ಬೆಂಗಳೂರು: ಕಳೆದ ವರ್ಷ (2022) ಕನ್ನಡ ಚಿತ್ರರಂಗದ ಪಾಲಿಗೆ ಅದೃಷ್ಟದ ವರ್ಷವಾಗಿತ್ತು. 215 ಚಿತ್ರಗಳು ಬಿಡುಗಡೆಯಾಗುವುದರ ಜತೆಗೆ, ‘ಕೆಜಿಎಫ್ 2’, ‘ಕಾಂತಾರ’, ‘ಚಾರ್ಲಿ 777’ ಸೇರಿದಂತೆ ಕೆಲವು ಚಿತ್ರಗಳು ರಾಷ್ಟ್ರ ಮಟ್ಟದಲ್ಲಿ ದೊಡ್ಡ ಸುದ್ದಿಯಾಗಿದ್ದವು. ಈಗ ವರ್ಷ ಮುಗಿದಿದ್ದು, ಹೊಸ ವರ್ಷಕ್ಕೆ ಕಾಲಿಟ್ಟಿದ್ದೇವೆ. ಈ ವರ್ಷದ ಬಗ್ಗೆಯೂ ಕನ್ನಡ ಚಿತ್ರರಂಗದ ಬಗ್ಗೆ ಹಲವು ನಿರೀಕ್ಷೆಗಳಿವೆ. ಈ ವರ್ಷ ಸಹ 200 ಪ್ಲಸ್ ಚಿತ್ರಗಳು ಬಿಡುಗಡೆಯಾಗಬಹುದು ಎಂಬ ನಿರೀಕ್ಷೆ ಇದ್ದು, ಅದಕ್ಕೆ ಮುನ್ಸೂಚನೆ ಈಗಾಗಲೇ ಸಿಕ್ಕಿದೆ.
ಇದನ್ನೂ ಓದಿ: 5000ಕ್ಕೂ ಹೆಚ್ಚು ಜನರ ಸಮ್ಮುಖದಲ್ಲಿ ಬಿಡುಗಡೆಯಾಯಿತು ‘ವಿರಾಟಪುರ ವಿರಾಗಿ’ ಚಿತ್ರದ ಟ್ರೈಲರ್
ಕರೊನಾ ಮೂರನೇ ಲಾಕ್ಡೌನ್ ಭಯದಿಂದಾಗಿ ಕಳೆದ ವರ್ಷ ಮೊದಲ ವಾರ ಯಾವೊಂದು ಸಿನಿಮಾ ಸಹ ಬಿಡುಗಡೆಯಾಗಿರಲಿಲ್ಲ. ಎರಡನೇ ವಾರ ಒಂದು ಚಿತ್ರ ಬಿಡುಗಡೆಯಾಗಿತ್ತು. ಆದರೆ, ಈ ವರ್ಷ ಹಾಗಿಲ್ಲ. ಮೊದಲ ವಾರದಲ್ಲೇ ಎಂಟು ಚಿತ್ರಗಳು ಬಿಡುಗಡೆಯಾಗುವುದಕ್ಕೆ ಪೈಪೋಟಿ ನಡೆಸಿವೆ.
ಹೌದು, ಈ ಶುಕ್ರವಾರ ಅಂದರೆ, ಜನವರಿ ಆರರಂದು ಎಂಟು ಚಿತ್ರಗಳು ಬಿಡುಗಡೆಯಾಗುತ್ತಿವೆ. ಪ್ರಿಯಾಂಕಾ ಉಪೇಂದ್ರ ಅಭಿನಯದ ‘ಮಿಸ್ ನಂದಿನಿ’, ಹೊಸಬರ ‘ಮರೆಯದೆ ಕ್ಷಮಿಸು’, ಕಿರುತೆರೆ ನಟ ರಾಜೇಶ್ ಧ್ರುವ ನಟನೆ ಮತ್ತು ನಿರ್ದೇಶನದ ‘ಶ್ರೀ ಬಾಲಾಜಿ ಫೋಟೋ ಸ್ಟುಡಿಯೋ’, ‘ಖುಷಿ’ ರವಿ ಅಭನಯದ ‘ಸ್ಪೂಕಿ ಕಾಲೇಜ್’, ರಮೇಶ್ ಬೇಗಾರು ನಿರ್ದೇಶನ ಮತ್ತು ಪ್ರಮೋದ್ ಶೆಟ್ಟಿ ಅಭಿನಯದ ‘ವೈಶಂಪಾಯನ ತೀರ’, ಅಶ್ವಿನ್ ಹಾಸನ್ ಅಭಿನಯದ ‘ಥಗ್ಸ್ ಆಫ್ ರಾಮ್ಗಢ’, ಹೊಸಬರ ‘ಕಾಕ್ಟೇಲ್’ ಮತ್ತು ‘ಡಾರ್ಲಿಂಗ್’ ಕೃಷ್ಣ ಅಭಿನಯದ ‘ಮಿಸ್ಟರ್ ಬ್ಯಾಚಲರ್’ ಚಿತ್ರಗಳು ಬಿಡುಗಡೆಯಾಗುತ್ತಿವೆ.
ಇದನ್ನೂ ಓದಿ: ರಷ್ಯಾದಲ್ಲಿ ಹೊಸ ದಾಖಲೆ ಮಾಡಿದ ‘ಪುಷ್ಪ’; ಅಲ್ಲಿ ಕಲೆಕ್ಷನ್ ಎಷ್ಟು ಗೊತ್ತಾ?
ಈ ಎಂಟು ಚಿತ್ರಗಳಲ್ಲದೆ ‘ಸದ್ಗುರು’ ಎಂಬ ಇನ್ನೊಂದು ಚಿತ್ರವು ಬಿಡುಗಡೆಯಾಗುತ್ತಿರುವ ಸುದ್ದಿ ಇದೆ. ಇದೂ ಸೇರಿದರೆ ಒಂಬತ್ತು ಚಿತ್ರಗಳಾಗಿವೆ. ಆದರೆ, ಈ ಚಿತ್ರದ ಬಿಡುಗಡೆಯ ಬಗ್ಗೆ ಗೊಂದಲ ಇರುವುದರಿಂದ, ಸದ್ಯಕ್ಕೆ ಎಂಟು ಚಿತ್ರಗಳು ಬಿಡುಗಡೆಯಾಗುವುದು ಪಕ್ಕಾ ಆಗಿದೆ. ಇದರ ಜತೆಗೆ ಇನ್ನಷ್ಟು ಸೇರ್ಪಡೆಯಾದರೆ, ಆಶ್ಚರ್ಯವಿಲ್ಲ.
‘ಪಠಾಣ್’ ಮುಂದಕ್ಕೆ ಹೋಗಿಲ್ಲ … 10ಕ್ಕೆ ಬಿಡುಗಡೆಯಾಗಲಿದೆಯಂತೆ ಟ್ರೈಲರ್