ಕೇಪ್ಟೌನ್: ಮೊದಲ ಟೆಸ್ಟ್ ಹೀನಾಯ ಸೋಲಿನ ಬಳಿಕ ದಕ್ಷಿಣ ಆಫ್ರಿಕಾ ವಿರುದ್ಧ ಕೇಪ್ ಟೌನ್ನ ನ್ಯೂಲ್ಯಾಂಡ್ಸ್ನಲ್ಲಿ ಮೈದಾನದಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆದ್ದು ಬೀಗಿದೆ. ಹರಣಿಗಳ ವಿರುದ್ಧ ಎರಡು ಪಂದ್ಯಗಳ ಸರಣಿಯನ್ನು 1-1 ರಿಂದ ಸಮಬಲ ಸಾಧಿಸಿದೆ.
2ನೇ ಇನ್ನಿಂಗ್ಸ್ನಲ್ಲಿ 79 ರನ್ಗಳ ಗುರಿ ಬೆನ್ನಟ್ಟಿದ ಭಾರತ 11.5 ಓವರ್ಗೆ 3 ವಿಕೆಟ್ ಕಳೆದುಕೊಂಡು 80 ರನ್ಗಳಿಸುವ ಮೂಲಕ 7 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಆರಂಭಿಕ ಆಟಗಾರ ಜೈಸ್ವಾಲ್ (28) ರನ್ ಗಳಿಸಿ ವಿಕೆಟ್ ಔಟ್ ಆದರೆ, ಶುಭ್ಮನ್ ಗಿಲ್ (17) ರನ್ ಮತ್ತು ವಿರಾಟ್ ಕೊಹ್ಲಿ (12) ರನ್ ಸಿಡಿಸಿ ವಿಕೆಟ್ ಒಪ್ಪಿಸಿದರು. ನಾಯಕ ರೋಹಿತ್ 22 ಎಸೆತದಲ್ಲಿ 17 ರನ್ ಮತ್ತು ಶ್ರೇಯಸ್ ಅಯ್ಯರ್ 4 ರನ್ ಗಳಿಸುವ ಮೂಲಕ ಪಂದ್ಯವನ್ನು ಗೆಲುವಿನ ದಡ ಸೇರಿಸಿದರು. ಈ ವೇಳೆ ಆಫ್ರಿಕಾ ಪರ ಮರ್ಕೋ ಜಾನ್ಸನ್, ಬರ್ಗರ್ ಮತ್ತು ರಬಾಡ ತಲಾ 1 ವಿಕೆಟ್ ಪಡೆದರು.
ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ ಮೊದಲ ದಿನ ಎಲ್ಲರ ಗಮನ ಸೆಳೆದರು. ಎರಡನೇ ದಿನದದಲ್ಲಿ ಭರವಸೆಯ ಬೌಲರ್ ಜಸ್ಪ್ರೀತ್ ಬುಮ್ರಾ ಹಲವು ದಾಖಲೆ ನಿರ್ಮಿಸಿದರು. ಬುಮ್ರಾ ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ಮತ್ತು ವೆಸ್ಟ್ ಇಂಡೀಸ್ನಲ್ಲಿ ಎರಡು ಬಾರಿ ಈ ಸಾಧನೆ ಮಾಡಿದ್ದಾರೆ. ಬೂಮ್ರಾ ಭಾರತದ ಮಾಜಿ ವೇಗದ ಬೌಲರ್ ಜಾವಗಲ್ ಶ್ರೀನಾಥ್ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಒಂದೂವರೆ ದಿನದಲ್ಲಿ ಮುಕ್ತಾಯವಾದ ಪಂದ್ಯ ಎರಡೂ ಇನಿಂಗ್ಸ್ನಲ್ಲೂ ವೇಗದ ಬೌಲರ್ಗಳೇ ಪಾರುಪಾತ್ಯ ಮೆರೆದರು.
ದಕ್ಷಿಣ ಆಫ್ರಿಕಾ ಮೊದಲ ಇನಿಂಗ್ಸ್: 55ಕ್ಕೆ 10, ಎರಡನೇ ಇನಿಂಗ್ಸ್: 176ಕ್ಕೆ 10 , ಭಾರತ ಮೊದಲ ಇನಿಂಗ್ಸ್ 153ಕ್ಕೆ 10 , ಎರಡನೇ ಇನಿಂಗ್ಸ್ 80ಕ್ಕೆ 3.
ನೀವು ರಸ್ತೆ ಬದಿ ಚಹಾ ಕುಡಿಯುತ್ತಿದ್ದೀರಾ? ಹಾಗಿದ್ರೆ ಈ ಭಯಂಕರ ರೋಗದ ಅಪಾಯ ಕಟ್ಟಿಟ್ಟ ಬುತ್ತಿ..!
ಆಸ್ಪತ್ರೆಯ ಬೆಡ್ನಲ್ಲಿ ಉರ್ಫಿ ಜಾವೇದ್; ನಿನಗೆ ಏನಾಯ್ತಮ್ಮ ಅಂದ್ರು ನೆಟ್ಟಿಗರು