ಬರ್ಲಿನ್: ಜರ್ಮನಿಯ ಪ್ರಾದೇಶಿಕ ಪತ್ರಿಕಾ ಸಮೂಹ ಸೈಬರ್ ಅಟ್ಯಾಕ್ಗೆ ಗುರಿಯಾಗಿ, ಸಂಕಷ್ಟಕ್ಕೀಡಾದ ಘಟನೆ ಮಂಗಳವಾರ ನಡೆದಿದ್ದು, ಬುಧವಾರದ ಸಂಚಿಕೆ ಪ್ರಕಟಿಸಲಾಗದೆ ನಲುಗಿದ್ದಾಗಿ ವರದಿಯಾಗಿದೆ.
ದ ಫನ್ಕೆ ಮೀಡಿಯಾ ಗ್ರೂಪ್ ಸೈಬರ್ ಅಟ್ಯಾಕ್ಗೆ ಗುರಿಯಾದ ಪತ್ರಿಕಾ ಸಮೂಹ ಕಂಪನಿ. ಸೈಬರ್ ದಾಳಿಯ ಬಗ್ಗೆ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿರುವ ದ ಫನ್ಕೆ ಮೀಡಿಯಾ ಗ್ರೂಪ್, ಜರ್ಮನಿಯುದ್ದಕ್ಕೂ ಇರುವ ಕಂಪನಿಯ ಸಂಪಾದಕೀಯ ಕಚೇರಿ, ಪ್ರಿಂಟಿಂಗ್ ಪ್ರೆಸ್ಗಳಲ್ಲಿರುವ ಕಂಪ್ಯೂಟರ್ಗಳನ್ನು ದುಷ್ಕರ್ಮಿಗಳು ಹ್ಯಾಕ್ ಮಾಡಿದ್ದು, ಕೆಲಸ ಮಾಡುವುದು ಅಸಾಧ್ಯವಾಯಿತು. ಮಂಗಳವಾರ ಬೆಳಗ್ಗೆಯಿಂದ ದಾಳಿ ಶುರುವಾಗಿದ್ದು ಒಂದೊಂದೇ ಕಂಪ್ಯೂಟರ್ ಜಾಲ ಸ್ತಬ್ಧವಾಗುತ್ತ ಹೋಗಿದೆ. ಸೈಬರ್ ದಾಳಿಯ ಕಾರಣ ದೇಶಾದ್ಯಂತ 33 ಲಕ್ಷ ಓದುಗರನ್ನು ಹೊಂದಿರುವ ಬರ್ಲಿನ್ನ ಮಾರ್ಗೆನ್ಪೋಸ್ಟ್ ಡೇಲಿಯ ಬುಧವಾರದ ಸಂಚಿಕೆ ಪ್ರಕಟವಾಗಿಲ್ಲ. ಆದ್ದರಿಂದ ಓದುಗರು ಆನ್ಲೈನ್ನಲ್ಲಿ ಎಲ್ಲ ಸುದ್ದಿಗಳನ್ನು ಉಚಿತವಾಗಿ ಓದಬಹುದಾಗಿದೆ ಎಂದು ಕಂಪನಿ ತಿಳಿಸಿತ್ತು.
ಇದನ್ನೂ ಓದಿ: ಬಿಕಿನಿ ತೊಟ್ಟು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾದ ಕಂಗನಾ; ತಾಯಿ ಭೈರವಿ ನಗ್ನಳಾಗಿ ಬಂದರೆ ಏನು ಮಾಡುತ್ತೀರಿ ಎಂದು ಪ್ರಶ್ನೆ
ಕಳೆದ ತಿಂಗಳು ಡೆನ್ಮಾರ್ಕ್ನ ಅತಿದೊಡ್ಡ ಸುದ್ದಿ ಸಂಸ್ಥೆ ರಿಟ್ಝಾವು ಕೆಲವು ದಿನಗಳ ಕಾಲ ಸ್ಥಗಿತಗೊಂಡಿತ್ತು. ಸೈಬರ್ ದಾಳಿಕೋರರು ಈ ಸಂಸ್ಥೆಯ ಕಂಪ್ಯೂಟರ್ಗಳನ್ನು ಹ್ಯಾಕ್ ಮಾಡಿ ದೊಡ್ಡ ಮೊತ್ತದ ಹಣಕ್ಕೆ ಬೇಡಿಕೆ ಒಡ್ಡಿದ್ದರು. ಆದರೆ, ಮೊತ್ತ ಎಷ್ಟು ಎಂಬುದನ್ನು ಸಂಸ್ಥೆ ಬಹಿರಂಗಪಡಿಸಿಲ್ಲ. ವೃತ್ತಿಪರರೇ ಮಾಡಿದ ದಾಳಿ ಇದಾಗಿತ್ತು ಎಂದು ಸಂಸ್ಥೆ ನಂತರ ಹೇಳಿತ್ತು. (ಏಜೆನ್ಸೀಸ್)
ಕ್ಷಣ ಕ್ಷಣದ ಸುದ್ದಿಗಳ ಅಪ್ಡೇಟ್ಸ್ಗಾಗಿ ನಮ್ಮ ಫೇಸ್ಬುಕ್ ಪುಟ ಲೈಕ್ ಮಾಡಿ ಮತ್ತು ಫಾಲೋ ಮಾಡಿ..
ಮೀಟರ್ ಬಡ್ಡಿ ಸಾಲಕ್ಕೆ ಡಿಜಿಟಲ್ ಸ್ಪರ್ಶ! – ವಂಚಕರ ಜಾಲಕ್ಕೆ ಬೀಳುವ ಮುನ್ನ…