ಬೆಂಗಳೂರು: ಐಪಿಎಲ್ ಕ್ರೇಝ್ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ನೋಡ ನೋಡುತ್ತಿದ್ದಂತೆ ಐಪಿಎಲ್ ಟಿಕೆಟ್ಗಳು ಬಿಕರಿಯಾಗುತ್ತವೆ. ಇದಕ್ಕೆ ತಾಜಾ ಉದಾಹರಣೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದ ಹೊರಭಾಗದ ದೃಶ್ಯಗಳು. ನಾಳೆ ಬೆಂಗಳೂರಿನಲ್ಲಿ ಆರ್ಸಿಬಿ ಹಾಗೂ ಸಿಎಸ್ಕೆ ತಂಡಗಳ ನಡುವೆ ಹೈವೋಲ್ಟೇಜ್ ಪಂದ್ಯ ನಡೆಯಲಿದೆ. ಈ ಕಾರಣದಿಂದ ಎರಡೂ ತಂಡಗಳ ಕ್ರಿಕೆಟ್ ಪ್ರೇಮಿಗಳು ಟಿಕೆಟ್ಗಾಗಿ ಮುಗಿಬಿದ್ದಿದ್ದಾರೆ.
ಲಾಠಿ ಬೀಸಿದ ಪೊಲೀಸರು!
ಚಿನ್ನಸ್ವಾಮಿ ಕ್ರೀಡಾಂಗಣದ ಹೊರಭಾಗದಲ್ಲಿ ನಾಳಿನ ಪಂದ್ಯದ ಟಿಕೆಟ್ಗಾಗಿ ಮುಗಿಬಿದ್ದಿರುವ ಅಭಿಮಾನಿಗಳನ್ನು ನಿಯಂತ್ರಿಸಲು ಪೊಲೀಸರು ಲಾಠಿ ಚಾರ್ಜ್ ಮಾಡಿದ ಘಟನೆ ನಡೆದಿದೆ. ಕ್ಷಣಾರ್ಧದಲ್ಲಿ ಟಿಕೆಟ್ ಕಾಲಿಯಾಗುತ್ತಿದ್ದಂತೆ, ಟಿಕೆಟ್ ಕೌಂಟರ್ನಲ್ಲಿ ಸೋಲ್ಡ್ ಔಟ್ ಬೋರ್ಡ್ ಹಾಕಲಾಗಿತ್ತು. ಇದು ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಸೋಲ್ಡ್ ಔಟ್ ಬೋರ್ಡ್‍ನ್ನು ಅಭಿಮಾನಿಗಳು ಕಿತ್ತು ಹಾಕುತ್ತಿದ್ದಂತೆ, ಆಕ್ರೋಶಿತರನ್ನು ನಿಯಂತ್ರಿಸಲು ಪೊಲೀಸರು ಲಾಠಿ ಬೀಸಿದ್ದಾರೆ.
ಇದನ್ನೂ ಓದಿ: 19 ವರ್ಷದ ಬಿ.ಟೆಕ್ ವಿದ್ಯಾರ್ಥಿನಿಗೆ ಕಾಲೇಜು ಕೊಠಡಿಯಲ್ಲೇ ಗರ್ಭಪಾತ!
ಧೋನಿ ಅಭಿಮಾನಿ ಕಣ್ಣೀರು!
ಟೀಂ ಇಂಡಿಯಾ ಮಾಜಿ ನಾಯಕ ಧೋನಿಗೆ ಅಪಾರ ಸಂಖ್ಯೆಯಲ್ಲಿ ಅಭಿಮಾನಿಗಳಿದ್ದಾರೆ. ಒಂದು ಬಾರಿಯಾದರೂ ಧೋನಿಯನ್ನು ಕಣ್ತುಂಬಿಕೊಳ್ಳಬೇಕೆಂದು ಹಂಬಲಿಸುತ್ತಿರುತ್ತಾರೆ. ಅಂತೆಯೇ ನಾಳಿನ ಪಂದ್ಯದಲ್ಲಿ ಸಿಎಸ್ಕೆ ನಾಯಕನನ್ನು ನೋಡಬೇಕೆಂದು ಅಭಿಮಾನಿಯೊಬ್ಬ ದೂರದ ಗಂಗಾವತಿಯಿಂದ ಬಂದಿದ್ದಾನೆ. ಆದರೆ ಟಿಕೆಟ್ ಸಿಗದೆ ನಿರಾಸೆ ಅನುಭವಿಸುವಂತಾಗಿದೆ.
ನಾವು ಬಡವರು, ಟಿಕೆಟ್ಗಾಗಿ 10 ಸಾವಿರ ರೂ. ಎಲ್ಲಿಂದ ತರಲಿ?
ಆದರೆ ಮೂರು ದಿನ ಕಾದರೂ ನಾಳಿನ ಪಂದ್ಯದ ಟಿಕೆಟ್ ಮಾತ್ರ ಸಿಕ್ಕಿಲ್ಲ. ನಾನು ಧೋನಿಯ ಅಪ್ಪಟ ಅಭಿಮಾನಿ, ಅವರನ್ನು ನೋಡಬೇಕೆಂದು ಬಂದಿದ್ದೇನೆ. ಇಲ್ಲಿ ವಿಚಾರಿಸಿದರೆ ಟಿಕೆಟ್ ಸೋಲ್ಡ್ಔಟ್ ಎನ್ನುತ್ತಿದ್ದಾರೆ. ನಾವು ಬಡವರು, ಬ್ಲಾಕ್ನಲ್ಲಿ 10 ಸಾವಿರ ರೂ. ಎಲ್ಲ ನೀಡಿ ಟಿಕೆಟ್ ಪಡೆಯುವಷ್ಟು ಹಣವಂತರಲ್ಲ ಎನ್ನುತ್ತಾ ಧೋನಿ ಅಭಿಮಾನಿಯೊಬ್ಬ ಕಣ್ಣೀರು ಹಾಕಿದ್ದಾನೆ.
ಇದನ್ನೂ ಓದಿ: ಪೊಲೀಸರಿಗೆ ಗುಡ್ ನ್ಯೂಸ್; ಚುನಾವಣೆ ಕರ್ತವ್ಯ ಭತ್ಯೆ ಹೆಚ್ಚಳ
ಮೈಮೇಲೆ ಧೋನಿ ಟ್ಯಾಟೂ…
ಗಂಗಾವತಿಯಿಂದ ಬಂದಿದ್ದ ಅಭಿಮಾನಿ, ದೇಹದ ಮೇಲೆ ಧೋನಿ ಟ್ಯಾಟೊ ಹಾಕಿಸಿಕೊಂಡಿದ್ದಾನೆ. ಮೈಮೇಲೆ ಧೋನಿ, ಸಾಕ್ಷಿ, ಝೀವಾ ಎಂದು ಹೆಸರು ಬರೆಸಿಕೊಂಡು ಧೋನಿ ಮೇಲಿರುವ ಅಭಿಮಾನ ಮೆರೆದಿದ್ದಾನೆ.
ಇದನ್ನೂ ಓದಿ: ಮರ್ಯಾದಾ ಹತ್ಯೆ; ಪ್ರೀತಿಯ ವಿಷಯ ತಿಳಿದು ಹೆಣ್ಣು ಮಕ್ಕಳಿಬ್ಬರನ್ನು ಕೊಂದೇ ಬಿಟ್ಟ ದಂಪತಿ!