ಬೆಂಗಳೂರು: ಜಾಗತಿಕವಾಗಿ ಕಾಡುತ್ತಿರುವ ಮಹಾಮಾರಿ ಕರೊನಾ ವೈರಸ್ ಅತ್ಯಂತ ವೇಗವಾಗಿ ಹರಡುತ್ತದೆ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ. ಹೀಗಾಗಿಯೇ ವೈರಸ್ ಜಗತ್ತಿನೆಲ್ಲಡೆ ಪಸರಿಸಿದೆ.
ಸಾರ್ವಜನಿಕ ಸ್ಥಳಗಳಲ್ಲಿ ಆಗಾಗ ಜನರ ಭೇಟಿ ಇದ್ದೇ ಇರುತ್ತದೆ. ಹೀಗಾಗಿ ಸೋಂಕಿನ ಭಯವೂ ತಪ್ಪಿದ್ದಲ್ಲ. ಒಬ್ಬ ಸೋಂಕಿತನಿಂದ ವೈರಸ್ ಹರಡಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೇ ಎಂಬ ಪ್ರಶ್ನೆಯು ಜನಸಾಮಾನ್ಯರಲ್ಲಿ ಕೇಳಿಬರುತ್ತಿದೆ. ಅದರಂತೆ ತಜ್ಞರು ಹೇಳುವ ಮೂಲಕ ವೈರಸ್ ಹರಡಲು 5 ರಿಂದ 50 ನಿಮಿಷಗಳು ಸಾಕೆಂದು ಅಮೆರಿಕದ ಮೆಸ್ಯಾಚುಸೆಟ್ಸ್ ಅಧ್ಯಾಪಕರು ವರದಿಯನ್ನು ನೀಡಿದ್ದಾರೆ.
ಇದನ್ನೂ ಓದಿ: ಚಪ್ಪಲಿ ಹೊಲಿಯೋ ಹುಡುಗ ಎಸ್ಸೆಸ್ಸೆಲ್ಸಿ ಟಾಪರ್: ಇದು ನಿಜವಲ್ಲ, ಆದ್ರೂ ಸುಳ್ಳು ಅನಿಸುವುದೂ ಇಲ್ಲ!
ಇನ್ನು ಸೋಂಕಿತ ಕೆಮ್ಮಿದಾಗ ಎಷ್ಟು ವೈರಸ್ ಕಣಗಳು ಬಾಯಿಯಿಂದ ಆಚೆ ಬರುತ್ತವೆ ಎಂಬುದನ್ನು ತಜ್ಞರು ತಿಳಿಸಿದ್ದು, ಒಮ್ಮೆ ಕೆಮ್ಮಿದರೆ 3 ಸಾವಿರ ವೈರಸ್ನ ಕಣಗಳು ಆಚೆ ಬರುತ್ತವೆ. ಇನ್ನು ಅಕ್ಕಪಕ್ಕ ಇರುವ ಸೋಂಕಿತರು ಒಂದು ಹತ್ತು ಬಾರಿಯೇನಾದರೂ ಕೆಮ್ಮಿದರೆ ಬರೋಬ್ಬರಿ 30 ಸಾವಿರ ವೈರಸ್ ಕಣಗಳ ಆಚೆ ಬರುತ್ತವೆ ಎಂದು ಎಚ್ಚರಿಸಿದ್ದಾರೆ.
ಮೊದಲೇ ಆರೋಗ್ಯ ಸಮಸ್ಯೆ ಹೊಂದಿದ್ದರೆ, ಸೋಂಕು ಬೇಗ ತಗುಲುತ್ತದೆ. ಶಕ್ತಿವಂತ ಹಾಗೂ ಆರೋಗ್ಯಯುತ ಮಾನವನ ದೇಹ ಸೇರಲು 50 ನಿಮಿಷ ಸಾಕು ಎನ್ನುತ್ತಾರೆ ತಜ್ಞರು. ಮಾಸ್ಕ್ ಇಲ್ಲದೇ ಮಾತನಾಡಿದರೆ ವೈರಸ್ ದೇಹ ಸೇರೋಕೆ ಐದು ನಿಮಿಷ ಸಾಕಂತೆ.
ಇನ್ನು ಕೆಮ್ಮಿನ ಕಣಗಳು ಗಾಳಿಯಲ್ಲಿ ಗಂಟೆ 50 ಮೈಲಿ ವೇಗದಲ್ಲಿ ಚಲಿಸುತ್ತವೆ ಮತ್ತು ಸೀನಿದಾಗ 200 ಮೈಲಿ ವೇಗವಾಗಿ ಚಲಿಸುತ್ತವೆಯಂತೆ. ಒಂದು ವೇಳೆ ವೈರಸ್ ಕಣಗಳು ಕೈಮೇಲೆ ಬಿದ್ದು, ಗೊತ್ತಿಲ್ಲದೇ ಕಣ್ಣಿಗೆ ಉಜ್ಜಿಕೊಂಡರೆ ನೂರಾರು ವೈರಸ್ ಕಣಗಳು ದೇಹ ಸೇರುತ್ತವೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
ಇದನ್ನೂ ಓದಿ: ಲಾಕ್ಡೌನ್ ಸಮಯದಲ್ಲಿ ಹಿತ್ತಲಲ್ಲಿ ಬೆಳೆದ ತರಕಾರಿ ತಿಂದವಳಿಗೆ ಕಾದಿತ್ತು ಬಿಗ್ ಶಾಕ್!
ಹೀಗಾಗಿ ಕರೊನಾ ವೈರಸ್ ವಿಚಾರದಲ್ಲಿ ತುಂಬಾ ಎಚ್ಚರಿಕೆ ವಹಿಸುವುದು ಸೂಕ್ತ ಎನ್ನುತ್ತಾರೆ ತಜ್ಞರು. ಮಾಸ್ಕ್ ಇಲ್ಲದೇ ಹೊರ ಹೋಗಬೇಡಿ, ಮಾಸ್ಕ್ ಇದ್ದರೂ ಇನ್ನೊಬ್ಬರೊಂದಿಗೆ ಮಾತನಾಡುವಾಗ ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಎಂದು ಸಲಹೆ ನೀಡಿದ್ದಾರೆ. (ದಿಗ್ವಿಜಯ ನ್ಯೂಸ್)