ಲಖನೌ: ನಾಯಕ ಹಾರ್ದಿಕ್ ಪಾಂಡ್ಯ ಅರ್ಧ ಶತಕ ಹಾಗೂ ಬೌಲರ್ಗಳ ಸಂಘಟಿತ ದಾಳಿಯ ಫಲವಾಗಿ ಗುಜರಾತ್ ಟೈಟಾನ್ಸ್ ತಂಡವು ಲಖನೌ ಸೂಪರ್ಜೈಂಟ್ಸ್ ವಿರುದ್ಧ 7ರನ್ಗಳ ಜಯ ಸಾಧಿಸಿದೆ.
ಲಖನೌನ ಭಾರತ ರತ್ನ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಏಕನಾ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ ಟೈಟಾನ್ಸ್ ತಂಡವು 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 135 ರನ್ ಗಳಿಸಿತ್ತು.
ಹಾರ್ದಿಕ್-ಸಾಹ ಬಿರುಸಿನ ಆಟ
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ ಟೈಟಾನ್ಸ್ ತಂಡವು ನಾಯಕ ಹಾರ್ದಿಕ್ ಪಾಂಡ್ಯ(66ರನ್, 50ಎಸೆತ, 2ಬೌಂಡರಿ, 4ಸಿಕ್ಸರ್), ವಿಕೆಟ್ ಕೀಪರ್ ಬ್ಯಾಟ್ಸ್ಮ್ಯಾನ್ ವೃದ್ಧಿಮಾನ್ ಸಾಹಾ(47ರನ್, 37ಎಸೆತ, 6ಬೌಂಡರಿ) 72ರನ್ಗಳ ಜೊತೆಯಾಟದ ಫಲವಾಗಿ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 135ರನ್ ಗಳಿಸಿತ್ತು.
ಇದನ್ನೂ ಓದಿ: VIDEO| ಖ್ಯಾತ ಗಾಯಕಿ ಕೈಯಿಂದ ಮೈಕ್ ಕಸಿದುಕೊಂಡ ನಿರೂಪಕಿ; ಮುಂದೇನಾಯ್ತು?
ರಾಹುಲ್ ಏಕಾಂಗಿ ಹೋರಾಟ
ಗುರಿ ಬೆನ್ನತ್ತಿದ್ದ ಲಖನೌ ಸೂಪರ್ ಜೈಂಟ್ಸ್ ತಂಡಕ್ಕೆ ನಾಯಕ ಕೆ.ಎಲ್. ರಾಹುಲ್(68ರನ್, 61ಎಸೆತ, 8 ಬೌಂಡರಿ) ಏಕಾಂಗಿ ಹೋರಾಟದ ಫಲವಾಗಿ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 128ರನ್ ಗಳಿಸಿ ಸೋಲೊಪ್ಪಿಕೊಂಡಿತ್ತು.
ಗುಜರಾತ್ ಪರ ಮೊಹಮ್ಮದ್ ಶಮಿ(3-1-18-0), ಜಯಂತ್ ಯಾದವ್(4-0-26-0), ರಶೀದ್ ಖಾನ್(4-0-33-1), ಮೋಹಿತ್ ಶರ್ಮಾ(3-0-17-2), ನೂರ್ ಅಹ್ಮದ್(4-0-18-2), ಹಾರ್ದಿಕ್ ಪಾಂಡ್ಯ(1-0-7-0), ರಾಹುಲ್ ತೆವಾಟಿಯಾ(1-0-8-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.