ಬೆಂಗಳೂರು: ಮಲಯಾಳಂ ಚಿತ್ರನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಒಂದೇ ಒಂದು ವಾರೆನೋಟದಿಂದ ರಾತೋರಾತ್ರಿ ಯುವಪೀಳಿಗೆಯ ಕ್ರಷ್ ಎನಿಸಿಕೊಂಡಿದ್ದರು. ಈಗ ಎಶ್ನಾ ಕುಟ್ಟಿ ಎಂಬ ಯುವತಿ ಸೀರೆಯಲ್ಲೇ ರಿಂಗ ರಿಂಗ ಎಂದು ಸೂಪರ್ರೋ ರಂಗ ಎನಿಸಿಕೊಂಡಿದ್ದಾರೆ. ಅಷ್ಟಕ್ಕೂ ಇಷ್ಟಕ್ಕೆಲ್ಲ ಕಾರಣವಾಗಿದ್ದು ಒಂದು ಸಾರಿಫ್ಲೋ.
ಹೂಪ್ ಡ್ಯಾನ್ಸರ್ ಆಗಿರುವ ಎಶ್ನಾ ಕುಟ್ಟಿ ಸೀರೆ ಉಟ್ಟು, ಶೂ ಧರಿಸಿ, ಹಾಡೊಂದಕ್ಕೆ ಹೆಜ್ಜೆ ಹಾಕಿರುವ ವಿಡಿಯೋ ತುಣುಕೊಂದನ್ನು ಇನ್ಸ್ಟಾಗ್ರಾಮ್ನಲ್ಲಿ #sareeflow ಎಂಬ ಹ್ಯಾಷ್ಟ್ಯಾಗ್ನೊಂದಿಗೆ ಹಂಚಿಕೊಂಡಿದ್ದರು. ಸೀರೆ ಉಟ್ಟುಕೊಂಡೂ ಅಸಾಮಾನ್ಯ ಎನಿಸಿದ್ದನ್ನು ಮಾಡಬಹುದು ಎಂದು ಸಾರುವ ಉದ್ದೇಶ ಅವರದ್ದಾಗಿದ್ದು, ಏಕೆ ಆ ಹ್ಯಾಷ್ಟ್ಯಾಗ್ ಬಳಸಿದ್ದು ಎನ್ನುವುದನ್ನೂ ಅಲ್ಲಿ ಹೇಳಿಕೊಂಡಿದ್ದಾರೆ.
ಹೀಗೆ ಅವರು ಪೋಸ್ಟ್ ಮಾಡಿದ್ದ 24 ಗಂಟೆಗಳಲ್ಲಿ ಈ ವಿಡಿಯೋ 3 ಲಕ್ಷ ಜನರಿಂದ ವೀಕ್ಷಿಸಲ್ಪಟ್ಟಿದೆ. ಮಾತ್ರವಲ್ಲ, ಅದೇ ಹ್ಯಾಷ್ಟ್ಯಾಗ್ ಜತೆ ಟ್ವಿಟರ್ನಲ್ಲೂ ಶೇರ್ ಆಗಿ ವೈರಲ್ ಆಗಿದೆ. ಎಷ್ಟರಮಟ್ಟಿಗೆ ಎಂದರೆ ನಿನ್ನೆಯವರೆಗೂ ಟ್ಟಿಟರ್ನಲ್ಲಿರದ ಎಶ್ನಾ, ಶುಕ್ರವಾರ ಟ್ಟಿಟರ್ನಲ್ಲೂ ಖಾತೆ ತೆರೆಯುವಂತೆ ಮಾಡಿದೆ.
ಸೀರೆಯಲ್ಲಿ ರಿಂಗ ರಿಂಗ, ಸೂಪರ್ರೋ ರಂಗ..! ಸಾರಿಫ್ಲೋನಿಂದ ಟ್ವಿಟರ್ಗೆ ಬಂದ ಎಶ್ನಾ ಕುಟ್ಟಿ..
ಮಲಯಾಳಂ ಚಿತ್ರನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಒಂದೇ ಒಂದು ವಾರೆನೋಟದಿಂದ ರಾತೋರಾತ್ರಿ ಯುವಪೀಳಿಗೆಯ ಕ್ರಷ್ ಎನಿಸಿಕೊಂಡಿದ್ದರು. ಈಗ ಎಶ್ನಾ ಕುಟ್ಟಿ ಎಂಬ ಯುವತಿ ಸೀರೆಯಲ್ಲೇ ರಿಂಗ ರಿಂಗ ಎಂದು ಸೂಪರ್ರೋ ರಂಗ ಎನಿಸಿಕೊಂಡಿದ್ದಾರೆ. ಅಷ್ಟಕ್ಕೂ ಇಷ್ಟಕ್ಕೆಲ್ಲ ಕಾರಣವಾಗಿದ್ದು ಒಂದು ಸಾರಿಫ್ಲೋ.#sareeflow #EshnaKutty #Hoop
Posted by Vijayavani on Friday, September 25, 2020
ಅದಾಗಲೇ ಹರಿದಾಡುತ್ತಿರುವ ತನ್ನ ಡಾನ್ಸ್ ವಿಡಿಯೋ ಪೋಸ್ಟ್ ಒಂದನ್ನು ರಿಟ್ವೀಟ್ ಮಾಡಿಕೊಂಡಿರುವ ಎಶ್ನಾ, “ನಾನು ಇನ್ಸ್ಟಾಗ್ರಾಮ್ನಲ್ಲಿ ಹಾಕಿದ್ದ ಪೋಸ್ಟ್ ಇಲ್ಲಿಗೂ ಬಂದು ಇಷ್ಟೊಂದು ಹರಿದಾಡುತ್ತೆ ಎಂದುಕೊಂಡಿರಲಿಲ್ಲ. ನಾನು ಟ್ವಿಟರ್ ಅಕೌಂಟ್ ಕೂಡ ತೆರೆಯುತ್ತೇನೆ ಅಂತಂದುಕೊಂಡಿರಲಿಲ್ಲ..” ಎಂದು ಎಲ್ಲರಿಗೂ ಥ್ಯಾಂಕ್ಸ್ ಹೇಳಿದ್ದಾರೆ.