ಮುಂಬೈ: ಮೂರು ದಲ್ಲಾಳಿ (ಬ್ರೋಕರೇಜ್) ಸಂಸ್ಥೆಗಳು ಪಿಸಿಯು ವಲಯದ (ಸರ್ಕಾರಿ ಕಂಪನಿ) ಈ ಲಾರ್ಜ್ ಕ್ಯಾಪ್ ಖರೀದಿಸಲು ಸಲಹೆ ನೀಡಿವೆ.
ಗ್ಯಾಸ್ ಮತ್ತು ಪೆಟ್ರೋಲಿಯಂ ವಲಯದ ಗೇಲ್ ಇಂಡಿಯಾ ಲಿಮಿಟೆಡ್ (GAIL India Ltd) ಷೇರುಗಳಿಗೆ ಖರೀದಿಗೆ ಶಿಫಾರಸು ಮಾಡಿವೆ. ಗೇಲ್ ಷೇರುಗಳ ಪ್ರಸ್ತುತ ಮಾರುಕಟ್ಟೆ ಬೆಲೆ 182.45 ರೂ. ಆಗಿದೆ. ಈ ಷೇರುಗಳು ಕಳೆದ 6 ತಿಂಗಳಲ್ಲಿ 60% ರಷ್ಟು ಲಾಭವನ್ನು ನೀಡಿವೆ.
ಎಲ್‌ಕೆಪಿ ಸೆಕ್ಯುರಿಟೀಸ್, ಶೇರ್‌ಖಾನ್ ಮತ್ತು ಮೋತಿಲಾಲ್ ಓಸ್ವಾಲ್ ಹೂಡಿಕೆದಾರರಿಗೆ ಗೇಲ್ ಇಂಡಿಯಾ ಷೇರುಗಳನ್ನು ಖರೀದಿಸಲು ಸಲಹೆ ನೀಡಿವೆ.
ಸರ್ಕಾರಿ ಸ್ವಾಮ್ಯದ ಕಂಪನಿ ಮತ್ತು ಭಾರತದ ಅತಿದೊಡ್ಡ ಅನಿಲ ವಿತರಕ ಸಂಸ್ಥೆಯಾದ ಗೇಲ್ ತನ್ನ ಡಿಸೆಂಬರ್ ತ್ರೈಮಾಸಿಕ ಲಾಭದಲ್ಲಿ 18% ರ ಹೆಚ್ಚಳ ಕಂಡಿದೆ. ಏಕೆಂದರೆ ದ್ರವೀಕೃತ ನೈಸರ್ಗಿಕ ಅನಿಲ (LNG) ಬೆಲೆಗಳು 2023 ರಿಂದ ಕಡಿಮೆಯಾಗಿವೆ. ಡಿಸೆಂಬರ್ 31 ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಅದರ ಸ್ವತಂತ್ರ ಲಾಭ , 2024 ರ ಹಿಂದಿನ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ 2,404.89 ಕೋಟಿ ರೂ.ಗೆ ಹೋಲಿಸಿದರೆ 2,842.62 ಕೋಟಿ ರೂ.ಗೆ ಹೆಚ್ಚಿದೆ. ಎರಡನೇ ತ್ರೈಮಾಸಿದಲ್ಲಿನ 31,822.62 ಕೋಟಿ ರೂ.ಗೆ ಹೋಲಿಸಿದರೆ ಕಾರ್ಯಾಚರಣೆಗಳಿಂದ PSU ನ ಆದಾಯವು ಸರಿಸುಮಾರು 8% ರಷ್ಟು ಏರಿಕೆಯಾಗಿ 34,253.52 ಕೋಟಿ ರೂ. ತಲುಪಿದೆ.
ಕಂಪನಿಯು ಪ್ರತಿ ಈಕ್ವಿಟಿ ಷೇರಿಗೆ ರೂ 5.50 ರ ಮಧ್ಯಂತರ ಲಾಭಾಂಶ ಘೋಷಿಸಿದೆ. ಇದರ ಮೊತ್ತ ರೂ 3,616.30 ಕೋಟಿ ಆಗುತ್ತದೆ. ಈ ಲಾಭಾಂಶವನ್ನು ಫೆಬ್ರವರಿ 6, 2024 ರಂದು ಪಾವತಿಸಲಾಗಿದೆ.
ಎಲ್‌ಕೆಪಿ ಸೆಕ್ಯುರಿಟೀಸ್‌ನ ಹಿರಿಯ ತಾಂತ್ರಿಕ ಮತ್ತು ಉತ್ಪನ್ನ ವಿಶ್ಲೇಷಕರಾದ ಕುನಾಲ್ ಷಾ ಅವರು ಗಟ್ಟಿಯಾದ ಮೇಲ್ಮುಖ ಪ್ರವೃತ್ತಿಯನ್ನು ಪ್ರದರ್ಶಿಸುತ್ತಿರುವುದರಿಂದ ಗೇಲ್ ಷೇರುಗಳಿಗೆ ಖರೀದಿ ರೇಟಿಂಗ್ ಅನ್ನು ಶಿಫಾರಸು ಮಾಡಿದ್ದಾರೆ. ಪ್ರತಿ ಷೇರಿಗೆ 190-200 ರೂ.ಗಳ ಮೇಲ್ಮುಖ ಗುರಿಯನ್ನು ಹತ್ತಿರದ ಅವಧಿಯಲ್ಲಿ ತಲುಪುವ ಸಾಮರ್ಥ್ಯವನ್ನು ಪ್ರದರ್ಶಿಸುತ್ತವೆ ಎಂದು ಅವರು ಭಾವಿಸುತ್ತಾರೆ.
ಶೇರ್‌ಖಾನ್ ಸಂಸ್ಥೆಯು ಈ ಸ್ಟಾಕ್‌ಗೆ ಖರೀದಿ ರೇಟಿಂಗ್ ಅನ್ನು ನಿಗದಿಪಡಿಸಿದ್ದು, 200 ರೂಪಾಯಿಗಳ ಪರಿಷ್ಕೃತ ಗುರಿ ಬೆಲೆ ನೀಡಿದೆ.
ಮೋತಿಲಾಲ್ ಓಸ್ವಾಲ್ ಸಂಸ್ಥೆ ಕೂಡ ಈ ಷೇರು ಖರೀದಿಸಲು ಶಿಫಾರಸು ಮಾಡಿದೆ. ಗ್ಯಾಸ್ ಟ್ರಾನ್ಸ್‌ಮಿಷನ್, ಎಲ್‌ಪಿಜಿ ಮತ್ತು ಪೆಟ್‌ಚೆಮ್ ವಿಭಾಗಗಳಲ್ಲಿ ನಿರೀಕ್ಷಿತಕ್ಕಿಂತ ಉತ್ತಮವಾದ ಕಾರ್ಯಕ್ಷಮತೆಯು ಗೇಲ್ನ ಆರೋಗ್ಯಕರ ತ್ರೈಮಾಸಿಕ ಗಳಿಕೆಗೆ ಕಾರಣವಾಯಿತು ಎಂದು ಈ ಸಂಸ್ಥೆ ವಿಶ್ಲೇಷಕರು ಭಾವಿಸುತ್ತಾರೆ.
ಈ ಬ್ರೋಕರೇಜ್ ಸಂಸ್ಥೆಯು ಗೇಲ್ ಷೇರುಗಳಿಗೆ ಖರೀದಿ ಕರೆಯನ್ನು ನೀಡಿದ್ದು, ಪ್ರತಿ ಷೇರಿಗೆ ಗುರಿ ಬೆಲೆಯನ್ನು 200 ರೂ.ಗೆ ನಿಗದಿಪಡಿಸಿದೆ.
ಗೇಲ್ ಷೇರುಗಳ 52-ವಾರದ ಗರಿಷ್ಠ ಬೆಲೆಯು ರೂ 186.50 ಮತ್ತು ಕನಿಷ್ಠ ಬೆಲೆಯು ರೂ 93.15 ಆಗಿದೆ. ಕಂಪನಿಯು 1,19,962.69 ಕೋಟಿ ರೂ.ಗಳ ಮಾರುಕಟ್ಟೆ ಬಂಡವಾಳವನ್ನು ಹೊಂದಿದೆ.
ಗೇಲ್ ಷೇರುಗಳು ಕಳೆದ 1-ವಾರದಲ್ಲಿ ಷೇರುದಾರರಿಗೆ 5.46% ರಷ್ಟು ಲಾಭವನ್ನು ನೀಡಿವೆ. ಕಳೆದ 3 ತಿಂಗಳಲ್ಲಿ 44% ನಷ್ಟು ಏರಿಕೆಯಾಗಿವೆ. ಕಳೆದ 1-ವರ್ಷದಲ್ಲಿ 90% ಗಳಿಸಿವೆ. ಕಳೆದ 3-ವರ್ಷಗಳಲ್ಲಿ 105% ನಷ್ಟು ಲಾಭವನ್ನು ನೀಡಿವೆ.
2024-25 ನೇ ಹಣಕಾಸು ವರ್ಷದಲ್ಲಿ ಯಾವ ಕಂಪನಿ ಎಷ್ಟೆಷ್ಟು ಲಾಭ?: ಭವಿಷ್ಯ ನುಡಿದ ಬ್ರೋಕರೇಜ್ ಸಂಸ್ಥೆ ಮೋತಿಲಾಲ್ ಓಸ್ವಾಲ್
ಒಂದೇ ರೂಪಾಯಿಯಲ್ಲಿ ಹೃದಯದ ಆರೋಗ್ಯ ಕಾಪಾಡಿಕೊಳ್ಳಿ; ಪ್ಯಾರಾಲೈಸಿಸ್ನಿಂದಲೂ ಪಾರಾಗಿರಿ…