ಜೈಪುರ: ಇಡೀ ಕೃಷಿ ವ್ಯವಹಾರವನ್ನು ತಮ್ಮ ಇಬ್ಬರು ಮಿತ್ರರಿಗೆ ಹಸ್ತಾಂತರ ಮಾಡಲು ಪ್ರಧಾನಿ ನರೇಂದ್ರ ಮೋದಿ ಬಯಸುತ್ತಿದ್ದಾರೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹೇಳಿದ್ದಾರೆ. ರಾಜಸ್ತಾನದ ರೂಪನ್ಗಡದಲ್ಲಿ ಶನಿವಾರ ರೈತರನ್ನು ಉದ್ದೇಶಿಸಿ ಮಾತನಾಡುತ್ತಾ, ಯಾರ ಹೆಸರನ್ನೂ ಹೇಳದೆ ಈ ಆರೋಪವನ್ನು ಮಾಡಿದ್ದಾರೆ.
“ಕೃಷಿಯು ದೇಶದ ಶೇ.40 ರಷ್ಟು ಜನರ ವ್ಯವಹಾರವಾಗಿದೆ. ಇದು ರೈತರು, ಸಣ್ಣ ಮತ್ತು ಮಧ್ಯಮ ವ್ಯವಹಾರಸ್ಥರು, ವ್ಯಾಪಾರಿಗಳು, ಕಾರ್ಮಿಕರನ್ನು ಒಳಗೊಂಡಿದೆ. ನರೇಂದ್ರ ಮೋದಿ ಈ ಪೂರ್ಣ ವ್ಯವಹಾರವನ್ನು ತಮ್ಮ ಇಬ್ಬರು ಮಿತ್ರರಿಗೆ ಕೊಡಲು ಬಯಸಿದ್ದಾರೆ. ಇದೇ ಕೃಷಿ ಕಾಯ್ದೆಗಳ ಉದ್ದೇಶ” ಎಂದು ಗಾಂಧಿ ಹೇಳಿದ್ದಾರೆ. “ಮೋದಿ ಆಯ್ಕೆ ನೀಡುತ್ತಿದ್ದೇನೆ ಎಂದರು. ಆದರೆ ಅವರು ನೀಡುತ್ತಿರುವ ಆಯ್ಕೆಗಳೆಂದರೆ – ಹಸಿವು, ನಿರುದ್ಯೋಗ ಮತ್ತು ಆತ್ಮಹತ್ಯೆ” ಎಂದು ವಾಕ್ಪ್ರಹಾರ ನಡೆಸಿದ್ದಾರೆ.
ಇದನ್ನೂ ಓದಿ: ‘ಎಂ’ ಅಕ್ಷರದವರನ್ನು ಟೀಕಿಸೋ ಭರದಲ್ಲಿ ಕಾಲ ಮೇಲೆ ಚಪ್ಪಡಿ ಹಾಕಿಕೊಂಡ ರಾಹುಲ್‌ಗಾಂಧಿ!
ರಾಜ್ಯದ ಸಿಎಂ ಅಶೋಕ್ ಗೆಹ್ಲೋಟ್ ಮತ್ತು ರಾಜ್ಯ ಕಾಂಗ್ರೆಸ್ ಅಧ್ಯಕ್ಷ ಗೋವಿಂದ್ ಸಿಂಗ್ ದೊತ್ಸ್ರಾ ಇಬ್ಬರ ನಡುವೆ ಟ್ರ್ಯಾಕ್ಟರ್ನಲ್ಲಿ ಕೂತು ರಾಲಿಯ ಸ್ಥಳಕ್ಕೆ ಆಗಮಿಸಿದ ರಾಹುಲ್ ಗಾಂಧಿ, ರಾಜಸ್ತಾನಿ ಸಫಾ ಧರಿಸಿದ್ದರು. ಎರಡು ಟ್ರ್ಯಾಕ್ಟರ್ಗಳ ಟ್ರಾಲಿಗಳನ್ನು ಸೇರಿಸಿ ರಚಿಸಲಾದ ವೇದಿಕೆಯ ಮೇಲೆ ನಿಂತು ಗಾಂಧಿ ಮಾತಾಡಿದರೆ, ಜನರೂ ಟ್ರ್ಯಾಕ್ಟರ ಟ್ರಾಲಿಗಳ ಮೇಲೆ ಕೂತು ಭಾಷಣ ಕೇಳಿದರು.(ಏಜೆನ್ಸೀಸ್)
“17 ತಿಂಗಳ ಲೆಕ್ಕ ಕೇಳುತ್ತಿದ್ದೀರಿ, 70 ವರ್ಷಗಳ ಲೆಕ್ಕ ತಂದಿದ್ದೀರಾ ?!”
ಸುಳ್ಳು ಸುದ್ದಿ, ದ್ವೇಷ ಹರಡುವ ಟ್ವೀಟ್ಗಳು : ಟ್ವಿಟರ್ ಮತ್ತು ಸರ್ಕಾರಕ್ಕೆ ಸುಪ್ರೀಂ ನೋಟೀಸು