ಕೋಲಾರ: ತಂದೆಯೇ ಮಗನನ್ನು ಚಾಕುವಿನಿಂದ ಚುಚ್ಚಿ ಅಮಾನುಷವಾಗಿ ಹತ್ಯೆ ಮಾಡಿರುವ ಘಟನೆ ಮುಳಬಾಗಲು ತಾಲೂಕಿನ ನಂಗಲಿ ಗ್ರಾಮದಲ್ಲಿ ನಡೆದಿದೆ. ಭುವನ್ (9) ಕೊಲೆಯಾದ ಬಾಲಕ.
ತಂದೆ ಬಾಲಸುಬ್ರಹ್ಮಣ್ಯಂ ತನ್ನ ಮಗ ಭುವನ್ನನ್ನು ಕೊಲೆ ಮಾಡಿದ್ದಾನೆ. ಮಾನಸಿಕವಾಗಿ ಸ್ಥಿಮಿತ ಕಳೆದುಕೊಂಡಿರುವ ಆರೋಪಿ, ಇತ್ತೀಚೆಗೆ ಪತ್ನಿಯನ್ನೂ ಕೊಲೆಗೈದು ಜೈಲಿಗೆ ಹೋಗಿ ಬಂದಿದ್ದ. ಇದೀಗ ತನ್ನ ಮಗ ಭುವನ್ನನ್ನೂ ಕೊಲೆ ಮಾಡಿದ್ದಾನೆ. ಇದನ್ನೂ ಓದಿ: ಒಂದೇ ಒಂದು ತಪ್ಪಿನಿಂದ ಹೊತ್ತಿ ಉರಿದ ಮೊಬೈಲ್ ಅಂಗಡಿ; ರಾತ್ರಿಯಿಡೀ ಮೊಬೈಲ್ ಚಾರ್ಚ್ ಇಡುವ ಮುನ್ನ ಎಚ್ಚರ!
ತಾಯಿಯ ಸಾವಿನ ಬಳಿಕ ಭುವನ್ ಅಜ್ಜಿ ಮನೆಯಲ್ಲಿ ಉಳಿದುಕೊಂಡಿದ್ದ. ಈ ನಡುವೆ ತಂದೆ ಸುಬ್ರಹ್ಮಣ್ಯಂ ಮಗನಲ್ಲಿ ತನ್ನೊಂದಿಗೆ ಬರುವಂತೆ ಆಗಾಗ ಒತ್ತಾಯಿಸುತ್ತಿದ್ದ. ಇದಕ್ಕೆ ಭುವನ್ ಒಪ್ಪದೇ ಇರುವುದಕ್ಕೆ ಚೂರಿಯಿಂದ ಇರಿದು ಹತ್ಯೆ ಮಾಡಿದ್ದಾನೆ.
ಸುಬ್ರಹ್ಮಣ್ಯಂ ತನ್ನ ಮಗನಿಗೇ ಚೂರಿ ಇರಿದಿರುವುದು ಗೊತ್ತಾಗುತ್ತಿದ್ದಂತೆ, ಭುವನ್ನನ್ನು ಕೂಡಲೇ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಅಷ್ಟರಲ್ಲಾಗಲೇ ಬಾಲಕ ಪ್ರಾಣ ಹಾರಿ ಹೋಗಿದೆ. ಸುತ್ತಮುತ್ತಲ ಮನೆಯವರು ಆರೋಪಿ ಸುಬ್ರಹ್ಮಣ್ಯಂನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಘಟನಾ ಸ್ಥಳಕ್ಕೆ ನಂಗಲಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿದ್ದಾರೆ. ಇದನ್ನೂ ಓದಿ: ಬಳ್ಳಾರಿ | 30 ವಿದ್ಯಾರ್ಥಿಗಳು ಪ್ರಯಾಣಿಸುತ್ತಿದ್ದ ಶಾಲಾ ಬಸ್ಗೆ ಬೆಂಕಿ; ತಪ್ಪಿದ ಅನಾಹುತ