ಸೂರತ್: ಒಂದು ತಿಂಗಳು ಹಿಂದಷ್ಟೇ ತಮ್ಮ ಮಕ್ಕಳ ಮದವೆಗೂ ಮುನ್ನಾ ಓಡಿ ಹೋಗಿ, ಒಂದು ವಾರದ ಬಳಿಕ ಮತ್ತೆ ಕುಟುಂಬ ಸೇರಿದ್ದ ಬೀಗ-ಬೀಗತಿ ಇದೀಗ ಮತ್ತೊಮ್ಮೆ ನಾಪತ್ತೆಯಾಗಿದ್ದಾರೆ ಎಂದು ಭಾನುವಾರ ವರದಿಯಾಗಿದೆ.
ಸೂರತ್ ಮೂಲದ ಹಿಮ್ಮತ್ ಪಾಂಡವ್(46) ಮಗನಿಗೂ ಹಾಗೂ ನವಸಾರಿ ಮೂಲದ ಶೋಭನಾ ರಾವಲ್(43) ಮಗಳಿಗೂ ಜನವರಿಯಲ್ಲೇ ಮದುವೆ ನಿಶ್ಚಯವಾಗಿತ್ತು. ವಿವಾಹ ಸಮಾರಂಭದ ಸಿದ್ಧತೆಯಲ್ಲಿದ್ದ ಎರಡು ಕುಟುಂಬಗಳಿಗೂ ಅಕ್ಷರಶಃ ಶಾಕ್ ಎದುರಾಗಿತ್ತು. ಹಿಮ್ಮತ್ ಪಾಂಡವ್, ಬೀಗತಿ ಶೋಭನಾ ರಾವಲ್ ಜತೆ ಮದುವೆಗೂ ಮುನ್ನ ಓಡಿ ಹೋಗಿದ್ದರು.
ಇದನ್ನೂ ಓದಿ: ವರನ ತಂದೆಯೊಂದಿಗೆ ವಧುವಿನ ತಾಯಿ ಪರಾರಿ: ಮದುವೆ ತಯಾರಿಯಲ್ಲಿದ್ದ ಎರಡು ಕುಟುಂಬಕ್ಕೂ ಶಾಕ್!
ಎರಡು ವಾರದ ಬಳಿಕ ಇಬ್ಬರು ತಮ್ಮ ಮನೆಗಳಿಗೆ ಹಿಂತಿರುಗಿದ್ದರು. ಇದೀಗ ಮತ್ತೊಮ್ಮೆ ಪರಾರಿಯಾಗಿದ್ದಾರೆ ಎಂದು ತಿಳಿದುಬಂದಿದೆ. ಶನಿವಾರ ಇಬ್ಬರು ಮನೆಯನ್ನು ಬಿಟ್ಟಿದ್ದಾರೆ. ಅವರಿಬ್ಬರು ಸೂರತ್ನಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಈ ಸಂಬಂಧ ಕಳೆದ ಬಾರಿ ನಾಪತ್ತೆ ದೂರು ದಾಖಲಾಗಿತ್ತು. ಆದರೆ, ಈ ಬಾರಿ ಯಾವುದೇ ಪೊಲೀಸ್ ದೂರು ದಾಖಲಾಗಿಲ್ಲ.
ಅಂದಹಾಗೆ ಹಿಮ್ಮತ್ ಪಾಂಡವ್ ಸೂರತ್ನ ಕತರ್ಗಾಮ್ನಲ್ಲಿ ಜವಳಿ ಉದ್ಯಮಿಯಾಗಿದ್ದಾರೆ. ಶೋಭನಾ ಗೃಹಣಿಯಾಗಿದ್ದರು. ಇಬ್ಬರ ಮಕ್ಕಳ ಮದುವೆ ಫೆಬ್ರವರಿ ಎರಡನೇ ವಾರದಲ್ಲಿ ನಿಗದಿಯಾಗಿತ್ತು. ಈ ಮುಂಚೆ ಜನವರಿ 10ರಿಂದ ಅವರಿಬ್ಬರು ಕಾಣೆಯಾಗಿದ್ದರೆ ದೂರು ನೀಡಲಾಗಿತ್ತು. ಒಂದು ವಾರದ ಬಳಿಕ ಮರಳಿ ಬಂದಿದ್ದರು. ಇದೀಗ ಮತ್ತೆ ನಾಪತ್ತೆಯಾಗಿದ್ದು ಎರಡು ಕುಟುಂಬಗಳಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.
ಇದನ್ನೂ ಓದಿ: ವರನ ತಂದೆಯಂದಿಗೆ ವಧುವಿನ ತಾಯಿ ನಾಪತ್ತೆ ಪ್ರಕರಣ: ಓಡಿಹೋಗಿದ್ದ ಜೋಡಿ ಏಕಾಏಕಿ ಪೊಲೀಸರಿಗೆ ಶರಾಣಾಗಿದ್ದೇಕೆ?
ಚಿಕ್ಕಂದಿನಿಂದಲೇ ಪರಿಚಯವಿತ್ತು
ಹಿಮ್ಮತ್ ಪಾಂಡವ್ ಹಾಗೂ ಶೋಭನಾ ರಾವಲ್ ಮೊದಲೇ ಪರಿಚಿತರಾಗಿದ್ದರು. ಅವರಿಬ್ಬರು ಬಾಲ್ಯ ಸ್ನೇಹಿತರಾಗಿದ್ದರು ಎಂದು ಕಳೆದ ಬಾರಿಯೇ ಪೊಲೀಸ್ ತನಿಖಾ ವೇಳೆ ವೇಳೆ ತಿಳಿದುಬಂದಿತ್ತು. ಬಹಳ ಹಿಂದೆ ಇಬ್ಬರು ಸೂರತ್ ನಗರದ ಕತರಾಮ್ ಏರಿಯಾದಲ್ಲಿ ಅಕ್ಕಪಕ್ಕದ ಮನೆಯವರಾಗಿದ್ದರು. ಅನೇಕ ಬಾರಿ ಓಡಿಹೋಗಿ ಮದುವೆ ಮಾಡಿಕೊಳ್ಳಲು ಯತ್ನಿಸಿದ್ದರು. ಆದರೆ ಅದು ಸಾಧ್ಯವಾಗಿರಲಿಲ್ಲ. ಬಳಿಕ ಆಕೆಯನ್ನು ಡೈಮಂಡ್ ದಲ್ಲಾಳಿಗೆ ಕೊಟ್ಟು ಮದುವೆ ಮಾಡಿಕೊಡಲಾಗಿತ್ತು. (ಏಜೆನ್ಸೀಸ್)