ವಾಷಿಂಗ್ಟನ್: ಗ್ರಾಹಕರ ಪ್ರಯಾಣವನ್ನು ರದ್ದುಗೊಳಿಸುವ ಮೂಲಕ 23 ಲಕ್ಷ ರೂಪಾಯಿ ಸಂಪಾದಿಸಿರುವುದಾಗಿ 70 ವರ್ಷದ ಅರೆಕಾಲಿಕ ಉಬರ್ ಡೆವರ್ ತಿಳಿಸಿದ್ದಾರೆ. ಕಳೆದ ವರ್ಷ ತಾನು ಶೇ.10ಕ್ಕಿಂತ ಕಡಿಮೆ ರೈಡ್ ವಿನಂತಿಗಳನ್ನು ಸ್ವೀಕರಿಸಿದ್ದಾಗಿ ಹೇಳಿಕೊಂಡಿದ್ದಾರೆ.
ಆರು ವರ್ಷಗಳ ಹಿಂದೆ ನಿವೃತ್ತಿಯ ನಂತರ ಅಮೆರಿಕದಲ್ಲಿ ಹೆಚ್ಚುವರಿ ಆದಾಯಕ್ಕಾಗಿ ಉಬರ್ ಚಾಲನೆ ಮಾಡಲು ಪ್ರಾರಂಭಿಸಿದ ಬಿಲ್, ಹೆಚ್ಚು ಮೊತ್ತವನ್ನು ಗಳಿಸಲು ಎರಡು ತಂತ್ರಗಳನ್ನು ಅಳವಡಿಸಿಕೊಂಡಿದ್ದಾಗಿ ಹೇಳಿದ್ದಾರೆ. ಮೊದಲನೆಯದು ಶುಕ್ರವಾರ ಮತ್ತು ಶನಿವಾರದಂದು ಬಾರ್ ಮತ್ತು ವಿಮಾನ ನಿಲ್ದಾಣಗಳಂತಹ ಜನನಿಬಿಡ ಸ್ಥಳಗಳಲ್ಲಿ ತನ್ನ ವಾಹನ ಚಲಿಸುವುದು. ಮತ್ತೊಂದು ಒನ್ ವೇ ರೈಡ್ಗೆ ಆದ್ಯತೆ ನೀಡುವುದಾಗಿ ತಿಳಿಸಿದ್ದಾರೆ.
ರಾತ್ರಿ ಸಮಯದಲ್ಲಿ ವಿಮಾನದಿಂದ ಬರುವ ಪ್ರಯಾಣಿಕರು ಉಬರ್ ಆಯ್ಕೆ ಮಾಡುವುದರಿಂದ ಬೆಲೆಯು ದ್ವಿಗುಣವಾಗುತ್ತದೆ. 20 ನಿಮಿಷದ ಪ್ರಯಾಣಕ್ಕೆ 10 ರಿಂದ 20, 40, ಕೆಲವೊಮ್ಮೆ 50ಡಾಲರ್ ವರೆಗೆ ಹೋಗುತ್ತದೆ. 35 ನಿಮಿಷಕ್ಕೆ 30 ರಿಂದ 60 ಡಾಲರ್ ಪಡೆಯಬಹುದಾಗಿದೆ ಎಂದಿದ್ದಾರೆ.
ಒನ್ ವೇ ರೈಡ್ನಿಂದಾಗುವ ಆದಾಯವನ್ನು ಒಂದು ಟನೆಯೊಂದಿಗೆ ವಿವರಿಸಿದ ಅವರು, ಒಮ್ಮೆ ತಮ್ಮ ನಗರದಿಂದ ಗ್ರಾಹಕರೊಬ್ಬರನ್ನು ಸುಮಾರು ಎರಡು ಗಂಟೆಗಳ ಕಾಲ ಕರೆದೊಯ್ದು 2,246 ರೂಪಾಯಿ ಪಡೆದುದ್ದಾಗಿ ತಿಳಿಸಿದ್ದಾರೆ. ಈ ತಂತ್ರಗಳನ್ನು ಬಳಸುವುದು ಅಪಾಯಕಾರಿ. ಏಕೆಂದರೆ ಪ್ರಯಾಣಿಕರ ಗಮ್ಯಸ್ಥಾನದ ಆಧಾರದ ಮೇಲೆ ಪ್ರಯಾಣವನ್ನು ಚಾಲಕರು ನಿರಾಕರಿಸುವುದು ಅಥವಾ ರದ್ದುಗೊಳಿಸುವುದನ್ನು ಉಬರ್ ಪ್ರೋತ್ಸಾಹಿಸುವುದಿಲ್ಲ. ಆದರೆ ಬಿಲ್, ಉಬರ್ನಿಂದ ಹೊರಬಂದರು ಸರಿಯೇ ಅಗತ್ಯಮಿರಿ ಕೆಲಸ ಮಾಡುವುದಿಲ್ಲ. ನಾನು ನನ್ನ ಕೆಲಸವನ್ನು ಪ್ರೀತಿಸುತ್ತೇನೆ ಎಂದು ಹೇಳಿದ್ದಾರೆ.