ದಿಮಾಪುರ್: ಕೋಲ್ಕತ್ತದಿಂದ ನಾಗಾಲ್ಯಾಂಡ್ನ ದಿಮಾಪುರ್ಗೆ ಮಾ.24ರಂದು ಆಗಮಿಸಿದ್ದ ವ್ಯಕ್ತಿಯಲ್ಲಿ ಕರೊನಾ ಸೋಂಕು ದೃಢಪಟ್ಟಿದೆ. ಇದು ನಾಗಾಲ್ಯಾಂಡ್ನಲ್ಲಿ ಮೊದಲ ಕರೊನಾ ಪ್ರಕರಣವಾಗಿದೆ.
ಕರೊನಾ ಸೋಂಕಿತನನ್ನು ಸದ್ಯ ಆಸ್ಸಾಂನ ಗುವಾಹಟಿ ಆಸ್ಪತ್ರೆಯಲ್ಲಿ ಅಡ್ಮಿಟ್ ಮಾಡಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ.
ನಾಗಾಲ್ಯಾಂಡ್ನ ಬಹುದೊಡ್ಡ ಪಟ್ಟಣವಾದ ದಿಮಾಪುರ್ದಲ್ಲಿ ಮೊಲದ ಕರೊನಾ ಪ್ರಕರಣ ಪತ್ತೆಯಾದ ಹಿನ್ನೆಲೆಯಲ್ಲಿ ಅಲ್ಲಿ ಹಲವು ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಮಾರ್ವಾರಿಪಟ್ಟಿ ಮತ್ತು ಘೋರಪಟ್ಟಿ ಪ್ರದೇಶಗಳು ಸಂಪೂರ್ಣ ಸೀಲ್ಡೌನ್ ಆಗಿವೆ. ಹಾಗೇ ಸೋಂಕಿತ ಆಸ್ಸಾಂ ಆಸ್ಪತ್ರೆಗೆ ತೆರಳುವುದಕ್ಕಿಂತ ಮೊದಲು ಅಡ್ಮಿಟ್ ಆಗಿದ್ದ ದಿಮಾಪುರ್ದ ಝಿಯೋನ್ ಆಸ್ಪತ್ರೆಯನ್ನೂ ಬಂದ್ ಮಾಡಲಾಗಿದೆ. ಇದರ ವೈದ್ಯರು, ನರ್ಸ್ಗಳನ್ನು ಕ್ವಾರಂಟೈನ್ಗೆ ಒಳಪಡಿಸಲಾಗಿದೆ.
ಕರೊನಾ ಸೋಂಕಿತನ ಕುಟುಂಬದ ಸದಸ್ಯರನ್ನು ಈಗಾಗಲೇ ಸರ್ಕಾರಿ ಕ್ವಾರಂಟೈನ್ ಕೇಂದ್ರಕ್ಕೆ ಕಳಿಸಲಾಗಿದೆ ಎಂದು ನಾಗಾಲ್ಯಾಂಡ್ ಸರ್ಕಾರ ಹೇಳಿಕೆ ಬಿಡುಗಡೆ ಮಾಡಿದೆ.
ಹಾಗೇ ಈ ವ್ಯಕ್ತಿ ಮಾರ್ಚ್ 24ರಂದು ವಿಮಾನದ ಮೂಲಕ ಕಲ್ಕತ್ತಾದಿಂದ ದಿಮಾಪುರ್ಗೆ ಬಂದು ಹೋಂ ಕ್ವಾರಂಟೈನ್ನಲ್ಲಿ ಇದ್ದ. ಇದೀಗ ಆತ ಬಂದಿದ್ದ ವಿಮಾನದಲ್ಲಿದ್ದವರನ್ನು, ಬಂದ ಬಳಿಕ ಈತನ ಸಂಪರ್ಕಕ್ಕೆ ಹೋದವರನ್ನು ಟ್ರೇಸ್ ಮಾಡುವ ಕಾರ್ಯ ಪ್ರಾರಂಭವಾಗಿದೆ (ಏಜೆನ್ಸೀಸ್)