ಬೆಂಗಳೂರು: ಮನೆಯ ಆವರಣದ ಬಳಿ ಇಂಡಿಯನ್​ ಗ್ಯಾಸ್​​ ಏಜೆಂಟ್​​ ಸಿಲಿಂಡರ್​ ತಂದಿಡುತ್ತಿದ್ದಂತೆ ಏಕಾಏಕಿ ಬೆಂಕಿ ಹೊತ್ತಿಕೊಂಡ ಘಟನೆ ಮಲ್ಲೇಶ್ವರಂನಲ್ಲಿ ನಡೆದಿದೆ. ಸದ್ಯ ಈ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಏಜೆಂಟ್​ ನಡೆ ವಿರುದ್ಧ ನೆಟ್ಟಿಗರು ಕಿಡಿಕಾರುತ್ತಿದ್ದಾರೆ. ದೀಪ ಇರುವ ಕಡೆ ಗ್ಯಾಸ್ ಇಟ್ಟಿದ್ದು ಏಜೆಂಟ್ ತಪ್ಪು ಎಂದು ಆಕ್ಷೇಪ ವ್ಯಕ್ತಪಡಿಸುತ್ತಿದ್ದಾರೆ.

ಏನಾಗಿತ್ತು?

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್ ಆದ ವಿಡಿಯೋ ಪ್ರಕಾರ, ಮಲ್ಲೇಶ್ವರಂ ಪೊಲೀಸ್​ ಠಾಣಾ ವ್ಯಾಪ್ತಿ.. ಕುಟುಂಬಸ್ಥರೊಬ್ಬರು ಸಿಲಿಂಡರ್ ಆರ್ಡರ್ ಮಾಡಿದ್ದಾರೆ. ಸಿಲಿಂಡರ್ ತಂದಿಡುವ ದಿನ ಮನೆಯನ್ನು ಗೃಹಿಣಿ ಅಲಂಕರಿಸಿದ್ದರು. ರಂಗೋಲಿ ಹಚ್ಚಿ ಬಾಗಿಲ ಬಳಿ ದೀಪ ಅಂಟಿಸಿದ್ದರು. ಇದೇ ವೇಳೆ ಬಂದ ಇಂಡಿಯನ್​​ ಗ್ಯಾಸ್ ಏಜೆಂಟ್​​​​ ಗ್ಯಾಸ್ ಇಳಿಸಿದ್ದಾರೆ. ತಕ್ಷಣವೇ ಅದು ದೀಪದ ಬೆಂಕಿಗೆ ಹೊತ್ತುಕೊಂಡಿದೆ. ಏಜೆಂಟ್ ಅದನ್ನು ಯಾರೂ ಇಲ್ಲದ ಸ್ಥಳಕ್ಕೆ ಬಿಸಾಡಿ...ಪ್ರಾಣ ಉಳಿಸಿಕೊಂಡಿದ್ದಾರೆ. ನಂತರ ಇಬ್ಬರು ಸೇರಿ ನೀರನ್ನು ಹಾಕಿ, ಪರಿಸ್ಥಿತಿ ತಹಬದಿಗೆ ತಂದಿರುವುದು ವಿಡಿಯೋದಲ್ಲಿ ಇದೆ.

ಪ್ರಾಣ ಹಾನಿ ಸಂಭವಿಸಿಲ್ಲ

ಸಿಲಿಂಡರ್​ಗೆ ಬೆಂಕಿ ಹತ್ತಿಕೊಂಡ ಬಗ್ಗೆ ಮಾಹಿತಿ ಪಡೆದುಕೊಳ್ಳುತ್ತಲೇ, ಮಲ್ಲೇಶ್ವರಂ ಪೊಲೀಸರು ಮತ್ತು ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ತನಿಖೆ ನಡೆಸಿದರು. ಅದೃಷ್ಟವಶಾತ್ ಸಾರ್ವಜನಿಕರ ಜೀವಕ್ಕೂ ಅಪಾಯವಾಗಿಲ್ಲ ಎಂದು ಸ್ಪಷ್ಟಪಡಿಸಿದರು.

ಪೊಲೀಸರ ಪ್ರಾಥಮಿಕ ತನಿಖೆ ಪ್ರಕಾರ, ಸಿಲಿಂಡರ್​ನಲ್ಲಿ ಸಣ್ಣ ಪ್ರಮಾಣದ ಗ್ಯಾಸ್​ ಲೀಕೆಜ್​ ಆಗಿದೆ. ಹೀಗಾಗಿ ಸಿಲಿಂಡರ್​ ಕೆಳಕ್ಕೆ ಇಡುತ್ತಲೇ ಹತ್ತಿರದಲ್ಲೇ ಇದ್ದ ದೀಪದ ಗಾಳಿಗೆ ಬೆಂಕಿ ಹತ್ತಿಕೊಂಡು ಸ್ಫೋಟಗೊಂಡಿದೆ ಎನ್ನಲಾಗಿದೆ.

ಡೆಲಿವರಿ ಬಾಯ್ ವಿರುದ್ಧ ಕಿಡಿ

ಈ ಡೆಲಿವರಿ ಬಾಯ್ ಎಷ್ಟು ಮೂರ್ಖ. ಬಾಗಿಲ ಮುಂದೆಯೇ ದೀಪ ಉರಿಯುತ್ತಿದೆ. ಆದರೂ ಇವನು ಸಿಲಿಂಡರ್ ಕ್ಲಿಪ್​ ತೆಗೆದಿದ್ದಾನೆ. ಅಷ್ಟೇ ಅಲ್ಲ, ಬೆಂಕಿಯನ್ನು ಹೇಗೆ ನಂದಿಸಬೇಕು ಎಂಬ ಅರಿವೂ ಇವನಿಗಿಲ್ಲ ಎಂದು ಕಿಡಿಕಾರಿದ್ದಾರೆ. ಗಣೇಶ್ ಆರ್ ಎಂಬುವವರು ಕಾಮೆಂಟ್ ಮಾಡಿದ್ದು, ಗ್ಯಾಸ್​ ಲೀಕ್​ ಆಗಿ ಬೆಂಕಿ ಹೊತ್ತುಕೊಂಡ ಬಗ್ಗೆ ಅಲ್ಲ, ಆ ಡೆಲಿವರಿ ಏಜೆಂಟ್​ ಸಿಲಿಂಡರ್ ಅನ್ನು ತಂದಿಳಿಸಿದ ಬಗ್ಗೆ ಮತ್ತು ಸಿಲಿಂಡರ್​ ಲೀಕ್​ ಆಗಿ​ ಬೆಂಕಿ ಹೊತ್ತಿಕೊಂಡ ನಂತರ ಆತ ವರ್ತಿಸಿದ ಬಗ್ಗೆ ನಾಚಿಕೆಯಾಗಬೇಕು. ನಿಮಗೆ ತರಬೇತಿ ನೀಡಲು ಇಡುವ ಹಣ ಎಲ್ಲಿಗೆ ಹೋಗುತ್ತಿವೆ? ಎಂದು ಗುಡುಗಿದ್ದಾರೆ, (ಏಜೆನ್ಸೀಸ್).

ಇದು ಸಾಮಾನ್ಯ ಕೋಣೆಯಲ್ಲ, ಶಬ್ದವನ್ನೇ ಹೀರಿಕೊಳ್ಳುವ ಕೊಠಡಿ

ಈ ವಿಶೇಷ ಕೊಠಡಿಯನ್ನು ಅನೆಕೋಯಿಕ್ ಚೇಂಬರ್ ಎಂದು ಕರೆಯುತ್ತಾರೆ. ಅನೆಕೋಯಿಕ್ ಎಂದರೆ ಪ್ರತಿಧ್ವನಿ ಇಲ್ಲದಿರುವುದು ಎಂದರ್ಥ. ಕೋಣೆಯ ಗೋಡೆ, ಮೇಲ್ಛಾವಣಿ ಮತ್ತು ನೆಲಕ್ಕೆ ವಿಶೇಷ ಧ್ವನಿ ಹೀರಿಕೊಳ್ಳುವ ವಸ್ತುಗಳನ್ನು ಅಳವಡಿಸಲಾಗಿರುತ್ತದೆ. ಗೋಡೆಗಳ ಮೇಲಿರುವ ಮೊನಚಾದ ನಾರುಮಯ ರಚನೆಗಳು ಶಬ್ದದ ಅಲೆಗಳು ಪ್ರತಿಫಲಿಸದಂತೆ ತಡೆಯುತ್ತವೆ. ಹೊರಗಿನ ಶಬ್ದ ಒಳಗೆ ಪ್ರವೇಶಿಸದಂತೆ ಕೊಠಡಿಯನ್ನು ಪ್ರತ್ಯೇಕವಾಗಿಯೂ ನಿರ್ಮಿಸಲಾಗುತ್ತದೆ.

ಅಮೆರಿಕದ ಮಿನಿಯಾಪೊಲಿಸ್‌ನಲ್ಲಿರುವ ಆರ್ಫೀಲ್ಡ್ ಪ್ರಯೋಗಾಲಯದ ಈ ಕೊಠಡಿಯಲ್ಲಿ 2021ರ ನವೆಂಬರ್ 19ರಂದು ಶಬ್ದದ ಮಟ್ಟವನ್ನು ಮೈನಸ್ 24.9 ಡೆಸಿಬಲ್ ಎಂದು ದಾಖಲಿಸಲಾಗಿದೆ. ಗಿನ್ನೆಸ್ ವಿಶ್ವ ದಾಖಲೆಗಳ ಪ್ರಕಾರ ಇದು ಜಗತ್ತಿನ ಅತ್ಯಂತ ಮೌನವಾದ ಸ್ಥಳವಾಗಿದೆ. ಇಲ್ಲಿ ಶಬ್ದದ ಮಟ್ಟ ಮಾನವನ ಸಾಮಾನ್ಯ ಶ್ರವಣ ಮಿತಿಗಿಂತಲೂ ಕೆಳಗಿರುತ್ತದೆ.

ಮೌನದಲ್ಲಿ ಸ್ವಂತ ದೇಹದ ಶಬ್ದವೇ ಕೇಳಿಸುತ್ತದೆಯೇ?

ಸಾಮಾನ್ಯ ಪರಿಸರದಲ್ಲಿ ನಮ್ಮ ಸುತ್ತಲೂ ಅನೇಕ ಶಬ್ದಗಳು ಇರುತ್ತವೆ. ವಾಹನಗಳ ಸದ್ದು, ಗಾಳಿಯ ಚಲನೆ, ಜನರ ಮಾತು ಇವೆಲ್ಲವೂ ದೇಹದ ಒಳಗಿನ ಸಣ್ಣ ಶಬ್ದಗಳನ್ನು ಗಮನಿಸದಂತೆ ಮಾಡುತ್ತವೆ. ಆದರೆ ಅತ್ಯಂತ ಮೌನವಾದ ಕೋಣೆಯಲ್ಲಿ ಹೊರಗಿನ ಶಬ್ದಗಳು ಬಹುತೇಕ ಇಲ್ಲದಿರುವುದರಿಂದ ಕಿವಿ ತನ್ನದೇ ದೇಹದಿಂದ ಬರುವ ಸೂಕ್ಷ್ಮ ಶಬ್ದಗಳತ್ತ ಹೆಚ್ಚು ಗಮನ ಹರಿಸುತ್ತದೆ.

ಇಂತಹ ಕೋಣೆಗೆ ಭೇಟಿ ನೀಡಿದ ಕೆಲವರು ತಮ್ಮ ಹೃದಯಬಡಿತ, ಉಸಿರಾಟ, ಹೊಟ್ಟೆಯೊಳಗಿನ ಗುಳುಗುಳ ಶಬ್ದ ಮತ್ತು ನುಂಗುವಾಗ ಉಂಟಾಗುವ ಸದ್ದನ್ನು ಹೆಚ್ಚು ಸ್ಪಷ್ಟವಾಗಿ ಅನುಭವಿಸಿರುವುದಾಗಿ ವರದಿ ಮಾಡಿದ್ದಾರೆ. ಕಣ್ಣು ಮಿಟುಕಿಸುವಾಗ ಉಂಟಾಗುವ ಸಣ್ಣ ಶಬ್ದವೂ ಗಮನಕ್ಕೆ ಬರಬಹುದು ಎಂದು ಕೆಲವು ಸಂದರ್ಶಕರು ಹೇಳಿದ್ದಾರೆ. ಇಲ್ಲಿ ಒಂದು ಮುಖ್ಯವಾದ ಸಂಗತಿಯಿದೆ. ಕಿವಿಯೊಳಗೆ ಹೊರಗಿನ ಶಬ್ದಗಳಿಲ್ಲದಿದ್ದಾಗ ಕೆಲವರಿಗೆ ಕಿವಿಯಲ್ಲಿ ಗುಂಯ್ ಎಂಬ ಸದ್ದು ಅಥವಾ ಮೌನದಲ್ಲಿಯೂ ಕೇಳಿಸುವ ಶಬ್ದದ ಅನುಭವವಾಗಬಹುದು. ಇದನ್ನು ಕಿವಿಯಲ್ಲಿ ಶಬ್ದ ಕೇಳಿಸುವ ಸ್ಥಿತಿ ಎಂದು ಕರೆಯಲಾಗುತ್ತದೆ. ಆದರೆ ಎಲ್ಲರಿಗೂ ಒಂದೇ ರೀತಿಯ ಅನುಭವವಾಗುವುದಿಲ್ಲ.

ಕೆಲವರಿಗೆ ತಲೆಸುತ್ತು, ಅಸ್ವಸ್ಥತೆ ಉಂಟಾಗುವುದೇಕೆ?

ಸಾಮಾನ್ಯ ಕೋಣೆಯಲ್ಲಿ ನಾವು ಮಾತನಾಡುವಾಗ ಅಥವಾ ನಡೆಯುವಾಗ ನಮ್ಮ ಧ್ವನಿ ಗೋಡೆಗಳಿಗೆ ತಾಗಿ ಪ್ರತಿಧ್ವನಿಸುತ್ತದೆ. ಇದರಿಂದ ಸುತ್ತಲಿನ ಜಾಗದ ಗಾತ್ರ ಮತ್ತು ದಿಕ್ಕನ್ನು ಅರ್ಥಮಾಡಿಕೊಳ್ಳಲು ಮೆದುಳಿಗೆ ಸಹಾಯವಾಗುತ್ತದೆ. ಆದರೆ ಅನೆಕೋಯಿಕ್ ಚೇಂಬರ್‌ನಲ್ಲಿ ಪ್ರತಿಧ್ವನಿ ಇಲ್ಲದಿರುವುದರಿಂದ ಈ ಪರಿಚಿತ ಅನುಭವ ಬದಲಾಗುತ್ತದೆ.

ಕೆಲವರಿಗೆ ಇಂತಹ ವಾತಾವರಣದಲ್ಲಿ ದಿಕ್ಕು ಗುರುತಿಸಲು ಕಷ್ಟವಾಗಬಹುದು. ಅಸ್ವಸ್ಥತೆ, ಆತಂಕ ಅಥವಾ ತಲೆಸುತ್ತಿನ ಅನುಭವವೂ ಉಂಟಾಗಬಹುದು. ವಿಶೇಷವಾಗಿ ಹೊರಗಿನ ಶಬ್ದಗಳ ಕೊರತೆಯಿಂದ ತಮ್ಮದೇ ದೇಹದ ಶಬ್ದಗಳ ಮೇಲೆ ಹೆಚ್ಚು ಗಮನ ಹರಿಸುವವರಿಗೆ ಈ ಅನುಭವ ವಿಚಿತ್ರವಾಗಿ ಕಾಣಬಹುದು. ಆದರೆ ಎಲ್ಲರೂ ಇಂತಹ ಸಮಸ್ಯೆ ಅನುಭವಿಸುತ್ತಾರೆ ಎನ್ನಲು ಸಾಧ್ಯವಿಲ್ಲ.

ಈ ಕೋಣೆಯನ್ನು ಏಕೆ ನಿರ್ಮಿಸಲಾಗಿದೆ?

ಇಂತಹ ಕೊಠಡಿಗಳನ್ನು ಜನರನ್ನು ಮೌನದಲ್ಲಿ ಪರೀಕ್ಷಿಸಲು ಮಾತ್ರ ನಿರ್ಮಿಸಿಲ್ಲ. ಧ್ವನಿವರ್ಧಕಗಳು, ಮೈಕ್ರೊಫೋನ್‌ಗಳು, ಮೊಬೈಲ್ ಫೋನ್‌ಗಳು, ವಾಹನಗಳು ಮತ್ತು ಗೃಹೋಪಯೋಗಿ ಉಪಕರಣಗಳ ಶಬ್ದವನ್ನು ನಿಖರವಾಗಿ ಪರೀಕ್ಷಿಸಲು ಬಳಸಲಾಗುತ್ತದೆ ಹೊಸ ಮೊಬೈಲ್‌ನ ಧ್ವನಿವರ್ಧಕ ಎಷ್ಟು ಸ್ಪಷ್ಟವಾಗಿ ಧ್ವನಿ ಹೊರಹಾಕುತ್ತದೆ, ತೊಳೆಯುವ ಯಂತ್ರ ಎಷ್ಟು ಶಬ್ದ ಮಾಡುತ್ತದೆ ಅಥವಾ ಮೈಕ್ರೊಫೋನ್ ಎಷ್ಟು ಸೂಕ್ಷ್ಮವಾದ ಧ್ವನಿಯನ್ನು ದಾಖಲಿಸುತ್ತದೆ ಎಂಬುದನ್ನು ತಿಳಿಯಲು ಇಂತಹ ಕೊಠಡಿಗಳು ನೆರವಾಗುತ್ತವೆ.

ಮೌನವೇ ಮನುಷ್ಯನಿಗೆ ಸವಾಲಾಗುತ್ತದೆಯೇ?

ಅತ್ಯಂತ ಮೌನವಾದ ಕೋಣೆಯಲ್ಲಿ ಮನುಷ್ಯ ಹೆಚ್ಚು ಹೊತ್ತು ಇರಲು ಸಾಧ್ಯವಿಲ್ಲ, 45 ನಿಮಿಷಗಳಿಗಿಂತ ಹೆಚ್ಚು ಉಳಿದವರು ಇಲ್ಲ ಎಂಬ ಮಾತುಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತವೆ. ಆದರೆ, ಇದನ್ನು ಅಧಿಕೃತ ವೈಜ್ಞಾನಿಕ ನಿಯಮವೆಂದು ಪರಿಗಣಿಸಲು ಆಧಾರವಿಲ್ಲ. ಒಬ್ಬೊಬ್ಬರ ಅನುಭವ, ದೈಹಿಕ ಸ್ಥಿತಿ ಮತ್ತು ಮಾನಸಿಕ ಪ್ರತಿಕ್ರಿಯೆ ವಿಭಿನ್ನವಾಗಿರುತ್ತದೆ.

ಹೀಗಾಗಿ ಜಗತ್ತಿನ ಅತ್ಯಂತ ಮೌನವಾದ ಕೋಣೆ ಎಂದರೆ ಭಯಾನಕ ಸ್ಥಳ ಎಂದರ್ಥವಲ್ಲ. ಬದಲಿಗೆ ಶಬ್ದದ ಅನುಪಸ್ಥಿತಿಯಲ್ಲಿಯೂ ನಮ್ಮ ಕಿವಿ ಮತ್ತು ಮೆದುಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ನೆರವಾಗುವ ಅದ್ಭುತ ವೈಜ್ಞಾನಿಕ ಪ್ರಯೋಗಾಲಯ, (ಏಜೆನ್ಸೀಸ್​).

ದೆಹಲಿಯ ರೋಹಿಣಿ ಪ್ರದೇಶದಲ್ಲಿರುವ ಕಂಪನಿಯೊಂದು ತನ್ನ ಉದ್ಯೋಗಿಗಳಿಗೆ ದೀಪಾವಳಿ ಹಬ್ಬದ ಪ್ರಯುಕ್ತ ಐಫೋನ್ 16 ಸ್ಮಾರ್ಟ್‌ಫೋನ್‌ಗಳನ್ನು ಉಡುಗೊರೆಯಾಗಿ ನೀಡಿದೆ. ಈ ವಿಶೇಷ ಕ್ಷಣದ ವಿಡಿಯೋವನ್ನು ಕಂಪನಿಯು ತನ್ನ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಸದ್ಯ ಇದು ಇಂಟರ್‌ನೆಟ್‌ನಲ್ಲಿ ಭಾರಿ ಸದ್ದು ಮಾಡುತ್ತಿದೆ.

ಕೇವಲ 16 ಸೆಕೆಂಡುಗಳ ಅವಧಿಯ ಈ ವಿಡಿಯೋದಲ್ಲಿ, ಬಣ್ಣ-ಬಣ್ಣದ ರಿಬ್ಬನ್‌ಗಳಿಂದ ಅಲಂಕರಿಸಲ್ಪಟ್ಟ 16 ಐಫೋನ್‌ಗಳನ್ನು ಉದ್ಯೋಗಿಗಳ ಮೇಜಿನ ಮೇಲೆ ಸಾಲಾಗಿ ಜೋಡಿಸಿಟ್ಟಿರುವುದನ್ನು ಕಾಣಬಹುದು. ಬಿಳಿ, ಹಸಿರು, ನೀಲಿ ಹಾಗೂ ಕಪ್ಪು ಬಣ್ಣಗಳ ಈ ದುಬಾರಿ ಫೋನ್‌ಗಳನ್ನು ಕಂಡ ತಕ್ಷಣ ಮಹಿಳಾ ಉದ್ಯೋಗಿಗಳು ಸಂತಸದಿಂದ ಕುಣಿದಾಡುವ ಹಾಗೂ ತಮ್ಮ ಆಶ್ಚರ್ಯವನ್ನು ವ್ಯಕ್ತಪಡಿಸುವ ದೃಶ್ಯಗಳು ನೆಟ್ಟಿಗರ ಗಮನ ಸೆಳೆದಿದೆ.

ಸಾಮಾನ್ಯವಾಗಿ ದೀಪಾವಳಿಯ ಸಮಯದಲ್ಲಿ ಕಂಪನಿಗಳು ತಮ್ಮ ನೌಕರರಿಗೆ ಸೋನ್‌ಪಾಪ್ಡಿ (Sonpapdi) ಸ್ವೀಟ್​ ಬಾಕ್ಸ್​, ಪಾತ್ರೆಗಳು ಅಥವಾ ಕಡಿಮೆ ಬೆಲೆಯ ಉಡುಗೊರೆಗಳನ್ನು ನೀಡುವುದು ಸಾಮಾನ್ಯ. ಆದರೆ, ಸಾಂಪ್ರದಾಯಿಕ ಶೈಲಿಯಿಂದ ಹೊರಬಂದು, ಲಕ್ಷಾಂತರ ರೂಪಾಯಿ ಮೌಲ್ಯದ ಐಫೋನ್‌ಗಳನ್ನು ಉಡುಗೊರೆಯಾಗಿ ನೀಡಿದ ಈ ಕಂಪನಿಯ ಉದಾರತೆಗೆ ಸಾರ್ವಜನಿಕರು ಶಹಬ್ಬಾಸ್ ಎಂದಿದ್ದಾರೆ.

ಈ ವಿಡಿಯೋವನ್ನು ಹಂಚಿಕೊಂಡಿರುವ ಕಂಪನಿಯು, "ನಮಗೆ ಯಾರೂ ಸ್ಪರ್ಧೆಯಿಲ್ಲ, ನಿಮಗೆ ಈ ದೀಪಾವಳಿಗೆ ಏನು ಸಿಕ್ಕಿತು?" ಎಂಬ ಆಕರ್ಷಕ ಹಾಗೂ ತಮಾಷೆಯ ಶೀರ್ಷಿಕೆಯನ್ನು ನೀಡಿ ಪೋಸ್ಟ್ ಮಾಡಿದ್ದು, ಇದು ಸೋಷಿಯಲ್ ಮೀಡಿಯಾ ಬಳಕೆದಾರರಲ್ಲಿ ಭಾರಿ ಕುತೂಹಲ ಮೂಡಿಸಿದೆ.

ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಹಲವರು ಕಂಪನಿಯ ಈ ವಿಭಿನ್ನ ಉಡುಗೊರೆಯನ್ನು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ಆದರೆ, ಇನ್ನೊಂದೆಡೆ ಕೆಲ ನೆಟ್ಟಿಗರು ಇದು ನಿಜವಾದ ಘಟನೆಯೇ ಅಥವಾ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ (AI) ತಂತ್ರಜ್ಞಾನ ಬಳಸಿ ಸೃಷ್ಟಿಸಿದ ನಕಲಿ ವಿಡಿಯೋವೇ ಎಂದು ಅನುಮಾನ ವ್ಯಕ್ತಪಡಿಸಿ ಕಮೆಂಟ್ ಮಾಡುತ್ತಿದ್ದಾರೆ.

ಈ ಅನುಮಾನಗಳಿಗೆ ತಕ್ಷಣವೇ ಸ್ಪಂದಿಸಿದ ಕಂಪನಿಯು, ನಗುವಿನ ಇಮೋಜಿಗಳೊಂದಿಗೆ ಕಮೆಂಟ್ ಮಾಡಿ, "ಇದು ಯಾವುದೇ ಎಐ (AI) ಸೃಷ್ಟಿಯಲ್ಲ, ಇದು ನೂರಕ್ಕೆ ನೂರರಷ್ಟು ನಿಜವಾದ ಘಟನೆ. ವಿಡಿಯೋವನ್ನು ಮತ್ತೊಮ್ಮೆ ಸೂಕ್ಷ್ಮವಾಗಿ ಗಮನಿಸಿ" ಎಂದು ಸ್ಪಷ್ಟಪಡಿಸುವ ಮೂಲಕ ಎಲ್ಲ ಅನುಮಾನಗಳಿಗೆ ತೆರೆ ಎಳೆದಿದೆ.

ಇನ್ನೂ ಈ ಪೋಸ್ಟ್‌ನ ಕೆಳಗೆ ನೆಟ್ಟಿಗರು ತರಹೇವಾರಿ ಕಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. ನಮ್ಮ ಕಂಪನಿಯಲ್ಲಿ ಒಂದು ಸೋನ್‌ಪಾಪ್ಡಿ ಬಾಕ್ಸ್​ ಕೂಡ ನೀಡಲಿಲ್ಲ" ಎಂದು ಅನೇಕರು ತಮ್ಮ ಬೇಸರ ತೋಡಿಕೊಂಡರೆ, ಇನ್ನು ಕೆಲವರು "ಈ ಕಂಪನಿಯಲ್ಲಿ ಕೆಲಸ ಪಡೆಯಲು ಏನು ಮಾಡಬೇಕು? ಪ್ರಸ್ತುತ ಯಾವುದಾದರೂ ಖಾಲಿ ಹುದ್ದೆಗಳು ಇವೆಯೇ?" ಎಂದು ಕೆಲಸಕ್ಕಾಗಿ ಅರ್ಜಿ ಸಲ್ಲಿಸಲು ಉತ್ಸುಕತೆ ತೋರುತ್ತಿದ್ದಾರೆ, (ಏಜೆನ್ಸೀಸ್​).

ಆಶಿಶ್ ಚಂಚಲಾನಿ ಮೆಚ್ಚುಗೆ

‘ರಾಮಾಯಣ ಅತ್ಯುತ್ತಮ ಆಕ್ಷನ್ ಹಾಗೂ ದೃಶ್ಯ ವೈಭವವಿರುವ ಬ್ಲಾಕ್‌ಬಸ್ಟರ್ ಸಿನಿಮಾ. ನಿತೇಶ್ ತಿವಾರಿ ನಿರ್ದೇಶನ ಚಿತ್ರದ ಜೀವಾಳ’ ಎಂದು ಪ್ರಸಿದ್ಧ ಯೂಟ್ಯೂಬರ್ ಆಶಿಶ್ ಚಂಚಲಾನಿ ಬರೆದುಕೊಂಡಿದ್ದಾರೆ. ಲಕ್ಷ್ಮಣನ ಪಾತ್ರದಲ್ಲಿ ರವಿ ದುಬೆ ಸಕ್ಕತ್ತಾಗಿ ನಟಿಸಿದ್ದಾರೆ ಎಂದಿರುವ ಅವರು, ಸಿನಿಮಾವನ್ನು ಥಿಯೇಟರ್‌ನ ದೊಡ್ಡ ಪರದೆಯಲ್ಲೇ ನೋಡಬೇಕೆಂದು ಕೋರಿದ್ದಾರೆ.

5 ಸ್ಟಾರ್ ನೀಡಿದ ಧ್ರುವಲ್ ಪಟೇಲ್

ಛಾಯಾಗ್ರಾಹಕ ಹಾಗೂ ನಿರ್ದೇಶಕ ಧ್ರುವಲ್ ಪಟೇಲ್ ಈ ಚಿತ್ರಕ್ಕೆ 5/5 ರೇಟಿಂಗ್ ನೀಡಿದ್ದು, ‘ಇದು ಭಾರತೀಯ ಚಿತ್ರರಂಗಕ್ಕೇ ಒಂದು ಹೊಸ ಬೆಂಚ್‌ಮಾರ್ಕ್. ಚಿತ್ರಮಂದಿರಗಳಲ್ಲಿ ದೊಡ್ಡ ಪರದೆಯಲ್ಲೇ ಇದನ್ನು ವೀಕ್ಷಿಸಿ ಅನುಭವಿಸಬೇಕು’ ಎಂದಿದ್ದಾರೆ.

ವಿಎಫ್‌ಎಕ್ಸ್ ಮತ್ತು ಬೌಂಡರಿ ದಾಟಿದ ಕಲ್ಪನೆ

ಮಹರ್ಷಿ ವಿಶ್ವಾಮಿತ್ರ ಪಾತ್ರಧಾರಿ ಅಜಿಂಕ್ಯ ದೇವ್, ‘ವಿಎಫ್‌ಎಕ್ಸ್, ನಟನೆ ಮತ್ತು ಸೆಟ್‌ಗಳು ಅತ್ಯದ್ಭುತವಾಗಿದ್ದು, ಇದೊಂದು ದೊಡ್ಡ ಅನುಭವ’ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ. ಹಾಗೆಯೇ ನಟ ಕುನಾಲ್ ಕಪೂರ್, ‘ನಮ್ಮ ಕಲ್ಪನೆಯನ್ನೂ ಮೀರಿದ ದೃಶ್ಯಗಳು ಪರದೆಯ ಮೇಲೆ ಮೂಡಿಬಂದಿದ್ದು, ಈ ದೊಡ್ಡ ಸಾಹಸದ ಭಾಗವಾಗಿರುವುದಕ್ಕೆ ಹೆಮ್ಮೆಯಿದೆ’ ಎಂದಿದ್ದಾರೆ.

ಇದನ್ನೂ ಓದಿ: ಅಮೆರಿಕ ಚುನಾವಣೆಯಲ್ಲಿ ಡೆಮೋಕ್ರಾಟ್‌ಗಳಿಗೆ ಭರ್ಜರಿ ಮುನ್ನಡೆ: ಟ್ರಂಪ್ ಹಾಕಿದ ‘VETO’ ಪೋಸ್ಟ್ ವೈರಲ್! | US Midterm Elections

ಒಟ್ಟಾರೆಯಾಗಿ ಪ್ರಥಮ ಪ್ರದರ್ಶನದಲ್ಲೇ 'ರಾಮಾಯಣ' ಅತ್ಯುತ್ತಮ ಪ್ರತಿಕ್ರಿಯೆ ಗಿಟ್ಟಿಸಿಕೊಂಡಿದ್ದು, ಭಾರತೀಯ ಪ್ರೇಕ್ಷಕರು ಮತ್ತು ವಿಮರ್ಶಕರು ಈ ದೃಶ್ಯಕಾವ್ಯವನ್ನು ಹೇಗೆ ಸ್ವೀಕರಿಸಲಿದ್ದಾರೆ ಎಂಬುದನ್ನು ಕಾದುನೋಡಬೇಕಿದೆ.

ದಸರಾ ಆಚರಣೆ, ಅಂಬಾರಿ ಬಳಕೆ, ಜಟ್ಟಿ ಕಾಳಗ, ಧಾರ್ಮಿಕ ಸಂಪ್ರದಾಯಗಳು ಹಾಗೂ ಅರಮನೆ ಮತ್ತು ಸರ್ಕಾರದ ನಡುವಿನ ವಿವಾದಗಳ ಕುರಿತು ಮಾತನಾಡಿದ ಅವರು, ನಮ್ಮ ಧಾರ್ಮಿಕ ಆಚರಣೆಗಳಿಗೆ ಸರ್ಕಾರ ಅಡ್ಡಿಪಡಿಸಬಾರದು. ಅದೇ ರೀತಿ ಸರ್ಕಾರದ ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೂ ನಾವು ಅಡ್ಡಿಯಾಗುವುದಿಲ್ಲ ಎಂದು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಅಂಬಾರಿ ನಮ್ಮ ಖಾಸಗಿ ಸ್ವತ್ತು!

ಅಂಬಾರಿ ಮತ್ತು ಸಿಂಹಾಸನ ನಮ್ಮ ಕುಟುಂಬದ ಖಾಸಗಿ ಸ್ವತ್ತುಗಳು. ಮೈಸೂರು ಅರಮನೆಯನ್ನೂ ಸರ್ಕಾರ ನಿರ್ಮಿಸಿದ್ದಲ್ಲ. ಬೆಂಗಳೂರು ಅರಮನೆಯನ್ನು ನಮ್ಮ ಕುಟುಂಬ ಖರೀದಿಸಿದೆ. ಇದಕ್ಕೆ ಸಂಬಂಧಿಸಿದ ದಾಖಲೆಗಳಿವೆ. ಕಾನೂನು ಪ್ರಕಾರ ತೆರಿಗೆ ಪಾವತಿಸುತ್ತಿದ್ದೇವೆ. ತೆರಿಗೆ ಕಟ್ಟಿದ ನಂತರವೂ ಇವು ನಮ್ಮ ಖಾಸಗಿ ಸ್ವತ್ತುಗಳಾಗಿಯೇ ಉಳಿದಿವೆ. ಕೆಲವರು ಮಾಹಿತಿ ಕೊರತೆಯಿಂದ ಈ ಬಗ್ಗೆ ಮಾತನಾಡುತ್ತಿದ್ದಾರೆ. ಅಧಿಕಾರಿಗಳೂ ಈ ವಿಚಾರದಲ್ಲಿ ದಾಖಲೆಗಳನ್ನು ಸರಿಯಾಗಿ ಪರಿಶೀಲಿಸಬೇಕಿದೆ ಎಂದು ಹೇಳಿದ್ದಾರೆ.

ನಾನು ಸರ್ಕಾರಕ್ಕೆ ದೂಷಣೆ ಮಾಡಿಲ್ಲ!

ಈ ಬಾರಿ ನಡೆದ ದಸರಾ ಉತ್ಸವದ ಸಂದರ್ಭದಲ್ಲಿ, ಸರ್ಕಾರದ ಕೆಲ ಆಯೋಜನೆಗಳಿಂದ ದಸರಾ ಆಚರಣೆಗೆ ತೊಂದರೆ ಉಂಟಾಗಿತ್ತು. ಕೆಲವು ಸಂಗತಿಗಳನ್ನು ತಮ್ಮ ಗಮನಕ್ಕೆ ತಂದೇ ಇರಲಿಲ್ಲ. ನಿಯೋಜನೆಗೊಂಡ ಅಧಿಕಾರಿಗಳು ಸರಿಯಾಗಿ ಸಹಕರಿಸಿಲ್ಲವೆಂದು ರಾಜವಂಶಸ್ತೆ ಪ್ರಮೋದಾದೇವಿ ಒಡೆಯರ್, ರಾಜ್ಯ ಸರ್ಕಾರಕ್ಕೆ ಪತ್ರ ಬರೆದಿದ್ದರು.

ನಾನು, ಆ ಪತ್ರವನ್ನು ಸರ್ಕಾರಕ್ಕೆ ದೂಷಣೆ ಮಾಡಲು ಬರೆದಿದ್ದಲ್ಲ. ನಾನು ಕೇವಲ ಸರ್ಕಾರಕ್ಕೆ ಕೆಲ ಸಲಹೆಗಳನ್ನು ನೀಡಿದ್ದೆ. ಆದರೆ ಅದನ್ನು ಅನೇಕರು ತಪ್ಪಾಗಿ ಅರ್ಥೈಸಿಕೊಂಡರು. ಆದರೆ ನನ್ನ ನಿಲುವು ಸ್ಪಷ್ಟವಾಗಿದೆ. ನಮಗೆ ಮೂಲ ಸಮಸ್ಯೆ ಎನ್ನಿಸಿದ್ದು, ದಸರಾ ಆನೆಗಳ ಜತೆಯಲ್ಲಿ ಪೊಲಸರು ಫೋಟೊ ತೆಗೆದುಕೊಂಡಿದ್ದಾಗಿದೆ. ಇದಕ್ಕೆ ಸರ್ಕಾರ ಕ್ರಮ ತೆಗೆದುಕೊಳ್ಳಲೇ ಬೇಕೆಂದು ಅವರು ಆಗ್ರಹಿಸಿದ್ದಾರೆ.

ಚಹಾ ಮಾರುತ್ತಿರುವ ಟ್ರಂಪ್

ಭಾರತದ ಬೀದಿಯಲ್ಲಿ ಟ್ರಂಪ್ ಚಹಾ ಮಾರುತ್ತಿರುವಂತೆ, ಪಾತ್ರೆಗಳ ಮಧ್ಯೆ ಕುಳಿತಿರುವಂತೆ..ತಾನು ಕುಳಿತ ಕೊಂಬೆಯನ್ನು ತಾನೇ ಕತ್ತರಿಸಿಕೊಳ್ಳುವಂತೆ..ಅಧಿಕಾರಿಗಳು ಅವರನ್ನು ಅಪಾಯಕಾರಿ ತ್ಯಾಜ್ಯ ಎನ್ನುವ ಬುಟ್ಟಿಗೆ ಎಸೆಯುತ್ತಿರುವಂತೆ ಮೀಮ್ಸ್ ಕ್ರಿಯೇಟ್ ಮಾಡಲಾಗಿದೆ. ಇಷ್ಟೇ ಅಲ್ಲದೇ ಟ್ರಂಪ್​ ಇಟ್ಸ್​ ಡನ್​ ಬ್ರೋ ಎನ್ನುವ ಶೀರ್ಷಿಕೆ ಹಂಚಿಕೊಂಡಿರುವ ಮೀಮ್​ಗಳು ಸೋಶಿಯಲ್​ ಮೀಡಿಯಾದಲ್ಲಿ ಭಾರಿ ಸಂಚಲನ ಸೃಷ್ಟಿಸುತ್ತಿದೆ. ಬಳಕೆದಾರರು ಯುಎಸ್ ಅಧ್ಯಕ್ಷರನ್ನು ಟ್ರೋಲ್ ಮಾಡುತ್ತಿದ್ದಾರೆ.

ಮಂಕಾರದ ರೆಡ್ ವೇವ್

ಅಮೆರಿಕದಲ್ಲಿ ಬ್ಲೂ ವೇವ್​​​...ಇರಾನ್​ ಅಲ್ಲಿ ಅಲ್ಲ ಅಮೆರಿಕದ ಆಡಳಿತದಲ್ಲಿ ಬದಲಾವಣೆಯಾಗುತ್ತಿದೆ ಎಂದು ಹಲವರು ಎಕ್ಸ್​ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ಅಮೆರಿಕದ ಆಡಳಿತದಲ್ಲಿ ಬದಲಾವಣೆ.. ಬ್ಲೂ ವೇವ್ ಮುಂದೆ ಮಂಕಾದ ರೆಡ್ ವೇವ್ ಎಂದು ಪೋಸ್ಟ್​ಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.

ಟ್ರಂಪ್​ ಇಟ್ಸ್​​ ಡನ್​ ಬ್ರೋ

ಮಧ್ಯಂತರ ಚುನಾವಣೆಯ ಈ ಫಲಿತಾಂಶ ಟ್ರಂಪ್​ಗೆ ದೊಡ್ಡ ರಾಜಕೀಯ ಹಿನ್ನಡೆ. ಈ ಚುನಾವಣೆಯನ್ನು ಅವರು ತಮ್ಮ ಅಧ್ಯಕ್ಷತೆಯ ಜನಾಭಿಪ್ರಾಯ ಸಂಗ್ರಹವನ್ನಾಗಿ ಮಾಡಿಕೊಂಡಿದ್ದರು. ರಿಪಬ್ಲಿಕನ್​ ಅಭ್ಯರ್ಥಿಗಳನ್ನು ಬೆಂಬಲಿಸುವಂತೆ ಮತದಾರರನ್ನು ಒತ್ತಾಯಿಸಿದರು. ಆದರೆ. ಆರ್ಥಿಕ ಅತೃಪ್ತಿ, ಇಂಧನ ದರ ಏರಿಕೆ, ವಲಸೆ ನೀತಿ ಬಗ್ಗೆ ಸಾರ್ವಜನಿಕರಿಗಿದ್ದ ಅಸಮಾಧಾನವು ಸದ್ಯ ಫಲಿತಾಂಶವಾಗಿ ಹೊರಬಿದ್ದಿದೆ.

ವೈರಲ್​ ಆದ ಪೋಸ್ಟ್​​ವೊಂದರಲ್ಲಿ ಅಮೆರಿಕಕದ ಮಧ್ಯಂತರ ಚುನಾವಣೆಯ ನಂತರ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಜೆಡಿ ವ್ಯಾನ್ಸ್ ತಮ್ಮ ಉದ್ಯೋಗಗಳನ್ನು ಬದಲಾಯಿತ್ತಿರುವ ವ್ಯಂಗ್ಯ ವಿಡಿಯೋ ಹಂಚಿಕೊಳ್ಳಲಾಗಿದೆ. ಮತ ಎಣಿಕೆಯ ಸಮಯದಲ್ಲಿ ಡೆಮೊಕ್ರಟಿಕ್​​​ ಪಕ್ಷವು ಎರಡೂ ಸದನಗಳಲ್ಲಿ ಬಹುಮತವನ್ನು ಪಡೆಯುತ್ತಿದ್ದಾರೆ ಎನ್ನುವ ಮೀಮ್ಸ್​ ಕ್ರಿಯೇಟ್ ಮಾಡಲಾಗಿದೆ.

ಟ್ರಂಪ್ ಕಣ್ಣು ಟೆಹ್ರಾನ್ ಮೇಲೆ, ಮತದಾರರ ಕಣ್ಣು ಟೆಕ್ಸಾಸ್ ಮೇಲೆ

ಅಮೆರಿಕದ ಜನರು ತಮ್ಮ ನಿರ್ಧಾರವನ್ನು ಸ್ಪಷ್ಟವಾಗಿ ತಿಳಿಸಿದ್ದಾರೆ. ಈ ಟ್ರಂಪ್​​ ಎನ್ನುವ ಕಸವನ್ನು ದಯವಿಟ್ಟು ಎಸೆದು ಬಿಡಿ. ಅಮೆರಿಕದಲ್ಲಿ ಇನ್ನೂ ಬ್ಲೂ ವೇವ್ ಆರಂಭವಾಗಿದೆ ಡೆಮಾಕ್ರಟ್‌ ಗೆದ್ದಿದೆ. ವರ್ಣಭೇದ ನೀತಿ ಅನುಸರಿಸುವವರು ಸೋತಿದ್ದಾರೆ ಎಂದು ಭಾರತೀಯರು ಪೋಸ್ಟ್​ಗಳನ್ನು ಹಂಚಿಕೊಂಡಿದ್ದಾರೆ.

ಟ್ರಂಪ್​ ಟೆಹ್ರಾನ್​ನಲ್ಲಿ ಆಡಳಿತ ಬದಲಾವಣೆಗೆ ಮುಂದಾದರೂ ಆದರೆ, ಕೊನೆಗೆ ಟೆಕ್ಸಾಸ್​ನಲ್ಲಿ ಆಡಳಿತವೇ ಬದಲಾಗಿ ಬಿಟ್ಟಿತು. ಟೆಹ್ರಾನ್‌ಗೆ ಹೊರಟ ಟ್ರಂಪ್‌ಗೆ ಟೆಕ್ಸಾಸ್‌ನಲ್ಲಿ ಶಾಕ್: ಸ್ವಂತ ನೆಲದಲ್ಲೇ ಆಯ್ತು ಆಡಳಿತ ಬದಲಾವಣೆ. ಟ್ರಂಪ್ ಕಣ್ಣು ಟೆಹ್ರಾನ್ ಮೇಲೆ, ಮತದಾರರ ಕಣ್ಣು ಟೆಕ್ಸಾಸ್ ಮೇಲೆ ರೆಡ್ ಸ್ಟೇಟ್‌ನಲ್ಲಿ ನೀಲಿ ಕ್ರಾಂತಿ ಎನ್ನುವಂತೆ ಪೋಸ್ಟ್ ಹಂಚಿಕೊಂಡು ಲೇವಡಿ ಮಾಡುತ್ತಿದ್ದಾರೆ

ಪಂದ್ಯದ ವೇಳೆ ಭಾರತದ ವೇಗದ ಬೌಲರ್ ಅನ್‌ಶುಲ್ ಕಾಂಬೋಜ್ ಎಸೆದ ಚೆಂಡನ್ನು ಎದುರಿಸಿದ ನ್ಯೂಜಿಲೆಂಡ್ ಆಟಗಾರ ನಾಥನ್ ಸ್ಮಿತ್ ಡ್ರೈವ್ ಹೊಡೆಯಲು ಮುಂದಾದರು. ಆದರೆ ಬ್ಯಾಟ್‌ನ ಅಂಚಿಗೆ ತಗುಲಿದ ಚೆಂಡು ಎರಡನೇ ಸ್ಲಿಪ್‌ನತ್ತ ಕೆಳಮಟ್ಟದಲ್ಲಿ ಚಿಮ್ಮಿತು. ಆ ಕ್ಷಣದಲ್ಲೇ ಎಚ್ಚೆತ್ತ ವಿರಾಟ್ ಕೊಹ್ಲಿ ಎಡಭಾಗಕ್ಕೆ ಹಾರಿ, ನೆಲಕ್ಕೆ ತಾಗುವ ಕೆಲವೇ ಕ್ಷಣಗಳ ಮೊದಲು ಚೆಂಡನ್ನು ಹಿಡಿದು ಎಲ್ಲರನ್ನೂ ಬೆರಗುಗೊಳಿಸಿದರು. ಕ್ಯಾಚ್ ಹಿಡಿದ ತಕ್ಷಣ ಚೆಂಡು ಕೈಯಲ್ಲಿ ಸುರಕ್ಷಿತವಾಗಿದೆ ಎಂಬುದನ್ನು ಸೂಚಿಸಿದ ಕೊಹ್ಲಿ, ತಮ್ಮ ಎಂದಿನ ಉತ್ಸಾಹದಲ್ಲಿ ಸಂಭ್ರಮಿಸಿದರು. ಅವರ ಈ ಅದ್ಭುತ ಪ್ರಯತ್ನವು ತಂಡದ ಫೀಲ್ಡಿಂಗ್‌ಗೆ ಮತ್ತಷ್ಟು ಹುರುಪು ನೀಡಿತು.

ಬಿಲ್ಲು-ಬಾಣದ ಸಂಭ್ರಮಕ್ಕೆ ಕಾರಣವೇನು?

ಕ್ಯಾಚ್ ಹಿಡಿದ ಬಳಿಕ ಕೊಹ್ಲಿ ಬಿಲ್ಲು ಹಿಡಿದು ಬಾಣ ಬಿಡುವ ರೀತಿಯಲ್ಲಿ ಸಂಭ್ರಮಿಸಿದರು. ಈ ವಿಶೇಷ ಸಂಭ್ರಮ ಅಭಿಮಾನಿಗಳ ಗಮನ ಸೆಳೆಯಿತು. ಹಬ್ಬದ ವಾತಾವರಣದ ಸಂಭ್ರಮವೂ ಅವರ ಆಟದಲ್ಲಿ ಕಾಣಿಸಿಕೊಂಡಂತಿತ್ತು. ಕ್ಯಾಚ್‌ನಷ್ಟೇ ಅವರ ಸಂಭ್ರಮದ ಶೈಲಿಯೂ ಕ್ರಿಕೆಟ್ ಪ್ರೇಮಿಗಳಲ್ಲಿ ಚರ್ಚೆಗೆ ಕಾರಣವಾಯಿತು.

ವಿಮರ್ಶಕರಿಗೆ ಮೈದಾನದಲ್ಲೇ ಉತ್ತರ

ಇತ್ತೀಚಿನ ದಿನಗಳಲ್ಲಿ ಭಾರತ ತಂಡದಲ್ಲಿ ವಿರಾಟ್ ಕೊಹ್ಲಿ ಸ್ಥಾನ ಹಾಗೂ ಮುಂದಿನ ಏಕದಿನ ವಿಶ್ವಕಪ್‌ನಲ್ಲಿನ ಅವರ ಪಾತ್ರದ ಕುರಿತು ಕೆಲವರು ಪ್ರಶ್ನೆಗಳನ್ನು ಎತ್ತುತ್ತಿದ್ದಾರೆ. ಆದರೆ ಮೈದಾನದಲ್ಲಿ ಅವರ ಪ್ರದರ್ಶನ ಮಾತ್ರ ಇನ್ನೂ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸುತ್ತಿದೆ. ಬ್ಯಾಟಿಂಗ್ ಮಾತ್ರವಲ್ಲದೆ ಫೀಲ್ಡಿಂಗ್‌ನಲ್ಲಿಯೂ ತಂಡಕ್ಕೆ ಕೊಡುಗೆ ನೀಡಲು ತಾವು ಸಿದ್ಧ ಎಂಬುದನ್ನು ಈ ಕ್ಯಾಚ್ ಮತ್ತೊಮ್ಮೆ ತೋರಿಸಿದೆ.

ಪಂದ್ಯಕ್ಕೂ ಮುನ್ನ ರಗ್ಬಿ ದಿಗ್ಗಜನಿಂದ ವಿಶೇಷ ಉಡುಗೊರೆ

ಪಂದ್ಯ ಆರಂಭಕ್ಕೂ ಮುನ್ನ ಭಾರತ ತಂಡದ ನಾಯಕ ಶುಭಮಾನ್ ಗಿಲ್, ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಅವರು ನ್ಯೂಜಿಲೆಂಡ್‌ನ ರಗ್ಬಿ ದಂತಕಥೆ ಕೆವೆನ್ ಮೀಲಮು ಅವರನ್ನು ಭೇಟಿಯಾದರು. ಈ ವೇಳೆ ಮೀಲಮು ಅವರು ಭಾರತೀಯ ಆಟಗಾರರಿಗೆ ವೈಯಕ್ತಿಕ ಹೆಸರುಗಳಿರುವ ವಿಶೇಷ ಜೆರ್ಸಿಗಳನ್ನು ಉಡುಗೊರೆಯಾಗಿ ನೀಡಿದರು.

ನ್ಯೂಜಿಲೆಂಡ್‌ನ ಪ್ರಸಿದ್ಧ ರಗ್ಬಿ ತಂಡ ಆಲ್ ಬ್ಲ್ಯಾಕ್ಸ್ ಪರ 132 ಪಂದ್ಯಗಳನ್ನು ಆಡಿರುವ ಮೀಲಮು, 2011 ಮತ್ತು 2015ರ ರಗ್ಬಿ ವಿಶ್ವಕಪ್ ಗೆದ್ದ ತಂಡಗಳ ಪ್ರಮುಖ ಸದಸ್ಯರಾಗಿದ್ದರು. ಪಂದ್ಯ ಆರಂಭಕ್ಕೂ ಮುನ್ನ ಸಾಂಪ್ರದಾಯಿಕ ಮಾವೋರಿ ಘೋಷಣೆಯೊಂದಿಗೆ ನಡೆದ ಸಾಂಸ್ಕೃತಿಕ ಕಾರ್ಯಕ್ರಮವೂ ಕ್ರೀಡಾಂಗಣದ ವಾತಾವರಣಕ್ಕೆ ವಿಶೇಷ ಮೆರುಗು ನೀಡಿತು. ಒಟ್ಟಿನಲ್ಲಿ, ವಿರಾಟ್ ಕೊಹ್ಲಿಯ ಅದ್ಭುತ ಕ್ಯಾಚ್ ಮತ್ತು ಅವರ ಸಂಭ್ರಮದ ಕ್ಷಣಗಳು ಪಂದ್ಯಕ್ಕೆ ಮತ್ತಷ್ಟು ರೋಚಕತೆ ತಂದಿದ್ದು, ಕ್ರಿಕೆಟ್ ಅಭಿಮಾನಿಗಳಲ್ಲಿ ವಿಶೇಷ ಮೆಚ್ಚುಗೆ ಗಳಿಸಿವೆ, (ಏಜೆನ್ಸೀಸ್​).

ಹೇಳಿಕೆ ನೀಡಿದ ಕೆಲವೇ ನಿಮಿಷಗಳಲ್ಲಿ 'ವೀಟೋ' ಎಂದು ಬರೆದಿರುವ ಟೋಪಿ ಫೋಟೋ ಪೋಸ್ಟ್

ಸೆನೆಟ್ ಮತ್ತು ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಎರಡರಲ್ಲೂ ಮುನ್ನಡೆ ಸಾಧಿಸಿದ ಡೆಮೋಕ್ರಾಟ್‌ಗಳು

Donald Trump: ಅಮೆರಿಕದ ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷಕ್ಕೆ ಹಿನ್ನಡೆಯಾಗುತ್ತಿದ್ದಂತೆ, ಡೆಮೋಕ್ರಾಟ್‌ಗಳೊಂದಿಗೆ ಕೆಲಸ ಮಾಡಲು ಸಿದ್ಧ ಎಂದು ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ. ಆದರೆ ಈ ಹೇಳಿಕೆ ನೀಡಿದ ಬೆನ್ನಲ್ಲೇ ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡ ಫೋಟೋವೊಂದು ತೀವ್ರ ಚರ್ಚೆಗೆ ಗ್ರಾಸವಾಗಿದೆ.

ಮಧ್ಯಂತರ ಚುನಾವಣೆಯಲ್ಲಿ ಡೆಮೋಕ್ರಾಟ್ ಪಕ್ಷವು ಸೆನೆಟ್ ಹಾಗೂ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಎರಡರಲ್ಲೂ ಮುನ್ನಡೆ ಸಾಧಿಸುತ್ತಿದ್ದಂತೆ ಪ್ರತಿಕ್ರಿಯಿಸಿದ ಟ್ರಂಪ್, "ನಾನು ಈ ಫಲಿತಾಂಶಗಳನ್ನು ಸಂಪೂರ್ಣವಾಗಿ ಸ್ವೀಕರಿಸಲು ಸಿದ್ಧನಿದ್ದೇನೆ" ಎಂದು ದಿ ನ್ಯೂಯಾರ್ಕ್ ಟೈಮ್ಸ್‌ಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಮುಂದುವರಿದು ಮಾತನಾಡಿದ ಅವರು, ‘ನಾವು ಡೆಮೋಕ್ರಾಟ್‌ಗಳೊಂದಿಗೆ ಕೆಲಸ ಮಾಡುತ್ತೇವೆ ಮತ್ತು ಅವರೊಂದಿಗೆ ಕೆಲಸ ಮಾಡಲು ಎದುರು ನೋಡುತ್ತಿದ್ದೇವೆ. ಬಹುಶಃ ನಾವು ಏನನ್ನಾದರೂ ಒಟ್ಟಾಗಿ ಪರಿಹರಿಸಿಕೊಳ್ಳುತ್ತೇವೆ’ ಎಂದು ಹೇಳಿದ್ದರು.

'ವೀಟೋ' ಕ್ಯಾಪ್ ಪೋಸ್ಟ್‌ನಿಂದ ಹೆಚ್ಚಿದ ಕುತೂಹಲ

ಸಂದರ್ಶನ ನೀಡಿದ ಕೆಲವೇ ನಿಮಿಷಗಳಲ್ಲಿ ಟ್ರಂಪ್ ತಮ್ಮ 'ಟ್ರೂತ್ ಸೋಶಿಯಲ್' ಖಾತೆಯಲ್ಲಿ ವಿಟೋ ಅಧಿಕಾರ (VETO) ಎಂದು ಬರೆದಿದ್ದ ಕ್ಯಾಪ್ ಒಂದರ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ. ಫೋಟೋ ಜೊತಗೆ ಯಾವುದೇ ಶೀರ್ಷಿಕೆ ಬರೆಯದಿದ್ದರೂ, ಮುಂಬರುವ ದಿನಗಳಲ್ಲಿ ಡೆಮೋಕ್ರಾಟ್‌ಗಳ ನಿರ್ಧಾರಕ್ಕೆ ವಿಟೋ ಬಳಸಿ ತಡೆ ಒಡ್ಡುವ ಸೂಚನೆ ನೀಡಿದ್ದಾರೆಯೇ ಎಂಬ ಚರ್ಚೆ ಶುರುವಾಗಿದೆ.

‘ಬ್ಯಾಲಟ್‌ನಲ್ಲಿ ನನ್ನ ಹೆಸರಿದ್ದಿದ್ದರೆ ನಮಗೆ ದೊಡ್ಡ ಗೆಲುವು ಸಿಗುತ್ತಿತ್ತು’ ಎಂದು ಬರೆದುಕೊಂಡಿದ್ದ ಟ್ರಂಪ್, ಪಕ್ಷದ ಹಿನ್ನಡೆಗೆ ತಾವು ಚುನಾವಣಾ ರೇಸ್‌ನಲ್ಲಿ ಇಲ್ಲದಿರುವುದೇ ಕಾರಣ ಎಂದಿದ್ದರು. ಅಲ್ಲದೆ, ಸೆನೆಟರ್ ಡಾರ್ಲಿನ್ ಗ್ರಹಾಂ ಹಾಗೂ ಅಟಾರ್ನಿ ಜನರಲ್ ಕೆನ್ ಪಾಕ್ಸ್‌ಟನ್ ಅವರನ್ನು ಬೆಂಬಲಿಸಿದ್ದಕ್ಕೆ ಯಾವುದೇ ಪಶ್ಚಾತ್ತಾಪವಿಲ್ಲ ಎಂದು ಸ್ಪಷ್ಟಪಡಿಸಿದ್ದರು.

ಇದನ್ನೂ ಓದಿ: ನಕಲಿ ಖಾಕಿ, ಡಮ್ಮಿ ಪಿಸ್ತೂಲ್, ಕೋಟ್ಯಂತರ ಕಳ್ಳನೋಟು: ಹೈದರಾಬಾದ್‌ನಲ್ಲಿ ಖತರ್ನಾಕ್ ಗ್ಯಾಂಗ್ ಅಂದರ್‌ | Hyderabad fake currency

ಡೆಮೋಕ್ರಾಟ್‌ಗಳಿಗೆ ಭರ್ಜರಿ ಮುನ್ನಡೆ

ವರದಿಗಳ ಪ್ರಕಾರ ಅಂಕಿಅಂಶಗಳ ಪ್ರಕಾರ, ಡೆಮೋಕ್ರಾಟ್ ಪಕ್ಷವು ಸೆನೆಟ್‌ನ 191 ಸೀಟುಗಳಲ್ಲಿ ಮುನ್ನಡೆ ಸಾಧಿಸಿದ್ದರೆ, ರಿಪಬ್ಲಿಕನ್ ಪಕ್ಷವು 110 ಸೀಟುಗಳಲ್ಲಿ ಮುನ್ನಡೆಯಲ್ಲಿದೆ. ಹಾಗೆಯೇ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್‌ನಲ್ಲಿ ಡೆಮೋಕ್ರಾಟ್‌ಗಳು 52 ಸೀಟುಗಳಲ್ಲಿ ಮತ್ತು ರಿಪಬ್ಲಿಕನ್ನರು 40 ಸೀಟುಗಳಲ್ಲಿ ಮುನ್ನಡೆ ಕಾಯ್ದುಕೊಂಡಿದ್ದು, ರಿಪಬ್ಲಿಕನ್ನರಿಗೆ ಭಾರಿ ಮುಖಭಂಗವಾಗಿದೆ.

ಮಧ್ಯಂತರ ಚುನಾವಣೆಯಲ್ಲಿ ಸೋಲನ್ನು ಕಂಡ ಬಳಿಕ ಮೊದಲ ಪ್ರತಿಕ್ರಿಯೆ ನೀಡಿರುವ ಅಧ್ಯಕ್ಷ ಟ್ರಂಪ್​, ಬ್ಯಾಲೆಟ್​ ಪೇಪರ್​ನಲ್ಲಿ ನನ್ನ ಹೆಸರಿದ್ದರೆ, ನಮ್ಮ ಪಕ್ಷ ಖಂಡಿತವಾಗಿ ಭಾರೀ ಬಹುಮತದಿಂದ ಗೆಲ್ಲುತ್ತಿದ್ದೆವು. ಈ ವಿಷಯದ ಕಡೆ ಗಮನ ಹರಿಸಿದ್ದಕ್ಕಾಗಿ ಧನ್ಯವಾದ ಎಂದು ಟ್ರಂಪ್​ ತಮ್ಮ ಟ್ರೂತ್ ಸೋಷಿಯಲ್​, ವೇದಿಕೆಯಲ್ಲಿ ಬರೆದುಕೊಂಡಿದ್ದಾರೆ.

ಅಧ್ಯಕ್ಷೀಯ ಚುನಾವಣೆ ನಡೆದ ಸರಿಯಾದ ಎರಡು ವರ್ಷಕ್ಕೆ ನಡೆಯುವ ಮಧ್ಯಂತರ ಚುನಾವಣೆಯಲ್ಲಿ, ಅಧ್ಯಕ್ಷರ ಪಕ್ಷ ಸೋಲನ್ನು ಕಂಡಿರುವ ಹಿನ್ನಲೆ, ಜನರಲ್ಲಿ ರಿಪಬ್ಲಿಕ್​ ಪಕ್ಷದಲ್ಲಿ ನಂಬಿಕೆ ಇಲ್ಲವೆಂದು ಡೆಮೊಕ್ರಾಟಿಕ್​ ಪಕ್ಷ ಸಮರ್ಥಿಸಿಕೊಂಡಿದೆ.

ಸೆನೆಟ್​, ಹೌಸ್​ನಲ್ಲಿ ಡೆಮೊಕ್ರಾಟಿಕ್​ ಜಯಭೇರಿ!

ಇನ್ನು ಈ ಮಧ್ಯಂತರ ಚುನಾವಣೆಯಲ್ಲಿ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್​​ನ 435, ಸೆನೆಟ್​ನ 35 ರಷ್ಟು ( ಸೆನೆಟ್​ ಸದಸ್ಯರ ಸಂಖ್ಯೆ 100) ಹಾಗೂ 36 ಗವರ್ನರ್​ ಸ್ಥಾನಗಳಿಗೆ ಮತದಾನ ನಡೆದಿದೆ. ಇದರಲ್ಲಿ, ಹೌಸ್​ ಆಫ್​ ರೆಪ್ರೆಸೆಂಟೇಟಿವ್ಸ್​ನಲ್ಲಿ 220 ಸ್ಥಾನಗಳಲ್ಲಿ ಡೆಮೊಕ್ರಾಟಿಕ್​ ಪಕ್ಷ ಗೆಲುವನ್ನು ಸಾಧಿಸಿದರೆ, ಸೆನೆಟ್​ನ ಬಹುಮತಕ್ಕೆ 50 ಸ್ಥಾನಗಳ ಅಗತ್ಯವಿದ್ದು, ಇದರಲ್ಲಿ 53 ಸ್ಥಾನಗಳಲ್ಲಿ ಡೆಮೊಕ್ರಾಟಿಕ್​ ವಿಜಯ ಪತಾಕೆ ಹಾರಿಸಿದೆ. ಇನ್ನು ಗವರ್ನರ್​ ಚುನಾವಣೆಯಲ್ಲಿ ಕೂಡ 25 ಸ್ಥಾನಗಳಲ್ಲಿ ಗೆಲುವನ್ನು ದಾಖಲಿಸಿ ಬಹುಮತದತ್ತ ಹೆಚ್ಚೆಯಿಡುತ್ತಿದೆ.

ಗವರ್ನರ್​ ಸ್ಥಾನ ಸೋತ ರಾಮಸ್ವಾಮಿ!

ಇನ್ನೂ ಈ ಮಧ್ಯಂತರ ಚುನಾವಣೆಯಲ್ಲಿ ಸಖತ್​ ಸೌಂಡ್​ ಮಾಡುತ್ತಿದ್ದ ಭಾರತೀಯ ಮೂಲದ, ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಆಪ್ತ ವಿವೇಕ್​ ರಾಮಸ್ವಾಮಿ ಓಹಿಯೋ ಗವರ್ನರ್​​ ಸ್ಥಾನಕ್ಕೆ ಸ್ಪರ್ಧಿಸಿ, ಹೀನಾಯ ಸೋಲನ್ನು ಅನುಭವಿಸಿದ್ದಾರೆ. ಇವರು ಈ ಚುನಾವಣೆ ಸಲುವಾಗಿ ಸುಮಾರು 300 ಕೋಟಿಗೂ ಅಧಿಕ ಹಣವನ್ನು ಖರ್ಚು ಮಾಡುವ ಮೂಲಕ ಸೋಷಿಯಲ್​ ಮೀಡಿಯಾದಲ್ಲಿ ಸಖತ್​ ವೈರಲ್​ ಆಗಿದ್ದರು.

Republicans ಆದರೆ, ಎಷ್ಟೇ ಹಣವನ್ನು ಖರ್ಚು ಮಾಡಿದರೂ, ಡೆಮಾಕ್ರಟಿಕ್ ಪಕ್ಷದ ಸ್ಪರ್ಧಿ ವೈದ್ಯೆ ಡಾ. ಆಮಿ ಆಕ್ಟನ್ ವಿರುದ್ಧ ಸೋಲನ್ನು ಕಾಣಬೇಕಾಗಿದೆ. ಈ ಓಹಿಯೋ ಉಪಾಧ್ಯಕ್ಷ ಜೆ.ಡಿ. ವ್ಯಾನ್ಸ್​ ಅವರ ತವರು ರಾಜ್ಯವಾಗಿದ್ದು, ಇದು ಸಾಂಪ್ರದಾಯಿಕವಾಗಿ ರಿಪಬ್ಲಿಕನ್ನರ ಭದ್ರಕೋಟೆಯಾಗಿತ್ತು. ಆದರೆ ಕೋವಿಡ್​ ಸಂದರ್ಭದಲ್ಲಿ ಡಾ. ಆಮಿ ಆಕ್ಟನ್ ಮಾಡಿದ್ದ ಸೇವೆಯನ್ನು ಮರೆಯದ ಮತದಾರ ಆಕ್ಟನ್ ಅವರನ್ನು ಗೆಲ್ಲಿಸುವ ಮೂಲಕ ಓಹಿಯೋ ರಾಜ್ಯದ ಗವರ್ನರ್ ಪಟ್ಟಕ್ಕೇರಿದ ಮೊದಲ ಮಹಿಳೆ ಎಂಬ ಐತಿಹಾಸಿಕ ದಾಖಲೆಗೆ ಕಾರಣಿಭೂತರಾಗಿದ್ದಾರೆ, (ಏಜೆನ್ಸೀಸ್​).

ಅಬ್ದುಲ್ಲಾಪುರಮೇಟ್ ಪೊಲೀಸ್ ಹಾಗೂ ಶಾದ್‌ನಗರ ಎಸ್‌ಒಟಿ ಜಂಟಿ ದಾಳಿಯಲ್ಲಿ ಈ ಜಾಲ ಧ್ವಂಸಗೊಂಡಿದೆ ಎಂದು ಕಮಿಷನರ್ ಡಾ. ತರುಣ್ ಜೋಶಿ ಹೇಳಿದ್ದಾರೆ. ನವೆಂಬರ್ 1 ರಂದು ರಾ.ಹೆ.-65 ರಾಮೋಜಿ ಫಿಲ್ಮ್ ಸಿಟಿ ಬಳಿ ಕಾರು ತಡೆದ ಪೊಲೀಸರು ಮಡುಪೋಜು ಕರುಣಾಕರ್, ಚಿನ್ನೊಲ್ಲ ಮಾಣಿಕ್ಯ ರೆಡ್ಡಿ, ಚೆರುಕುಪೆಲ್ಲಿ ರತ್ನಾಕರ್ ರೆಡ್ಡಿ ಮತ್ತು ಕರಣಂ ಅಜಯ್ ಕುಮಾರ್‌ನನ್ನು ಬಂಧಿಸಿದ್ದಾರೆ.

ಬಾಡಿಗೆ ಮನೆಯಲ್ಲಿ ಪ್ರಿಂಟಿಂಗ್ ಯೂನಿಟ್

ಬಂಧಿತರ ನೀಡಿದ ಮಾಹಿತಿ ಮೇರೆಗೆ ಕುಂಟ್ಲೂರ್‌ನ ಬಾಡಿಗೆ ಮನೆಯೊಂದರಲ್ಲಿದ್ದ ನಕಲಿ ನೋಟು ಮುದ್ರಣ ಘಟಕದ ಮೇಲೆ ದಾಳಿ ನಡೆಸಿದ ಪೊಲೀಸರು, ನೋಟು ಮುದ್ರಣಕ್ಕೆ ಬಳಸುತ್ತಿದ್ದ ಪ್ರಿಂಟರ್‌ಗಳು, ಲ್ಯಾಪ್‌ಟಾಪ್ ಹಾಗೂ ನೋಟು ಕಟಿಂಗ್ ಯಂತ್ರಗಳನ್ನು ವಶಪಡಿಸಿಕೊಂಡಿದ್ದಾರೆ.

ಖಾಕಿ ವೇಷದ ಖತರ್ನಾಕ್ ಗ್ಯಾಂಗ್

‘ಗ್ಯಾಂಗ್‌ನಲ್ಲಿದ್ದವರು ನಕಲಿ ಐಡಿ, ವಾಕಿ-ಟಾಕಿ ಮತ್ತು ಡಮ್ಮಿ ಪಿಸ್ತೂಲ್ ಹಿಡಿದು ನಿಜವಾದ ಪೊಲೀಸರಂತೆ ನಟಿಸಿ ಜನರನ್ನು ಹೆದರಿಸಿ ಲೂಟಿ ಮಾಡುತ್ತಿದ್ದರು’ ಎಂದು ಕಮಿಷನರ್ ತಿಳಿಸಿದ್ದಾರೆ. ಮೊದಲಿಗೆ 1 ಲಕ್ಷ ಅಸಲಿ ನೋಟಿಗೆ 3 ರಿಂದ 4 ಲಕ್ಷ ನಕಲಿ ಹಣ ಕೊಡುವುದಾಗಿ ಆಮಿಷ ಒಡ್ಡಿದ್ದ ಈ ಕದೀಮರು, ಆ ಪ್ಲಾನ್ ಯಶಸ್ವಿಯಾಗದಿದ್ದಾಗ ಹೊಸ ರೀತಿಯ ಸ್ಕೀಮ್ ಶುರು ಮಾಡಿದ್ದರು.

ಇದನ್ನೂ ಓದಿ: ಕನಿಕಾ ಕಪೂರ್ ದಾಂಪತ್ಯದಲ್ಲಿ ಬಿರುಕು; 2ನೇ ಪತಿಗೂ ಡಿವೋರ್ಸ್ ಕೊಟ್ಟ 'ಬೇಬಿ ಡಾಲ್' ಖ್ಯಾತಿಯ ಸಿಂಗರ್..Kanika Kapoor

ಮೊದಲು ಅಸಲಿ ನೋಟು ತೋರಿಸಿ ಗ್ರಾಹಕರ ನಂಬಿಕೆ ಗಳಿಸುತ್ತಿದ್ದ ಗ್ಯಾಂಗ್, ನಂತರ ನಕಲಿ ಪೊಲೀಸರಂತೆ ದಾಳಿ ಮಾಡಿ ಕೇಸ್ ಹಾಕುವುದಾಗಿ ಬೆದರಿಸಿ ಹಣದೊಂದಿಗೆ ಪರಾರಿಯಾಗುತ್ತಿತ್ತು. ಹೀಗೆ ಇಬ್ಬರಿಂದ ಕ್ರಮವಾಗಿ 2 ಲಕ್ಷ ಹಾಗೂ 3 ಲಕ್ಷ ರೂ. ದೋಚಿದ್ದರು. ಪ್ರಸ್ತುತ 6.78 ಕೋಟಿ ರೂ. ಮೌಲ್ಯದ ನಕಲಿ ನೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಬಿಎಂಟಿಸಿ ಬಸ್​ನಲ್ಲಿ ಈ ಹಿಂದೆ ಸ್ಟೇಜ್​ಗೆ 6 ರೂಪಾಯಿ ಇತ್ತು. ಇದೀಗ ಆ ಬೆಲೆಯನ್ನು 10 ರೂ. ಏರಿಸಲಾಗಿದೆ. ಅದೇ ರೀತಿ ಕೊನೆಯ ಸ್ಟೇಜ್​ಗೆ ಇದ್ದ ಗರಿಷ್ಟ 35 ರೂ. ಟಿಕೆಟ್​ ಬೆಲೆಯನ್ನು 45 ರೂ.ಗೆ ಏರಿಸಲಾಗಿದೆ. ವಾಯುವಜ್ರ ಬಸ್​ನಲ್ಲಿ ಕೊನೆಯ ಸ್ಟೇಜ್​ನ ಬೆಲೆಯನ್ನು 75 ರಿಂದ 90 ರೂ.ಗೆ ಏರಿಸಲಾಗಿದ್ದು, ಇಂದು ಮಧ್ಯರಾತ್ರಿಯಿಂದಲೇ ಪರಿಷ್ಕೃತ ಬೆಲೆ ಜಾರಿಗೆ ಬರಲಿದೆ ಎಂದು ಸಾರಿಗೆ ಸಚಿವ ಬೈರತಿ ಸುರೇಶ್​ ಘೋಷಣೆ ಮಾಡಿದ್ದಾರೆ.

ಕೆಎಸ್‌ಆರ್‌ಟಿಸಿ (KSRTC) ಪ್ರಯಾಣ ದರ ವಿವರಗಳು

ಬಿಎಂಟಿಸಿ (BMTC) ಸಾಮಾನ್ಯ ಸಾರಿಗೆ ಸೇವೆಗಳ ದರ ವಿವರಗಳು

ಬಿಎಂಟಿಸಿ (BMTC) ವಜ್ರ (ಹವಾ ನಿಯಂತ್ರಿತ) ಸೇವೆಗಳ ದರ ವಿವರಗಳು

ಇಂದು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಚಿವ ಬೈರತಿ ಸುರೇಶ್ ಅವರು ಸಂಸ್ಥೆಯ ಸುಗಮ ಕಾರ್ಯಾಚರಣೆ ಹಾಗೂ ಲಕ್ಷಾಂತರ ಉದ್ಯೋಗಿಗಳ ಹಿತದೃಷ್ಟಿಯಿಂದ ಈ ದರ ಏರಿಕೆ ನಿರ್ಧಾರ ತೆಗೆದುಕೊಳ್ಳುವುದು ಅನಿವಾರ್ಯವಾಗಿತ್ತು ಎಂದು ಸಚಿವರು ಸರ್ಕಾರದ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ.

ಕಾಂಗ್ರೆಸ್ ಸರ್ಕಾರದ ಮಹತ್ವಾಕಾಂಕ್ಷೆಯ 'ಶಕ್ತಿ' ಯೋಜನೆಯಿಂದಾಗಿಯೇ ಸಾರಿಗೆ ನಿಗಮಗಳು ನಷ್ಟದ ಸುಳಿಗೆ ಸಿಲುಕಿವೆ ಎಂಬ ಸಾರ್ವಜನಿಕ ಆರೋಪಗಳನ್ನು ಸಚಿವರು ಇದೇ ಸಂದರ್ಭದಲ್ಲಿ ಕಡ್ಡಾಯವಾಗಿ ತಳ್ಳಿಹಾಕಿದರು. ಸುದ್ದಿಗೋಷ್ಠಿಯಲ್ಲಿ ಸಂಸ್ಥೆಯ ಅಂಕಿ-ಅಂಶಗಳನ್ನು ತೆರೆದಿಟ್ಟ ಸಚಿವರು, "ಪ್ರಸ್ತುತ ರಾಜ್ಯದ ನಾಲ್ಕು ಸಾರಿಗೆ ನಿಗಮಗಳಲ್ಲಿ (KSRTC, BMTC, NWKRTC, KKRTC) ಒಟ್ಟು 1,03,600 ಸಿಬ್ಬಂದಿಗಳು ಹಗಲಿರುಳು ಶ್ರಮಿಸುತ್ತಿದ್ದು, ಸುಮಾರು 26,125 ಬಸ್‌ಗಳು ರಸ್ತೆಯಲ್ಲಿ ಸಂಚರಿಸುತ್ತಿವೆ. ಶಕ್ತಿ ಯೋಜನೆಯಡಿ ಪ್ರತಿದಿನ ಅಂದಾಜು 74.4 ಲಕ್ಷ ಮಹಿಳೆಯರು ಸಂಪೂರ್ಣ ಉಚಿತವಾಗಿ ಪ್ರಯಾಣಿಸುತ್ತಿದ್ದಾರೆ. ಆದರೆ, ಈ ಯೋಜನೆಯ ಸಾರಿಗೆ ವೆಚ್ಚದ ಪ್ರತಿಯೊಂದು ಪೈಸೆಯನ್ನು ರಾಜ್ಯ ಸರ್ಕಾರವೇ ಸಕಾಲದಲ್ಲಿ ನಿಗಮಗಳಿಗೆ ನೇರವಾಗಿ ಭರಿಸುತ್ತಿದೆ. ಹೀಗಾಗಿ 'ಶಕ್ತಿ' ಯೋಜನೆಯಿಂದ ಸಂಸ್ಥೆಗೆ ಯಾವುದೇ ರೀತಿಯ ಆರ್ಥಿಕ ನಷ್ಟ ಸಂಭವಿಸಿಲ್ಲ" ಎಂದು ಸಮರ್ಥನೆ ನೀಡಿದರು.

ಬಸ್ ದರ ಹೆಚ್ಚಳಕ್ಕೆ ಕಾರಣವಾದ ತಾಂತ್ರಿಕ ಹಾಗೂ ಆರ್ಥಿಕ ಮುಗ್ಗಟ್ಟುಗಳನ್ನು ವಿವರಿಸಿದ ಸಚಿವರು, ಕಳೆದ ಒಂದು ದಶಕದಲ್ಲಿ (2025ರ ಪರಿಷ್ಕರಣೆಯನ್ನು ಹೊರತುಪಡಿಸಿ) ಸರ್ಕಾರಿ ಬಸ್ ಪ್ರಯಾಣ ದರಗಳನ್ನು ಗಮನಾರ್ಹವಾಗಿ ಹೆಚ್ಚಿಸಿರಲಿಲ್ಲ. ಈ ಮಧ್ಯೆ ಮಾರುಕಟ್ಟೆಯಲ್ಲಿ ಡೀಸೆಲ್ ದರಗಳು, ಬಸ್ ಟೈರ್‌ಗಳ ಬೆಲೆ ಹಾಗೂ ವಾಹನಗಳ ಇತರ ಬಿಡಿಭಾಗಗಳ ನಿರ್ವಹಣಾ ವೆಚ್ಚ ಅಪಾರ ಪ್ರಮಾಣದಲ್ಲಿ ಏರಿಕೆಯಾಗಿದೆ. ಇದರ ಜತೆಗೆ ಸಾರಿಗೆ ನೌಕರರ ವೇತನದಲ್ಲೂ ಹೆಚ್ಚಳ ಮಾಡಲಾಗಿದೆ. 2021ರಲ್ಲೇ ಶ್ರೀನಿವಾಸ್ ಮೂರ್ತಿ ಸಮಿತಿಯು ಕಾಲಕಾಲಕ್ಕೆ ಸಾರಿಗೆ ಸಂಸ್ಥೆಗಳ ದರ ಪರಿಷ್ಕರಣೆ ಮಾಡುವಂತೆ ಶಿಫಾರಸು ಮಾಡಿತ್ತು. ಇತ್ತೀಚೆಗೆ ಐಎಎಸ್ ಅಧಿಕಾರಿ ಅತುಲ್ ತಿವಾರಿ ನೇತೃತ್ವದಲ್ಲಿ ರಚಿಸಲಾಗಿದ್ದ ಸಮಿತಿಯು ಸಹ ನಿಗಮಗಳ ಆರ್ಥಿಕ ಸ್ಥಿತಿಯನ್ನು ಅಭ್ಯಾಸ ಮಾಡಿ ಸಲ್ಲಿಸಿದ ವರದಿಯನ್ವಯ ಸಂಸ್ಥೆಗೆ ಸದ್ಯ ದರ ಪರಿಷ್ಕರಣೆಗೆ ಹಸಿರು ನಿಶಾನೆ ನೀಡಲಾಗಿದೆ ಎಂದು ಸಚಿವರು ಕಾರಣ ನೀಡಿದರು.

ನಾಲ್ಕೂ ಸರ್ಕಾರಿ ಸಾರಿಗೆ ಸಂಸ್ಥೆಗಳು ಎದುರಿಸುತ್ತಿರುವ ಬೃಹತ್ ಪ್ರಮಾಣದ ಸಾಲದ ಹೊರೆ ಮತ್ತು ಹಣಕಾಸಿನ ಬಿಕ್ಕಟ್ಟನ್ನು ಸಚಿವರು ಮಾಧ್ಯಮಗಳ ಮುಂದೆ ಬಹಿರಂಗಪಡಿಸಿದರು. ಪ್ರಸ್ತುತ ಸಾರಿಗೆ ಸಂಸ್ಥೆಗಳು ನೌಕರರ ಭವಿಷ್ಯ ನಿಧಿಗೆ (PF) 2,916 ಕೋಟಿ ರೂಪಾಯಿ, ನಿವೃತ್ತ ಹೊಂದಿದ ಸಿಬ್ಬಂದಿಗಳಿಗೆ ನೀಡಬೇಕಾದ ಬಾಕಿ ಹಣ 603 ಕೋಟಿ ರೂಪಾಯಿ, ವೇತನ ಪರಿಷ್ಕರಣೆಯ ಪಾವತಿಗೆ 664 ಕೋಟಿ ರೂಪಾಯಿ ಹಾಗೂ ಸಿಬ್ಬಂದಿಗಳ ಇತರೆ ಆಡಳಿತಾತ್ಮಕ ವೆಚ್ಚಗಳಿಗಾಗಿ 356 ಕೋಟಿ ರೂಪಾಯಿಗಳನ್ನು ನೀಡಬೇಕಾದ ಭಾರೀ ಬಾಕಿ ಉಳಿಸಿಕೊಂಡಿವೆ. ಈ ಎಲ್ಲಾ ಹಳೆಯ ಸಾಲಗಳನ್ನು ತೀರಿಸಲು ಮತ್ತು ನಿವೃತ್ತ ನೌಕರರಿಗೆ ನ್ಯಾಯಯುತ ಹಣವನ್ನು ಹಸ್ತಾಂತರಿಸಲು ಸಂಸ್ಥೆಗಳಿಗೆ ತಕ್ಷಣದ ಹಣಕಾಸಿನ ನೆರವು ತುರ್ತಾಗಿ ಬೇಕಾಗಿದ್ದು, ದರ ಏರಿಕೆಯೊಂದೇ ಇದಕ್ಕಿರುವ ಪರಿಹಾರವಾಗಿದೆ ಎಂದು ಪ್ರತಿಪಾದಿಸಿದರು.

ಅಂತಿಮವಾಗಿ ಸಾರಿಗೆ ನಿಗಮಗಳನ್ನು ಆರ್ಥಿಕ ಚೇತರಿಕೆಯತ್ತ ಮುನ್ನಡೆಸಲು ಹಾಗೂ ನೌಕರರ ಹಿತರಕ್ಷಣೆಯ ಹಿತದೃಷ್ಟಿಯಿಂದ ಬಸ್ ಟಿಕೆಟ್ ದರದಲ್ಲಿ ಪ್ರತಿ ಟಿಕೆಟ್‌ಗೆ ರೂ. 9 ಹೆಚ್ಚಳ ಮಾಡುವ ನಿರ್ಧಾರವನ್ನು ಸರ್ಕಾರ ಕೈಗೊಂಡಿದೆ. ಈ ಹೊಸ ಪ್ರಯಾಣ ದರವು ಇಂದು ಮಧ್ಯರಾತ್ರಿಯಿಂದಲೇ ಅನ್ವಯವಾಗಲಿದ್ದು, ಕರ್ನಾಟಕದಾದ್ಯಂತ ಸಂಚರಿಸುವ ಎಲ್ಲಾ ಸರ್ಕಾರಿ ಬಸ್‌ಗಳಿಗೆ ಅನ್ವಯಿಸಲಿದೆ. ಆರ್ಥಿಕ ಚೇತರಿಕೆಗೆ ಇದು ಅನಿವಾರ್ಯ ಹೆಜ್ಜೆಯಾಗಿದ್ದರೂ, ಈಗಾಗಲೇ ಅಗತ್ಯವಸ್ತುಗಳ ಬೆಲೆ ಏರಿಕೆಯಿಂದ ತತ್ತರಿಸಿರುವ ಸಾಮಾನ್ಯ ಮತ್ತು ಮಧ್ಯಮ ವರ್ಗದ ಪ್ರಯಾಣಿಕರಿಗೆ ದಿನನಿತ್ಯದ ಸಂಚಾರದ ವೆಚ್ಚ ಮತ್ತಷ್ಟು ಹೆಚ್ಚಾಗುವುದಂತೂ ಖಚಿತವಾಗಿದೆ.

Singer Kanika Kapoor Announces Separation From Husband:'ಸಾಕಷ್ಟು ಯೋಚಿಸಿ.. ನಾವು ಈ ನಿರ್ಧಾರಕ್ಕೆ ಬಂದಿದ್ದೇವೆ. ನಾನು ಮತ್ತು ನನ್ನ ಪತಿ ಬೇರ್ಪಡಲು ನಿರ್ಧರಿಸಿದ್ದೇವೆ, ನಮ್ಮ ಹಾದಿ ಬೇರೆ ಬೇರೆ. ಒಟ್ಟಾಗಿ ಕಳೆದ ಕ್ಷಣದ ಬಗ್ಗೆ ನಾನು ಕೃತಜ್ಞಳಾಗಿದ್ದೇನೆ . ಅವೆ ಭವಿಷ್ಯ ಅದ್ಭುತವಾಗಿರಲಿ ಎಂದು ನಾನು ಬಯಸುತ್ತೇನೆ ಎಂದು ಬೇಬಿಡಾಲ್​ ಖ್ಯಾತಿಯ ಸಿಂಗರ್​ ಕನಿಕಾ ಕಪೂರ್ ಬರೆದುಕೊಂಡಿದ್ದು, ತಮ್ಮ ಎರಡನೇ ಪತಿಯಿಂದ ಡಿವೋರ್ಸ್ ಪಡೆದುಕೊಂಡ ಬಗ್ಗೆ ಸ್ಪಷ್ಟಪಡಿಸಿದ್ದಾರೆ.

2022ರಲ್ಲಿ ಕನಿಕಾ ಕಪೂರ್​ ಅವರು, ಗೌತಮ್​ ಹತಿರಾಮಣಿ ಅವರನ್ನು ಮದುವೆಯಾಗಿದ್ದರು. ಇಬ್ಬರ ಹಾದಿ ಬೇರೆಯದ್ದಾಗಿದೆ ಎಂದು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ತಾವು ಡಿವೋರ್ಸ್ ಕೊಟ್ಟಿರುವ ಬಗ್ಗೆ ಸ್ಪಷ್ಟಪಡಿಸಿದ್ದಾರೆ.

18ನೇ ವಯಸ್ಸಿಗೆ ಮೊದಲ ಮದುವೆ

ಕನಿಕಾ ಕಪೂರ್​ ಅವರು ಈ ಹಿಂದೆ 1999ರಲ್ಲಿ ತಮ್ಮ 18ನೇ ವರ್ಷದಲ್ಲಿ ರಾಜ್​​ ಚಂದೋಕ್​ ಎಂಬುವವರನ್ನು ಮದುವೆಯಾಗಿ ಲಂಡನ್​ನಲ್ಲಿ ಇದ್ದರು. 2012ರಲ್ಲಿ ಅವರಿಂದ ಡಿವೋರ್ಸ್ ಪಡೆದುಕೊಂಡರು. ಅವರಿಗೆ ಆಯನಾ ಮತ್ತು ಸಮರಾ, ಯುವರಾಜ್​​​​ ಎನ್ನುವ ಹೆಸರಿನ ಮಕ್ಕಳಿದ್ದಾರೆ.

ಅಮ್ಮನ ಮದುವೆಯಲ್ಲಿ ಮಕ್ಕಳು ಭಾಗಿ

ಗೌತಮ್​​​​ ಅವರು ಕನಿಕಾ ಅವರಿಗೆ 15 ವರ್ಷಗಳ ಪರಿಚಯ. ಪ್ರೇಮ ಸಂಬಂಧಕ್ಕೆ ಬರುವ ಮೊದಲು ಅವರು ಆಪ್ತ ಸ್ನೇಹಿತರಾಗಿದ್ದರು ಈ ಬಗ್ಗೆ ಕನಿಕಾ ಅವರೇ ಹೇಳಿಕೊಂಡಿದ್ದರು. ತಾವೇ ಸ್ವತಃ ಗೌತಮ್‌ಗೆ ಎರಡು ಬಾರಿ - ಮೊದಲಿಗೆ 2014ರಲ್ಲಿ ಮತ್ತು ನಂತರ 2020ರಲ್ಲಿ - ಮದುವೆಯಾಗುವಂತೆ ಪ್ರಸ್ತಾಪಿಸಿದ್ದ ಬಗ್ಗೆ ಬಹಿರಂಗ ಪಡಿಸಿದ್ದರು. 2022ರಲ್ಲಿ ಲಂಡನ್​ನಲ್ಲಿ ಉದ್ಯಮಿ ಗೌತಮ್​ ಹತಿರಾಮಣಿ ಅವರನ್ನು ಮದುವೆಯಾದರು. ಈ ವೇಳೆ ಕನಿಕಾ ಮಕ್ಕಳಾದ ಆಯನಾ ಮತ್ತು ಸಮರಾ, ಯುವರಾಜ್ ಸಹ ಭಾಗಿಯಾಗಿ ಸಂಭ್ರಮಿಸಿದ್ದರು. ಆದರೆ, ಈಗ 4 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಧಿಕೃತವಾಗಿ ಅಂತ್ಯವಾಡಿದ್ದಾರೆ. ಈ ಬಗ್ಗೆ ಕನಿಕಾ ಅವರು ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ದೃಢಪಡಿಸಿದ್ದಾರೆ.

ಕನಿಕಾರ ಪೋಸ್ಟ್​ನಲ್ಲಿ ಹೀಗಿದೆ

ಸಾಕಷ್ಟು ಆಲೋಚನೆ ಮಾಡಿದ ನಂತರ ನನ್ನ ಪತಿ ನಾನು ಬೇರ್ಪಡಲು ನಿರ್ಧರಿಸಿದ್ದೇವೆ,. ಅವರೊಟ್ಟಿಗೆ ಕಳೆದ ಕ್ಷಣ..ಸಮಯಕ್ಕಾಗಿ ನಾನು ಕೃತಜ್ಞಳಾಗಿದ್ದೇನೆ. ನಮ್ಮ ಹಾದಿಗಳು ಬೇರೆ. ಅವರ ಭವಿಷ್ಯವು ಉತ್ತಮವಾಗಿರಲಿ ಎಂದು ಹಾರೈಸುತ್ತೇನೆ. ನಾವು ಜೀವನದ ಮುಂದಿನ ಹಂತಕ್ಕೆ ಸಾಗುತ್ತಿರುವಾಗ ನಮ್ಮ ಖಾಸಗಿ ಜೀವನವನ್ನು ಗೌರವಿಸಿ ಎಂದು ಬರೆದುಕೊಂಡಿದ್ದಾರೆ.

ಕನಿಕಾರ ಹಾಡುಗಳಿವು

2014ರಲ್ಲಿ ಬಿಡುಗಡೆಯಾದ ಸನ್ನಿ ಲಿಯೋನ್ ಅಭಿನಯದ 'ರಾಗಿಣಿ ಎಂಎಂಎಸ್ 2' ಚಿತ್ರದ 'ಬೇಬಿ ಡಾಲ್' ಹಾಡಿನ ಮೂಲಕ ಕನಿಕಾ ಕಪೂರ್ ಖ್ಯಾತಿ ಪಡೆದರು. 'ಮೀಟ್ ಬ್ರೋಸ್' ಸಂಯೋಜಿಸಿದ ಈ ಹಾಡು ಭಾರಿ ಜನಪ್ರಿಯತೆ ಗಳಿಸಿತು ಮತ್ತು ಕನಿಕಾ ಅವರನ್ನು ಜನಪ್ರಿಯ ಹಿನ್ನೆಲೆ ಗಾಯಕಿಯನ್ನಾಗಿ ನೆಲೆಗೊಳಿಸಿತು. ಅದೇ ವರ್ಷ ಬಿಡುಗಡೆಯಾದ, ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ನಟಿಸಿದ ಹ್ಯಾಪಿ ನ್ಯೂಯರ್' ಚಿತ್ರದ 'ಲವ್ಲಿ' ಹಾಡು ಕೂಡ ಅವರ ಹಿಟ್ ಹಾಡುಗಳ ಪಟ್ಟಿಯಲ್ಲಿದೆ, (ಏಜೆನ್ಸೀಸ್).

ಪ್ರಸಕ್ತ ವರ್ಷದ ದೀಪಾವಳಿ ಹಬ್ಬವು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಅತ್ಯಂತ ವಿಶೇಷ ಹಾಗೂ ಅಪರೂಪದ ಯೋಗಗಳ ಸಂಗಮಕ್ಕೆ ಸಾಕ್ಷಿಯಾಗುತ್ತಿದೆ. ಈ ಪವಿತ್ರ ದಿನದಂದು ತುಲಾ ರಾಶಿಯಲ್ಲಿ ಗ್ರಹಗಳ ರಾಜನಾದ ಸೂರ್ಯ ಮತ್ತು ಸೌಂದರ್ಯ-ಸಂಪತ್ತಿನ ದೇವನಾದ ಶುಕ್ರ ಒಂದೇ ರಾಶಿಯಲ್ಲಿ ಸಮ್ಮಿಲನಗೊಳ್ಳುವುದರಿಂದ‘ಶುಕ್ರಾಧಿತ್ಯ ರಾಜಯೋಗ’ ಸೃಷ್ಟಿಯಾಗಲಿದೆ. ಇದರ ಜತೆಗೆ, ಬುದ್ಧಿಮತ್ತೆ ಮತ್ತು ಜ್ಞಾನದ ಕಾರಕನಾದ ಬುಧನೊಂದಿಗೆ ಸೂರ್ಯ ಸೇರುವುದರಿಂದ ‘ಬುಧಾದಿತ್ಯ ರಾಜಯೋಗ’ ಕೂಡ ನಿರ್ಮಾಣವಾಗಲಿದೆ. ನೂರಾರು ವರ್ಷಗಳ ಬಳಿಕ ದೀಪಾವಳಿಯ ಶುಭ ದಿನದಂದೇ ಈ ಎರಡು ಪ್ರಭಾವಶಾಲಿ ರಾಜಯೋಗಗಳು ಒಟ್ಟಿಗೆ ರೂಪುಗೊಳ್ಳುತ್ತಿರುವುದು ಅತ್ಯಂತ ಮಂಗಳಕರ ಬೆಳವಣಿಗೆಯಾಗಿದೆ.

ಹನ್ನೆರಡು ರಾಶಿಗಳ ಮೇಲೆ ಗ್ರಹಗಳ ಪ್ರಭಾವ

ದೀಪಾವಳಿಯ ದಿನದಂದು ಉಂಟಾಗುವ ಈ ಪ್ರಬಲ ರಾಜಯೋಗಗಳ ಪ್ರಭಾವವು ಎಲ್ಲ 12 ರಾಶಿಚಕ್ರಗಳ ಮೇಲೂ ಬೀರಲಿದೆ. ಆದರೆ, ಜ್ಯೋತಿಷ್ಯ ಗಣನೆಗಳ ಪ್ರಕಾರ, ಈ ಅಪರೂಪದ ಗ್ರಹಗಳ ಜೋಡಣೆಯು ಮುಖ್ಯವಾಗಿ ನಾಲ್ಕು ರಾಶಿಗಳಿಗೆ ಅತ್ಯಂತ ಹೆಚ್ಚಿನ ಅದೃಷ್ಟ, ಸುಖ, ಶಾಂತಿ ಮತ್ತು ಧನಲಾಭವನ್ನು ಕರುಣಿಸಲಿದೆ. ಈ ರಾಶಿಯವರು ತಮ್ಮ ಉದ್ಯೋಗ, ವ್ಯಾಪಾರ, ಶಿಕ್ಷಣ ಹಾಗೂ ವೈಯಕ್ತಿಕ ಜೀವನದಲ್ಲಿ ದೀರ್ಘಕಾಲದಿಂದ ಎದುರಿಸುತ್ತಿದ್ದ ಸವಾಲುಗಳಿಂದ ಮುಕ್ತಿ ಪಡೆಯಲಿದ್ದು, ಹೊಸ ಆಶಾವಾದ ಮತ್ತು ಯಶಸ್ಸಿನ ಹೊಸ ಅಧ್ಯಾಯಕ್ಕೆ ನಾಂದಿ ಹಾಡಲಿದ್ದಾರೆ. ಹಾಗಾದರೆ, ಆ 4 ಅದೃಷ್ಟದ ರಾಶಿಗಳು ಯಾವುವು ಅನ್ನೋದನ್ನು ನಾವೀಗ ತಿಳಿಯೋಣ.

ಮೇಷ ರಾಶಿ

ಮೇಷ ರಾಶಿಯ ಜಾತಕದವರಿಗೆ ಈ ಬಾರಿಯ ದೀಪಾವಳಿಯು ಅತ್ಯಂತ ಶುಭದಾಯಕವಾಗಿರಲಿದೆ. ಇವರ ಪ್ರತಿಯೊಂದು ಕೆಲಸ-ಕಾರ್ಯಗಳಲ್ಲೂ ಸಫಲತೆ ಸಿಗಲಿದ್ದು, ಕೈಗೊಂಡ ಪ್ರಯತ್ನಗಳಿಗೆ ಸೂಕ್ತ ಫಲ ದೊರೆಯಲಿದೆ. ವೃತ್ತಿಜೀವನದಲ್ಲಿ ಅತ್ಯುತ್ತಮ ಪ್ರಗತಿಯನ್ನು ಕಾಣುವಿರಿ ಹಾಗೂ ಆಸ್ತಿ ಸಂಬಂಧಿತ ದೀರ್ಘಕಾಲದ ವಿವಾದಗಳು ಸುಲಭವಾಗಿ ಬಗೆಹರಿಯಲಿವೆ. ಜೀವನದ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಇದು ಸೂಕ್ತ ಸಮಯವಾಗಿದ್ದು, ಪ್ರೇಮಿಗಳಿಗೆ ವಿವಾಹ ಯೋಗ ಕೂಡಿಬರಲಿದೆ. ಆರ್ಥಿಕ ಮುಗ್ಗಟ್ಟಿನಿಂದ ಮುಕ್ತಿ ಸಿಗಲಿದ್ದು, ಆದಾಯ ಗಳಿಕೆಗೆ ಹೊಸ ಮಾರ್ಗಗಳು ತೆರೆದುಕೊಳ್ಳಲಿವೆ.

ತುಲಾ ರಾಶಿ

ತುಲಾ ರಾಶಿಯಲ್ಲಿಯೇ ಈ ರಾಜಯೋಗಗಳು ಸೃಷ್ಟಿಯಾಗುತ್ತಿರುವುದರಿಂದ ಈ ರಾಶಿಯ ಜನರಿಗೆ ಅದೃಷ್ಟದ ಬಾಗಿಲು ಸಂಪೂರ್ಣವಾಗಿ ತೆರೆಯಲಿದೆ. ಬಾಕಿ ಉಳಿದಿದ್ದ ಅನೇಕ ಪ್ರಮುಖ ಕೆಲಸಗಳು ಯಶಸ್ವಿಯಾಗಿ ಪೂರ್ಣಗೊಳ್ಳಲಿವೆ. ಕುಟುಂಬದಲ್ಲಿ ಸಂತೋಷದ ವಾತಾವರಣ ನೆಲೆಸಲಿದ್ದು, ನಿಮಗಿದ್ದ ದೊಡ್ಡ ಕನಸೊಂದು ನನಸಾಗುವ ಕಾಲ ಹತ್ತಿರವಾಗಿದೆ. ಹೆತ್ತವರ ಬೆಂಬಲ ಹಾಗೂ ಪ್ರೋತ್ಸಾಹ ನಿಮಗಿರಲಿದ್ದು, ನಿರೂಪಿಸಿದ ಜವಾಬ್ದಾರಿಗಳನ್ನು ಯಶಸ್ವಿಯಾಗಿ ಪೂರೈಸುವಿರಿ. ಜಂಟಿ ಉದ್ಯೋಗ ಮತ್ತು ಉನ್ನತ ಶಿಕ್ಷಣಕ್ಕೆ ತೆರಳಲು ಬಯಸುವವರಿಗೆ ಅತ್ಯುತ್ತಮ ಅವಕಾಶಗಳು ಒದಗಿಬರಲಿವೆ.

ಧನುಸ್ಸು ರಾಶಿ

ಧನುಸ್ಸು ರಾಶಿಯ ವ್ಯಕ್ತಿಗಳಿಗೆ ಈ ರಾಜಯೋಗದ ಪ್ರಭಾವದಿಂದ ಸಮಾಜದಲ್ಲಿ ಸನ್ಮಾನ, ಗೌರವ ಹಾಗೂ ಅದ್ಭುತ ಯಶಸ್ಸು ದೊರೆಯಲಿದೆ. ಉದ್ಯೋಗ ಕ್ಷೇತ್ರದಲ್ಲಿ ನಿಮ್ಮ ಕಠಿಣ ಶ್ರಮ ಮತ್ತು ಪ್ರತಿಭೆಗೆ ತಕ್ಕ ಮೆಚ್ಚುಗೆ ಹಾಗೂ ಮನ್ನಣೆ ಸಿಗಲಿದೆ. ವ್ಯಾಪಾರ-ವಹಿವಾಟು ನಡೆಸುವವರಿಗೆ ಈ ಸಮಯವು ಅತ್ಯಂತ ಲಾಭದಾಯಕವಾಗಿದ್ದು, ಭವಿಷ್ಯದಲ್ಲಿ ದೊಡ್ಡ ಲಾಭ ತರಬಲ್ಲ ಹೊಸ ಒಪ್ಪಂದಗಳು ಕೈಗೂಡಲಿವೆ. ಸ್ವಂತ ಮನೆ ಅಥವಾ ಹೊಸ ಆಸ್ತಿಯನ್ನು ಖರೀದಿಸುವ ನಿಮ್ಮ ಬಹುದಿನದ ಕನಸು ಈ ಅವಧಿಯಲ್ಲಿ ಈಡೇರುವ ಸಾಧ್ಯತೆಗಳಿದ್ದು, ಜೀವನದಲ್ಲಿ ಒಟ್ಟಾರೆಯಾಗಿ ಸಕಾರಾತ್ಮಕ ಬದಲಾವಣೆಗಳು ಬರಲಿವೆ.

ಮೀನ ರಾಶಿ

ಮೀನ ರಾಶಿಯವರಿಗೆ ದೀಪಾವಳಿಯ ಹಬ್ಬವು ಅಪಾರ ಸಂತೋಷವನ್ನು ತರಲಿದೆ. ಕುಟುಂಬದಲ್ಲಿ ನೆಮ್ಮದಿ ಮೂಡಲಿದ್ದು, ವೈವಾಹಿಕ ಜೀವನದಲ್ಲಿ ಪರಸ್ಪರ ಪ್ರೀತಿ, ನಂಬಿಕೆ ಮತ್ತು ಸಾಮರಸ್ಯ ಹೆಚ್ಚಾಗಲಿದೆ. ನಿಮ್ಮ ಸುದೀರ್ಘ ಗುರಿಗಳನ್ನು ತಲುಪಲು ಹೊಸ ಯೋಜನೆಯೊಂದಿಗೆ ಕಾರ್ಯಪ್ರವೃತ್ತರಾಗುವಿರಿ. ನಿಕಟ ಸಂಬಂಧಿಕರು ಮತ್ತು ಕುಟುಂಬದೊಂದಿಗೆ ಗುಣಮಟ್ಟದ ಸಮಯವನ್ನು ಕಳೆಯುವ ಅವಕಾಶ ಸಿಗಲಿದೆ. ಪ್ರಮುಖವಾಗಿ ನಿಮ್ಮ ಆದಾಯದ ಹರಿವು ಹೆಚ್ಚಾಗಿ ಆರ್ಥಿಕ ಸ್ಥಿತಿಯು ಗಟ್ಟಿಯಾಗಲಿದೆ ಹಾಗೂ ಹೊಸ ಆಸ್ತಿ-ಪಾಸ್ತಿಗಳನ್ನು ಖರೀದಿಸುವ ಅಪರೂಪದ ಯೋಗ ಒದಗಿಬರಲಿದೆ.

ಒಟ್ಟಾರೆಯಾಗಿ, ದೀಪಾವಳಿಯ ಈ ಪವಿತ್ರ ಸಂದರ್ಭದಲ್ಲಿ ನಿರ್ಮಾಣವಾಗುತ್ತಿರುವ ಶುಕ್ರಾದಿತ್ಯ ಮತ್ತು ಬುಧಾದಿತ್ಯ ರಾಜಯೋಗಗಳು ಈ ನಾಲ್ಕು ರಾಶಿಗಳ ಬಾಳಿನಲ್ಲಿ ಧನಾತ್ಮಕ ಶಕ್ತಿಯನ್ನು ತುಂಬಲಿವೆ. ಗ್ರಹಗಳ ಈ ಶುಭ ಪ್ರಭಾವವನ್ನು ಇನ್ನಷ್ಟು ಹೆಚ್ಚಿಸಿಕೊಳ್ಳಲು ದೀಪಾವಳಿಯ ದಿನದಂದು ಲಕ್ಷ್ಮಿ ದೇವಿಯ ಹಾಗೂ ಮಹಾವಿಷ್ಣುವಿನ ಪೂಜೆಯನ್ನು ಭಕ್ತಿಯಿಂದ ಮಾಡುವುದು ಶ್ರೇಯಸ್ಕರ. ಜ್ಯೋತಿಷ್ಯದ ಈ ಶುಭ ಯೋಗಗಳು ನಿಮ್ಮೆಲ್ಲರ ಬಾಳಿನಲ್ಲಿ ಹೊಸ ಬೆಳಕು, ಸಮೃದ್ಧಿ ಮತ್ತು ಯಶಸ್ಸನ್ನು ಕರುಣಿಸಲಿ ಎಂದು ಹಾರೈಸೋಣ.

ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ “ವಿಜಯವಾಣಿ ಡಾಟ್​ ನೆಟ್”​ ಜವಾಬ್ದಾರರಾಗಿರುವುದಿಲ್ಲ.

ಸಾಮಾನ್ಯವಾಗಿ ಅಮೆರಿಕದಲ್ಲಿ ಅಧ್ಯಕ್ಷರಾದವರು ತಮ್ಮ ಮೊದಲ ಎರಡು ವರ್ಷಗಳನ್ನು ಆರಾಮವಾಗಿ ಕಳೆದರೂ, ಈ ಮಧ್ಯಂತರ ಚುನಾವಣೆ ಬಂದಾಗ ಮಾತ್ರ ಅವರ ಎದೆಯಲ್ಲಿ ನಡುಕ ಶುರುವಾಗುತ್ತದೆ. ಕಾರಣ ಈ ಚುನಾವಣೆಯಲ್ಲಿ ಪ್ರಜೆಗಳು, ಅಧ್ಯಕ್ಷರ ಆಡಳಿತದಿಂದ ಎಷ್ಟು ಸಂತುಷ್ಟರಾಗಿದ್ದಾರೆಂಬ ಅಂಕಿ-ಅಂಶ ದೊರೆಯುತ್ತದೆ.

ಏನಿದು ಮಧ್ಯಂತರ ಚುನಾವಣೆ? ಯಾಕಿಷ್ಟು ಹೈಪ್?

ಅಮೆರಿಕದ ಅಧ್ಯಕ್ಷರ ಅಧಿಕಾರಾವಧಿ ನಾಲ್ಕು ವರ್ಷ. ಇದರ ಅರ್ಧ ಅವಧಿ, ಅಂದರೆ ಸರಿಯಾಗಿ ಎರಡು ವರ್ಷ ಮುಗಿಯುತ್ತಿದ್ದಂತೆ ಈ ಮಧ್ಯಂತರ ಚುನಾವಣೆಗಳು ನಡೆಯುತ್ತವೆ. ಅಮೆರಿಕದ ಸಂಸತ್ತಾದ ಕಾಂಗ್ರೆಸ್​​ನಲ್ಲಿ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಹಾಗೂ ಸೆನೆಟ್ ಎಂಬ ಎರಡು ಪ್ರಮುಖ ಸದನಗಳಿವೆ.

ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ (ಕೆಳಮನೆ): ಇಲ್ಲಿನ ಎಲ್ಲಾ 435 ಸದಸ್ಯರಿದ್ದು, ಇದರ ಅಧಿಕಾರಾವಧಿ ಕೇವಲ ಎರಡು ವರ್ಷ. ಹೀಗಾಗಿ ಇಲ್ಲಿ ಎಲ್ಲಾ ಕ್ಷೇತ್ರಗಳಿಗೆ ಮಧ್ಯಂತರ ಚುನಾವಣೆ ನಡೆಯುತ್ತದೆ.

ಸೆನೆಟ್ (ಮೇಲ್ಮನೆ): ಸೆನೆಟರ್‌ಗಳ ಒಟ್ಟು ಅಧಿಕಾರವಧಿ ಆರು ವರ್ಷ. ಇಲ್ಲಿ ಒಟ್ಟು 100 ಸ್ಥಾನಗಳಿದ್ದು, ಈ ಪೈಕಿ ಸುಮಾರು ಮೂರನೇ ಒಂದು ಭಾಗದಷ್ಟು, ಅಂದರೆ 35 ಸ್ಥಾನಗಳಿಗೆ ಮಾತ್ರ ಮಧ್ಯಂತರ ಚುನಾವಣೆ ನಡೆಯುತ್ತದೆ.

ರಿಪಬ್ಲಿಕನ್ನರು ಸೋತರೆ ಟ್ರಂಪ್ ಕುರ್ಚಿ ಕಳಚುತ್ತಾ?

ಒಂದು ವೇಳೆ ಈ ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ನರು ಮಕಾಡೆ ಮಲಗಿದರೆ, ಟ್ರಂಪ್ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಯಬೇಕಾ? ಎಂಬ ಪ್ರಶ್ನೆ ಎಲ್ಲಡೆ ಚರ್ಚೆಯಾಗುತ್ತಿದೆ. ಆದರೆ, ಇದಕ್ಕೆ ಉತ್ತರ ಖಂಡಿತ ಇಲ್ಲ! ಅಮೆರಿಕದ ಸಂವಿಧಾನದ ಪ್ರಕಾರ ಅಧ್ಯಕ್ಷರ ಆಯ್ಕೆ ಪ್ರತ್ಯೇಕವಾಗಿ ನಡೆಯುತ್ತದೆ.

ಹೀಗಾಗಿ ಸಂಸತ್ತಿನಲ್ಲಿ ಎಷ್ಟೇ ಸ್ಥಾನಗಳು ಕೈತಪ್ಪಿದರೂ ಜನವರಿ 20, 2029 ರವರೆಗೆ ಡೊನಾಲ್ಡ್ ಟ್ರಂಪ್ ಅವರೇ ಅಧಿಕಾರದಲ್ಲಿ ಇರುತ್ತಾರೆ. ಒಂದು ವೇಳೆ ವಿರೋಧ ಪಕ್ಷವಾದ ಡೆಮಾಕ್ರಟ್‌ಗಳು ಮೇಲುಗೈ ಸಾಧಿಸಿದರೆ, ಆಗ ದೇಶದಲ್ಲಿ "ವಿಭಜಿತ ಸರ್ಕಾರ" (Divided Government) ರೂಪುಗೊಳ್ಳುತ್ತದೆ. ಅಂದರೆ, ಕಾರಿನ ಸ್ಟೀರಿಂಗ್ ಟ್ರಂಪ್ ಕೈಯಲ್ಲಿದ್ದರೆ, ಬ್ರೇಕ್ ಮತ್ತು ಗೇರ್ ವಿರೋಧ ಪಕ್ಷದ ಕೈಗೆ ಹೋಗುತ್ತದೆ.

ಟ್ರಂಪ್‌ಗೆ ಎದುರಾಗಲಿರುವ 5 ಚಾಲೆಂಜ್‌ಗಳು

1. ಮಸೂದೆಗಳಿಗೆ ಬೀಳುತ್ತೆ ಬ್ರೇಕ್

ಡೆಮಾಕ್ರಟ್‌ಗಳು ಕೆಳಮನೆಯನ್ನು ಗೆದ್ದರೆ, ಟ್ರಂಪ್ ತರಲು ಬಯಸುವ ತೆರಿಗೆ ಕಡಿತ, ಹೊಸ ವಲಸೆ ನೀತಿಗಳು ಮತ್ತು ಖರ್ಚು-ವೆಚ್ಚದ ಯೋಜನೆಗಳಿಗೆ ಸುಲಭವಾಗಿ ಒಪ್ಪಿಗೆ ಸಿಗಲ್ಲ. ಪ್ರತಿಯೊಂದು ಕಾನೂನು ಪಾಸ್ ಮಾಡಲೂ ವಿರೋಧಿಗಳ ಮುಂದೆ ಅಂಗಲಾಚಬೇಕಾದ ಸ್ಥಿತಿ ಬರಬಹುದು.

2. ತನಿಖೆಗಳ ಸುರಿಮಳೆ

ಡೆಮಾಕ್ರಟಿಕ್ ನಾಯಕರು ಅಧಿಕಾರಕ್ಕೆ ಬಂದರೆ ಸುಮ್ಮನೆ ಕೂರುವುದಿಲ್ಲ. ಟ್ರಂಪ್ ಆಡಳಿತದ ಹಳೆಯ ಫೈಲ್‌ಗಳನ್ನು ಹೊರತೆಗೆಯುವುದು, ಸಮನ್ಸ್ ಜಾರಿ ಮಾಡುವುದು ಮತ್ತು ಸಾಕ್ಷ್ಯಗಳನ್ನು ಕೋರ್ಟ್ ಮೆಟ್ಟಿಲೇರಿಸುವ ಮೂಲಕ ಟ್ರಂಪ್‌ಗೆ ದಿನಕ್ಕೊಂದು ತಲೆನೋವು ಶುರುವಾಗಲಿದೆ.

3. ದೋಷಾರೋಪಣೆ (Impeachment) ಅಸ್ತ್ರ

ಡೆಮಾಕ್ರಟ್‌ಗಳು ಕೆಳಮನೆಯಲ್ಲಿ ಸರಳ ಬಹುಮತ ಪಡೆದರೆ, ಟ್ರಂಪ್ ವಿರುದ್ಧ ಮತ್ತೊಮ್ಮೆ ದೋಷಾರೋಪಣೆ ಪ್ರಕ್ರಿಯೆ ಆರಂಭಿಸುವ ಸಾಧ್ಯತೆ ದಟ್ಟವಾಗಿದೆ. ಆದರೆ ಅವರನ್ನು ಅಧಿಕಾರದಿಂದ ತೆಗೆದುಹಾಕಲು ಸೆನೆಟ್‌ನಲ್ಲಿ 2/3 ಬಹುಮತ ಬೇಕಾಗಿರುವುದರಿಂದ, ಕುರ್ಚಿ ಉಳಿದುಕೊಂಡರೂ ರಾಜಕೀಯವಾಗಿ ಟ್ರಂಪ್​ ಮುಖಭಂಗ ಅನುಭವಿಸಬೇಕಾಗುತ್ತದೆ.

4. ನೇಮಕಾತಿಗಳಿಗೆ ರೆಡ್ ಸಿಗ್ನಲ್

ಸೆನೆಟ್ ಕೈತಪ್ಪಿದರೆ ಫೆಡರಲ್ ಜಡ್ಜ್‌ಗಳು, ಉನ್ನತ ಅಧಿಕಾರಿಗಳು ಹಾಗೂ ನ್ಯಾಯಾಂಗ ನೇಮಕಾತಿಗಳಿಗೆ ಟ್ರಂಪ್ ಮಾಡುವ ಶಿಫಾರಸುಗಳನ್ನು ಡೆಮಾಕ್ರಟ್‌ಗಳು ನೇರವಾಗಿ ತಿರಸ್ಕರಿಸಬಹುದು. ಇದರಿಂದ ಆಡಳಿತ ಯಂತ್ರವೇ ನಿಂತುಹೋಗುವ ಅಪಾಯವಿದೆ.

5. ಸರ್ಕಾರವೇ ಸ್ಥಗಿತ ಆಗುವ ಭೀತಿ

ಬಜೆಟ್ ಪಾಸ್ ಮಾಡುವ ವಿಚಾರದಲ್ಲಿ ಉಭಯ ಪಕ್ಷಗಳ ನಡುವೆ ಹಗ್ಗಜಗ್ಗಾಟ ನಡೆದು, 2027 ರಲ್ಲಿ ಅಮೆರಿಕ ಸರ್ಕಾರಕ್ಕೆ ಹಣಕಾಸಿನ ಮುಗ್ಗಟ್ಟು ಎದುರಾಗಬಹುದು. ಸಾಲದ ಮಿತಿ ಹೆಚ್ಚಿಸಲು ಒಪ್ಪಂದವಾಗದಿದ್ದರೆ ಸರ್ಕಾರಿ ಕಚೇರಿಗಳೇ ಬಂದ್ ಆಗುವ ಅಪಾಯವೂ ಇದೆ.

ಒಟ್ಟಾರೆಯಾಗಿ ಹೇಳುವುದಾದರೆ, ಈ ಮಧ್ಯಂತರ ಚುನಾವಣೆ ಟ್ರಂಪ್ ಪಾಲಿಗೆ ಮಾಡು ಇಲ್ಲವೇ ಮಡಿ ಹೋರಾಟವಾಗಿದ್ದು, ಮುಂದಿನ ಎರಡು ವರ್ಷ ಕಾಲ ಟ್ರಂಪ್ ರಾಜನಂತೆ ಮೆರೆಯುತ್ತಾರೋ ಅಥವಾ ವಿರೋಧ ಪಕ್ಷದ ಚಕ್ರವ್ಯೂಹದಲ್ಲಿ ಸಿಲುಕಿ ಒದ್ದಾಡುತ್ತಾರೋ ಅನ್ನೋದನ್ನ ಅಮೆರಿಕದ ಮತದಾರ ನಿರ್ಧರಿಸಬೇಕಿದೆ, (ಏಜೆನ್ಸೀಸ್​).

ವಾಷಿಂಗ್ಟನ್; ಅಮೆರಿಕದಲ್ಲಿ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಅಧಿಕಾರಕ್ಕೆ ಮತ್ತೊಮ್ಮೆ ಸವಾಲೊಡ್ಡುವ ಸೂಚನೆಯನ್ನು ಮಧ್ಯಂತರ ಚುನಾವಣೆಯು ಕೊಟ್ಟಿದೆ. ಆರಂಭಿಕ ಫಲಿತಾಂಶದಲ್ಲಿ ರಿಪಬ್ಲಿಕನ್​ ಪಕ್ಷದ ಭದ್ರಕೋಟೆ ಎಂದು ಗುರುತಿಸಿಕೊಂಡಿದ್ದ ಕ್ಷೇತ್ರದಲ್ಲಿ ಡೆಮೋಕ್ರಟಿಕ್ ಪಕ್ಷದ ಅಭ್ಯರ್ಥಿಗಳು ಮುನ್ನಡೆ ಸಾಧಿಸಿವೆ. ಈ ಮಧ್ಯೆ ಸೆನೆಟ್ ಅನ್ನು ಕೂಡ ತನ್ನ ವಶಕ್ಕೆ ತೆಗೆದು ಕೊಂಡಿದ್ದು, ಮೂಲಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಡಳಿತದ ರಿಪಬ್ಲಿಕನ್​​ ವಿರುದ್ಧ ಯುಗಾರಂಭಕ್ಕೆ ಇದು ನಾಂದಿ ಹಾಡಿದೆ.

ಸೆನೆಟ್ ಮತ್ತು ಹೌಸ್ ಎರಡರಲ್ಲೂ ನಾರ್ತ್ ಕೆರೊಲಿನಾವನ್ನು ವಶಪಡಿಸಿಕೊಳ್ಳುವ ಮೂಲಕ ಡೆಮಾಕ್ರಟಿಕ್ ಪಕ್ಷ ತಮ್ಮ ಮೊದಲ ಅದ್ಭುತ ಗೆಲುವನ್ನು ದಾಖಲಿಸಿದ್ದಾರೆ. ರಿಪಬ್ಲಿಕನ್ ಚಕ್ ಎಡ್ವರ್ಡ್ಸ್ ಅವರ ನಿವೃತ್ತಿಯ ನಂತರ ಡೆಮಾಕ್ರಟಿಕ್ ಪಕ್ಷದ ಜೇಮಿ ಏಗರ್ ಹೌಸ್ ಸ್ಥಾನವನ್ನು ಗೆದ್ದುಕೊಂಡರೆ, ಸೆನೆಟ್‌ನಲ್ಲಿ ರಾಯ್ ಕೂಪರ್ ಅವರು ಮೈಕೆಲ್ ವಾಟ್ಲಿ ಅವರನ್ನು ಸೋಲಿಸಿದರು. 2008 ರ ನಂತರ ಡೆಮೋಕ್ರಾಟ್‌ಗಳು ಈ ರಾಜ್ಯದಲ್ಲಿ ಸೆನೆಟ್ ಸ್ಥಾನವನ್ನು ಗೆದ್ದಿರುವುದು ಇದೇ ಮೊದಲು.

ಹಿನ್ನಡೆಗೆ ಕಾರಣ?

ಈ ಮಧ್ಯಂತರ ಚುನಾವಣೆಯ ಫಲಿತಾಂಶವು ಟ್ರಂಪ್​ ಅವರ ಎರಡನೇ ಅವಧಿಯ ಆಡಳಿತದ ವಿರುದ್ಧ ನೀಡುತ್ತಿರುವ ತೀರ್ಪಿನಂತಿದೆ. ಜೀವನ ವೆಚ್ಚ ಏರಿಕೆ, ಸುಂಕ ಹೆಚ್ಚಳ, ಇರಾನ್ ಜೊತೆಗಿನ ಯುದ್ಧದಿಂದಾಗಿ ಇಂಧನ ಬೆಲೆಯು ರಿಪಬ್ಲಿಕನ್ ಪಕ್ಷಕ್ಕೆ ತೀವ್ರ ನಷ್ಟವನ್ನುಂಟುಮಾಡಿದೆ.ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಜನಮನ್ನಣೆ ರೇಟಿಂಗ್ ದಾಖಲೆಯ ಕನಿಷ್ಠ ಮಟ್ಟಕ್ಕೆ ಕುಸಿದಿರುವುದು ರಿಪಬ್ಲಿಕನ್ ಅಭ್ಯರ್ಥಿಗಳಿಗೆ ಹಿನ್ನಡೆಯುಂಟು ಮಾಡಿದೆ.

ಸದ್ಯ ಹೌಸ್ ಆಫ್​ ರಿಪ್ರಸೆಂಟೇಟಿವ್ಸ್ ಮೇಲೆ ರಿಪಬ್ಲಿಕನ್​ ಪಕ್ಷವು ಹಿಡಿತ ಕಳೆದುಕೊಳ್ಳುವುದು ಪಕ್ಷಕ್ಕಾಗುತ್ತಿರುವ ದೊಡ್ಡ ಹೊಡೆತವಾಗಿದೆ. ಇದು ಟ್ರಂಪ್ ಅವರ ಶಾಸಕಾಂಗ ಕಾರ್ಯಸೂಚಿಯನ್ನು ತಡೆಯಲು ಡೆಮಾಕ್ರಟಿಕ್ ಪಕ್ಷ ಅಧಿಕಾರ ನೀಡಲಿದೆ. ಸೆನೆಟ್ ಚುನಾವಣೆಯ ಸೋಲು ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿಗಳು ಹಾಗೂ ಹಿರಿಯ ಅಧಿಕಾರಿಗಳನ್ನು ನೇಮಿಸುವ ಟ್ರಂಪ್ ಅವರ ಸಾಮರ್ಥ್ಯವನ್ನೂ ಗಂಡಾಂತರಕ್ಕೆ ಸಿಲುಕಿಸಿದೆ.

ಎಷ್ಟು ಸ್ಥಾನಗಳು ಕಣದಲ್ಲಿದ್ದವು?

ಎಲ್ಲಾ 435 ಹೌಸ್ ಸ್ಥಾನಗಳು ಮತ್ತು 100 ಸೆನೆಟ್ ಸ್ಥಾನಗಳ ಪೈಕಿ 35 ಸೆನೆಟ್ ಸ್ಥಾನಗಳು ಕಣದಲ್ಲಿದ್ದವು.. ಇದರೊಂದಿಗೆ 36 ರಾಜ್ಯಗಳ ಗವರ್ನರ್ ಸ್ಥಾನಗಳಿಗೂ ಚುನಾವಣೆ ನಡೆಯಿತು. ಸೆನೆಟ್​​ನಲ್ಲಿ ರಿಪಬ್ಲಿಕನ್ ಪಕ್ಷ 53 ಸ್ಥಾನಗಳನ್ನು ಹೊಂದಿದ್ದರೆ, ಡೆಮಾಕ್ರಟಿಕ್ ಪಕ್ಷವು 47 ಸ್ಥಾನಗಳನ್ನು ಹೊಂದಿವೆ. ಪ್ರತಿನಿಧಿಗಳ ಸಭೆಯಲ್ಲೂ ರಿಪಬ್ಲಿಕನ್ನರು ಬಹುಮತ ಹೊಂದಿದ್ದಾರೆ. ಪ್ರತಿನಿಧಿಗಳ ಸಭೆಯಲ್ಲಿ ಬಹುಮತ ಪಡೆಯಲು ಡೆಮೋಕ್ರಾಟ್​ಗಳಿಗೆ ಮೂರು ಸ್ಥಾನಗಳ ಲಾಭ ಸಾಕು. ಸೆನೆಟ್​​ನಲ್ಲಿ ಬಹುಮತ ಪಡೆಯಲು ನಾಲ್ಕು ಸ್ಥಾನಗಳ ನಿವ್ವಳ ಲಾಭದ ಅವಶ್ಯಕತೆ ಇದೆ.

ಕೆಂಟುಕಿ ಮತ್ತು ಇಂಡಿಯಾನಾದಲ್ಲಿ ಮತದಾನದ ಮೊದಲ ಮತಗಟ್ಟೆಗಳು ಮುಚ್ಚುತ್ತಿದ್ದಂತೆ, ವಾಷಿಂಗ್ಟನ್‌ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಹೌಸ್ ಡೆಮೋಕ್ರಟಿಕ್ ಅಲ್ಪಸಂಖ್ಯಾತ ನಾಯಕ ಹಕೀಮ್ ಜೆಫ್ರೀಸ್ ದೇಶವು "ದಿಕ್ಕಿನ ನಾಟಕೀಯ ಬದಲಾವಣೆಯ ಅಂಚಿನಲ್ಲಿದೆ. ಡೆಮಾಕ್ರಟಿಕ್ ಪಕ್ಷವು ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್‌ನ ನಿಯಂತ್ರಣವನ್ನು ಪಡೆಯುವ ಹಂತದಲ್ಲಿದೆ ಎಂದರು.

ಡಿಸಿಷನ್ ಡೆಸ್ಕ್ ಎಚ್‌ಕ್ಯೂ ತನ್ನ ಅಂತಿಮ ಚುನಾವಣಾ ಸಮೀಕ್ಷೆಯಲ್ಲಿ ಡೆಮಾಕ್ರಟಿಕ್ ಪಕ್ಷಕ್ಕೆ 241 ಹೌಸ್ ಸ್ಥಾನಗಳು ಮತ್ತು ರಿಪಬ್ಲಿಕನ್‌ಗಳಿಗೆ 194 ಸ್ಥಾನಗಳು ಹಾಗೂ 52-48 ರಷ್ಟು ಸೆನೆಟ್ ಬಹುಮತ ಸಿಗಲಿದೆ ಎಂದು ಅಂದಾಜಿಸಿತ್ತು, (ಏಜೆನ್ಸೀಸ್)

ಸಾಂಪ್ರದಾಯಿಕವಾಗಿ ರಿಪಬ್ಲಿಕನ್ ಪಕ್ಷದ ಭದ್ರಕೋಟೆಯಾಗಿದ್ದ ಓಹಿಯೋದಲ್ಲಿ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ, ವೈದ್ಯೆ ಡಾ. ಆಮಿ ಆಕ್ಟನ್ ಭರ್ಜರಿ ಜಯಭೇರಿ ಬಾರಿಸಿದ್ದಾರೆ. ಈ ಮೂಲಕ ಈ ರಾಜ್ಯದ ಗವರ್ನರ್ ಪಟ್ಟಕ್ಕೇರಿದ ಮೊದಲ ಮಹಿಳೆ ಎಂಬ ಐತಿಹಾಸಿಕ ಹೆಗ್ಗಳಿಕೆಗೂ ಅವರು ಪಾತ್ರರಾಗಿದ್ದಾರೆ.

ಸ್ವಂತ ಜೇಬಿನಿಂದಲೇ 300 ಕೋಟಿ ಸುರಿದಿದ್ದ ರಾಮಸ್ವಾಮಿ!

2024ರ ಅಮೆರಿಕ ಅಧ್ಯಕ್ಷೀಯ ಚುನಾವಣಾ ರೇಸ್‌ನಿಂದ ಹಿಂದೆ ಸರಿದು ಟ್ರಂಪ್‌ಗೆ ಬೆಂಬಲ ಘೋಷಿಸಿದ್ದ ವಿವೇಕ್ ರಾಮಸ್ವಾಮಿ, ಈ ಬಾರಿ ಓಹಿಯೋ ಗವರ್ನರ್ ಆಗಲೇಬೇಕೆಂದು ಪಣತೊಟ್ಟಿದ್ದರು. ಪ್ರಚಾರಕ್ಕಾಗಿ ತಮ್ಮ ಸ್ವಂತ ಜೇಬಿನಿಂದಲೇ ಬರೋಬ್ಬರಿ 36 ಮಿಲಿಯನ್ ಡಾಲರ್ (ಅಂದಾಜು 300 ಕೋಟಿಗೂ ಅಧಿಕ) ಹಣವನ್ನು ನೀರಂತೆ ಖರ್ಚು ಮಾಡಿದ್ದರು. ಇದು ಎದುರಾಳಿ ಆಮಿ ಆಕ್ಟನ್ ಅವರ ಒಟ್ಟು ಪ್ರಚಾರ ವೆಚ್ಚಕ್ಕಿಂತಲೂ ಎಷ್ಟೋ ಪಟ್ಟು ಹೆಚ್ಚಿತ್ತು. ಆದರೆ ಮತದಾರ ಪ್ರಭು ಮಾತ್ರ ಹಣದ ಹೊಳೆಗೆ ಮರುಳಾಗದೆ, ಜನಸಾಮಾನ್ಯರ ಪರ ನಿಂತ ವೈದ್ಯೆಗೆ ಮಣೆ ಹಾಕಿದ್ದಾನೆ.

33 ಕೋಟಿಯ ವಿವಾದಾತ್ಮಕ ಜಾಹೀರಾತು!

ಚುನಾವಣೆಯ ಕೊನೆಯ ದಿನಗಳಲ್ಲಿ ರಾಮಸ್ವಾಮಿ ಹೆಣೆದ ಒಂದು ಕುತಂತ್ರವೇ ಅವರ ಸೋಲಿಗೆ ಪ್ರಮುಖ ಕಾರಣವಾಯಿತು ಎಂದು ರಾಜಕೀಯ ಪಂಡಿತರು ವಿಶ್ಲೇಷಿಸುತ್ತಿದ್ದಾರೆ. ಎದುರಾಳಿ ಆಮಿ ಆಕ್ಟನ್ ಅವರ ತೇಜೋವಧೆ ಮಾಡಲು ರಾಮಸ್ವಾಮಿ ಬರೋಬ್ಬರಿ 4 ಮಿಲಿಯನ್ ಡಾಲರ್ (ಸುಮಾರು 33 ಕೋಟಿ) ಸುರಿದು ಜಾಹೀರಾತೊಂದನ್ನು ಪ್ರಸಾರ ಮಾಡಿದ್ದರು.

ಆ ಜಾಹೀರಾತಿನಲ್ಲಿ ಆಕ್ಟನ್ ಅವರ ತಾಯಿಯನ್ನೇ ಕರೆತಂದು, ಆಮಿ ಒಬ್ಬಳು "ಸುಳ್ಳುಗಾರ್ತಿ" ಎಂದು ಹೇಳಿಸಲಾಗಿತ್ತು. ಬಾಲ್ಯದಲ್ಲಿ ತಾನು ಅನುಭವಿಸಿದ ಲೈಂಗಿಕ ದೌರ್ಜನ್ಯ ಮತ್ತು ಕಷ್ಟಗಳ ಬಗ್ಗೆ ಆಮಿ ಈ ಹಿಂದೆ ಮಾತನಾಡಿದೆಲ್ಲಾ, ಸುಳ್ಳೆಂದು ತೋರಿಸುವ ಪ್ರಯತ್ನ ರಾಮಸ್ವಾಮಿ ಅವರದ್ದಾಗಿತ್ತು.

ಆದರೆ, ಕೇವಲ ಮತಕ್ಕಾಗಿ ಒಬ್ಬ ಮಹಿಳೆಯ ಕುಟುಂಬದ ಆಂತರಿಕ ನೋವನ್ನು ಬೀದಿಗೆ ತಂದ ರಾಮಸ್ವಾಮಿ ನಡೆಗೆ ಜನರಿಂದ ಮಾತ್ರವಲ್ಲ, ಸ್ವತಃ ಅವರದೇ ರಿಪಬ್ಲಿಕನ್ ಪಕ್ಷದ ನಾಯಕರಿಂದಲೂ ತೀವ್ರ ವಿರೋಧ ವ್ಯಕ್ತವಾಯಿತು. ಹಾಲಿ ರಿಪಬ್ಲಿಕನ್ ಗವರ್ನರ್ ಮೈಕ್ ಡಿವೈನ್, "ಇದು ಅತ್ಯಂತ ಅಸಹ್ಯಕರ ಮತ್ತು ಆತಂಕಕಾರಿ ನಡೆ" ಎಂದು ರಾಮಸ್ವಾಮಿ ವಿರುದ್ಧ ಆಕ್ರೋಶ ಹೊರಹಾಕಿದ್ದರು. ಈ ಒಂದೇ ಒಂದು ಜಾಹೀರಾತು ಜನರಲ್ಲಿ ರಾಮಸ್ವಾಮಿ ಬಗ್ಗೆ ತೀವ್ರ ಅಸಮಾಧಾನ ಮೂಡಿಸಿತು.

ಟ್ರಂಪ್–ವ್ಯಾನ್ಸ್ ಜೋಡಿಯ ತಂತ್ರವೂ ಉಲ್ಟಾ!

ಓಹಿಯೋ, ಉಪಾಧ್ಯಕ್ಷ ಜೆಡಿ ವ್ಯಾನ್ಸ್ ಅವರ ತವರು ರಾಜ್ಯ. ಹೀಗಾಗಿ ಟ್ರಂಪ್ ಮತ್ತು ವ್ಯಾನ್ಸ್ ಇಬ್ಬರೂ ರಾಮಸ್ವಾಮಿ ಪರ ಭರ್ಜರಿ ಬ್ಯಾಟಿಂಗ್ ಮಾಡಿದ್ದರು. 2024ರ ಚುನಾವಣೆಯಲ್ಲಿ ಟ್ರಂಪ್ ಇಲ್ಲಿ ಶೇಕಡಾ 11 ರಷ್ಟು ದೊಡ್ಡ ಅಂತರದಿಂದ ಗೆದ್ದಿದ್ದರು. ಆದರೂ ರಾಮಸ್ವಾಮಿಯನ್ನು ಗೆಲ್ಲಿಸಲು ಟ್ರಂಪ್ ವರ್ಚಸ್ಸಿಗೆ ಸಾಧ್ಯವಾಗಲಿಲ್ಲ.

ಇನ್ನೊಂದೆಡೆ, ಆಮಿ ಆಕ್ಟನ್ ಅವರು ರಾಮಸ್ವಾಮಿಯನ್ನು "ಜನಸಾಮಾನ್ಯರ ಕಷ್ಟ ಗೊತ್ತಿಲ್ಲದ ಬಿಲಿಯನೇರ್" ಎಂದು ಕರೆಯುತ್ತಾ, ಅವರೊಂದಿಗೆ ಬಹಿರಂಗ ಚರ್ಚೆಗೂ ಇಳಿಯದೆ ತಿರಸ್ಕರಿಸಿದ್ದರು. ಬದಲಿಗೆ, ಕಾರ್ಮಿಕರಿಗೆ ತೆರಿಗೆ ವಿನಾಯಿತಿ, ಸಾಮಾನ್ಯರಿಗೆ ಆಸ್ತಿ ತೆರಿಗೆ ಪರಿಹಾರ ಮತ್ತು ಕಡಿಮೆ ದರದಲ್ಲಿ ಔಷಧಿ ಸಿಗುವಂತಹ ಜನಪರ ಭರವಸೆಗಳನ್ನೇ ತಮ್ಮ ಅಸ್ತ್ರವನ್ನಾಗಿಸಿಕೊಂಡರು. ಕೊರೊನಾ ಸಂದರ್ಭದಲ್ಲಿ ಓಹಿಯೋ ಆರೋಗ್ಯ ಇಲಾಖೆಯ ಮುಖ್ಯಸ್ಥೆಯಾಗಿ ಅವರು ಮಾಡಿದ ಸೇವೆ ಕೂಡ ಜನರಿಗೆ ಹತ್ತಿರವಾಗಿತ್ತು.

ರಿಪಬ್ಲಿಕನ್ ಕೋಟೆಯಲ್ಲಿ ಡೆಮಾಕ್ರಟ್‌ಗಳ ಅಬ್ಬರ

2010 ರಿಂದಲೂ ಈ ರಾಜ್ಯದಲ್ಲಿ ರಿಪಬ್ಲಿಕನ್ ಪಕ್ಷದ ಪಾರುಪತ್ಯವಿತ್ತು. 2006 ರ ಬಳಿಕ ಡೆಮಾಕ್ರಟಿಕ್ ಪಕ್ಷ ಇಲ್ಲಿ ಗವರ್ನರ್ ಹುದ್ದೆ ಗೆದ್ದೇ ಇರಲಿಲ್ಲ. ಆದರೆ ಈಗ 60 ವರ್ಷದ ಡಾ. ಆಮಿ ಆಕ್ಟನ್ 18 ವರ್ಷಗಳ ನಂತರ ಆ ಇತಿಹಾಸವನ್ನು ಬದಲಿಸಿ ಹೊಸ ದಾಖಲೆ ಬರೆದಿದ್ದಾರೆ. ಇತ್ತ ಭಾರತೀಯ ಮೂಲದ ವಿವೇಕ್ ರಾಮಸ್ವಾಮಿಯ ಅತಿಯಾದ ಆತ್ಮವಿಶ್ವಾಸ, ಧನಬಲ ಮತ್ತು ಕೆಸರೆರಚಾಟದ ರಾಜಕೀಯ ಕೊನೆಗೂ ಅವರಿಗೆ ತೀವ್ರ ಮುಖಭಂಗ ತಂದಿಟ್ಟಿದೆ, (ಏಜೆನ್ಸೀಸ್​).

Tabu first glimpse from King 100: ಆಕಾಶಂ, ಮೇಡ್​ ಇನ್ ಕೊರಿಯಾ ಖ್ಯಾತಿಯ ನಿರ್ದೇಶಕ ರ.ಕಾರ್ತಿಕ್​ ಆಕ್ಷನ್​ ಕಟ್ ಹೇಳುತ್ತಿರುವ ನಾಗಾರ್ಜುನ ಅವರ ಮಹತ್ವಾಕಾಂಕ್ಷೆಯ 100ನೇ ಚಿತ್ರವಾದ 'ಕಿಂಗ್ 100' ಸಿನಿಮಾದಲ್ಲಿ ಟಬು ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಅವರ 55ನೇ ಹುಟ್ಟು ಹಬ್ಬಕ್ಕೆ ಫಸ್ಟ್ ಗ್ಲಿಂಪ್ಸ್ ರಿವೀಲ್ ಮಾಡಲಾಗಿದ್ದು, ಮಹಂತಿ ಝಾನ್ಸಿ ರಾಣಿಯಾಗಿ ಮಿಂಚಿದ್ದಾರೆ.

ಅನ್ನಪೂರ್ಣ ಸ್ಟುಡಿಯೋಸ್ ನಿರ್ಮಾಣದ 'ಕಿಂಗ್ 100' ಸಿನಿಮಾದಲ್ಲಿ ನಾಗರ್ಜುನ್​ ಅಕ್ಕಿನೇನಿ, ಟಬು, ಅಶೋಕ್​ ರಾಜೇಶ್​, ಐಶ್ವರ್ಯಾ ರಾಜೇಶ್, ಸುಶ್ಮಿತಾ ಭಟ್​ ನಟಿಸುತ್ತಿದ್ದಾರೆ. ಚಿತ್ರಕ್ಕೆ ರಾಕ್‌ಸ್ಟಾರ್ ದೇವಿ ಶ್ರೀ ಪ್ರಸಾದ್​ ಅವರ ಸಂಗೀತ ಸಂಯೋಜನೆ ಇದೆ. ನವೀನ್ ನೂಲಿ ಎಡಿಟಿಂಗ್ ಜವಾಬ್ದಾರಿ ಹೊತ್ತಿದ್ದಾರೆ.

ಝಾನ್ಸಿ ರಾಣಿ ಟಬು

'ಕಿಂಗ್ 100' ಸಿನಿಮಾದಲ್ಲಿ ಟಬು ಮಹಂತಿ ಝಾನ್ಸಿ ರಾಣಿಯಾಗಿ ಮಿಂಚಿದ್ದಾರೆ. ನನಗೆ ಲಕ್​​ ಎಂದರೆ ಇಷ್ಟವಾಗೋದಿಲ್ಲ. ಇದು ಪ್ರೀತಿ ಮಾಡುವ ಸಮಯವಲ್ಲ ಎಂದು ಪ್ರಭಾವಶಾಲಿ ​​ ಆಗಿ ಕಾಣಿಸಿಕೊಂಡಿದ್ದಾರೆ. ಕೆಂಪು ಸೀರೆಯಲ್ಲಿ ಅವರ ಗತ್ತು ಹಾಗೂ ಕೈಯಲ್ಲಿ ಬಳೆಗಳನ್ನು ಧರಿಸಿ 'ಯುದ್ಧವು ಪ್ರಾರಂಭವಾಗಿದೆ' ಎಂದು ಸೂಚಿಸುವ ಪೋಸ್ಟರ್ ಭಾರೀ ಕುತೂಹಲ ಮೂಡಿಸಿದೆ.

ಸಿನಿಮಾವು ತಂದೆ-ಮಗಳು ಭಾವನೆಗಳು, ಎಲೆಕ್ಷನ್​ ಬಿಸಿ..ರಾಜಕಾರಣಿಗಳ ಓಡಾಟದ ಸುತ್ತ ಕತೆಯನ್ನು ರ ಕಾರ್ತಿಕ್​ ಹೆಣೆದಿದ್ದಾರೆ ಎನ್ನಲಾಗುತ್ತಿದೆ. ಸಿನಿಮಾವು 2026 ಡಿಸೆಂಬರ್ 24ರಂದು ತೆರೆಗೆ ಬರಲು ಸಜ್ಜಾಗಿದೆ. ಟಬು ಅವರ ಮೊದಲ ಗ್ಲಿಂಪ್ಸ್ ಸಾಕಷ್ಟು ಕುತೂಹಲ ಮೂಡಿಸಿದ್ದು, ಸಿನಿಮಾ ರಿಲೀಸ್​​ಗಾಗಿ ಫ್ಯಾನ್ಸ್ ಕಾತುರದಿಂದ ಕಾಯುತ್ತಿದ್ದಾರೆ.

ಎರಡನೇ ಬಾರಿಗೆ ಒಟ್ಟಾದ ಜೋಡಿ

ನಿನ್ನೆ ಪೆಳ್ಳಾಡುತ ಸಿನಿಮಾದಲ್ಲಿ ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದ ನಾಗಾರ್ಜುನ ಮತ್ತು ಟಬು ಜೋಡಿ, ಈ ಬಾರಿ ಪ್ರೇಮಕಥೆಯ ಬದಲಿಗೆ ವಿಭಿನ್ನವಾಗಿ ಕಾಣಿಸಿಕೊಳ್ಳಲಿದ್ದಾರೆ ಈ ಬಾರಿ ಇದು ಪ್ರೇಮವಲ್ಲ ಎಂಬ ಸಾಲು ವಿಶೇಷವಾಗಿ ಗಮನ ಸೆಳೆದಿದೆ.

ನಿನ್ನೇ ಪೆಳ್ಳಾಡತಾ ಸಿನಿಮಾದಲ್ಲಿ ಅಕ್ಕಿನೇನಿ ನಾಗಾರ್ಜುನ ಜೊತೆ ಟಬು ನಟಿಸಿದ್ದರು. ಮಹಾಲಕ್ಷ್ಮಿ' ಪಾತ್ರ ಮತ್ತು ನಾಗಾರ್ಜುನ-ಟಬು ಕೆಮಿಸ್ಟ್ರಿ ಇಂದಿಗೂ ಎವರ್‌ಗ್ರೀನ್. ಈ ಚಿತ್ರಕ್ಕಾಗಿ ಅವರಿಗೆ 'ಫಿಲ್ಮ್‌ಫೇರ್ ಅತ್ಯುತ್ತಮ ನಟಿ' ಪ್ರಶಸ್ತಿ ಲಭಿಸಿತು

ಹುಟ್ಟುಹಬ್ಬಕ್ಕೆ ನಾಗಾರ್ಜುನ್ ವಿಶಸ್

ಹುಟ್ಟುಹಬ್ಬದ ಶುಭಾಶಯಗಳು ಟಬು. ನಿಮ್ಮ ನಿನ್ನೇ ಪೆಳ್ಳಾಡುತ, ಪಂಡು ಸಿನಿಮಾವನ್ನು ಟಾಲಿವುಡ್ ಇನ್ನು ಮರೆತಿಲ್ಲ. ಈಗ ಮತ್ತೆ ನಮ್ಮ ಮನಸ್ಸಿನಲ್ಲಿ ಶಾಶ್ವತವಾಗಿ ಉಳಿದುಕೊಳ್ಳಲು ಮಹಂತಿ ಝಾನ್ಸಿ ರಾಣಿಯಾಗಿ ಬರುತ್ತಿದ್ದೀರಿ ಎಂದು ನಟ ನಾಗಾರ್ಜುನ್ ಬರೆದುಕೊಂಡಿದ್ದಾರೆ, (ಏಜೆನ್ಸೀಸ್).