ನವದೆಹಲಿ: ನಾವು ಪ್ರತಿನಿತ್ಯ ಸೈಬರ್ ಕ್ರೈಂ/ವಂಚನೆಗಳ ಬಗ್ಗೆ ಪತ್ರಿಕೆ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ನೋಡಿರುತ್ತೇವೆ. ಇದರ ಹೊರತ್ತಾಗಿಯೂ ಜನ ಮೋಸ ಹೋಗಿರುವುದನ್ನು ನಾವು ಕೇಳಿರುತ್ತೇವೆ.
ಇದೀಗ ಪ್ರಕರಣ ಒಂದರಲ್ಲಿ ವೈದ್ಯರೊಬ್ಬರು ಬರೋಬ್ಬರಿ 4.47 ಕೋಟಿ ರೂಪಾಯಿ ಹಣವನ್ನು ಕಳೆದುಕೊಂಡಿದ್ದು ದೇಶದಲ್ಲೇ ನಡೆದಿರಬಹುದಾದ ದೊಡ್ಡ ಮಟ್ಟದ ಸೈಬರ್ ವಂಚನೆ ಎಂದು ಹೇಳಲಾಗಿದೆ.
ಅಧಿಕಾರಿ ಸೋಗಿನಲ್ಲಿ ವಂಚನೆ
ವೃತ್ತಿಯಲ್ಲಿ ವೈದ್ಯೆಯಾಗಿರುವ 34ವರ್ಷದ ಮಹಿಳೆಗೆ ಕರೆ ಮಾಡಿದ ವಂಚಕನೋರ್ವ ತಾನು ಮಹಾರಾಷ್ಟ್ರ ಮಾದಕ ದ್ರವ್ಯ ವಿಭಾಗದ ಅಧಿಕಾರಿ ಎಂದು ಪರಿಚಯಿಸಿಕೊಂಡಿದ್ದಾನೆ.
ಬಳಿಕ ಮಹಿಳೆಗೆ ಇತ್ತೀಚಿಗೆ ತಾವು ಫೆಡ್ಎಕ್ಸ್ ಕೊರಿಯರ್ನಲ್ಲಿ MDMA ಡ್ರಗ್ಸ್ ಪತ್ತೆಯಾಗಿರುವುದಾಗಿ ಹೇಳಿದ್ಧಾನೆ. ಬಳಿಕ ಈ ಕೊರಿಯರ್ ತನಗೆ ಸಂಬಂಧಿಸಿಲ್ಲವೆಂದು ಸಾಬೀತು ಪಡಿಸಲು ತಮ್ಮ ಬ್ಯಾಂಕ್ ಖಾತೆ, ಐಟಿ ವಿವರ ಹಾಗೂ ಸರ್ಕಾರಿ ಗುರುತಿನ ಚೀಟಿಗಳನ್ನು ವಾಟ್ಸ್ಆ್ಯಪ್ ಮೂಲಕ ಕಳೆಸಲು ಸೂಚಿಸಿದ್ದಾರೆ.
ಇದನ್ನೂ ಓದಿ: ಸರ್ಕಾರಿ ಕೆಲಸದ ಆಮಿಷವೊಡ್ಡಿ ಮಹಿಳೆ ಮೇಲೆ ನಿರಂತರ ಲೈಂಗಿಕ ದೌರ್ಜನ್ಯ; ವಿಡಿಯೋ ಮಾಡಿ ಬೆದರಿಕೆ
ಆ್ಯಪ್ ಡೌನ್ಲೋಡ್ ಮಾಡುವಂತೆ ಸುಚನೆ
ಆದರೆ, ವಂಚಕನ ಮಾತಿಗೆ ಕಿವಿಗೊಡದ ಮಹಿಳೆ ತನಗೆ ಸಂಬಂಧಿಸಿದ ಯಾವುದೇ ಕೊರಿಯರ್ ಬಂದಿಲ್ಲ ಎಂದು ಹೇಳಿದ್ದಾರೆ. ಇದಕ್ಕೆ ಪ್ರತಿಯಾಗಿ ಆನ್ಲೈನ್ ಮೂಲಕ ದೂರು ದಾಖಲಿಸುವಂತೆ ಹೇಳಿ ಸ್ಕೈಪ್ ಆ್ಯಪ್ ಡೌನಲೋಡ್ ಮಾಡುವಂತೆ ಸೂಚಿಸಿದ್ದಾರೆ.
ಇದನ್ನು ನಂಬಿದ ಮಹಿಳೆ ವಂಚಕರು ಹೇಳಿದಂತೆ ಆ್ಯಪ್ ಡೌನಲೋಡ್ ಮಾಡಿದ್ಧಾರೆ ಮತ್ತು ಪಾಟೀಲ್ ಎಂಬ ಅಧಿಕಾರಿ ಹೆಸರಿನಲ್ಲಿ ಮಹಿಳೆ ಜೊತೆ ಮಾತನಾಡಿ ಕೊರಿಯರ್ ತಮ್ಮಗೆ ಸಂಬಂಧಿಸಿಲ್ಲ ಎಂದರೆ ಆಧಾರ್ ಸಂಖ್ಯೆಯನ್ನು ನೀಡುವಂತೆ ಹೇಳಿದ್ದಾರೆ.
4.47 ಕೋಟಿ ರೂ ವಂಚನೆ
ಬಳಿಕ ಆಧಾರ್ ಸಂಖ್ಯೆಯನ್ನು ಪರಿಶೀಲಿಸಿದ ನಂತರ ಮುಂಬೈನಲ್ಲಿ 23 ಬ್ಯಾಂಕ್ ಖಾತೆಗಳನ್ನು ಹೊಂದಿದ್ದು ಇದೆಲ್ಲವೂ ಅಕ್ರಮ ಹಣ ವರ್ಗಾವಣೆಗೆ ಬಳಸಿರುವುದಾಗಿ ತಿಳಿಸಿದ್ದಾರೆ. ಇದಾ ಕೆಲ ಹೊತ್ತಿನ ಬಳಿಕ ಆಕೆಗೆ ಸಂಬಂಧಿಸಿದ ಬ್ಯಾಂಕ್ ಖಾತೆಹಾಗೂ ಠೇವಣಿಗಳ ವಿವರವನ್ನು ವಂಚಕರು ಪಡೆದಿದ್ದಾರೆ.
ಇದಾದ ಬಳಿಕ ಮಹಿಳೆ ಹೆಸರಿನಲ್ಲಿದ್ದ ಠೇವಣಿ ಹಾಗೂ ಬ್ಯಾಂಕ್ ಖಾತೆಗಳಲ್ಲಿ ಇದ್ದ 4.47 ಕೋಟಿ ರೂಪಾಯಿ ಹಣವನ್ನು ವಂಚಕರು ವೈದ್ಯೆಯಿಂದ ಲಪಟಾಯಿಸಿದ್ದಾರೆ. ಈ ಕುರಿತು ದೂರು ದಾಖಲಿಸಲಾಗಿದ್ದು ಪೊಲೀಸರು ಆರೋಪಿಗಳಿಗೆ ಬಲೆ ಬೀಸಿದ್ದಾರೆ.