ನವದೆಹಲಿ: ಪಾಶ್ಚಾತ್ಯ ಹಾಗೂ ಕೊಲ್ಲಿ ರಾಷ್ಟ್ರಗಳಲ್ಲಿ ಭಾರಿ ಮೊತ್ತ ಪಾವತಿಸಿದ್ದೇ ಆದಲ್ಲಿ ಅಪರಾಧಕ್ಕೆ ವಿಧಿಸಲಾಗುವ ಶಿಕ್ಷೆಯಿಂದ ಪಾರಾಗಲು ಅವಕಾಶವಿದೆ. ಅಂತೆಯೇ ಹಾಲಿವುಡ್ನ ಮೊಘಲ್ ಎಂದೇ ಕರೆಯಿಸಿಕೊಳ್ಳುತ್ತಿದ್ದ ಚಿತ್ರ ನಿರ್ಮಾಪಕನೊಬ್ಬ ಭಾರಿ ಮೊತ್ತ ನೀಡಿ ಶಿಕ್ಷೆ ಅನುಭವಿಸುವುದರಿಂದ ಪಾರಾಗಿದ್ದಾನೆ.
ಮೀರಾಮ್ಯಾಕ್ಸ್ ಚಿತ್ರ ನಿರ್ಮಾಣ ಸಂಸ್ಥೆ ಸ್ಥಾಪಿಸಿ ತಾನು ನಿರ್ಮಿಸಿದ ಚಿತ್ರಕ್ಕೆ ಆಸ್ಕರ್ ಪ್ರಶಸ್ತಿಗಳನ್ನು ಪಡೆದಿರುವ ಹಾರ್ವೆ ವೆನ್ಸ್ಟೀಯನ್ ವಿರುದ್ಧ ಹಲವರು ಲೈಂಗಿಕ ಕಿರುಕುಳ ಹಾಗೂ ಅತ್ಯಾಚಾರ ಆರೋಪ ಹೊರಿಸಿದ್ದರು.
ಇದನ್ನೂ ಓದಿ; ಸ್ಟೇಷನ್ನಲ್ಲಿ ಅಸಭ್ಯವಾಗಿ ವರ್ತಿಸಿದ ಇನ್ಸ್ಪೆಕ್ಟರ್ಗೆ ಮಹಿಳೆ ಬುದ್ಧಿ ಕಲಿಸಿದ್ದು ಹೀಗೆ….!
ಈ ಪೈಕಿ 9 ಜನರು ನ್ಯಾಯಾಲಯದ ಮೆಟ್ಟಿಲೇರಿದ್ದರು. ನ್ಯೂಯಾರ್ಕ್ನ ಮ್ಯಾನ್ಹಾಟನ್ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಸಲಾಗುತ್ತಿತ್ತು. ನ್ಯಾಯಾಲಯದ ಹೊರಗೆ ನಡೆದ ಸಂಧಾನ ಸೂತ್ರದಂತೆ ಸಂತ್ರಸ್ತರಿಗೆ 19 ಮಿಲಿಯನ್ ಡಾಲರ್ (ಅಂದಾಜು 143 ಕೋಟಿ ರೂ.) ನೀಡುವ ಒಪ್ಪಂದ ಏರ್ಪಟ್ಟಿದೆ. ಬದಲಾಗಿ ಹಾರ್ವೆ ವೆನ್ಸ್ಟೀಯನ್ ವಿರುದ್ಧ ಸಂತ್ರಸ್ತರು ಸಾರ್ವಜನಿಕವಾಗಿ ಯಾವುದೇ ಹೇಳಿಕೆ ನೀಡದ ಗೌಪ್ಯತಾ ಒಪ್ಪಂದಕ್ಕೆ ಒಪ್ಪಿಗೆ ನೀಡಿದ್ದಾರೆ.
ಆದರೆ, ಸಂತ್ರಸ್ತರ ಪರ ವಾದಿಸುತ್ತಿದ್ದ ವಕೀಲರು, ಪ್ರಕರಣ ಸಂಪೂರ್ಣ ಮಾರಾಟದ ಸರಕಾಗಿ ಪರಿಣಮಿಸಿದೆ ಎಂದು ಟೀಕಿಸಿದ್ದಾರೆ. ಹಾರ್ವೆ ವೆನ್ಸ್ಟೀಯನ್ ತನ್ನ ತಪ್ಪನ್ನು ಒಪ್ಪಿಕೊಳ್ಳಬೇಕು ಹಾಗೂ ಪರಿಹಾರದ ಮೊತ್ತವನ್ನು ಕಂಪನಿಯ ಬದಲಾಗಿ ವೈಯಕ್ತಿಕವಾಗಿ ಭರಿಸಬೇಕು ಎಂದು ಒತ್ತಾಯಿಸಿದ್ದಾರೆ. ಈ ಬಗ್ಗೆ ನ್ಯಾಯಾಲಯದಲ್ಲೂ ವಾದ ಮಾಡುವುದಾಗಿ ಹೇಳಿದ್ದಾರೆ.
ಇದನ್ನೂ ಓದಿ; ದೇಗುಲವನ್ನು ಮಸೀದಿಯಾಗಿಸಿದ ತಬ್ಲಿಘಿಗಳು; ಪಾಕ್ನಲ್ಲಿ 102 ಹಿಂದುಗಳ ಬಲವಂತದ ಮತಾಂತರ
ಹಾರ್ವೆ ವೆನ್ಸ್ಟೀಯನ್ ವಿರುದ್ಧ ನೂರಾರು ಮಹಿಳೆಯರು ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದರು. ಅವಕಾಶ ಅರಸಿ ತನ್ನ ಬಳಿಗೆ ಬರುವ ಉದಯೋನ್ಮುಖ ನಟಿಯರನ್ನು ಲೈಂಗಿಕವಾಗಿ ಬಳಸಿಕೊಳ್ಳುತ್ತಿದ್ದ ಎಂದು ಆರೋಪಿಸಿದ್ದರು. ಅವರಲ್ಲಿ ಕೆಲವರು ಕೋರ್ಟ್ ಮೆಟ್ಟಿಲೇರಿದ್ದರಿಂದ ಆರೋಪ ಸಾಬೀತಾಗಿ 23 ವರ್ಷಗಳ ಶಿಕ್ಷೆಗೂ ಗುರಿಯಾಗಿದ್ದ. ಕೋರ್ಟ್ ಹೊರಗಿನ ಒಪ್ಪಂದದಿಂದಾಗಿ ಆತ ಶಿಕ್ಷೆಯಿಂದ ಪಾರಾಗುವಂತಾಗಿದೆ. ಈ ನಡುವೆ ಲಾಸ್ ಎಂಜಲೀಸ್ ನ್ಯಾಯಾಲಯದಲ್ಲೂ ಈತನ ವಿರುದ್ಧ ಲೈಂಗಿಕ, ಕಿರುಕುಳದ ಕೇಸ್ಗಳ ವಿಚಾರಣೆ ನಡೆಯುತ್ತಿದೆ.
50 ಸಿಮ್ಗಳನ್ನು ಬದಲಿಸಿದ್ದರೆ ಸುಶಾಂತ್ ಸಿಂಗ್; ಶೇಖರ್ ಸುಮನ್ ಮೇಲೆ ಸಿಟ್ಟಾಗಿದ್ದೇಕೆ ನಟನ ಕುಟುಂಬ