ಬೆಂಗಳೂರು: ಈಗೆಲ್ಲ ಒಂದು ಮೊಬೈಲ್ ಫೋನ್ ಹೆಚ್ಚೆಂದರೆ 6 ವರ್ಷ ಬಾಳಿಕೆ ಬರಬಹುದು. ಪ್ರತೀ ವರ್ಷವೂ ಮೊಬೈಲ್ ಬದಲಾಯಿಸುವ ಕಾಲ ಇದಾಗಿದ್ದು ಇಲ್ಲೊಂದು 16 ವರ್ಷ ಹಳೆಯ ಫೋನು ಬರೋಬ್ಬರಿ 52.4 ಲಕ್ಷ ರೂ.ಗೆ ಮಾರಾಟವಾಗಿದೆ. ಅಂದಹಾಗೆ ಈ ಫೋನು ಆ್ಯಪಲ್ ಕಂಪನಿಯದ್ದಾಗಿದ್ದು ಈ ಫೋನಿನ ಕವರ್ ಕೂಡ ಬಿಚ್ಚಲಾಗಿಲ್ಲ. ಇದೇ ಕಾರಣಕ್ಕಾಗಿ ಈ ಫೋನಿಗೆ ಅಷ್ಟೊಂದು ಬೆಲೆ ಬಂದಿದೆ ಎನ್ನಲಾಗಿದೆ.
ನಾವಿರುವ ಆಧುನಿಕ ಯುಗಕ್ಕೆ ಕಾರಣವಾದ ಪ್ರಮುಖ ಆವಿಷ್ಕಾರಗಳಲ್ಲಿ ಫೋನ್ ಕೂಡ ಒಂದು. ಮೊದಲಿಗೆ ಸ್ಮಾರ್ಟ್ಫೊನ್ನ ಪರಿಕಲ್ಪನೆಯನ್ನು ತಂದಿದ್ದೇ ಸ್ಟೀವ್ ಜಾಬ್ಸ್. ಮೊದಲ iPhone 4ಜಿಬಿ ರ್ಯಾಮ್, 8 ಸ್ಟೋರೇಜ್, ಟಚ್‌ಸ್ಕ್ರೀನ್, 2-ಮೆಗಾಪಿಕ್ಸೆಲ್ ಕ್ಯಾಮೆರಾ ಮತ್ತು ವೆಬ್ ಬ್ರೌಸರ್ ಅನ್ನು ಒಳಗೊಂಡಿತ್ತು. ಐಕಾನ್ ಬಾಕ್ಸ್ ಪರದೆಯ ಮೇಲೆ 12 ಐಕಾನ್‌ಗಳೊಂದಿಗೆ ಐಫೋನ್‌ನ ಜೀವಿತಾವಧಿಯ ಚಿತ್ರವನ್ನು ಒಳಗೊಂಡಿತ್ತು. ಇದು ಶೀಘ್ರವಾಗಿ ಆಪಲ್‌ನ ಅತ್ಯಂತ ಯಶಸ್ವಿ ಉತ್ಪನ್ನವಾಯಿತು. ಹೀಗೆ ಆ್ಯಪಲ್ ಕಂಪನಿ ಸ್ಮಾರ್ಟ್‌ಫೋನ್ ಉದ್ಯಮವನ್ನು ಶಾಶ್ವತವಾಗಿ ಬದಲಾಯಿಸಿತು.
ಫ್ಯಾಕ್ಟರಿಯಿಂದ ಹೊರಬಂದಾಗ ಪ್ರತಿಯೊಂದು ಫೋನಿನ ಬಾಕ್ಸ್ ಮೇಲೂ ಒಂದು ಸೀಲ್ ಇರುತ್ತದೆ. ಅದೇ ಸೀಲ್ನೊಂದಿಗೆ ಇರುವ ಮೊದಲ ಮಾದರಿಯ ಐಫೋನ್ಅನ್ನು ವಿಶೇಷ ಸ್ವತ್ತು ಎಂದು ಪರಿಗಣಿಸಲಾಗಿದೆ. ಐಕಾನಿಕ್ ಫ್ಯಾಕ್ಟರಿ ಮೊಹರು, ಮೊದಲ ಎಡಿಷನ್ನ ಐಫೋನ್ಅನ್ನು ಅತ್ಯುತ್ತಮ ಸ್ಥಿತಿಯಲ್ಲಿರುವ ಈ ಫೋನ್‌ನ ಮೂಲ ಮಾಲೀಕರು ಕರೆನ್ ಗ್ರೀನ್. ಹೀಗೆ ಸುಮಾರು 16 ವರ್ಷ ಹಳೆಯ ಫೋನ್ ಬರೋಬ್ಬರಿ 63,653 ಡಾಲರ್ ಅಥವಾ 52.4 ಲಕ್ಷ ರೂ. ಬೆಲೆಗೆ ಮಾರಾಟವಾಗಿದೆ. (ಏಜೆನ್ಸೀಸ್)