ಮುಂಬೈ: ಇವತ್ತು ಸಹೋದರರ ದಿನ. ಹಾಗಂತ ಯುವರ್ ಮೋಸ್ಟ್ ವಾಂಟೆಡ್ ಭಾಯ್ಗಳಿಗೆ ಅರ್ಥಾತ್ ನಿಮ್ಮ ನೆಚ್ಚಿನ ಅಣ್ಣಂದಿರಿಗೆ ವಾಟ್ಸ್ಆ್ಯಪ್ ಮುಂತಾದವುಗಳ ಮೂಲಕ ಈ ಲಿಂಕ್ ಶೇರ್ ಮಾಡಿಕೊಳ್ಳಲು ಮುಂದಾಗಬೇಡಿ. ಹೌದು.. ‘ಯುವರ್ ಮೋಸ್ಟ್ ವಾಂಟೆಡ್ ಭಾಯ್’ ಎಂಬ ಟ್ಯಾಗ್ಲೈನ್ ಇರುವ ಸಲ್ಮಾನ್ ಖಾನ್ ಅಭಿನಯದ ‘ರಾಧೆ’ ಸಿನಿಮಾದ ಪೈರಸಿ ಕಾಪಿ ಅಂದರೆ ನಕಲು ಪ್ರತಿಯನ್ನೇನಾದರೂ ಹಂಚಿಕೊಂಡರೆ ನಿಮ್ಮ ವಾಟ್ಸ್ಆ್ಯಪ್ ಸಂವಹನಕ್ಕೇ ಕುತ್ತು ಬಂದೀತು.
ಮೇ 13ರಂದು ಜೀ-5 ಮೂಲಕ ಒಟಿಟಿಯಲ್ಲಿ ಬಿಡುಗಡೆ ಆಗಿರುವ ‘ರಾಧೆ’ ಸಿನಿಮಾ ಪೈರಸಿ ಆಗಿ ಎಲ್ಲ ಕಡೆ ಹಂಚಿಕೆ ಆಗುತ್ತಿರುವುದರ ವಿರುದ್ಧ ಜೀ ಕಂಪನಿ ದೆಹಲಿ ಹೈಕೋರ್ಟ್ ಮೆಟ್ಟಿಲೇರಿದೆ. ಇದೀಗ ಕಕ್ಷಿದಾರರ ವಾದವನ್ನು ಆಲಿಸಿರುವ ಹೈಕೋರ್ಟ್, ರಾಧೆ ಚಿತ್ರದ ಪೈರಸಿ ಲಿಂಕ್ ಶೇರ್ ಮಾಡಿಕೊಂಡವರ ನಂಬರ್ಗೆ ಸೇವೆ ಸ್ಥಗಿತಗೊಳಿಸುವಂತೆ ವಾಟ್ಸ್ಆ್ಯಪ್ಗೆ ಸೂಚನೆ ನೀಡಿದೆ.
ಇದನ್ನೂ ಓದಿ: ಹೆಂಡತಿಗೆ ಕಿರುಕುಳ ಕೊಟ್ಟು ಸಾವು ತಂದುಕೊಂಡ ಗಂಡ; ಆಕೆ ಹೊಡೆಯಿರಿ ಎಂದಳು, ಅವರಿಬ್ಬರು ಕೊಂದೇ ಬಿಟ್ಟರು…
ಮಾತ್ರವಲ್ಲ, ದೇಶದ ಪ್ರಮುಖ ದೂರಸಂಪರ್ಕ ಕಂಪನಿಗಳಾದ ಜಿಯೋ, ಏರ್ಟೆಲ್, ವೊಡಾಫೋನ್ಗೂ ಸೂಚನೆ ಕೊಟ್ಟಿರುವ ಹೈಕೋರ್ಟ್, ರಾಧೆ ಸಿನಿಮಾದ ವಿರುದ್ಧ ಕಾನೂನುಬಾಹಿರವಾಗಿ ನಡೆದುಕೊಂಡವರ ಮಾಹಿತಿ ಜೀ ಕಂಪನಿಗೆ ನೀಡುವಂತೆ ಹೇಳಿದೆ. ಈ ಮಾಹಿತಿ ಸಿಗುತ್ತದೆ ಜೀ ಕಂಪನಿ ಮುಂದಿನ ಕಾನೂನುಕ್ರಮಕ್ಕೆ ಮುಂದಾಗಲಿದೆ.
ಮದುವೆ ಆಗು ಎಂದು ಒತ್ತಾಯಿಸಿದ ಇಬ್ಬರಿಗೂ ಒಲ್ಲೆ ಎಂದಳು; ಎರಡು ಗುಂಡೇಟಿಗೆ ಹೆಣವಾಗಿ ಉರುಳಿದಳು..!