ರಾಷ್ಟ್ರೀಯ ಹೆದ್ದಾರಿಗಳಲ್ಲಿನ ಟೋಲ್ ಪ್ಲಾಜಾಗಳಲ್ಲಿ ಫಾಸ್ಟ್ಟ್ಯಾಗ್ ಮೂಲಕ ಟೋಲ್ ಪಾವತಿ ಕಡ್ಡಾಯಗೊಳಿಸಿದರೂ ಶುಲ್ಕ ಸಂಗ್ರಹ ಪ್ರಮಾಣ ಏರಿಕೆಯಾಗಿಲ್ಲ. ಫಾಸ್ಟ್ಟ್ಯಾಗ್ಗಿಂಥ ಮೊದಲು ಸಂಗ್ರಹವಾಗುತ್ತಿದ್ದಷ್ಟೇ ನಗದು ರೂಪದಲ್ಲಿ ಶುಲ್ಕ ವಸೂಲಿಯಾಗಿದೆ.
ಟೋಲ್ಪ್ಲಾಜಾಗಳಲ್ಲಿ ಒಂದು ಪಥವನ್ನು ಮಾತ್ರ ನಗದು ರೂಪದಲ್ಲಿ ಶುಲ್ಕ ಪಾವತಿಗೆ ಮೀಸಲಿರಿಸಲಾಗಿದ್ದು, ಉಳಿದ ಪಥಗಳಲ್ಲಿ ಫಾಸ್ಟ್ಟ್ಯಾಗ್ ಸ್ಟಿಕ್ಕರ್ ಹೊಂದಿರುವ ವಾಹನಗಳ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿದೆ. ಇಷ್ಟಾದರೂ ರಾಜ್ಯದಲ್ಲಿ ಫಾಸ್ಟ್ಟ್ಯಾಗ್ನಿಂದ ಶುಲ್ಕ ಪಾವತಿ ಪ್ರಮಾಣ ಹೆಚ್ಚಾಗಿಲ್ಲ. ಫಾಸ್ಟಾ್ಯಗ್ ಕಡ್ಡಾಯವಾಗಿಸಿದ ನಂತರದ ಎರಡು ದಿನಗಳಲ್ಲಿ ಹಿಂದಿನ ಪ್ರಮಾಣದಲ್ಲೇ ಟೋಲ್ ಸಂಗ್ರಹವಾಗಿದೆ.
ಸರಾಸರಿ 5 ಕೋಟಿ ರೂ. ಸಂಗ್ರಹ: ರಾಜ್ಯದಲ್ಲಿ ಒಟ್ಟು 36 ಟೋಲ್ಪ್ಲಾಜಾಗಳಿವೆ. ಅವುಗಳಲ್ಲಿ ಸರಾಸರಿ ದಿನಕ್ಕೆ 5 ಕೋಟಿ ರೂ. ಟೋಲ್ ಪಾವತಿಯಾಗುತ್ತಿದೆ. ಅದರಲ್ಲಿ ನಗದು ಮತ್ತು ಫಾಸ್ಟಾ್ಯಗ್ ಮೂಲಕ ಶುಲ್ಕ ಪಾವತಿಸಿದ್ದೂ ಸೇರಿದೆ.
ಶೇ.60 ಫಾಸ್ಟ್ಟ್ಯಾಗ್: ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಆದೇಶದಂತೆ ಜ. 16ರಿಂದ ಫಾಸ್ಟಾ್ಯಗ್ ಮೂಲಕ ಟೋಲ್ಶುಲ್ಕ ಪಾವತಿ ಕಡ್ಡಾಯವಾಗಿಸಲಾಗಿದೆ. ಕಡ್ಡಾಯಗೊಳಿಸಿದ ನಂತರವೂ ಟೋಲ್ಶುಲ್ಕ ಪಾವತಿಯಲ್ಲಿ ಹೆಚ್ಚಳವಾಗಿಲ್ಲ. ಜ.16 ಮತ್ತು 17ರಲ್ಲಿ ಫಾಸ್ಟ್ಟ್ಯಾಗ್ ಮೂಲಕ ಶುಲ್ಕ ಪಾವತಿಸಿದ ಪ್ರಮಾಣ ಹಿಂದಿನಷ್ಟೇ ಇದೆ. ಜ.16ರಂದು 4.68 ಕೋಟಿ ರೂ. ಟೋಲ್ವಸೂಲಿಯಾಗಿತ್ತು. ಅದರಲ್ಲಿ 2.8 ಕೋಟಿ ರೂಪಾಯಿ ಫಾಸ್ಟಾ್ಯಗ್ ಮೂಲಕ ಪಾವತಿಯಾಗಿತ್ತು. ಜ.17ರಂದು 4.54 ಕೋಟಿ ರೂಪಾಯಿ ಟೋಲ್ ಸಂಗ್ರಹವಾಗಿದ್ದು, 2.7 ಕೋಟಿ ರೂಪಾಯಿ ಫಾಸ್ಟಾ್ಯಗ್ನಿಂದ ವಸೂಲಿಯಾಗಿರುವುದು. ಈ ಅಂಕಿ-ಅಂಶಗಳನ್ನು ಗಮನಿಸಿದರೆ, ಫಾಸ್ಟಾ್ಯಗ್ನಿಂದ ಶುಲ್ಕ ವಸೂಲಿ ಪ್ರಮಾಣ ಶೇ.60 ದಾಟಿಲ್ಲ.
ಶೇಕಡವಾರು ನಗದು ಹೆಚ್ಚು
ಟೋಲ್ಪ್ಲಾಜಾಗಳಲ್ಲಿ ನಿಗದಿಯಾಗಿರುವ ಶುಲ್ಕದಲ್ಲಿ ಕಾರು, ಜೀಪುಗಳಿಗಿಂತ ಭಾರಿ ವಾಹನಗಳ ಶುಲ್ಕದ ಪ್ರಮಾಣ ಹೆಚ್ಚಿದೆ. ಅದರಲ್ಲಿ ಭಾರಿ ವಾಹನಗಳು ಹೆಚ್ಚಾಗಿ ನಗದು ರೂಪದಲ್ಲಿ ಶುಲ್ಕ ಪಾವತಿಸುವುದರಿಂದ ಫಾಸ್ಟ್ಟ್ಯಾಗ್ಗಿಂತ ನಗದು ರೂಪದಲ್ಲಿ ಹೆಚ್ಚಿನ ಶುಲ್ಕ ವಸೂಲಿಯಾಗುತ್ತಿದೆ ಎಂಬುದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಅಧಿಕಾರಿಗಳ ವಾದ. ಅದರಂತೆ ಜ.16ರಂದು ಶೇ.54 ಫಾಸ್ಟ್ಟ್ಯಾಗ್ನಿಂದ ಟೋಲ್ ಸಂಗ್ರಹವಾಗಿದ್ದರೆ, ಶೇ.60 ನಗದು ರೂಪದ್ದಾಗಿದೆ. ಅದರಂತೆ ಜ.17ರಂದು ಶೇ. 55 ಫಾಸ್ಟಾ್ಯಗ್ ಮತ್ತು ಶೇ. 60 ನಗದಿನ ಪ್ರಮಾಣವಾಗಿದೆ.
7 ಟೋಲ್ಗಳಲ್ಲಿ ವಿನಾಯಿತಿ
ಬೆಂಗಳೂರು ಸುತ್ತಲಿನ 7 ಟೋಲ್ಪ್ಲಾಜಾ ಸೇರಿ ದೇಶದ 65 ಟೋಲ್ಪ್ಲಾಜಾಗಳಲ್ಲಿ ಸಂಚಾರದಟ್ಟಣೆ ನಿಯಂತ್ರಣಕ್ಕೆ ಬರದ ಕಾರಣ ಫಾಸ್ಟ್ಟ್ಯಾಗ್ ಶುಲ್ಕ ಪಾವತಿ ಪಥಗಳ ಪ್ರಮಾಣ ಹೆಚ್ಚಿಸಲಾಗಿದೆ. ಜ.16ರಿಂದ ಟೋಲ್ಪ್ಲಾಜಾಗಳಲ್ಲಿ 1 ಪಥವನ್ನು ಮಾತ್ರ ನಗದು ಪಾವತಿಗೆ ನಿಗದಿ ಮಾಡಲಾಗಿತ್ತು. ಆದರೆ, ಬೆಂಗಳೂರು ಸುತ್ತಲಿನ ಸಾದಹಳ್ಳಿ, ಎಲೆಕ್ಟ್ರಾನಿಕ್ಸ್ಸಿಟಿಯ ದೊಡ್ಡಕರೇನಹಳ್ಳಿ, ಹೊಸಕೋಟೆ, ಅತ್ತಿಬೆಲೆ, ಬೆಳ್ಳೂರು ಮತ್ತು ನೆಲಮಂಗಲ ಟೋಲ್ಗಳಲ್ಲಿ ಶೇ.25 ಪಥಗಳನ್ನು ಫೆ.14ರವರೆಗೆ ನಗದು ಶುಲ್ಕ ಪಾವತಿಗೆ ಮೀಸಲಿರಿಸಿ ಹೆದ್ದಾರಿ ಪ್ರಾಧಿಕಾರ ಆದೇಶಿಸಿದೆ.
| ಗಿರೀಶ್ ಗರಗ ಬೆಂಗಳೂರು