ತೌರಾಬ: ಪ್ರಶಸ್ತಿ ಫೇವರಿಟ್ ಎನಿಸಿರುವ ಟ್ರಿನ್ಬಾಗೊ ನೈಟ್ ರೈಡರ್ಸ್ (ಟಿಕೆಆರ್) ತಂಡ ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿ (ಸಿಪಿಎಲ್) ಸತತ 11ನೇ ಗೆಲುವಿನೊಂದಿಗೆ ಪ್ರಶಸ್ತಿ ಸುತ್ತಿಗೇರಿತು. ಬ್ರಿಯಾನ್ ಲಾರಾ ಸ್ಟೇಡಿಯಂನಲ್ಲಿ ಮಂಗಳವಾರ ನಡೆದ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಟಿಕೆಆರ್ ತಂಡ 9 ವಿಕೆಟ್ಗಳಿಂದ ಜಮೈಕಾ ತಲ್ಲವಾಸ್ ತಂಡವನ್ನು ಸೋಲಿಸಿತು. ಲೀಗ್ ಹಂತದಲ್ಲಿ ಆಡಿದ ಎಲ್ಲ 10 ಪಂದ್ಯಗಳಲ್ಲೂ ಟಿಕೆಆರ್ ಜಯ ದಾಖಲಿಸಿತ್ತು.
ಇದನ್ನೂ ಓದಿ: VIDEO: ಸ್ಟಾರ್ ಕ್ರಿಕೆಟಿಗರ ಬೌಲಿಂಗ್ ಶೈಲಿ ಅನುಕರಿಸುವ ಜಸ್ಪ್ರೀತ್ ಬುಮ್ರಾ..!
ಮೊದಲು ಬ್ಯಾಟಿಂಗ್ ಮಾಡಿದ ಜಮೈಕಾ ತಲ್ಲವಾಸ್, ಅಕೀಲ್ ಹೊಸೀನ್ (14ಕ್ಕೆ 3) ಹಾಗೂ ಖಾರಿ ಪೈರೆ (29ಕ್ಕೆ 2) ಜೋಡಿ ಮಾರಕ ದಾಳಿಗೆ ನಲುಗಿ 7 ವಿಕೆಟ್ಗೆ 107 ರನ್ ಕಲೆಹಾಕಿತು. ಪ್ರತಿಯಾಗಿ ಈ ಸುಲಭ ಮೊತ್ತ ಬೆನ್ನಟ್ಟಿದ ಟಿಕೆಆರ್ ತಂಡ, 15 ಓವರ್ಗಳಲ್ಲಿ 1 ವಿಕೆಟ್ಗೆ 111 ರನ್ಗಳಿಸಿ ಜಯದ ನಗೆ ಬೀರಿತು. ಟಿಕೆಆರ್ ತಂಡದ ಲೆಂಡ್ಲೆ ಸಿಮ್ಮನ್ಸ್ (54*ರನ್, 44 ಎಸೆತ, 6 ಬೌಂಡರಿ, 2 ಸಿಕ್ಸರ್) ಹಾಗೂ ಟಿಯೊನ್ ವೆಬ್ಸ್ಟೆರ್ (44*ರನ್, 43 ಎಸೆತ, 6 ಬೌಂಡರಿ, 1 ಸಿಕ್ಸರ್) ಜೋಡಿ ಮುರಿಯದ 2ನೇ ವಿಕೆಟ್ಗೆ 97 ರನ್ ಪೇರಿಸಿ, ಇನ್ನು5 ಓವರ್ಗಳು ಬಾಕಿ ಇರುವಾಗಲೇ ತಂಡವನ್ನು ಗೆಲುವಿನ ದಡಕ್ಕೆ ಸೇರಿಸಿತು.
ಇದನ್ನೂ ಓದಿ: ಐಪಿಎಲ್ ವಿರುದ್ಧ ಕಾನೂನು ಹೋರಾಟಕ್ಕೆ ಮುಂದಾದ ಗಾಯಕ!
* ಗಯಾನ ಅಮೆಜಾನ್ ವಾರಿಯರ್ಸ್ ಹಾಗೂ ಸೇಂಟ್ ಲೂಸಿಯಾ ಜೌಕ್ಸ್ ನಡುವೆ ಬುಧವಾರ ಎರಡನೇ ಸೆಮಿಫೈನಲ್ ಪಂದ್ಯ ನಡೆಯಲಿದೆ. ಬಳಿಕ ಗುರುವಾರ (ಸೆ.10) ಫೈನಲ್ ಪಂದ್ಯ ನಡೆಯಲಿದೆ.
ಜಮೈಕಾ ತಲ್ಲವಾಸ್: 7 ವಿಕೆಟ್ಗೆ 107 (ರೊವ್ಮನ್ ಪೊವೆಲ್ 33, ಎನ್ರುಮಾ ಬೊನ್ನೆರ್ 41, ಅಕೀಲ್ ಹೊಸೀನ್ 14ಕ್ಕೆ 3, ಖಾರಿ ಪೈರೆ 29ಕ್ಕೆ 2), ಟ್ರಿನಿಬಾಗೊ ನೈಟ್ ರೈಡರ್ಸ್: 15 ಓವರ್ಗಳಲ್ಲಿ 1 ವಿಕೆಟ್ಗೆ 111 (ಲೆಂಡ್ಲೆ ಸಿಮ್ಮನ್ಸ್ 54*, ಟಿಯೊನ್ ವೆಬ್ಸ್ಟೆರ್ 44*, ಮುಜೀಬ್ ಉರ್ ರೆಹಮಾನ್ 18ಕ್ಕೆ 1).
GOOGLY MAGIC MOMENT – Lendl Simmons and Tion Webster lead the charge to take the Trinbago Knight Riders to the Final. #CPL20 #TKRvJT #RoadToTheFinal #CricketPlayedLouder pic.twitter.com/mnzoBKRLa9
— CPL T20 (@CPL) September 8, 2020
11 out of 11 for @TKRiders! CPL 2020 Finalists! #CPL20 #CricketPlayedLouder #RoadToTheFinal pic.twitter.com/Ax7sYcxM8c
— CPL T20 (@CPL) September 8, 2020