ಚೀನಾ ಜತೆಗಿನ ಸಂಬಂಧ ಹಳಸುತ್ತಿದ್ದಂತೆ ಸ್ವದೇಶಿ ವಸ್ತುಗಳ ಬಳಕೆಗೆ ಒತ್ತು ನೀಡುವಂತೆ ಎಲ್ಲೆಡೆ ಅಭಿಯಾನಗಳು ಶುರುವಾಗಿವೆ. ಈ ನಡುವೆ ಚೀನಿ ಉತ್ಪನ್ನಗಳಿಗೆ ಪ್ರಚಾರ ನೀಡುತ್ತಿದ್ದ ಬಾಲಿವುಡ್ನ ಘಟಾನುಘಟಿ ಸ್ಟಾರ್ಗಳಿಗೆ ಮತ್ತು ಕ್ರಿಕೆಟರ್ಗಳಿಗೂ ಇದೀಗ ರಾಯಭಾರಿ ಒಪ್ಪಂದವನ್ನು ಕೈ ಬಿಡುವ ಬಗ್ಗೆ ಒತ್ತಡದ ಮಾತುಗಳು ಕೇಳಿಬರುತ್ತಿವೆ. ಆ ಪೈಕಿ ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ (ಸಿಎಐಟಿ) ಸಿನಿಮಾ ಮತ್ತು ಕ್ರಿಕೆಟ್ ಸೆಲೆಬ್ರಿಟಿಗಳಿಗೆ ಪತ್ರದ ಮೂಲಕ ಮನವಿ ಮಾಡಿದ್ದು, ಚೀನಿ ವಸ್ತುಗಳನ್ನು ನಿಷೇಧಿಸೋಣ, ಸಹಕಾರ ನೀಡಿ ಎಂದಿದೆ.
ಇದನ್ನೂ ಓದಿ: ತೆಲುಗು-ತಮಿಳಿನಲ್ಲಿ ಸುದೀಪ್ಗೆ ಡಿಮ್ಯಾಂಡ್
ಈಗಾಗಲೇ ಚೀನಾದ ಹಲವು ಸಂಸ್ಥೆಗಳ ಜತೆ ಒಪ್ಪಂದ ಮಾಡಿಕೊಂಡು, ಕೆಲ ಉತ್ಪನ್ನಗಳಿಗೆ ರಾಯಭಾರಿಯಾಗಿ ಕಾಣಿಸಿಕೊಳ್ಳುತ್ತಿರುವ ಸ್ಟಾರ್ಗಳಿಗೆ ಮನವಿ ಮಾಡಿದೆ. ವಿವೋ ಮೊಬೈಲ್ ರಾಯಭಾರಿಗಳಾದ ಆಮೀರ್ ಖಾನ್, ಸಾರಾ ಅಲಿಖಾನ್, ಈಕ್ಯೂಓಓದ ವಿರಾಟ್ ಕೋಹ್ಲಿ, ಓಪ್ಪೊ ರಾಯಭಾರಿಗಳಾದ ದೀಪಿಕಾ ಪಡುಕೋಣೆ, ಸಿದ್ಧಾರ್ಥ್ ಮಲ್ಹೋತ್ರಾ, ರಣಬೀರ್ ಕಪೂರ್, ರಿಯಲ್ ಮೀಯ ಆಯುಷ್ಮಾನ್ ಖುರಾನಾಗೆ ಈಗಾಗಲೇ ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ ಮನವಿ ಮಾಡಿದೆ. ಅಷ್ಟೇ ಅಲ್ಲ ಚೀನಿ ವಸ್ತು ನಿಷೇಧಕ್ಕೆ ಸಹಕಾರ ನೀಡಿ ಅಂತಲೂ ಹೇಳಿದೆ.
ಇದನ್ನೂ ಓದಿ: ಇನ್ನು ಸಂಬಳ ಕೊಡುವುದಕ್ಕೆ ಸಾಧ್ಯವಿಲ್ಲ ಎಂದಿದ್ದರಂತೆ ಸುಶಾಂತ್!
ಅದೇ ರೀತಿ ಅಮಿತಾಬ್ ಬಚ್ಚನ್, ಅಕ್ಷಯ್ ಕುಮಾರ್, ಶಿಲ್ಪಾ ಶೆಟ್ಟಿ, ಮಾಧುರಿ ದೀಕ್ಷಿತ್, ಮಹೇಂದ್ರ ಸಿಂಗ್ ಧೋನಿ, ಸಚಿನ್ ತೆಂಡೂಲ್ಕರ್, ಸೋನು ಸೂದ್ಗೆ ನಿಷೇಧದ ಬಗ್ಗೆ ಮನವಿ ಮಾಡಿದೆ. ಅಂದಹಾಗೆ ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ ಒಟ್ಟಾರೆಯಾಗಿ ಇಡೀ ದೇಶದಲ್ಲಿ 40 ಸಾವಿರಕ್ಕೂ ಅಧಿಕ ಟ್ರೇಡ್ ಬಾಡಿಗಳನ್ನು ಹೊಂದಿದೆ. ಆ ಪೈಕಿ 7 ಕೋಟಿ ರಿಟೇಲ್ ಮತ್ತು ಹೋಲ್ಸೇಲರ್ಗಳು ಚೀನಾ ಉತ್ಪನ್ನಗಳ ನಿಷೇಧ ಅಭಿಯಾನಕ್ಕೆ ಕೈ ಜೋಡಿಸಿದ್ದಾರೆ. (ಏಜೆನ್ಸೀಸ್)