ವಾಷಿಂಗ್ಟನ್: ಸಾಮಾಜಿಕ ಜಾಲತಾಣ ಎಲ್ಲ ಸಮಯದಲ್ಲೂ ಒಳ್ಳೆಯದು ಎಂದು ಹೇಳಲಾಗುವುದಿಲ್ಲ. ಎಷ್ಟೋ ಜನರು ಸೋಶಿಯಲ್ ಮೀಡಿಯಾಗಳಿಂದಲೇ ಜಗಳವಾಡಿಕೊಂಡಿರುವುದನ್ನು ನಾವು ಪ್ರತಿನಿತ್ಯ ನೋಡುತ್ತಲೇ ಇರುತ್ತೇವೆ. ಫೇಸ್ಬುಕ್ನಲ್ಲಿ ಫ್ರೆಂಡ್ಸ್ ಆಗಿದ್ದ ಅತ್ತೆ ಸೊಸೆ, ಅದೇ ಫೇಸ್ಬುಕ್ನಿಂದಾಗಿ ಸಂಬಂಧವನ್ನೇ ಮುರಿದುಕೊಂಡಿರುವ ಘಟನೆಯೊಂದು ನಡೆದಿದೆ.
ಇದನ್ನೂ ಓದಿ: VIDEO| ಸೋರಿಕೆಯಾದ ಹಾಟ್ ವಿಡಿಯೋ ಬಗ್ಗೆ ಅನಿಕಾ ಸುರೇಂದ್ರನ್ ಬೇಸರ: ನಟಿಯ ಸ್ಪಷ್ಟನೆ ಹೀಗಿದೆ…
40 ವರ್ಷದ ಆ ಮಹಿಳೆಗೆ ಆಕೆಯ ಅತ್ತೆ ಮಾವ ಫೇಸ್ಬುಕ್ನಲ್ಲಿ ಫ್ರೆಂಡ್ ಆಗಿದ್ದರಂತೆ. ಅತ್ತೆ ಮಾವನಿಂದ ದೂರದ ಊರಲ್ಲಿ ಗಂಡ ಮತ್ತು ಮಗನೊಂದಿಗಿದ್ದ ಮಹಿಳೆ ಆಗಾಗ ಕೆಲ ಫೋಟೋಗಳನ್ನು ಫೇಸ್ಬುಕ್ನಲ್ಲಿ ಹಂಚಿಕೊಳ್ಳುತ್ತಿದ್ದಳಂತೆ. ಮಗನೊಂದಿಗೆ ಮತ್ತು ಗಂಡನೊಂದಿಗೆ ಹಾಕುತ್ತಿದ್ದ ಫೋಟೋಗಳಿಗೆ ಆಕೆಯ ಮಾವ ಒಳ್ಳೆಯ ರೀತಿಯಲ್ಲಿ ಕಾಮೆಂಟ್ ಹಾಕುತ್ತಿದ್ದರಂತೆ. ಆದರೆ ಆಕೆ ಫ್ರೆಂಡ್ಸ್ ಜತೆ ಇರುವ ಫೋಟೋಗಳನ್ನು ಹಾಕಿದರೆ ಬೈಯುವ ರೀತಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದರಂತೆ. ಕೆಲ ಫೋಟೋಗಳಿಗೆ ನಿನ್ನ ಮಗ ಈ ಫೋಟೋ ನೋಡದಿದ್ದರೆ ಸಾಕು, ಏನು ಕುಡಿದು ಫೋಟೋ ತೆಗೆಸಿಕೊಂಡಿದ್ದೀಯಾ ಎಂದೆಲ್ಲ ಹಾಕಿ ಆಕೆಯ ಮನಸ್ಸಿಗೆ ನೋವುಂಟು ಮಾಡಿದ್ದರಂತೆ. ಇದರಿಂದ ನೋವಾದ ಮಹಿಳೆ ಅತ್ತೆ ಮಾವನನ್ನು ಫೇಸ್ಬುಕ್ನಲ್ಲಿ ಅನ್ಫ್ರೆಂಡ್ ಮಾಡಿದ್ದಾಳೆ.
ಒಂದು ದಿನ ಅತ್ತೆ ಮಹಿಳೆಗೆ ಕರೆ ಮಾಡಿದ್ದಾಳೆ. ನಮ್ಮನ್ನು ಫೇಸ್ಬುಕ್ನಲ್ಲಿ ಏಕಾಗಿ ಅನ್ಫ್ರೆಂಡ್ ಮಾಡಿದ್ದೀಯಾ ಎಂದು ಪ್ರಶ್ನಿಸಿದ್ದಾರೆ. ನನ್ನ ಫೇಸ್ಬುಕ್ನಲ್ಲಿ ಕೇವಲ ಸ್ನೇಹಿತರನ್ನು ಇಟ್ಟುಕೊಳ್ಳಲು ಬಯಸುತ್ತಿದ್ದೇನೆ ಎಂದು ಮಹಿಳೆ ಹೇಳಿದ್ದಾಳೆ. ಅದಕ್ಕೆ ಸಿಟ್ಟಾದ ಅತ್ತೆ ಮಾವ ಮಹಿಳೆಯೊಂದಿಗೆ ಮಾತನಾಡುವುದನ್ನೇ ನಿಲ್ಲಿಸಿದ್ದಾರೆ. ಆಕೆ ತಮ್ಮ ಮನೆಗೆ ಬಾರದಂತೆಯೂ ತಡೆದಿದ್ದಾರೆ. ಮಗ ಮತ್ತು ಮೊಮ್ಮಗ ಬಂದರೆ ಸಾಕು ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಲಾಲೂ ಪ್ರಸಾದ್ ಯಾದವ್ ಮುಖ ಊದಿದೆ, ಶ್ವಾಸಕೋಶದಲ್ಲಿ ನೀರು ತುಂಬಿದೆ! ದೆಹಲಿಯ ಏಮ್ಸ್ಗೆ ಶಿಫ್ಟ್ ಸಾಧ್ಯತೆ
ಅವರಿಗೆ 70 ವರ್ಷ ವಯಸ್ಸಾಗಿದೆ. ಆದರೂ ಮಕ್ಕಳಂತೆ ಮಾಡುತ್ತಾರೆ. 70 ದಾಟಿದ ಮೇಲೆ ಅವರ ಆರೋಗ್ಯದ ಕಡೆ ಹೆಚ್ಚು ಗಮನ ಕೊಡಬೇಕು, ಬದಲಾಗಿ ಸೋಶಿಯಲ್ ಮೀಡಿಯಾ ಬಗ್ಗೆ ಅಲ್ಲ. ನಾನಿನ್ನೂ 40 ವರ್ಷದ ಮಹಿಳೆ. ನನಗೆ ನನ್ನ ಆಯ್ಕೆಯನ್ನು ಆರಿಸಿಕೊಳ್ಳುವ ಅಧಿಕಾರವಿದೆ. ಯಾವುದೇ ಕಾರಣಕ್ಕೂ ನಾನು ಅವರನ್ನು ಮತ್ತೆ ಫ್ರೆಂಡ್ ಮಾಡಿಕೊಳ್ಳುವುದಿಲ್ಲ. ಅದೇ ಕಾರಣಕ್ಕೆ ಅವರು ನನ್ನೊಂದಿಗೆ ಮಾತನಾಡದಿದ್ದರೆ ಅದು ಅವರ ತಪ್ಪು ಎಂದು ಮಹಿಳೆ ವಾದಿಸಿದ್ದಾರೆ. ಇತ್ತ ಅತ್ತೆ ಮಾವ ಕೂಡ ಮಹಿಳೆಯ ವಿರುದ್ಧ ವಾದಿಸಿದ್ದಾರೆ. ಆಕೆ ನಮ್ಮನ್ನು ಫ್ರೆಂಡ್ ಮಾಡಿಕೊಳ್ಳುವ ತನಕ ಅವಳು ನಮ್ಮ ಸೊಸೆಯಲ್ಲ ಎಂದು ಅವರು ದೂರಿದ್ದಾರೆ. (ಏಜೆನ್ಸೀಸ್)
ಮನೆಯಲ್ಲಿನ ಲೈವ್ ಸೆಕ್ಸ್ನ್ನು ಸಿಸಿಟಿವಿಯಿಂದಲೇ ಕದ್ದು ನೋಡುತ್ತಿದ್ದ ಖತರ್ನಾಕ್ ಟೆಕ್ನಿಷಿಯನ್!
ನಾನ್ವೆಜ್ ಪ್ರಿಯರಿಗೆ ಶುಭ ಸುದ್ದಿ! 1 ಗಂಟೆಯಲ್ಲಿ ಇಷ್ಟು ತಿಂದರೆ ನಿಮಗೆ ಸಿಗುತ್ತೆ ಬುಲೆಟ್ ಬೈಕ್!