ಭೋಪಾಲ್: ಬಾಲಿವುಡ್ ನಟಿ ಪ್ರೇಕ್ಷಾ ಮೆಹ್ತಾ ಅವರು ಸೋಮವಾರ (ಮೇ 25) ರಾತ್ರಿ ಆತ್ಮಹತ್ಯೆಗೆ ಶರಣಾಗಿದ್ದು, ಸಾವಿಗೂ ಮುನ್ನ ನೋವಿನ ನುಡಿಯೊಂದನ್ನು ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಪೋಸ್ಟ್ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ಪತ್ನಿಗೆ ಹಾವು ಕಚ್ಚಿಸಿ ಕೊಲೆಗೈದ ಪ್ರಕರಣ: ಆರೋಪಿ ಸಿಕ್ಕಿಬೀಳಲು ಆತನ ನಡೆಯೇ ಕಾರಣವಾಯ್ತು!
ಪ್ರೇಕ್ಷಾ ಮೆಹ್ತಾಗೆ ಕೇವಲ 25 ವರ್ಷ ವಯಸ್ಸಾಗಿತ್ತು. ಕ್ರೈಂ ಪ್ಯಾಟ್ರೋಲ್, ಲಾಲ್ ಇಸ್ಕ್ ಮತ್ತು ಮೇರಿ ದುರ್ಗಾದಂತಹ ಪ್ರಮುಖ ಬಾಲಿವುಡ್ ಶೋಗಳಲ್ಲಿ ಕಾಣಿಸಿಕೊಂಡಿದ್ದ ಪ್ರೇಕ್ಷಾ, ನಟ ಅಕ್ಷಯ್ ಕುಮಾರ್ ಅಭಿನಯದ ಪ್ಯಾಡ್ ಮ್ಯಾನ್ ಚಿತ್ರದಲ್ಲೂ ತೆರೆ ಹಂಚಿಕೊಂಡಿದ್ದರು.
ಸೋಮವಾರ ತಡರಾತ್ರಿಯೇ ಮಧ್ಯಪ್ರದೇಶದ ಇಂದೂರ್ನಲ್ಲಿರುವ ತಮ್ಮ ಮನೆಯಲ್ಲಿ ಪ್ರೇಕ್ಷಾ ನೇಣಿಗೆ ಶರಣಾಗಿದ್ದಾರೆ. ಅವರ ತಂದೆ ಬೆಳಗ್ಗೆ ಎದ್ದು ನೋಡಿದಾಗಲೇ ಘಟನೆ ಬೆಳಕಿಗೆ ಬಂದಿದೆ. ಪ್ರೇಕ್ಷಾರನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯದ್ದರೂ ಆಗಲೇ ಸಾವಿಗೀಡಾಗಿರುವುದಾಗಿ ವೈದ್ಯರು ದೃಢಪಡಿಸಿದ್ದಾರೆ.
ಇದನ್ನೂ ಓದಿ: ಇಂಗ್ಲೆಂಡ್ನಲ್ಲಿರೋ ಗುರು ಅರ್ಜಾನ್ ದೇವ್ ಗುರುದ್ವಾರಕ್ಕೆ ಹಾನಿ: ಪಾಕ್ ಪ್ರಜೆ ಬಂಧನ
ಸಾವಿಗೂ ಮುನ್ನ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಸಂದೇಶವೊಂದನ್ನು ಪೋಸ್ಟ್ ಮಾಡಿರುವ ಪ್ರೇಕ್ಷಾ, “ನಿಮ್ಮ ಕನಸುಗಳು ಸಾಯುವುದು ಸಹ ತುಂಬಾ ಕೆಟ್ಟದು” ಎಂದು ಬರೆದು ಜೀವನಕ್ಕೆ ಅಂತ್ಯವಾಡಿದ್ದಾರೆ.
ಸಾಯುವ ಕೊನೆ ಗಳಿಗೆಯಲ್ಲೂ ಸೆಲ್ಫಿಯೊಂದನ್ನು ಪೋಸ್ಟ್ ಮಾಡಿರುವ ಪ್ರೇಕ್ಷಾ, ಅದಕ್ಕೆ ಅಗರ್ ತುಮ್ ಸಾಥ್ ಹೋ ಎಂಬ ಪ್ರಖ್ಯಾತ ಹಾಡಿನ ಸಾಲುಗಳನ್ನು ಅಡಿಬರಹವಾಗಿ ನೀಡಿದ್ದಾರೆ. ಇತ್ತ ಆಕೆಯ ಸಾವಿನ ಸುದ್ದಿ ಪ್ರಕಟವಾಗುತ್ತಿದ್ದಂತೆ ಇನ್ಸ್ಟಾಗ್ರಾಂನಲ್ಲಿ ಸಂತಾಪಗಳ ಸುರಿಮಳೆಯೂ ಹರಿದುಬಂದಿವೆ.
ಇದನ್ನೂ ಓದಿ: ಅನ್ನ, ನೀರಿಲ್ಲದೇ ಸುಮಾರು 76 ವರ್ಷ ಬದುಕಿದ್ದ ನಿಗೂಢ ಯೋಗಿ ನಿಧನ
ಪ್ರೇಕ್ಷಾ ಎರಡು ವರ್ಷಗಳ ಹಿಂದೆ ಮುಂಬೈಗೆ ತೆರಳಿದ್ದರು. ಲಾಕ್ಡೌನ್ನಿಂದಾಗಿ ಚಿಂತೆಗೀಡಾಗಿದ್ದರು ಎನ್ನಲಾಗಿದೆ. ಲಾಕ್ಡೌನ್ ಕೊನೆಯಾದ ಬಳಿಕ ಕೆಲಸದ ಗತಿಯೇನು ಎಂಬುದರ ಬಗ್ಗೆ ಚಿಂತಿಸುತ್ತಿದ್ದಳು ಎಂದೂ ತಿಳಿದುಬಂದಿದೆ.
ಆರ್ಥಿಕ ಬಿಕ್ಕಟ್ಟಿನಿಂದ ಮತ್ತೊಬ್ಬ ನಟಿ ಮನ್ಮೀತ್ ಗ್ರೆವಾಲ್ ಅವರು ಆತ್ಮಹತ್ಯೆಗೆ ಶರಣಾದ ಎರಡು ದಿನಗಳ ಬೆನ್ನಲ್ಲೇ ಪ್ರೇಕ್ಷಾ ಸಹ ತಮ್ಮ ಬದುಕನ್ನು ಕೊನೆಗಾಣಿಸಿಕೊಂಡಿದ್ದಾರೆ.
ಕರೊನಾ ವೈರಸ್ ಬಿಕ್ಕಟ್ಟಿನಿಂದ ಮಾರ್ಚ್ 19 ರಿಂದ ಎಲ್ಲ ಕಿರಿತೆರೆ ಹಾಗೂ ಹಿರಿತೆರೆಯ ಕಾರ್ಯಚಟುವಟಿಕೆಗಳು ಸ್ತಬ್ಧವಾಗಿವೆ. ಇದರಿಂದ ಅನೇಕ ನಟರು ಹಾಗೂ ತಂತ್ರಜ್ಞರು ಕೆಲಸ ಕಳೆದುಕೊಂಡಿದ್ದು, ಭವಿಷ್ಯದ ಬಗ್ಗೆ ಚಿಂತೆಗೀಡಾಗಿದ್ದಾರೆ. (ಏಜೆನ್ಸೀಸ್)
ತಂತ್ರಜ್ಞಾನ ಕ್ಷೇತ್ರದಲ್ಲಿ ಭಾರತೀಯ ಸಂಶೋಧಕನಿಗೆ ಪ್ರತಿಷ್ಠಿತ ಇನ್ವೆಂಟರ್ ಪ್ರಶಸ್ತಿ