ಬೆಂಗಳೂರು: ನಟ ದರ್ಶನ್ ಕಷ್ಟಪಟ್ಟು ಬೆಳೆದು ಇಡೀ ರಾಜ್ಯದಲ್ಲಿ ಅಭಿಮಾನಿಗಳ ದೊಡ್ಡ ಪಡೆಯನ್ನೇ ಕಟ್ಟಿದ್ದಾರೆ. ನಾವು ರಾಜಕೀಯ ಕಾರ್ಯಕ್ರಮಕ್ಕೆ ಜನರನ್ನು ಕರೆ ತರುತ್ತೇವೆ. ಆದರೆ ಇತ್ತೀಚೆಗೆ ಹುಬ್ಬಳ್ಳಿಯಲ್ಲಿ ನಡೆದ ದರ್ಶನ್ ಅವರ ‘ರಾಬರ್ಟ್’ ಸಿನಿಮಾದ ಕಾರ್ಯಕ್ರಮದಲ್ಲಿ ಲಕ್ಷಾಂತರ ಜನರು ಸೇರಿದ್ದರು.
– ಹೀಗೆಂದು ನಟ ದರ್ಶನ್ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದ್ದು ಒಂದು ಕಾಲದಲ್ಲಿ ಚಿತ್ರನಟ, ನಿರ್ಮಾಪಕರೂ ಆಗಿದ್ದ, ಈಗ ಕೃಷಿ ಸಚಿವರಾಗಿರುವ ಬಿ.ಸಿ. ಪಾಟೀಲ್.
‘ಸಂಗೊಳ್ಳಿ ರಾಯಣ್ಣ’ ಚಿತ್ರದಲ್ಲಿನ ಆ ಪಾತ್ರ ದರ್ಶನ್‌ಗಾಗಿ ಸೃಷ್ಟಿಸಿದಂತಿತ್ತು. ‘ಕುರುಕ್ಷೇತ್ರ’ ಸಿನಿಮಾದಲ್ಲಿ ದರ್ಶನ್ ಕೌರವನ ಪಾತ್ರ ಮಾಡಿದ್ದರು ಎಂದ ಬಿ.ಸಿ. ಪಾಟೀಲ್, ನನ್ನದು ಆಧುನಿಕ ಕೌರವನ ಪಾತ್ರ, ದರ್ಶನ್ದು ಪೌರಾಣಿಕ ಕೌರವನ ಪಾತ್ರ ಎಂದು ಪಾತ್ರಗಳ ವ್ಯತ್ಯಾಸವನ್ನು ಹೇಳಿದರು. ರೈತರ ಮನೆಗೆ ನಾನು ನಿಮ್ಮ ಜೊತೆ ಬರುತ್ತೇನೆ ಎಂದು ದರ್ಶನ್ ಹೇಳಿದ್ದರು. ಆಗ ಅದನ್ನು ನನಗೆ ನಂಬಲು ಆಗಿರಲಿಲ್ಲ. ಆದರೆ ಈಗ ಅವರು ಬಂದೇ ಬಿಟ್ಟಿದ್ದಾರೆ. ದೊಡ್ಡ ದೊಡ್ಡ ಸ್ಟಾರ್‌ಗಳು ಮಲ್ಟಿ ನ್ಯಾಷನಲ್ ಕಂಪನಿಗಳಿಗೆ ರಾಯಭಾರಿ ಆಗಿದ್ದಾರೆ. ಆದರೆ ದರ್ಶನ್ ಯಾವುದೇ ಸಂಭಾವನೆ ಪಡೆಯದೆ ಕೃಷಿ ಇಲಾಖೆಯ ರಾಯಭಾರಿ ಆಗಿದ್ದಾರೆ ಎಂದು ಬಿ.ಸಿ. ಪಾಟೀಲ್ ಶ್ಲಾಘಿಸಿದರು.
ದರ್ಶನ್ ಹೃದಯ ಶ್ರೀಮಂತಿಕೆ ವರ್ಣನಾತೀತ. ಅವರು ಎಷ್ಟು ಎತ್ತರವಿದ್ದಾರೋ ಅಷ್ಟೇ ವಿಶಾಲ ಹೃದಯದವರು. ನಾನು ಫಾರ್ಮ್ ಹೌಸ್ಗೆ ಭೇಟಿ ನೀಡಿದ್ದೇನೆ. ಅಲ್ಲಿ ಅವರು 150 ಜನರಿಗೆ ಜೀವನ ಕೊಟ್ಟಿದ್ದಾರೆ. ಆ ಫಾರ್ಮ್ ಒಂದು ಮಿನಿ ಝೂನಂತಿದೆ ಎಂದು ಕೃಷಿ ಸಚಿವ ಪಾಟೀಲ್ ದರ್ಶನ್ ಅವರನ್ನು ಪ್ರಶಂಸಿಸಿದರು.
ರಾಜ್ಯ ಕೃಷಿ ಇಲಾಖೆಯ ರಾಯಭಾರಿ ಆಗಲು ಸಂಭಾವನೆ ಪಡೆಯದೇ ಒಪ್ಪಿಕೊಂಡ ನಟ ದರ್ಶನ್ ಅವರಿಗೆ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಧನ್ಯವಾದ ತಿಳಿಸಿದ್ದು, ಅವರ ಉದಾರತೆಯ ಬಗ್ಗೆ ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದ್ದಾರೆ. ಚಿತ್ರರಂಗದಲ್ಲಿ ಎತ್ತರಕ್ಕೆ ಬೆಳೆದಿರುವ ದರ್ಶನ್ ತಾವೇ ಒಂದು ಫಾರ್ಮ್ ಹೌಸ್ ಕೂಡ ಮಾಡಿ, ಅಲ್ಲಿನ ದುಡಿಮೆಯಲ್ಲೂ ಎತ್ತರಕ್ಕೆ ಬೆಳೆದಿದ್ದಾರೆ. ಇದೀಗ ಅವರು ಯಾವುದೇ ಸಂಭಾವನೆ ಪಡೆಯದೇ ಕೃಷಿ ಇಲಾಖೆಯ ರಾಯಭಾರಿ ಆಗಿದ್ದಾರೆ. ಅವರಿಗೆ ರಾಜ್ಯದ ಜನತೆ ಹಾಗೂ ಕೃಷಿಕರ ಪರವಾಗಿ ಧನ್ಯವಾದ ತಿಳಿಸುತ್ತೇನೆ ಎಂದು ಸಿಎಂ ಹೇಳಿದರು. ದರ್ಶನ್ ಅವರ ಜನಪ್ರಿಯತೆ ಕುರಿತು ಇಲ್ಲಿ ಸೇರಿರುವ ಜನಸಮೂಹವನ್ನು ನೋಡಿದರೆ ಅರ್ಥವಾಗುತ್ತದೆ. ಇದೇ ಕಾರ್ಯಕ್ರಮವನ್ನು ವಿಧಾನ ಸೌಧದ ಮುಂಭಾಗದಲ್ಲಿ ಮಾಡಿದ್ದಿದ್ದರೆ 50 ಸಾವಿರ ಜನರು ಸೇರುತ್ತಿದ್ದರು ಎಂದು ದರ್ಶನ್ ಜನಪ್ರಿಯತೆ ಕುರಿತು ಸಿಎಂ ಮೆಚ್ಚುಗೆ ವ್ಯಕ್ತಪಡಿಸಿದರು.
ರೈತರ ಅನ್ನದಿಂದಲೇ ರಕ್ತ ಇರುವುದು. ಹೀಗಾಗಿ ನಮಗೂ ರೈತರಿಗೂ ನಡುವೆ ರಕ್ತಸಂಬಂಧವಿದೆ. ರಾಯಭಾರಿಯಾಗಿ ನಾನು ಕೃಷಿ ಇಲಾಖೆಯ ಸವಲತ್ತುಗಳ ಬಗ್ಗೆ ನಾಡಿನ ರೈತರಿಗೆ ತಿಳಿಸುತ್ತೇನೆ.
|ದರ್ಶನ್ ನಟ ಹಾಗೂ ರಾಜ್ಯ ಕೃಷಿ ಇಲಾಖೆ ರಾಯಭಾರಿ
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ನಟ ದರ್ಶನ್ ಈಗ ಕರ್ನಾಟಕ ಕೃಷಿ ಇಲಾಖೆ ರಾಯಭಾರಿ; ಯಾವುದೇ ಸಂಭಾವನೆ ಪಡೆಯದೇ ಅಂಬಾಸಡರ್..
VIDEO| ಹಾಟ್ ಲುಕ್ನಲ್ಲಿ ಸೊಂಟ ಕುಣಿಸಿದ್ದಾರೆ ಜೊತೆ ಜೊತೆಯಲಿ ಖ್ಯಾತಿಯ ಅನು! ಇಲ್ಲಿದೆ ನೋಡಿ ವಿಡಿಯೋ