ಇತ್ತೀಚೆಗಷ್ಟೇ ಬಾಳ ಬಂಧನಕ್ಕೆ ರಾಣಾ ದಗ್ಗುಬಾಟಿ ಮತ್ತು ಮಿಹಿಕಾ ಬಜಾಜ್ ಕಾಲಿಟ್ಟಿದ್ದಾರೆ. ಮದುವೆ ಬಳಿಕ ಸತ್ಯನಾರಾಯಣ ಪೂಜೆಯಲ್ಲಿಯೂ ಈ ಜೋಡಿ ಭಾಗವಹಿಸಿತ್ತು. ಆದರೆ, ಕರೊನಾ ಹಿನ್ನೆಲೆಯಲ್ಲಿ ಟಾಲಿವುಡ್ನ ಸಾಕಷ್ಟು ಕಲಾವಿದರು ರಾಣಾ ದಗ್ಗುಬಾಟಿ ವಿವಾಹಕ್ಕೆ ಆಗಮಿಸಿರಲಿಲ್ಲ. ಸೋಷಿಯಲ್ ಮೀಡಿಯಾಶ ಮೂಲಕವೇ ಅವರಿಗೆ ಶುಭಾಶಯ ಕೋರಿದ್ದರು. ಮನೆಯಲ್ಲಿಯೇ ಮದುವೆ ಕ್ಷಣಗಳನ್ನು ಕಣ್ತುಂಬಿಕೊಂಡಿದ್ದರು.
ಇದನ್ನೂ ಓದಿ: ಇಡಿ ಅಧಿಕಾರಿಗಳ ಪ್ರಶ್ನೆಗಳಿಗೆ ರಿಯಾ ತಬ್ಬಿಬ್ಬು
ಹೌದು, ಕರೊನಾ ಹಿನ್ನೆಲೆಯಲ್ಲಿ ಮನೆಯಲ್ಲಿಯೇ ಕುಳಿತು ಮದುವೆಯನ್ನು ಲೈವ್ ನೋಡಬಹುದಾದ ವಿಶೇಷ ಟೆಕ್ನಾಲಜಿಯನ್ನು ಅಳವಡಿಸಲಾಗಿತ್ತು. ಹೌದು, ಲೈಫ್ಎವರ್ ಎಂಬ ಸಂಸ್ಥೆ ಈ ಲೈವ್ ಟೆಕ್ನಾಲಜಿಯನ್ನು ರಾಣಾ ಮದುವೆಯಲ್ಲಿ ಅಳವಡಿಸಿತ್ತು. ಸೀಮಿತ ಮಂದಿಗಷ್ಟೇ ಮದುವೆಯಲ್ಲಿ ಪಾಲ್ಗೊಳ್ಳಲು ಅವಕಾಶ ಇದ್ದಿದ್ದರಿಂದ ವಿಆರ್ ಬಾಕ್ಸ್ ವಿತರಣೆ ಮಾಡಲಾಗಿತ್ತು.
ಇದನ್ನೂ ಓದಿ: ಚಿತ್ರರಂಗದಲ್ಲಿ ಕೊನೆಗೆ ಉಳಿಯೋದು ಪ್ರತಿಭೆಯಷ್ಟೇ!
ಲಕ್ಷ್ಮೀ ಮಂಚು, ನಾನಿ ಸೇರಿ ಹಲವಾರು ಸೆಲೆಬ್ರಿಟಿಗಳಿಗೆ ವಿಶೇಷವಾದ ವಿಆರ್ ಬಾಕ್ಸ್ ಕಳುಹಿಸಲಾಗಿತ್ತು. ಜತೆಗೆ ಅವರೆಲ್ಲರ ಫೋನ್ ನಂಬರ್ಗೆ ಲಿಂಕ್ವೊಂದನ್ನು ಕಳುಹಿಸಿ, ಆ ಮೂಲಕ ಲೈವ್ ವೀಕ್ಷಣೆಗೆ ಅವಕಾಶ ಮಾಡಲಾಗಿತ್ತು. ಈ ಹೊಸ ಟೆಕ್ನಾಲಜಿ ಕಂಡು ಸಾಕಷ್ಟು ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಮೂಲಕ ಸೋಷಿಯಲ್ ಡಿಸ್ಟ್ನ್ಸಿಂಗ್ ಪಾಲಿಸಿದ್ದಾರೆ. (ಏಜೆನ್ಸೀಸ್)fe