ಕ್ಯಾಲಿಫೋರ್ನಿಯಾ: ಫಾಸ್ಟ್ ಮಳಿಗೆಯೊಂದರ ಹೊರಗೆ ಕುಳಿತು ಫ್ರೀ ವೈ-ಫೈ ಕನೆಕ್ಷನ್ ಬಳಸುತ್ತಿದ್ದ ಇಬ್ಬರು ಬಾಲಕಿಯರಿಗೆ ನೆರವಿನ ಮಹಾಪೂರವೇ ಹರಿದು ಬಂದಿದೆ.
ಇಲ್ಲಿನ ಸಾಲಿನಾಸ್ ಪ್ರದೇಶದಲ್ಲಿದ್ದ ಟಾಕೋ ಬೆಲ್ಸ್ ಮಳಿಗೆ ಹೊರಗೆ ಇಬ್ಬರು ಬಾಲಕಿಯರು ಕುಳಿತಿದ್ದರು. ವಿಚಾರಿಸಿದಾಗ ಶಾಲೆಯಲ್ಲಿ ನೀಡಲಾಗಿರುವ ಹೋಮ್ ವರ್ಕ್ ಮಾಡಲು ಇಂಟರ್ನೆಟ್ಗಾಗಿ ಮಳಿಗೆಯ ಫ್ರೀ ವೈ-ಫೈ ಕನೆಕ್ಷನ್ ಬಳಸುತ್ತಿರುವುದಾಗಿ ಹೇಳಿದ್ದಾರೆ.
ಇದನ್ನೂ ಓದಿ; ಹಣ ಕಟ್ಟೋವರೆಗೆ ರೋಗಿಯನ್ನು ನೋಡಲು ಬಿಡಲಿಲ್ಲ; ದುಡ್ಡು ಕೊಟ್ಟ ಮೇಲೆ ಪೇಷೆಂಟ್ ಈಸ್ ಡೆಡ್ ಎಂದ್ರು….!
ವರ್ಕ್ ಫ್ರಾಮ್ ಹೋಮ್ ಎಂದು ಎಲ್ಲೆಂದರಲ್ಲಿ ಕುಳಿತು ಕೆಲಸ ಮಾಡುತ್ತೇವೆ. ಉತ್ತಮ ವೈ-ಫೈ ಕನೆಕ್ಷನ್ ಇರುವುದರಿಂದ ಅಂಥದ್ದೊಂದು ಸ್ವಾತಂತ್ರ್ಯ ನಮಗಿದೆ. ಆದರೆ, ಶಾಲಾ ಮಕ್ಕಳಿಗೂ ಇದರ ಅವಶ್ಯಕತೆ ಇದೆ ಎನ್ನುವುದನ್ನು ಮರೆತಿದ್ದೇವೆ. ಎಲ್ಲರಿಗೂ ಉತ್ತಮ ಸಂಪರ್ಕ ಸಾಧ್ಯವಾಗಬೇಕು. ಈ ಮಕ್ಕಳಿಗೆ ನೆರವೂ ಬೇಕು ಎಂದು ಮಹಿಳೆಯೊಬ್ಬರು ಮಕ್ಕಳ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದರು.
ಇಷ್ಟಾಗುತ್ತಿದ್ದಂತೆ, ಇವರು ನಮ್ಮ ಶಾಲೆ ಮಕ್ಕಳು ಎಂದು ಗುರುತಿಸಿದ ಶಾಲೆಯವರು ಅವರಿಗಾಗಿ ಹಾಟ್ಸ್ಪಾಟ್ ವ್ಯವಸ್ಥೆ ಮಾಡಿದ್ದಾರೆ. ಈ ಮಕ್ಕಳ ತಾಯಿ ಒಬ್ಬ ವಲಸೆ ಕಾರ್ಮಿಕಳಾಗಿದ್ದಾಳೆ. ಜತೆಗೆ, ತಾವಿರುವ ಬಾಡಿಗೆ ಕೊಠಡಿಯನ್ನು ಬಿಡಬೇಕಾದ ಪರಿಸ್ಥಿತಿ ಎದುರಾಗಿರುವುದು ಗೊತ್ತಾಗಿದೆ. ಹೀಗಾಗಿ ಸ್ಥಳೀಯ ಉದಾರ ಹೃದಯಿಗಳು ಆನ್ಲೈನ್ನಲ್ಲಿ ನಿಧಿ ಸಂಗ್ರಹಕ್ಕೆ ಮುಂದಾಗಿದ್ದಾರೆ. ಈವರೆಗೆ ಒಂದು ಕೋಟಿ ರೂ. (1.40 ಲಕ್ಷ ಡಾಲರ್) ಗೂ ಹೆಚ್ಚು ನೆರವು ಹರಿದು ಬಂದಿದೆ. ಹಲವರು ಅಗತ್ಯ ನೆರವು ನೀಡುವುದಾಗಿಯೂ ಹೇಳಿದ್ದಾರೆ.
ಗ್ರಾಹಕರ ಬ್ಯಾಂಕ್ ಖಾತೆಗೆ ಬರಲ್ಲ ಎಲ್ಪಿಜಿ ಸಬ್ಸಿಡಿ ಹಣ; ಕಾರಣವೇನು ಗೊತ್ತೆ?