ಅಹಮದಾಬಾದ್: ಅನಾರೋಗ್ಯ ಸಮಸ್ಯೆ ಸರಿಹೋಗಬೇಕಿದ್ದರೆ ಡಾಕ್ಟರ್ ಬಳಿಗೆ ಹೋಗುತ್ತೇವೆ. ಆದರೆ ಇಲ್ಲೊಬ್ಬರು ಡಾಕ್ಟರ್ ತಮ್ಮ ಸಮಸ್ಯೆ ಪರಿಹಾರಕ್ಕೆ ಖತರ್ನಾಕ್ ಐಡಿಯಾದ ಮೊರೆ ಹೋಗುತ್ತಿದ್ದರು. ಹೀಗೊಂದು ಭಯಂಕರ ಐಡಿಯಾ ಮಾಡಿರುವ ಡಾಕ್ಟರ್ ಕೊನೆಗೂ ಸಿಕ್ಕಿಬಿದ್ದಿದ್ದು ಬಂಧನಕ್ಕೆ ಒಳಗಾಗಿದ್ದಾರೆ.
ಡಾ. ವಿಜಯ್ ಪಾರಿಖ್ ಎಂಬ ಹೆಸರಿನ ಈ ವೈದ್ಯನನ್ನು ಪೊಲೀಸರು ಬಂಧಿಸಿದ್ದಾರೆ. ಗುಜರಾತ್ನ ಅಮ್ರೇಲಿ ನಿವಾಸಿಯಾಗಿರುವ ಈ ವೈದ್ಯ, ಸರ್ಕಾರದ ಮಟ್ಟದಲ್ಲಿ ತನ್ನ ಕೆಲಸಗಳು ಸರಿಯಾಗಿ ಆಗುವಂತೆ ನೋಡಿಕೊಳ್ಳಲು ಪ್ರಧಾನಿ ಕಾರ್ಯಾಲಯವನ್ನೇ ಬಳಸಿಕೊಳ್ಳುತ್ತಿದ್ದ. ಹಾಗಂತ ಸನ್ಮಾರ್ಗದಲ್ಲಿ ಅಲ್ಲ.. ಅದಕ್ಕಾಗಿ ಆತ ಅಡ್ಡದಾರಿ ಹಿಡಿದಿದ್ದ.
ಅಂದರೆ ಪ್ರಧಾನಮಂತ್ರಿ ಕಾರ್ಯಾಲಯದ ಅಧಿಕಾರಿಗಳ ಹೆಸರಿನಲ್ಲಿ ಇ-ಮೇಲ್ ಕ್ರಿಯೇಟ್ ಮಾಡಿ, ಅದರ ಮೂಲಕ ಗುಜರಾತ್ ಸರ್ಕಾರಿ ಅಧಿಕಾರಿಗಳಿಗೆ ಇ-ಮೇಲ್ ಕಳಿಸಿ, ತನ್ನ ಕೆಲಸಗಳನ್ನು ಸರಾಗವಾಗಿ ಮಾಡಿಸಿಕೊಳ್ಳುತ್ತಿದ್ದ. ಆದರೆ ಐಪಿಎಸ್ ಅಧಿಕಾರಿಯೂ ಆಗಿರುವ ಒಬ್ಬ ಹಿರಿಯ ಅಧಿಕಾರಿಗೆ ಹೀಗೆ ಇ-ಮೇಲ್ ಕಳಿಸಿ ಈ ವೈದ್ಯ ಸಿಕ್ಕಿಬಿದ್ದಿದ್ದಾನೆ.
ಪಾರಿಖ್ ಅಹಮದಾಬಾದ್ನ ಪಾರಿಮಲ್ ಗಾರ್ಡನ್ ಪ್ರದೇಶದಲ್ಲಿ ನಿಶಿತ್ ಷಾ ಅವರಿಂದ ಎರಡು ಕಚೇರಿಗಳನ್ನು ಖರೀದಿಸಿದ್ದು, ಬಳಿಕ ಷಾ ಅದನ್ನು ಹಸ್ತಾಂತರಿಸಿಲ್ಲ ಎಂದು ಮೇಲ್ನಲ್ಲಿ ಹೇಳಲಾಗಿತ್ತು. ಈ ಸಂಬಂಧ ಪಾರಿಖ್ ಪ್ರಧಾನಿ ಕಾರ್ಯಾಲಯಕ್ಕೆ ಇ-ಮೇಲ್ ಮಾಡಿದ್ದು, ಕಚೇರಿ ಸ್ಥಳ ಬಿಟ್ಟುಕೊಡುವಂತೆ ಹಾಗೂ ಆ ಬಗ್ಗೆ ಅಧಿಕಾರಿಗಳು ಸೂಕ್ತ ಕ್ರಮಕೈಗೊಳ್ಳುವಂತೆ ಮತ್ತು ಈ ಎಲ್ಲ ಬೆಳವಣಿಗೆಗಳನ್ನು ಪ್ರಧಾನಿ ಗಮನಿಸುತ್ತಾರೆ ಎಂದೂ ಉಲ್ಲೇಖಿಸಿರುವ ಸೂಚನೆ ಇ-ಮೇಲ್ ಮೂಲಕ ಅಧಿಕಾರಿಗಳಿಗೆ ರವಾನೆ ಆಗಿತ್ತು. ಆದರೆ ಸೈಬರ್ ಕ್ರೈಮ್ ಅಧಿಕಾರಿಗಳು ಈ ಬಗ್ಗೆ ಪರಿಶೀಲಿಸಿದಾಗ ಸ್ವತಃ ಪಾರಿಖ್ ಈ ಮೇಲ್ಗಳನ್ನು ಕಳುಹಿಸಿದ್ದು ತಿಳಿದುಬಂದಿತ್ತು.
ಅಲ್ಲಿ ಪೊಲೀಸರೇ ಬಾಗಿಲು ಮುರಿಯಲೆತ್ನಿಸಿದ್ದೇಕೆ?; ಪೊಲೀಸರ ವಿರುದ್ಧವೇ ತಿರುಗಿ ಬಿದ್ದ ಜಿಮ್ ಮಾಲೀಕ!
ಹಸೆಮಣೆ ಏರಬೇಕಿದ್ದ ವರ ದಿಬ್ಬಣ ಸಮೇತ ಬೀದಿಗಿಳಿದ; ಅದಕ್ಕೆ ಕಾರಣ ಒಬ್ಬಿಬ್ಬರಲ್ಲ..!