ನಂಗ್ಲೋಯಿ ನಿವಾಸಿ ಸೋಮೇಶ್ (25), ಧರ್ಮೇಂದ್ರ (35), ಧರ್ಮೇಂದ್ರ ಅವರ ಪತ್ನಿ (35), ಎರಡೂವರೆ ವರ್ಷದ ಬಾಲಕಿ ನಿಶಿ (23) ಆರವ್ (10) ಹಾಗೂ ಇನ್ನೊರ್ವ ಮಹಿಳೆ ಕಾರಿನಲ್ಲಿ ನಾರ್ನಾಲ್‌ಗೆ ಹೋಗುತ್ತಿದ್ದರು. ವೇಗವಾಗಿ ಚಲಿಸುತ್ತಿದ್ದ ಕಾರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮುಂದೆ ಹೋಗುತ್ತಿದ್ದ ಟ್ರಕ್ಗೆ ಡಿಕ್ಕಿ ಹೊಡೆದಿದೆ.
ಪರಿಣಾಮವಾಗಿ ಆರವ್ ಹಾಗೂ ಗುರುತು ಪತ್ತೆಯಾಗದ ಮಹಿಳೆ ಹೊರತುಪಡಿಸಿ ಎಲ್ಲರೂ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕಾಗಮಿಸಿ ಕಾರನಿಂದ ಮೃತದೇಹಗಳನ್ನು ಹೊರತೆಗೆದಿದ್ದು, ಗಾಯಾಳುಗಳನ್ನು ಸಿವಿಲ್ ಆಸ್ಪತ್ರೆಗೆ ಸಾಗಿಸಿದ್ದಾರೆ. ಅಪಘಾತದಲ್ಲಿ ಕಾರು ಸಂಪೂರ್ಣ ಜಖಂಗೊಂಡಿದ್ದು, ಲಾರಿ ಚಾಲಕ ಸ್ಥಳದಿಂದ ಲಾರಿ ಸಮೇತ ಪರಾರಿಯಾಗಿದ್ದಾನೆ.(ಏಜೆನ್ಸೀಸ್)
