ನವದೆಹಲಿ: ಪ್ರಸಕ್ತ ಐಪಿಎಲ್ ಟೂರ್ನಿಯಲ್ಲಿ ಫೈನಲ್ಗೆ ಹೋಗುವ ತಂಡಗಳು ಯಾವುವು? ಮತ್ತು ಯಾವ ತಂಡ ಟ್ರೋಫಿಯನ್ನು ಎತ್ತಿಹಿಡಿಯಲಿದೆ? ಎಂಬ ಲೆಕ್ಕಾಚಾರಗಳು ಕ್ರೀಡಾ ವಲಯದಲ್ಲಿ ಭಾರಿ ಚರ್ಚೆಯಾಗುತ್ತಿರುವಾಗ ಗೂಗಲ್ ಫಲಿತಾಂಶ ಬಹಳ ಅಚ್ಚರಿ ಮೂಡಿಸಿದೆ.
ಹೌದು, ಗೂಗಲ್ ಪ್ರಕಾರ ಈ ಬಾರಿಯ ಐಪಿಎಲ್ ವಿನ್ನರ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡವಂತೆ. ಹೀಗೊಂದು ವಿಚಿತ್ರ ಫಲಿತಾಂಶವನ್ನು ಗೂಗಲ್ ನೀಡಿದೆ. ನಿಮಗೆ ನಂಬಲು ಸಾಧ್ಯವಾಗದಿದ್ದರೆ ಗೂಗಲ್ನಲ್ಲಿ final match of ipl 2020 ಎಂದು ಟೈಪ್ ಮಾಡಿ, ಬಳಿಕ ನಿಮ್ಮ ಮುಂದಿನ ಪರದೆಯಲ್ಲಿ ಬರುವ ಫಲಿತಾಂಶ ನಿಮ್ಮನ್ನೇ ಅಚ್ಚರಿಗೆ ದೂಡಲಿದೆ.
ದಿನಾಂಕ ನವೆಂಬರ್ 10, ವಿನ್ನರ್ ಚೆನ್ನೈ ಸೂಪರ್ ಕಿಂಗ್ಸ್ ಎಂಬ ಫಲಿತಾಂಶ ತೋರಿಸುತ್ತದೆ. ಅದರ ಕೆಳಗೆ ಕಾಣುವ ವಿಕಿಪೀಡಿಯ ಲಿಂಕ್ ಮೇಲೆ ಕ್ಲಿಕ್ಕಿಸಿದರೆ, ನಿಮಗೆ ಖಾಲಿ ಪುಟ ಲಭ್ಯವಾಗುತ್ತದೆ.
ಇನ್ನು 2010, 2011 ಮತ್ತು 2018ರಲ್ಲಿ ಮೂರು ಬಾರಿ ಐಪಿಎಲ್ ಟ್ರೋಫಿ ಮುಡಿಗೇರಿಸಿಕೊಂಡಿರುವ ಚೆನ್ನೈ ಪ್ರಸಕ್ತ ಐಪಿಎಲ್ನಲ್ಲಿ ಕಳಪೆ ಪ್ರದರ್ಶನದಿಂದ 6ನೇ ಸ್ಥಾನದಲ್ಲಿದೆ. ಅಲ್ಲದೆ, ಫೈನಲ್ ಹಂತಕ್ಕೆ ತಲುಪುವ ಲಕ್ಷಣಗಳೂ ಸಹ ಸಿಎಸ್ಕೆ ತಂಡದಲ್ಲಿ ಕಾಣುತ್ತಿಲ್ಲ. ಹೀಗಿರುವಾಗ ಗೂಗಲ್ ತೊರಿಸುತ್ತಿರುವ ಫಲಿತಾಂಶ ನಿಜಕ್ಕೂ ಅಚ್ಚರಿಯಾಗಿದೆ.
ಒಂದು ವೇಳೆ ಗೂಗಲ್ ಹೇಳಿದಂತೆ ಚೆನ್ನೈ ಏನಾದರೂ ಐಪಿಎಲ್ನಲ್ಲಿ ಗೆದ್ದರೆ ಈಗಾಗಲೇ ಚರ್ಚೆಯ ವಿಷಯವಾಗಿರುವ ಫಿಕ್ಸಿಂಗ್ ಗುಮ್ಮಕ್ಕೆ ರಕ್ಕೆ ಪುಕ್ಕ ಬಂದಂತಾಗುತ್ತದೆ. ಅಲ್ಲದೆ, ಐಪಿಎಲ್ ಮೇಲಿನ ಅನುಮಾನಕ್ಕೆ ಸಾಕ್ಷಿ ದೊರೆತಂತಾಗುತ್ತದೆ. (ಏಜೆನ್ಸೀಸ್)
ಸಚಿನ್ ಮಗಳನ್ನು ಮದುವೆಯಾದ್ರಾ ಶುಭ್ಮನ್ ಗಿಲ್?: ಹೌದು ಎನ್ನುತ್ತಿದೆ ಗೂಗಲ್..!
ಗೂಗಲ್ನಲ್ಲಿ ರಶೀದ್ ಪತ್ನಿ ಹುಡುಕಿದ್ರೆ ಅನುಷ್ಕಾ ಹೆಸರು ಬರುತ್ತೆ: ಏಕೆ ಗೊತ್ತಾ? ಇಲ್ಲಿದೆ ಅಚ್ಚರಿಯ ಕಾರಣ!