ಮುಂಬೈ: ಚಿತ್ರರಂಗದಲ್ಲಿ ಅದರಲ್ಲೂ ಬಾಲಿವುಡ್ನಲ್ಲಿ ಡ್ರಗ್ ಬಳಕೆ ಅವ್ಯಾಹತವಾಗಿದೆ ಎಂಬುದನ್ನು ಪೊಲೀಸರು ಒಪ್ಪಿಕೊಳ್ತಾರೆ. ಅಲ್ಲೊಂದು, ಇಲ್ಲೊಂದು ಪ್ರಕರಣ ಆಗಾಗ ವರದಿಯಾದರೂ ಇನ್ನುಳಿದಂತೆ ಇದಕ್ಕೆ ಕಡಿವಾಣವೇ ಇಲ್ಲದಂತಾಗಿದೆ.
ಸದ್ಯ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ತನಿಖೆಯಲ್ಲೀಗ ನಾರ್ಕೋಟಿಕ್ಸ್ ಅಪರಾಧ ನಿಗ್ರಹ (ಎನ್ಸಿಬಿ) ತಂಡ ಕೂಡ ಸೇರಿಕೊಂಡಿದೆ. ದಿನೇದಿನೆ ಒಂದೊಂದೇ ಅಚ್ಚರಿಯ ಹೊಸ ಸಂಗತಿಗಳು ಹೊರ ಬೀಳುತ್ತಲೇ ಇವೆ.
ಇದನ್ನೂ ಓದಿ; ವಾಯುಸೇನೆಯ ಬಲಾಢ್ಯ ರಫೇಲ್ ಯುದ್ಧ ವಿಮಾನಗಳಿಗೆ ಎದುರಾಗಿದೆ ಆಪತ್ತು…!
ಡ್ರಗ್ ವಿವಿಧ ಹೆಸರಿನಿಂದ ಕರೆಯಲಾಗುತ್ತಿತ್ತು ಎಂದು ಈ ತಂಡ ಪತ್ತೆ ಹಚ್ಚಿದೆ. ವಿವಿಧ ಮಾದಕ ವಸ್ತುಗಳಿಗೆ ಡಾಲರ್, ದಿರಹಂ, ಪೌಂಡ್ ಎಂದು ಕರೆಯುತ್ತಿದುದನ್ನು ಬಯಲಿಗೆಳೆದಿದೆ. ಡಾಲರ್ ಎಂದರೆ ಗಾಂಜಾ, ದಿರಹಂ ಎಂದರೆ ಸ್ಟ್ರಾಬೆರ್ರಿ ಫ್ಲೇವರ್ನ ಗಾಂಜಾ, ಬ್ರಿಟಿಷ್ ಪೌಂಡ್ ಬ್ಲ್ಯೂಬೆರ್ರಿ ಫ್ಲೇವರ್ನದ್ದು ಎಂದು ಹೇಳಲಾಗಿದೆ. ಇನ್ನು ಸ್ಥಳೀಯವಾಗಿ ದೊರೆಯುತ್ತಿದ್ದ ಗಾಂಜಾವನ್ನು ಇಂಡಿಯನ್ ರೂಪಿ ಎಂದು ಹೇಳುತ್ತಿದ್ದರು.
ಇಬ್ಬರು ಡ್ರಗ್ ಪೆಡ್ಲರ್ಗಳನ್ನು ವಶಕ್ಕೆ ಪಡೆದಿರುವ ಎನ್ಸಿಬಿ, ಬಾಲಿವುಡ್ನಲ್ಲಿ ಯಾರಿಗೆಲ್ಲ ಡ್ರಗ್ ಪೂರೈಸುತ್ತಿದ್ದರು ಎಂಬುದರ ಮಾಹಿತಿ ಸಂಗ್ರಹಿಸಿದ್ದಾರೆ. ಬಾಲಿವುಡ್ ಮಂದಿಗೆ ಡ್ರಗ್ ಪೂರೈಸುತ್ತಿದ್ದ ಪೆಡ್ಲರ್ಗಳೇ ಬೆಂಗಳೂರಿನಲ್ಲಿಯೂ ಜಾಲ ಹೊಂದಿದ್ದರು ಎಂಬುದು ಬೆಳಕಿಗೆ ಬಂದಿದೆ. ಇದರೊಂದಿಗೆ ಕನ್ನಡ ಚಿತ್ರರಂಗಕ್ಕೂ ಇದು ವ್ಯಾಪಿಸಿರುವುದು ಸದ್ಯ ಸಂಚಲನ ಮೂಡಿಸಿದೆ.
ಇದನ್ನೂ ಓದಿ; ಬಸ್ನಲ್ಲಿದ್ದ ವ್ಯಕ್ತಿಯಿಂದ 23 ಪ್ರಯಾಣಿಕರಿಗೆ ಕರೊನಾ ಸೋಂಕು; ಗಾಳಿಯಿಂದ ಹರಡುತ್ತಿದೆ ಎನ್ನಲು ಇದುವೇ ನಿದರ್ಶನ?
ಸುಶಾಂತ್ ಗೆಳತಿ ರಿಯಾ ಚಕ್ರವರ್ತಿ ಡ್ರಗ್ ಪೆಡ್ಲರ್ಗಳೊಂದಿಗೆ ನಡೆಸಿದ ವಾಟ್ಸ್ಆ್ಯಪ್ ಚಾಟ್ ಬಹಿರಂಗಗೊಂಡ ಬಳಿಕ ಹಾಗೂ ಸುಶಾಂತ್ ಬಳಿ ಕೆಲಸಕ್ಕಿದ್ದ ಹಲವರು ನೀಡಿದ ಹೇಳಿಕೆ ಆಧರಿಸಿ ಎನ್ಸಿಬಿ ಈ ಪ್ರಕರಣದ ತನಿಖೆಗೆ ಮುಂದಾಗಿದೆ.
ವಿಮಾನದಾಚೆ ಮನುಷ್ಯ ಹಾರಾಡುತ್ತಿದ್ದುದನ್ನು ನೋಡಿದ ಪೈಲಟ್ಗಳಿಗೆ ಗಲಿಬಿಲಿ…!