ಲಂಡನ್: ಸ್ನೇಹಿತೆಯ ಕುಟುಂಬವನ್ನು ಪಾರ್ಟಿಗೆ ಆಹ್ವಾನಿಸಿ ಆಕೆಯ ಪತಿಗೆ ಚಾಕುವಿನಿಂದ ಇರಿದಿದ್ದ ಘಟನೆಗೆ ಸಂಬಂಧಿಸಿದಂತೆ ಆರೋಪಿಗೆ ನ್ಯಾಯಾಲಯವು ಶಿಕ್ಷೆಯನ್ನು ವಿಧಿಸಿರುವ ಘಟನೆ ಇಂಗ್ಲೆಂಡ್ನ ಯಾರ್ಕ್‌ಷೈರ್ನಲ್ಲಿ ನಡೆದಿದೆ.
ಜೋನ್ನೆ ಗೋಡೆವ್ (42) ಮತ್ತು ಆಕೆಯ ಪತಿ ಕ್ರೇಗ್ ರಿಚರ್ಡ್ಸನ್ ಲಾರಾ ಮತ್ತು ಡೇನಿಯಲ್ ಗ್ರ್ಯಾಂಟ್ ಹಾಗೂ ಅವರ ಮಕ್ಕಳನ್ನು ಯಾರ್ಕ್‌ಷೈರ್ನ ಬರ್ಟ್ಸ್ವಿಕ್ನಲ್ಲಿರುವ ನಿವಾಸಕ್ಕೆ ಕಳೆದ ವರ್ಷ ಜೂನ್ನಲ್ಲಿ ಆಹ್ವಾನಿಸಿದ್ದರು.
ರಾತ್ರಿಯ ಪಾರ್ಟಿ ವೇಳೆ ತುಂಬಾ ಕುಡಿದಿದ್ದ ಗೋಡೆವ್ ಗಾರ್ಡನ್ ಏರಿಯಾದಲ್ಲಿ ಸ್ನೇಹಿತೆಯ ಪತಿ ಗ್ರ್ಯಾಂಟ್ರೊಂದಿಗೆ ಇದ್ದಕ್ಕಿದ್ದಂತೆ ಜಗಳಕ್ಕಿಳಿದು, ಒಬ್ಬರಿಗೊಬ್ಬರು ಎಳೆದಾಡಿದ್ದರು. ಬಳಿಕ ಮನೆಯೊಳಗೆ ಹೋದ ಗ್ರ್ಯಾಂಟ್ ಕಿಚನ್ನಲ್ಲಿದ್ದ ಗೋಡೆವ್ ಪತಿ ರಿಚರ್ಡ್ಸನ್ ಜತೆ ವಾಗ್ವಾದ ನಡೆಸುವಾಗ ಅಲ್ಲಿಗೂ ಬಂದ ಗೋಡೆವ್ ಕಿಚನ್ನಲ್ಲಿದ್ದ ಚಾಕುವನ್ನು ತೆಗೆದುಕೊಂಡು ಗ್ರ್ಯಾಂಟ್ ಭುಜಕ್ಕೆ ಇರಿದಿದ್ದಳು. ಇದನ್ನೂ ಓದಿ: ಆಲಿಯಾ ಭಟ್ ವಿರುದ್ಧ ಟ್ವೀಟ್ ಮೂಲಕ ಭಾರಿ ಕೋಪ ವ್ಯಕ್ತಪಡಿಸಿದ್ದರು ಸುಶಾಂತ್ ಸಿಂಗ್
ಪ್ರಕರಣ ಸಂಬಂಧ ವಿಚಾರಣೆ ನಡೆದಿದ್ದು, ಈ ವೇಳೆ ಗೋಡೆವ್ 4 ಡಬಲ್ ಜಿನ್ ಮತ್ತು ನಿಂಬೆ ಪಾನಕವನ್ನು ಸೇವಿಸಿದ್ದಳು ಎಂದು ತಿಳಿದುಬಂದಿದೆ. ಆದರೆ, ಜಗಳದ ಏಕೆ ಶುರುವಾಯಿತು ಎಂಬುದರ ಬಗ್ಗೆ ಈವರೆಗೂ ಯಾವುದೇ ಸ್ಪಷ್ಟತೆ ಸಿಕ್ಕಿಲ್ಲ. ಗೋಡೆವ್ಗೆ ಹಲ್ ಕ್ರೌನ್ ನ್ಯಾಯಾಲಯ 12 ತಿಂಗಳ ಕಾರಾಗೃಹ ಶಿಕ್ಷೆಯನ್ನು ವಿಧಿಸಿದೆ. ಪ್ರಾಣಾಪಾಯ ಆಗದಿರುವುದರಿಂದ ಕಠಿಣ ಶಿಕ್ಷೆಯನ್ನು ನೀಡಿಲ್ಲ. ಗೋಡೆವು ದಿನನಿತ್ಯ 15 ಪುನರ್ವಸತಿ ಚಟುವಟಿಕೆಗಳಲ್ಲಿ ಭಾಗವಹಿಸಲು ಕೋರ್ಟ್ ಹೇಳಿದೆ. (ಏಜೆನ್ಸೀಸ್)