ಸುಲಭವಾಗಿ ದೊರೆಯುವ ಅಲೋವೆರಾದಲ್ಲಿ ಸಾಕಷ್ಟು ಔಷಧೀಯ ಗುಣಗಳಿವೆ. ಇದು ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ. ನಾವಿದ್ದನ್ನು ಯಾವುದಾದರೂ ಒಂದು ರೂಪದಲ್ಲಿ ಆಹಾರದಲ್ಲಿ ನಿಯಮಿತವಾಗಿ ಸೇರಿಸಿದರೆ, ಬಹುಬೇಗನೆ ತೂಕವನ್ನು ಕಳೆದುಕೊಳ್ಳಬಹುದು.
ಅಂದಹಾಗೆ ದೇಹದ ಅತಿಯಾದ ತೂಕ ಅನೇಕ ರೋಗಗಳಿಗೆ ದಾರಿ ಮಾಡಿಕೊಡುತ್ತದೆ. ಹೀಗಾಗಿ ದೇಹದ ತೂಕವನ್ನು ನಿಯಂತ್ರಣದಲ್ಲಿ ಇಡಬೇಕಾದದ್ದು ತುಂಬಾನೇ ಮುಖ್ಯ. ಈ ನಿಟ್ಟಿನಲ್ಲಿ ಅಲೋವೆರಾ ತುಂಬಾ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ ಎನ್ನುತ್ತಾರೆ ತಜ್ಞರು. ಅಲೋವೆರಾವನ್ನು ಹೇಗೆ ಬಳಸುವುದು ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.
ಅಲೋವೆರಾದೊಂದಿಗೆ ತೂಕವನ್ನು ಕಳೆದುಕೊಳ್ಳುವ ಮಾರ್ಗಗಳು
1. ಅಲೋವೆರಾ ಸಸ್ಯ ಬಹುತೇಕ ಎಲ್ಲಾಕಡೆ ಲಭ್ಯವಿರುತ್ತದೆ. ಆದ್ದರಿಂದ ಆಲೋವೆರಾದೊಂದಿಗೆ ಸುಲಭವಾಗಿ ಏನು ಬೇಕಾದರೂ ಮಾಡಬಹುದು. ಹಾಗೇ ಸೇವಿಸಲು ಇದು ಸ್ವಲ್ಪ ಕಹಿ ಅನ್ನಿಸುತ್ತದೆ. ಆದರೆ ಇದನ್ನು ನಿಮ್ಮ ತರಕಾರಿ ಜ್ಯೂಸ್ನೊಂದಿಗೆ ಬೆರೆಸಿ ಒಮ್ಮೆ ಪ್ರಯತ್ನಿಸಿ ನೋಡಿ. ಆದ್ದರಿಂದ ನೀವು ತರಕಾರಿಗಳು ಮತ್ತು ಅಲೋವೆರಾ ಎರಡರಿಂದಲೂ ಎಲ್ಲ ರೀತಿಯ ಉತ್ತಮ ಪೋಷಕಾಂಶಗಳನ್ನು ಪಡೆಯುತ್ತೀರಿ. ತೂಕ ನಷ್ಟಕ್ಕೆ ಇದು ಸಹಾಯ ಮಾಡುತ್ತದೆ.
2. ಒಂದು ಲೋಟ ಉಗುರುಬೆಚ್ಚಗಿನ ನೀರಿನಲ್ಲಿ ಒಂದು ಚಮಚ ಅಲೋವೆರಾ ಜೆಲ್ ಮಿಶ್ರಣ ಮಾಡಿ. ನಿಮಗೆ ಬಾಯಾರಿಕೆಯಾದಾಗ ಆ ರಸವನ್ನು ಯಾವುದೇ ಸಮಯಲ್ಲಿ ಬೇಕಾದರೂ ಕುಡಿಯಬಹುದು. ನಾವು ಬೆಳಿಗ್ಗೆ ಮತ್ತು ಸಂಜೆಯ ಸಮಯದಲ್ಲಿ ಖಾಲಿ ಹೊಟ್ಟೆಯನ್ನು ಹೊಂದಿರುತ್ತೇವೆ. ಈ ಸಮಯದಲ್ಲಿ, ಆಲೋವೆರಾ ಮಿಶ್ರಣದ ನೀರು ಕುಡಿದು, ಅರ್ಧ ಗಂಟೆಯವರೆಗೆ ಬೇರೆ ಏನನ್ನೂ ತಿನ್ನಬೇಡಿ. ಹೀಗೆ ಮಾಡುವುದರಿಂದ ತೂಕ ಇಳಿಸುವುದು ಸುಲಭವಾಗುತ್ತದೆ.
3. ತೂಕ ಇಳಿಸುವ ಯೋಚನೆ ಇರುವವರು ಊಟ ಮಾಡುವ ಮೊದಲು ಒಂದು ದೊಡ್ಡ ಚಮಚ ಅಲೋವೆರಾ ತಿರುಳನ್ನು ಸೇವಿಸಬೇಕು. ಇದು ನಿಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಇದು ದೇಹದ ಕಾರ್ಯನಿರ್ವಹಣೆಯನ್ನು ಸುಧಾರಿಸುತ್ತದೆ. ಇದರಿಂದ ಕೊಬ್ಬುಗಳು ಕರಗುತ್ತವೆ ಮತ್ತು ಕ್ಯಾಲರಿಗಳು ಹೆಚ್ಚು ಬಳಕೆಯಾಗಿ, ದೇಹದ ತೂಕ ಕಡಿಮೆಯಾಗುತ್ತದೆ.
4. ಅಲೋವೆರಾದಲ್ಲಿರುವ ವಿಟಮಿನ್ ಬಿ ನಮ್ಮ ಕೊಬ್ಬನ್ನು ಶಕ್ತಿಯನ್ನಾಗಿ ಪರಿವರ್ತಿಸುತ್ತದೆ. ಆದ್ದರಿಂದ, ಕೊಬ್ಬುಗಳು ದೇಹದಲ್ಲಿ ಸಂಗ್ರಹವಾಗುವುದಿಲ್ಲ ಆದರೆ ಕರಗುತ್ತವೆ ಮತ್ತು ನಮಗೆ ಶಕ್ತಿಯನ್ನು ನೀಡುತ್ತದೆ.
5. ಅಲೋವೆರಾ ಸಸ್ಯದಿಂದ ತಿರುಳನ್ನು ಸಂಗ್ರಹಿಸಿ, ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಮಿಕ್ಸರ್ನಲ್ಲಿ ರುಬ್ಬಿಕೊಳ್ಳಿ. ಬಳಿಕ ಜ್ಯೂಸ್ ಅನ್ನು ಒಂದು ಲೋಟದಲ್ಲಿ ತೆಗೆದುಕೊಂಡು, ಅದಕ್ಕೆ ಒಂದು ನಿಂಬೆಹಣ್ಣಿನ ರಸವನ್ನು ಹಿಂಡಿ. ಬಳಿಕ ಎರಡನ್ನೂ ಚೆನ್ನಾಗಿ ಮಿಶ್ರಣ ಮಾಡಿ ಸೇವಿಸಿ, ಇದರಿಂದ ನಿಮ್ಮ ತೂಕ ಇಳಿಸುವ ಪ್ರಯತ್ನಗಳಿಗೆ ವೇಗ ಸಿಗುತ್ತದೆ. (ಏಜೆನ್ಸೀಸ್)
VIDEO| ರೋಹಿತ್ ಶರ್ಮ ಬೌಲಿಂಗ್ ಸ್ಟೈಲ್ಗೆ ಪತ್ನಿ ಕ್ಲೀನ್ ಬೋಲ್ಡ್! ವೈರಲ್ ಆಯ್ತು ರಿತಿಕಾ ರಿಯಾಕ್ಷನ್