ಕೇಪ್ಟೌನ್: ಟಿ20 ಶೈಲಿಯಲ್ಲಿ ಬೆನ್ ಸ್ಟೋಕ್ಸ್ ಬಾರಿಸಿದ ಬಿರುಸಿನ ಅರ್ಧಶತಕದ ನೆರವಿನಿಂದ ಪ್ರವಾಸಿ ಇಂಗ್ಲೆಂಡ್ ತಂಡ ದಕ್ಷಿಣ ಆಫ್ರಿಕಾ ತಂಡಕ್ಕೆ 2ನೇ ಟೆಸ್ಟ್ ಪಂದ್ಯದಲ್ಲಿ 438 ರನ್ಗಳ ಬೃಹತ್ ಸವಾಲು ನೀಡಿದೆ. ದಕ್ಷಿಣ ಆಫ್ರಿಕಾ ತಂಡ ಕೂಡ ಎಚ್ಚರಿಕೆ ಬ್ಯಾಟಿಂಗ್ ನಡೆಸಿದ್ದು, ಪಂದ್ಯದ ಫಲಿತಾಂಶ ಕುತೂಹಲ ಕೆರಳಿಸಿದೆ.
ನ್ಯೂಲಾಂಡ್ಸ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ 4 ವಿಕೆಟ್ಗೆ 218 ರನ್ಗಳಿಂದ 4ನೇ ದಿನದಾಟ ಆರಂಭಿಸಿದ ಇಂಗ್ಲೆಂಡ್, 111 ಓವರ್ಗಳಲ್ಲಿ 8 ವಿಕೆಟ್ಗೆ 391 ರನ್ ಬಾರಿಸಿ ಡಿಕ್ಲೇರ್ ಘೋಷಿಸಿತು. ಇದಕ್ಕೆ ಪ್ರಮುಖವಾಗಿ ಕಾರಣವಾಗಿದ್ದು ಬೆನ್ ಸ್ಟೋಕ್ಸ್ (72 ರನ್, 47 ಎಸೆತ, 7 ಬೌಂಡರಿ, 3 ಸಿಕ್ಸರ್) ಸ್ಪೋಟಕ ಇನಿಂಗ್ಸ್ ಹಾಗೂ ಡಾಮ್ ಸಿಬ್ಲಿ (133*ರನ್, 311 ಎಸೆತ, 19 ಬೌಂಡರಿ, 1 ಸಿಕ್ಸರ್) ಚೊಚ್ಚಲ ಶತಕ. ಮೊದಲ ಇನಿಂಗ್ಸ್ನಲ್ಲಿ 46 ರನ್ಗಳ ಹಿನ್ನಡೆ ಕಂಡಿದ್ದ ದಕ್ಷಿಣ ಆಫ್ರಿಕಾ, ಗೆಲುವಿಗೆ 438 ರನ್ ಸವಾಲು ಪಡೆದುಕೊಂಡಿತು.
ಚೇಸಿಂಗ್ ಆರಂಭಿಸಿರುವ ದಕ್ಷಿಣ ಆಫ್ರಿಕಾ 56 ಓವರ್ಗಳಲ್ಲಿ 2 ವಿಕೆಟ್ಗೆ 126 ರನ್ ಬಾರಿಸಿದ್ದು, ಗೆಲುವಿಗೆ ಉಳಿದ 8 ವಿಕೆಟ್ಗಳಿಂದ ಇನ್ನೂ 312 ರನ್ ಬಾರಿಸಬೇಕಿದೆ. ಅರ್ಧಶತಕ ಬಾರಿಸಿರುವ ಪೀಟರ್ ಮಲಾನ್ರೊಂದಿಗೆ (63*ರನ್, 193 ಎಸೆತ, 2 ಬೌಂಡರಿ), ನೈಟ್ ವಾಚ್ವುನ್ ಕೇಶವ್ ಮಹಾರಾಜ್ ಅಂತಿಮ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ದಕ್ಷಿಣ ಆಫ್ರಿಕಾ: 223 ಮತ್ತು 56 ಓವರ್ಗಳಲ್ಲಿ 2 ವಿಕೆಟ್ಗೆ 126 (ಪೀಟರ್ ಮಲಾನ್ 63*, ಎಲ್ಗರ್ 34, ಹಮ್ಜಾ 18, ಕೇಶವ್ ಮಹಾರಾಜ್ 2*, ಆಂಡರ್ಸನ್ 18ಕ್ಕೆ 1, ಡೆನ್ಲಿ 26ಕ್ಕೆ 1), ಇಂಗ್ಲೆಂಡ್: 269 ಮತ್ತು 111 ಓವರ್ಗಳಲ್ಲಿ 8 ವಿಕೆಟ್ಗೆ 391 ಡಿಕ್ಲೇರ್ (ಸಿಬ್ಲಿ 133*, ಬೆನ್ ಸ್ಟೋಕ್ಸ್ 72*, ಬಟ್ಲರ್, 23, ಕರ›ನ್ 13, ರಬಾಡ 69ಕ್ಕೆ 2, ನೋರ್ಜೆ 61ಕ್ಕೆ 3, ಕೇಶವ್ ಮಹಾರಾಜ್ 160ಕ್ಕೆ 2).