈ ಸಮಸ್ಯೆ ಉಂಟಾಗಿಲ್ಲ ಎನ್ನುವುದು ಸಹ ಕೇಳಿ ಬಂದಿದೆ.
ದೇಶದಲ್ಲಿ ಕರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಟೆಲಿಕಾಂ ಸಂಸ್ಥೆಗಳ ಗ್ರಾಹಕರ ಹಿತದೃಷ್ಟಿಯಿಂದಾಗಿ ಕರೊನಾ ಬಾರದಿರುವಂತೆ ತಡೆಗಟ್ಟಲು ಅನುಸರಿಬೇಕಾದ ಮುನ್ನೆಚ್ಚರಿಕಾ ಕ್ರಮಗಳನ್ನು ಕಾಲರ್ ಟ್ಯೂನ್ ಆಗಿ ನೀಡುತ್ತಿದೆ. (ಏಜೆನ್ಸೀಸ್)
ಮಹಿಳಾ ಟಿ20 ವಿಶ್ವಕಪ್ ಪಂದ್ಯದಲ್ಲಿತ್ತು ಕರೊನಾ ವೈರಸ್: ಐಪಿಎಲ್ಗೂ ಬೀಳಬಹುದು ಹೊಡೆತ!
ಕರೊನಾ ವೈರಸ್ ಸೋಂಕು ವದಂತಿ ತಪ್ಪಿಸಲು ಕೆಳಕಂಡ ಜಾಲತಾಣದಿಂದ ಮಾತ್ರ ಮಾಹಿತಿ ಪಡೆಯಿರಿ