ಬಾಲಿವುಡ್ ಸಿನಿಮಾ ಇಂಡಸ್ಟ್ರಿಯಲ್ಲಿ ದೀಪಿಕಾ ಪಡುಕೋಣೆ ಸದ್ಯ ಟಾಪ್ ಸ್ಥಾನದಲ್ಲಿರುವ ನಟಿ. ಸಾಕಷ್ಟು ಶ್ರಮವಹಿಸಿ ಹಲವು ಕ್ಷೇತ್ರಗಳಲ್ಲಿ ತೊಡಗಿಸಿಕೊಂಡು ಸಾಧನೆಯ ಶಿಖರ ಏರಿದ್ದಾರೆ. ಅವರ ಸಿನಿಮಾ ಯಶಸ್ಸು ಒಂದೆಡೆಯಾದರೆ, ಜಾಹೀರಾತು ಕ್ಷೇತ್ರದಲ್ಲಿಯೂ ದೀಪಿಕಾ ಮುಟ್ಟಿದ್ದೆಲ್ಲ ಚಿನ್ನವಾಗಿ ಪರಿಣಮಿಸುತ್ತಿದೆ. ಸಿನಿಮಾ ಹಿಟ್ ಆದಂತೆ ಜಾಹೀರಾತುಗಳೂ ಬ್ಲಾಕ್ಬಸ್ಟರ್ ಆಗುತ್ತಿವೆ. ಇದು ಸದ್ಯದ ಸ್ಥಿತಿಯಾದರೆ, 10 ವರ್ಷದ ಹಿಂದೆ ದೀಪಿಕಾ ಕಾಣಿಸಿಕೊಂಡ ಜಾಹೀರಾತುಗಳು ಹೇಗಿದ್ದವು ಎಂಬುದಕ್ಕೆ ಇದೀಗ ಜಾಲತಾಣದಲ್ಲಿ ಹರಿದಾಡುತ್ತಿರುವ ಒಂದಷ್ಟು ವಿಡಿಯೋಗಳು ವೈರಲ್ ಆಗುತ್ತಿವೆ.
ಇದನ್ನೂ ಓದಿ: ಸಿನಿಮಾ ಶೂಟಿಂಗ್ ಪ್ರಾರಂಭಿಸಲು ಮುಖ್ಯಮಂತ್ರಿಗಳಿಗೆ ಮನವಿ …
ಹತ್ತು ವರ್ಷಗಳ ಹಿಂದೆ ಮಲಯಾಳಂ ಭಾಷೆಯಲ್ಲಿ ಮೂಡಿಬಂದಿದ್ದ ಸೀರೆ ಜಾಹೀರಾತು ಇದೀಗ ಮತ್ತೆ ಸುದ್ದಿಯಲ್ಲಿದೆ. ಜಾಹೀರಾತಿನಲ್ಲಿ ಮಾಡರ್ನ್ ಕಾಲಘಟ್ಟದಲ್ಲೂ, ಸಂಪ್ರದಾಯಗಳ ಬಗ್ಗೆ ವಿಶೇಷ ಕಾಳಜಿ ಇರುವ ಹುಡುಗಿಯಾಗಿ ದೀಪಿಕಾ ಕಾಣಿಸಿಕೊಂಡಿದ್ದಾರೆ. ಹೆಂಡತಿಯಾಗುವವಳು ಹೇಗಿದ್ದರೆ ಚೆಂದ ಎಂದು ಕಲ್ಪನೆಯಲ್ಲೇ ವಿವಿಧ ಬಟ್ಟೆಯಲ್ಲಿ ನೋಡುವ ಆ ಯುವಕ, ಅವಳ ಮಾಡರ್ನ್ ಅವತಾರ ಕಂಡು ಮದುವೆ ಬೇಡ ಎಂಬ ನಿಶ್ಚಯಕ್ಕೆ ಬರುತ್ತಾನೆ. ಬಳಿಕ ಅಮ್ಮನ ಮಾತು ಕೇಳಿ ಸೀರೆಯಲ್ಲಿ ಆಕೆಯನ್ನು ನೋಡಬಯಸುತ್ತಾನೆ. ಅದರಂತೆ ಸಾಂಪ್ರದಾಯಿಕ ಉಡುಗೆಯಲ್ಲಿ ಎದುರಾದ ಅವಳನ್ನೇ ವರಿಸುತ್ತಾನೆ ಇದು ಜಾಹೀರಾತಿನಲ್ಲಿನ ಅಂಶ.
ಇದನ್ನೂ ಓದಿ: ಹಾಗೆಲ್ಲಾ ಮಾಡ್ಬೇಡಿ … ಇನ್ನೊಮ್ಮೆ ಯೋಚನೆ ಮಾಡಿ …
ಸದ್ಯ ಲಾಕ್ಡೌನ್ನಲ್ಲಿ ಹಳೇಯ ಜಾಹೀರಾತು ವಿಡಿಯೋಗಳು ವೈರಲ್ ಆಗುತ್ತಿದ್ದು, ಅದಕ್ಕೆ ಬಗೆಬಗೆಯ ಕಮೆಂಟ್ಗಳೂ ಸಂದಾಯವಾಗುತ್ತಿವೆ. ‘ಇನ್ನೊಂದು ಏಪಿಸೋಡ್ಗೆ ಸ್ವಾಗತ; ಕರೊನಾ ನಮ್ಮನ್ನು ಎಲ್ಲಿಗೆ ತಂದು ನಿಲ್ಲಿಸಿದೆ ಎಂದು ಕೆಲವರು ಹೇಳಿದರೆ, ‘ಹಳೇ ಧಾರಾವಾಹಿಗಳಂತೆ ಹಳೇ ಜಾಹೀರಾತುಗಳನ್ನೂ ನೋಡುವಂತಾಗಿದೆ’, ‘ಈಗಿನಷ್ಟೇ ಸುಂದರವಾಗಿದ್ದಾಳೆ ದೀಪಿಕಾ‘ ಎಂದೂ ಕೆಲವರು ಜಾಹೀರಾತು ಮೆಚ್ಚಿಕೊಂಡಿದ್ದಾರೆ. (ಏಜೆನ್ಸೀಸ್)