ಮುಂಬೈ: ಡ್ರೀಮ್ ಗರ್ಲ್ ಹೇಮಮಾಲಿನಿ ಅಂದು ಇದಕ್ಕಾಗಿ ತುಂಬಾ ಹುಡುಕಾಡಿದ್ದರು. ಆದರೆ ಅವತ್ತು ಎಷ್ಟು ಹುಡುಕಾಡಿದರೂ ಸಿಗದ್ದು ಇತ್ತೀಚೆಗೆ ಸಿಕ್ಕಿದ್ದು, ಅದನ್ನು ಹಂಚಿಕೊಂಡು ಸಂತೋಷ ವ್ಯಕ್ತಪಡಿಸಿದ್ದಾರೆ.
ಆವತ್ತು ಲೇಖಕ ರಾಮ್ ಕಮಲ್ ಮುಖರ್ಜಿ ಅವರು ನನ್ನ ಜೀವನಚರಿತ್ರೆ ‘ಬಿಯಾಂಡ್ ದ ಡ್ರೀಮ್ ಗರ್ಲ್’ ಬರೆಯುತ್ತಿದ್ದಾಗ ನಾನು ಇದಕ್ಕಾಗಿ ಬಹಳ ಹುಡುಕಾಡಿದ್ದೆ. ಎಷ್ಟು ಹುಡುಕಾಡಿದರೂ ಸಿಗದ್ದಕ್ಕೆ ತುಂಬ ಬೇಸರವಾಗಿತ್ತು. ಕೊನೆಗೂ ಈಗ ಸಿಕ್ಕಿದ್ದರಿಂದ ತುಂಬ ಖುಷಿಯಾಗಿದೆ. ಹೀಗಾಗಿ ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ ಎಂದು ಅವರು ದೇವಿಯ ಗೆಟಪ್ನಲ್ಲಿದ್ದ ಹಳೆಯ ಫೋಟೋವೊಂದನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಇದೊಂದು ಮ್ಯಾಗಜಿನ್ಗಾಗಿ ಮಾಡಿದ್ದ ಫೋಟೋಶೂಟ್. ಮ್ಯಾಗಜಿನ್ ಹೆಸರು ನೆನಪಿಲ್ಲ. ಆದರೆ ಇದನ್ನು ನಾನು ಅಂದು ರಾಜ್ಕಪೂರ್ ಅವರ ಜತೆಗಿನ ಮೊದಲ ಹಿಂದಿ ಸಿನಿಮಾ “ಸಪ್ನೋಂಕಾ ಸೌದಾಗರ್” ಶೂಟಿಂಗ್ಗೆ ಹೋಗುತ್ತ ಎವಿಎಂ ಸ್ಟುಡಿಯೋಸ್ನಲ್ಲಿ ಕ್ಲಿಕ್ಕಿಸಿದ್ದು. ಆಗ ನನಗೆ 14-15 ವರ್ಷ ಎಂದು ಹೇಮಮಾಲಿನಿ ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)