ನವದೆಹಲಿ: ಐಪಿಎಲ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ಪರ ಆಡುವ ಆಸ್ಟ್ರೆಲಿಯಾದ ಸ್ಫೋಟಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ತೆಲುಗು ಭಾಷೆಯ ಬಗ್ಗೆ ವಿಶೇಷವಾದ ಪ್ರೀತಿ ಬೆಳೆಸಿಕೊಂಡಿದ್ದಾರೆ. ಹೀಗಾಗಿ ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ತೆಲುಗು ಸಿನಿಮಾಗಳ ಡೈಲಾಗ್, ಹಾಡುಗಳಿಗೆ ವಿಡಿಯೋಗಳನ್ನು ಮಾಡುತ್ತಿರುತ್ತಾರೆ. ಈ ಮೂಲಕ ಆಂಧ್ರದ ಜನತೆಯ ಹೃದಯ ಗೆದ್ದಿರುವ ಡೇವಿಡ್ ವಾರ್ನರ್ ಇದೀಗ ಪತ್ನಿ ಕ್ಯಾಂಡಿಸ್ ಹೃದಯವನ್ನು ಗೆಲ್ಲಲು ಕೂಡ ತೆಲುಗು ಭಾಷೆಯನ್ನೇ ಬಳಸಿಕೊಂಡಿರುವುದು ವಿಶೇಷವಾಗಿದೆ.
ಪತ್ನಿ ಕ್ಯಾಂಡಿಸ್ ಜತೆಗಿರುವ ತಮ್ಮ ಡಿಜಿಟಲ್ ಕಾರ್ಟೂನ್ ಸ್ಕೆಚ್ ಒಂದನ್ನು ಇನ್ಸ್ಟಾಗ್ರಾಂನಲ್ಲಿ ಪ್ರಕಟಿಸಿರುವ ವಾರ್ನರ್, ಅದಕ್ಕೆ ತೆಲುಗು ಭಾಷೆಯಲ್ಲೇ ರೊಮ್ಯಾಂಟಿಕ್ ಕ್ಯಾಪ್ಶನ್ ನೀಡಿರುವುದು ಕ್ರಿಕೆಟ್ ಪ್ರೇಮಿಗಳ ಗಮನಸೆಳೆದಿದೆ. ‘ನೆನು ನಿನ್ನು ಪ್ರೇಮಿಸ್ತುನ್ನನು ಕ್ಯಾಂಡಿಸ್ ವಾರ್ನರ್’ ಎಂದು ತೆಲುಗಿನಲ್ಲಿ ಬರೆದುಕೊಂಡಿರುವ ವಾರ್ನರ್, ಅದಕ್ಕೆ ವೈಫ್, ಲವ್, ಬೆಸ್ಟ್ ಫ್ರೆಂಡ್ಸ್ ಎಂಬ ಹ್ಯಾಷ್ಟ್ಯಾಗ್ ಕೂಡ ನೀಡಿದ್ದಾರೆ.
ಇದನ್ನೂ ಓದಿ: PHOTO | ಟೀಮ್ ಇಂಡಿಯಾ ಕ್ರಿಕೆಟಿಗರ ಅಭ್ಯಾಸಕ್ಕೆ ಹೊಸ ಕಿಟ್
ಮೂವರು ಹೆಣ್ಣು ಮಕ್ಕಳ ತಂದೆಯಾಗಿರುವ ವಾರ್ನರ್, ಕಳೆದ ವರ್ಷ ಲಾಕ್ಡೌನ್ ಸಮಯದಲ್ಲೂ ವಿವಿಧ ವಿಡಿಯೋ, ಸಂದೇಶಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸುವ ಮೂಲಕ ಭಾರತೀಯ ಕ್ರಿಕೆಟ್ ಪ್ರೇಮಿಗಳ ಗಮನಸೆಳೆದಿದ್ದರು. ಕರೊನಾದಿಂದಾಗಿ ಸ್ಥಗಿತಗೊಂಡ ಕಳೆದ ಐಪಿಎಲ್ ಟೂರ್ನಿಯ ವೇಳೆ ಬ್ಯಾಟಿಂಗ್ ಲಯ ಕಂಡುಕೊಳ್ಳಲು ಪರದಾಡುತ್ತಿದ್ದ ವಾರ್ನರ್, ಸನ್ರೈಸರ್ಸ್ ತಂಡದ ನಾಯಕತ್ವವನ್ನು ಕೇನ್ ವಿಲಿಯಮ್ಸನ್ಗೆ ಬಿಟ್ಟುಕೊಟ್ಟಿದ್ದರು.
ಟೆಸ್ಟ್ ವಿಶ್ವಕಪ್ ಫೈನಲ್ಗೆ ಮುನ್ನ ಭಾರತ ತಂಡಕ್ಕೆ ಕಪಿಲ್ ದೇವ್ ಕಿವಿಮಾತು
ಹಾಟ್ ಫೋಟೋಗಳ ಮೂಲಕ ಭರ್ಜರಿ ಸೌಂಡ್ ಮಾಡುತ್ತಿದ್ದಾರೆ ವಿಂಡೀಸ್ ಕ್ರಿಕೆಟಿಗನ ಪತ್ನಿ…