ಬೆಂಗಳೂರು: ದೇಶದಲ್ಲಿ ಮಾದಕ ಜಾಲ ಹೆಚ್ಚು ಸದ್ದು ಮಾಡುತ್ತಿರುವ ಬೆನ್ನಲ್ಲೇ ಮುಂಬೈ ಹಾಗೂ ದೆಹಲಿಯಲ್ಲಿ ಏಕಕಾಲಕ್ಕೆ ದಾಳಿ ನಡೆಸಿದ ಎನ್ಸಿಬಿ 3.5 ಕೆ.ಜಿ ಗಾಂಜಾ ಮೊಗ್ಗು ಜಪ್ತಿ ಮಾಡಿದ್ದು, ಓರ್ವ ಆರೋಪಿಯನ್ನು ಬಂಧಿಸಲಾಗಿದೆ.
ಬಂಧಿತನನ್ನು ಅಹ್ಮದ್ ಎಂದು ಗುರುತಿಸಲಾಗಿದೆ. ಈತನನ್ನು ದೆಹಲಿಯಲ್ಲಿ ವಶಕ್ಕೆ ಪಡೆಯಲಾಗಿದೆ. ಇದೇ ವೇಳೆ ಮುಂಬೈನಲ್ಲಿ ಗಾಂಜಾ ಮೊಗ್ಗಿಗೆ ಅತಿ ಹೆಚ್ಚು ಬೇಡಿಕೆಯಿದೆ ಎಂದು ತಿಳಿದುಬಂದಿದೆ. 1 ಗ್ರಾಂಗೆ ಸುಮಾರು 5 ಸಾವಿರಕ ರೂ.ನಂತೆ ಮಾರಾಟವಾಗ್ತಿದೆ ಎನ್ನಲಾಗಿದೆ. ಡಾರ್ಕ್ನೆಟ್ ಮೂಲಕ ಅಮೆರಿಕ ಮತ್ತು ಕೆನಡಾದಿಂದ ಪಾರ್ಸೆಲ್ನಲ್ಲಿ ಆಮದಾಗಿದ್ದ ಗಾಂಜಾ ಮೊಗ್ಗು, ಮುಂಬೈನ ಫಾರೇನ್ ಪೋಸ್ಟ್ ಆಫೀಸ್ನಲ್ಲಿ ಜಪ್ತಿಯಾಗಿದೆ.
ಇದನ್ನೂ ಓದಿ: ಮೊಬೈಲ್ ದೋಚಲು ಯತ್ನ, ಆಯುಧದಿಂದ ಹಲ್ಲೆ ಮಾಡಿದ್ರೂ ಪಟ್ಟು ಬಿಡದ ದಿಟ್ಟ ಹುಡುಗಿ: ವಿಡಿಯೋ ವೈರಲ್!
ತನಿಖೆ ವೇಳೆ ಗೋವಾ ಮೂಲದ ಅಹ್ಮದ್ ಎಂಬ ವ್ಯಕ್ತಿಯ ಬಗ್ಗೆ ಮಾಹಿತಿ ಬೆಳಕಿಗೆ ಬಂದಿದೆ. ಅಹ್ಮದ್ ಪ್ರತಿಷ್ಠಿತರ ರೇಸಾರ್ಟ್ನಲ್ಲಿ ಡ್ರೈವರ್ ಆಗಿ ಕೆಲಸ ಮಾಡ್ತಿದ್ದ. ಮುಂಬೈನಿಂದ ಗಾಂಜಾ ಪಡೆದು ಬೆಂಗಳೂರು ಮೂಲದ ವ್ಯಕ್ತಿಗೆ ಸರಬರಾಜು ಮಾಡ್ತಿದ್ದ. ಎನ್ಸಿಬಿ ನಡೆಸಿದ ದೆಹಲಿ ದಾಳಿ ವೇಳೆ ಗಾಂಜಾ ಪತ್ತೆಯಾಗಿದ್ದು, ಅಹ್ಮದ್ನನ್ನು ಬಂಧಿಸಿ, ಎನ್ಸಿಬಿ ತನಿಖೆ ಮುಂದುವರಿಸಿದೆ.