ಬೆಂಗಳೂರು: ಕೆಲವು ದಿನಗಳ ಹಿಂದಿನ ಮಾತು. ‘ಜೋಗಿ’ ಪ್ರೇಮ್ ಅವರ ಟ್ವಿಟರ್ ಖಾತೆಯಲ್ಲಿ ಒಂದು ಪೋಸ್ಟ್ ಹಾಕಲಾಗಿತ್ತು. ಸುದೀಪ್ ಅವರ ಜತೆಗೆ ಚಿತ್ರ ಮಾಡುತ್ತಿರುವುದಾಗಿ ಪ್ರೇಮ್ ಹೇಳಿಕೊಂಡಿದ್ದರು. ಸದ್ಯದಲ್ಲೇ ಚಿತ್ರದ ಫಸ್ಟ್‌ಲುಕ್ ಪೋಸ್ಟರ್ ಬಿಡುಗಡೆ ಮಾಡುವುದಾಗಿಯೂ ಅವರು ಘೋಷಿಸಿದ್ದರು. ಆ ನಂತರ, ಗೊತ್ತಾಗಿದ್ದೇನೆಂದರೆ ಅದೊಂದು ಸುಳ್ಳುಸುದ್ದಿ ಎಂದು. ಯಾರೋ ಪ್ರೇಮ್ ಹೆಸರಿನಲ್ಲಿ ನಕಲಿ ಪೇಜ್ ಸೃಷ್ಟಿ ಮಾಡಿ, ಈ ತರಹ ಸುಳ್ಳುಸುದ್ದಿ ಹಬ್ಬಿಸಿದ್ದರು.
ಇದನ್ನೂ ಓದಿ: ಮತ್ತೆ ದೇವರಾಗಲು ಹೊರಟಿದ್ದಾರೆ ಅಕ್ಷಯ್ ಕುಮಾರ್ …
ಈಗ ಅದು ಮತ್ತೊಮ್ಮೆ ರಿಪೀಟ್ ಆಗಿದೆ. ಈ ಬಾರಿ ಸುದೀಪ್ ಬದಲು ದರ್ಶನ್ ಜತೆಗೆ ಪ್ರೇಮ್ ಮಾಡುವುದಕ್ಕೆ ಮುಂದಾಗಿದ್ದಾರೆ ಎಂಬ ಸುದ್ದಿ ಅವರದೇ ಹೆಸರಿನ ನಕಲಿ ಪೇಜ್‌ನಿಂದ ಹೊರಬಿದ್ದಿದೆ. ಸೋಮವಾರ ಸಂಜೆ ದರ್ಶನ್ ಅಭಿನಯದ 55ನೇ ಚಿತ್ರವನ್ನು ಪ್ರೇಮ್ ನಿರ್ದೇಶಿಸಲಿದ್ದಾರೆ ಮತ್ತು ಸದ್ಯದಲ್ಲೇ ಚಿತ್ರದ ಶೀರ್ಷಿಕೆ ಮತ್ತು ಸ್ಟ್‌ಲುಕ್ ಬಿಡುಗಡೆಯಾಗಲಿದೆ ಎಂಬ ಮಾಹಿತಿ ಅವರ ನಕಲಿ ಪೇಜ್‌ನಲ್ಲಿ ಕಾಣಿಸಿಕೊಂಡಿತ್ತು.
ಇದು ನಕಲಿ ಎಂದು ಗೊತ್ತಿರದ ಅಭಿಮಾನಿಗಳು, ಒಂದು ಕ್ಷಣ ಖುಷಿಯಾದರು. ಆದರೆ, ಈ ಖುಷಿ ಹೆಚ್ಚು ಹೊತ್ತು ಇರಲಿಲ್ಲ. ಇದೊಂದು ನಕಲಿ ಪೇಜ್ ಮತ್ತು ಅದರಲ್ಲಿರುವುದು ಸುಳ್ಳುಸುದ್ದಿ ಎಂಬುದು ಗೊತ್ತಾಗುವುದಕ್ಕೆ ಹೆಚ್ಚು ಹೊತ್ತು ಬೇಕಾಗಲಿಲ್ಲ.
ಇದನ್ನೂ ಓದಿ: ‘ಮಹಾರಾಜ’ನಾದ ಆಮೀರ್ ಖಾನ್ ಪುತ್ರ … ಇಂದಿನಿಂದ ಚಿತ್ರೀಕರಣ ಪ್ರಾರಂಭ
ಆ ನಂತರ ಪ್ರೇಮ್ ಪತ್ನಿ ರಕ್ಷಿತಾ ಸಹ ಇದು ಸುಳ್ಳು ಎಂದು ಸ್ಪಷ್ಟಪಡಿಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಅವರು, ‘ಅದು ಪ್ರೇಮ್ ಖಾತೆ ಅಲ್ಲ, ಯಾರು ಈ ತರಹದ ಸುದ್ದಿಗಳನ್ನು ಹಬ್ಬಿಸುತ್ತಿದ್ದಾರೋ, ಅವರನ್ನು ದೇವರು ಚೆನ್ನಾಗಿಟ್ಟಿರಲಿ. ದರ್ಶನ್ ಮತ್ತು ಪ್ರೇಮ್ ಒಟ್ಟಿಗೆ ಚಿತ್ರ ಮಾಡುವುದನ್ನು ನೋಡುವುದಕ್ಕೆ ನಾನು ಇಷ್ಟಪಡುತ್ತೇನೆ. ಆದರೆ, ಸದ್ಯಕ್ಕೆ ಇದು ಸುಳ್ಳು’ ಎಂದಿದ್ದಾರೆ.
Not Prems account ….. whoever is saying all this …. God bless u ☺️hope I see them working together soon …. If this was not true pic.twitter.com/U2RdxQw8Ms
— Rakshitha Prem (@RakshithaPrem) June 7, 2021
Darshan
ಕಾರ್ಮಿಕರ ಒಕ್ಕೂಟಕ್ಕೆ ಪುನೀತ್ 10 ಲಕ್ಷ, ಹೊಂಬಾಳೆ ಫಿಲಂಸ್ 32 ಲಕ್ಷ ರೂ ನೆರವು