ನವದೆಹಲಿ: ದೇಶದಲ್ಲಿ ಅತಿ ಹೆಚ್ಚು ಸುದ್ದಿಯಲ್ಲಿರುವ ಟೂಲ್ಕಿಟ್ ಪ್ರಕರಣದಲ್ಲಿ ಬೆಂಗಳೂರಿನ ಪರಿಸರವಾದಿ ದಿಶಾ ರವಿ ಬಂಧನವಾಗಿ ಮೂರು ದಿನಗಳು ಕಳೆದಿವೆ. ಈ ಟೂಲ್ಕಿಟ್ ವಿಚಾರದಲ್ಲಿ ದಿಶಾ ಮತ್ತು ಗ್ರೆಟಾ ಥನ್ಬರ್ಗ್ ವಾಟ್ಸ್ಆ್ಯಪ್ನಲ್ಲಿ ಸಂಭಾಷಣೆ ನಡೆಸಿದ್ದು ಇದೀಗ ಆ ಸಂಭಾಷಣೆ ದೆಹಲಿ ಪೊಲೀಸರಿಗೆ ಸಿಕ್ಕಿದೆ.
ಟೂಲ್ಕಿಟ್ನ್ನು ಈಗಲೇ ಪೋಸ್ಟ್ ಮಾಡಬೇಡ. ಕಾನೂನುಬಾಹಿರ ಚಟುವಟಿಕೆಗಳು (ತಡೆಗಟ್ಟುವಿಕೆ) ಕಾಯ್ದೆ (ಯುಎಪಿಎ) ಪ್ರಕಾರ ನಮ್ಮ ಮೇಲೆ ಕ್ರಮ ತೆಗೆದುಕೊಂಡರೂ ತೆಗೆದುಕೊಂಡು ಬಿಡಬಹುದು ಎಂದು ದಿಶಾ, ಗ್ರೆಟಾಗೆ ಮೆಸೇಜ್ ಮಾಡಿದ್ದಾಳೆ. ಗ್ರೆಟಾ ಟೂಲ್ಕಿಟ್ನ್ನು ಟ್ವೀಟ್ ಮಾಡಿದ ದಿನವೂ ದಿಶಾ ಆಕೆಗೆ ಮೆಸೇಜ್ ಮಾಡಿದ್ದಾರೆ. ಟೂಲ್ಕಿಟ್ನಲ್ಲಿ ನನ್ನ ಹೆಸರಿದೆ. ಯುಎಪಿಎ ಪ್ರಕಾರ ನಮ್ಮ ಮೇಲೆ ಕ್ರಮ ತೆಗೆದುಕೊಂಡುಬಿಡುತ್ತಾರೆ. ಆ ಟ್ವೀಟ್ನ್ನು ಡಿಲೀಟ್ ಮಾಡು ಎಂದು ಆಕೆ ತಿಳಿಸಿದ್ದಾಳೆ. ಇದಾದ ನಂತರ ಎಡಿಟ್ ಮಾಡಿರುವ ಟೂಲ್ಕಿಟ್ನ್ನು ಗ್ರೆಟಾ ಪೋಸ್ಟ್ ಮಾಡಿದ್ದಾಳೆ. ದಿಶಾಳ ಫೋನಿನ ಪರಿಶೀಲನೆ ನಡೆಸುತ್ತಿರುವ ದೆಹಲಿ ಪೊಲೀಸರಿಗೆ ಇದೀಗ ಅದರಿಂದ ಈ ಮಾಹಿತಿ ಸಿಕ್ಕಿದೆ.
ಟೂಲ್ಕಿಟ್ ಒಂದು ಸ್ಥಿರ ದಾಖಲಾಗಿರಲಿಲ್ಲ. ಅದರಲ್ಲಿ ಸಾಕಷ್ಟು ಹೈಪರ್ಲಿಂಕ್ಗಳಿದ್ದವು. ಅನೇಕ ವೆಬ್ಸೈಟ್ಗಳ ಲಿಂಕ್ ಅದರಲ್ಲಿತ್ತು. ಅದರಲ್ಲಿ ಒಂದು ಲಿಂಕ್ ಒಂದು ವೆಬ್ಸೈಟ್ಗೆ ಕರೆದೊಯ್ದಿದ್ದು, ಆ ವೆಬ್ಸೈಟ್ ಖಲಿಸ್ತಾನ ಪರವಾದ ವೆಬ್ಸೈಟ್ ಆಗಿದೆ. ಈ ರೀತಿ ಅನೇಕ ಕಾನೂನುಬಾಹಿರ ಮಾಹಿತಿಗಳು ಆ ಟೂಲ್ಕಿಟ್ನಲ್ಲಿದೆ ಎಂದು ಉಪ ಪೊಲೀಸ್ ಆಯುಕ್ತ (ಸೈಬರ್ ಸೆಲ್) ಅನೀಶ್ ರಾಯ್ ತಿಳಿಸಿದ್ದಾರೆ. (ಏಜೆನ್ಸೀಸ್)
ರಕ್ಷಣಾ ಸಚಿವರ ಕಚೇರಿಯೊಳಗೇ ರೇಪ್! ಕ್ಷಮೆಯಾಚಿಸಿದ ಆಸ್ಟ್ರೇಲಿಯಾ ಪ್ರಧಾನಿ
ಟಾಪ್ಲೆಸ್ ರಿಹಾನ ಕೊರಳಲ್ಲಿ ಗಣೇಶನ ಪದಕ! ಕೆರಳಿಸುವ ಫೋಟೋ ಹೇಗಿದೆ ನೋಡಿ…