ಬೆಂಗಳೂರು: ಶತ ಶತಕಗಳ ಸರದಾರ ಮತ್ತು 24 ವರ್ಷಗಳ ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿಜೀವನದಲ್ಲಿ ಹಲವಾರು ದಾಖಲೆಗಳನ್ನು ಬರೆದಿರುವ ದಿಗ್ಗಜ ಸಚಿನ್ ತೆಂಡುಲ್ಕರ್ ಬುಧವಾರ 51ನೇ ಜನ್ಮದಿನದ ಸಂಭ್ರಮ ಆಚರಿಸುತ್ತಿದ್ದಾರೆ. ಅಭಿಮಾನಿಗಳ ಪಾಲಿಗೆ “ಕ್ರಿಕೆಟ್ ದೇವರು’ ಎನಿಸಿರುವ ಸಚಿನ್, ಯುವ ಕ್ರಿಕೆಟಿಗರ ಪಾಲಿಗೆ ಸದಾ ಸ್ಫೂರ್ತಿಯ ಚಿಲುಮೆ ಎನಿಸಿದ್ದಾರೆ. ಕ್ರಿಕೆಟ್ನಿಂದ ನಿವೃತ್ತಿ ಹೊಂದಿ 11 ವರ್ಷಗಳೇ ಕಳೆದರೂ ಇನ್ನೂ ಅವರ ಹೆಸರಿನಲ್ಲಿರುವ 50 ಪ್ರಮುಖ ದಾಖಲೆಗಳ ಸಂಕ್ಷಿಪ್ತ ಮೆಲುಕು ಇಲ್ಲಿದೆ.
1. ಭಾರತರತ್ನ ಪ್ರಶಸ್ತಿ ಪುರಸ್ಕೃತ ಏಕೈಕ ಕ್ರೀಡಾಪಟು.
2. ಖೇಲ್ರತ್ನ, ಅರ್ಜುನ, ಪದ್ಮಶ್ರೀ, ಪದ್ಮವಿಭೂಷಣ ಪ್ರಶಸ್ತಿಗಳನ್ನೆಲ್ಲ ಪಡೆದ ಏಕೈಕ ಕ್ರಿಕೆಟಿಗ.
3. ಟೆಸ್ಟ್ (15,921) ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಸಾಧನೆ.
4. ಏಕದಿನ (18,426) ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಕೆ.
5. ಅತಿ ಹೆಚ್ಚು ಟೆಸ್ಟ್ ಪಂದ್ಯ (200) ಆಡಿದ ಆಟಗಾರ.
6. ಅತಿ ಹೆಚ್ಚು ಏಕದಿನ ಪಂದ್ಯ (463) ಆಡಿರುವ ಆಟಗಾರ.
7. ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು (51) ಶತಕ ಸಿಡಿಸಿರುವ ಬ್ಯಾಟರ್.
8. ಏಕದಿನ (49) ಕ್ರಿಕೆಟ್ನಲ್ಲಿ 2ನೇ ಅತಿ ಹೆಚ್ಚು ಶತಕ ದಾಖಲಿಸಿರುವ ಬ್ಯಾಟ್ಸ್ಮನ್.
9. ಅತಿ ಹೆಚ್ಚು ಮೈದಾನಗಳಲ್ಲಿ ಟೆಸ್ಟ್ (59) ಮತ್ತು ಏಕದಿನ (96) ಪಂದ್ಯ ಆಡಿದ ಸಾಧನೆ.
10. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ (34,347) ಗಳಿಸಿರುವ ಬ್ಯಾಟರ್.
11. ಸತತವಾಗಿ ಅತಿ ಹೆಚ್ಚು ಏಕದಿನ (185) ಮತ್ತು ಟೆಸ್ಟ್ (85) ಪಂದ್ಯ ಆಡಿದ ಸಾಧನೆ.
12. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಬೌಂಡರಿ (4,074) ಸಿಡಿಸಿರುವ ಬ್ಯಾಟರ್.
13. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಪಂದ್ಯಶ್ರೇಷ್ಠ ಪ್ರಶಸ್ತಿ (72) ಪಡೆದ ಆಟಗಾರ.
14. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 100 ಶತಕ ಸಿಡಿಸಿರುವ ಏಕಮಾತ್ರ ಬ್ಯಾಟರ್.
15. ಏಕದಿನ (15) ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಸರಣಿಶ್ರೇಷ್ಠ ಪ್ರಶಸ್ತಿ ಪಡೆದ ಆಟಗಾರ.
16. ನಾಲ್ಕು ಬಾರಿ ಒಂದೇ ವರ್ಷದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 2 ಸಾವಿರಕ್ಕಿಂತ ಹೆಚ್ಚು ರನ್ ಗಳಿಕೆ.
17. ಏಕದಿನ ಕ್ರಿಕೆಟ್ನಲ್ಲಿ ದ್ವಿಶತಕ ಸಿಡಿಸಿದ ಮೊದಲ ಬ್ಯಾಟ್ಸ್ಮನ್.
18. ಒಂದೇ ದೇಶದ ವಿರುದ್ಧ (ಆಸ್ಟ್ರೆಲಿಯಾ) ಅತಿ ಹೆಚ್ಚು 6,707 ರನ್ ಗಳಿಕೆ.
19. ಒಂದೇ ದೇಶದ ವಿರುದ್ಧ (ಆಸ್ಟ್ರೆಲಿಯಾ) ಅತಿ ಹೆಚ್ಚು 20 ಶತಕ ಸಾಧನೆ.
20. ಭಾರತ ಪರ ಟೆಸ್ಟ್ ಮತ್ತು ಏಕದಿನ (16 ವರ್ಷ) ಪಂದ್ಯ ಆಡಿದ ಅತಿ ಕಿರಿಯ ಆಟಗಾರ.
21. ವಿದೇಶಿ ಟೆಸ್ಟ್ ಪಂದ್ಯಗಳಲ್ಲಿ ಅತಿ ಹೆಚ್ಚು ರನ್ (8,705) ಗಳಿಸಿದ ಬ್ಯಾಟರ್.
22. ಏಕದಿನದಲ್ಲಿ ಆರಂಭಿಕನಾಗಿ ಅತಿ ಹೆಚ್ಚು (15,310) ರನ್, ಶತಕ (45), ಅರ್ಧಶತಕ (75) ಸಿಡಿಸಿದ ಬ್ಯಾಟರ್.
23. ಟೆಸ್ಟ್ನಲ್ಲಿ ಒಂದೇ (4) ಕ್ರಮಾಂಕದಲ್ಲಿ ಅತಿಹೆಚ್ಚು (13,482) ರನ್, ಶತಕ (44), ಅರ್ಧಶತಕದ (58) ಸಾಧನೆ.
24. 20 ವರ್ಷ ವಯಸ್ಸಿಗೆ ಮುನ್ನವೇ ಟೆಸ್ಟ್ ಕ್ರಿಕೆಟ್ನಲ್ಲಿ 5 ಶತಕ ಸಾಧನೆ.
25. 1990ರಿಂದ 1998ರ ನಡುವೆ ಸತತವಾಗಿ 239 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಕಣಕ್ಕಿಳಿದ ಸಾಧಕ.
26. ಟೆಸ್ಟ್ನಲ್ಲಿ ಅತಿ ಹೆಚ್ಚು 50 ಪ್ಲಸ್ (51 ಶತಕ+ 68 ಅರ್ಧಶತಕ=119) ಗಳಿಕೆ.
27. ಟೆಸ್ಟ್ನಲ್ಲಿ ಔಟಾಗುವ ನಡುವೆ ಅತಿ ಹೆಚ್ಚು 497 ರನ್ (241*, 60*, 194*, 2) ಗಳಿಸಿದ ಸಾಧನೆ.
28. ಏಕದಿನದಲ್ಲಿ 3 ಬಾರಿ 175 ಪ್ಲಸ್ ರನ್ ಇನಿಂಗ್ಸ್ ಆಟ.
29. ರಣಜಿ ಟ್ರೋಫಿ, ಇರಾನಿ ಟ್ರೋಫಿ ಮತ್ತು ದುಲೀಪ್ ಟ್ರೋಫಿ ದೇಶೀಯ ಕ್ರಿಕೆಟ್ ಟೂರ್ನಿಗಳಲ್ಲಿ ಆಡಿದ ಮೊದಲ ಪಂದ್ಯದಲ್ಲೇ ಶತಕ ಸಿಡಿಸಿದ ಏಕೈಕ ಆಟಗಾರ.
30. ಭಾರತ ಪರ ಅತಿ ಹೆಚ್ಚು ಟೆಸ್ಟ್ ಗೆಲುವು (70) ಮತ್ತು ಸೋಲು (56) ಕಂಡ ಆಟಗಾರ.
31. ಜಿಂಬಾಬ್ವೆ ಮತ್ತು ಬಾಂಗ್ಲಾ ಹೊರತಾಗಿ ಟೆಸ್ಟ್ ಆಡುವ ಉಳಿದ 7 ರಾಷ್ಟ್ರಗಳ ವಿರುದ್ಧ ಕನಿಷ್ಠ ಒಂದು ಸಾವಿರ ರನ್ ಸಾಧನೆ.
32. ಟೆಸ್ಟ್ನಲ್ಲಿ ಪೂರ್ಣಗೊಂಡ ಇನಿಂಗ್ಸ್ಗಳ ಪೈಕಿ 53 ಬಾರಿ ತಂಡದ ಗರಿಷ್ಠ ರನ್ ಸ್ಕೋರರ್.
33. ಟೆಸ್ಟ್ ಆಡುವ ಎಲ್ಲ 9 ದೇಶಗಳ ವಿರುದ್ಧ ಕನಿಷ್ಠ 2 ಶತಕ ಸಿಡಿಸಿರುವ ಏಕೈಕ ಬ್ಯಾಟ್ಸ್ಮನ್.
34. ಆರಂಭಿಕನಾಗಿ ಸೌರವ್ ಗಂಗೂಲಿ ಜತೆ ಅತಿ ಹೆಚ್ಚು ರನ್ (6,609), ಶತಕದ (21) ಜತೆಯಾಟ.
35. ಏಕದಿನದಲ್ಲಿ ಶ್ರೀಲಂಕಾ (3,113) ಮತ್ತು ಆಸ್ಟ್ರೆಲಿಯಾ ವಿರುದ್ಧ (3,077) 3 ಸಾವಿರಕ್ಕಿಂತ ಹೆಚ್ಚು ರನ್ ಗಳಿಸಿದ ಸಾಧನೆ.
36. ಕ್ಯಾಲೆಂಡರ್ ವರ್ಷವೊಂದರಲ್ಲಿ (1998) ಅತಿ ಹೆಚ್ಚು 9 ಏಕದಿನ ಶತಕ ಸಾಧನೆ.
37. ಅತಿ ಹೆಚ್ಚು 6 ವಿಶ್ವಕಪ್ಗಳಲ್ಲಿ (1992ರಿಂದ 2011) ಆಡಿದ ದಾಖಲೆಯಲ್ಲಿ ಪಾಕಿಸ್ತಾನದ ಜಾವೇದ್ ಮಿಯಾಂದಾದ್ ಜತೆ ಸಮಬಲ.
38. ಏಕದಿನ ವಿಶ್ವಕಪ್ನಲ್ಲಿ ಅತಿ ಹೆಚ್ಚು ರನ್ (2,278), ಶತಕ (6), ಅರ್ಧಶತಕ (15) ಸಿಡಿಸಿರುವ ಬ್ಯಾಟರ್.
39. ಒಂದೇ ವಿಶ್ವಕಪ್ನಲ್ಲಿ (2003) 2ನೇ ಗರಿಷ್ಠ 673 ರನ್ ಗಳಿಸಿದ ಸಾಧನೆ.
40. ಟೆಸ್ಟ್ನಲ್ಲಿ 20 ಬಾರಿ 150 ಪ್ಲಸ್ ಇನಿಂಗ್ಸ್ ಆಡಿದ ಸಾಧಕ.
41. ಏಕದಿನದಲ್ಲಿ 15 ಸಾವಿರಕ್ಕಿಂತ ಹೆಚ್ಚು ರನ್ ಮತ್ತು 150 ವಿಕೆಟ್ ಗಳಿಸಿದ ಏಕೈಕ ಕ್ರಿಕೆಟಿಗ.
42. ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಅತಿ ಕಿರಿಯ (16 ವರ್ಷ, 238 ದಿನ) ಭಾರತೀಯ.
43. ಏಕದಿನದಲ್ಲಿ ಅತಿ ಹೆಚ್ಚು 50 ಪ್ಲಸ್ (49 ಶತಕ+96 ಅರ್ಧಶತಕ) ಇನಿಂಗ್ಸ್.
44. ಟೆಸ್ಟ್ ಕ್ರಿಕೆಟ್ನಲ್ಲಿ 12, 13, 14, 15 ಸಾವಿರ ರನ್ ಪೂರೈಸಿದ ಮೊದಲ ಬ್ಯಾಟ್ಸ್ಮನ್.
45. ಐಸಿಸಿ ಟೆಸ್ಟ್ ಬ್ಯಾಟಿಂಗ್ ರ್ಯಾಂಕಿಂಗ್ನಲ್ಲಿ 10 ವರ್ಷಗಳ ಕಾಲ ಅಗ್ರ 10ರಲ್ಲಿ ಸ್ಥಾನ ಪಡೆದ ಸಾಧನೆ.
46. ಏಕದಿನದಲ್ಲಿ 21 ಆಟಗಾರರೊಂದಿಗೆ 99 ಬಾರಿ 100 ಪ್ಲಸ್ ರನ್ ಜತೆಯಾಟದಲ್ಲಿ ಭಾಗಿ.
47. 129 ಬಾರಿ ಭಾರತ ಪರ ಗರಿಷ್ಠ ರನ್ ಸ್ಕೋರರ್ ಎನಿಸಿದ್ದು ಜಾಗತಿಕ ಏಕದಿನ ಕ್ರಿಕೆಟ್ನಲ್ಲಿ ವಿಶ್ವದಾಖಲೆ.
48. ಭಾರತ ತಂಡ ಗೆದ್ದ ಏಕದಿನ ಪಂದ್ಯದಲ್ಲಿ (234) ಅತಿಹೆಚ್ಚು 11,157 ರನ್, 33 ಶತಕ ಬಾರಿಸಿದ ಹೆಗ್ಗಳಿಕೆ.
49. ಟೆಸ್ಟ್ನಲ್ಲಿ 593 (108 ಸಹ, 485 ಎದುರಾಳಿ), ಏಕದಿನದಲ್ಲಿ 866 (123 ಸಹ, 743 ಎದುರಾಳಿ) ಆಟಗಾರರೊಂದಿಗೆ ಆಟ.
50. ವಿವಿಧ ಕ್ರಿಕೆಟ್ ಪ್ರಕಾರಗಳಲ್ಲಿ (ಟೆಸ್ಟ್, ಏಕದಿನ, ಟಿ20, ಐಪಿಎಲ್, ಚಾಂಪಿಯನ್ಸ್ ಲೀಗ್ ಟಿ20, ವಿಶ್ವಕಪ್, ರಣಜಿ ಟ್ರೋಫಿ) ಗೆಲುವಿನೊಂದಿಗೆ ವಿದಾಯ.
51. ಐಸಿಸಿ ಹಾಲ್ ಆಫ್ ಫೇಮ್ಗೆ ಸೇರ್ಪಡೆಗೊಂಡಿರುವ ಭಾರತದ 6ನೇ ಕ್ರಿಕೆಟಿಗ.